Morgunblaðið - 15.05.1996, Blaðsíða 20

20 MIÐVIKUDAGUR 15. MAÍ 1996
MORGUNBLAÐIÐ
LISTIR
Bandarískír
bókadagar
Það er hægt að fá bækur um fjöldamorð-
ingja, þróunarsöguna, nýöld og margt fleira
á bandarískum bókadögum í Eymundsson í
Austurstræti. Þröstur Helgason kynnti sér
úrvalið og verðið sem boðið er upp á.
BANDARÍSKIR bókadagar
standa nú yílr í Ey-
mundsson í Austurstræti.
Er þar hægt að fá bækur
í öllum stærðum og gerðum á góðu
verði. Að sögn Jónfinn Joensen,
verslunarstjóra, er lögð áhersla á
að bjóða upp á bækur sem ekki
hafa verið til á íslenkum bókamark-
aði áður. „Þetta eru bækur fyrir
alla, hér er mikið af sagnfræði
ýmiss konar, bókum um dýralíf og
mannlíf en einnig er boðið upp á
talsvert af nýlegum skáldverkum í
kiljuformi." í mars síðastliðnum
voru haldnir danskir bókadagar og
tókust þeir mjög vel að sögn Jón-
finn. „Það verða svo þýskir dagar
í haust. Við ákváðum að ráðast í
þessa nýbreytni vegna þess að eins
og alþjóð veit er frekar lítið um að
vera í íslenskri bókaútgáfu á þess-
um tíma auk þess sem það er sjálf-
sögð þjónusta við kaupendur að
kynna þeim erlendar bækur á við-
ráðanlegu verði.“
Á bókadögunum eru rit af sagn-
fræðilegum toga áberandi. Boðið
er upp á fjölmargar bókaraðir frá
Time-Life-útgáfunni um söguleg
efni, til dæmis Víetnamstríðið sem
sagt er frá í máli og myndum.
Hver bók í þeim flokki kostar 999
kr. Sama verð er á öðrum mjög
forvitnilegum bókaflokki frá Time-
Life sem nefnist True Crime. Er
þar fjallað um ýmiss konar glæpi
og sakamál í máli og myndum; tek-
ur hver bók fyrir ákveðið þema eins
og ráða má af undirtitlum þeirra,
Serial Killers, Assassination, Death
and Celebrity og Most Wanted.
Einnig er hægt að fá sérstakar
bækur um fjöldamorðingja og maf-
íuna. Frá Time-Life er einnig hægt
að fá bókaflokka um náttúrufræði
og nýaldarfræði.
Komin af öpum?
The Origin ofSpecies eftir Charl-
es Darwin seldist upp á fyrsta degi
þegar hún kom út árið 1859. Út-
koma bókarinnar olli mikilli ringul-
reið á meðal vísindamanna og al-
mennings - og gerir jafnvel enn.
„Komin af öpum? Drottinn minn
dýri, við skulum vona að það sé
eícki rétt, en ef svo er, þá fréttir
það vonandi enginn,“ sagði bresk
biskupsfrú þegar hún heyrði kenn-
ingar þessarar „skelfilegu bókar“.
Hana má finna í nýlegri útgáfu
með níutíu svarthvitum myndum,
orðskýringum og sögulegu yfirliti
Darwins sjálfs um hugmyndir
manna um uppruna mannsins á
bandarískum bókadögum á 1.299
kr.
Morgunbladið/Jón Svavarsson
STANDUR með bókaflokkum um Víetnamstríðið, sakamál og
náttúrufræði frá Time-Life-útgáfunni.
HOLMES, Darwin og Churchill fást í ódýrum nýlegum
útgáfum á bókadögunum.
Churchill og Holmes
Winston Churchill var í pólitískri
einangrun á íjórða áratugnum,
einkum vegna gagnrýni sinnar á
tilhliðrunarstefnu Richards Chamb-
erlains gagnvart Hitler. Á þessum
árum byrjaði Churchill, sem varð
persónugervingur baráttunnar
gegn nasismanum í seinna stríði,
að skrifa Sögu enskumælandi þjóða
(e. History of the English-Speaking
ÁLFHEIÐUR Steinþórsdóttir
sagðist ekki vera að leita að
neinu sérstöku á bandarísku
bókadögunum í Eymundsson
en hafði komið auga á safn-
verk um grískar goðsagnir.
Álfheiði leist vel á þetta fram-
tak Eymundssonar, að efna
til erlendra bókadaga af
þessu tagi.
Peoples). Bókinni lauk hann ekki
fyrr en eftir að hafa leitt banda-
menn til sigurs í seinna stríði og
er hún því summa hugsunar og
skrifa þessa eins mesta stjórnmála-
skörungs aldarinnar í tvo áratugi.
Bókin, sem upphaflega kom út í
fjórum bindum, fæst á bókadögun-
um í nýrri útgáfu í einu bindi með
atriðisorðaskrá á 999 kr.
Sir Arthur Conan Doyle skrifaði
fjórar skáldsögur og fimmtíu og sex
smásögur af einum frægasta einka-
spæjara bókmenntasögunnar,
Sherlock Holmes. Heildarútgáfu
þessara verka með inngangi og
ýmsu ítarefni má fá á einni bók á
bókadögunum á 3.000 kr.
Bandarískir bókadagar í Ey-
mundssor, standa fram í lok maí.
1
t
>
[
i
í
I
t
í
l
Himnaríki Árna Ibsens fer á Tvíærmginn í Bonn
Eins og að
vinna til
verðlauna
H AFN ARF J ARÐ ARLEIKHÚ S-
INU hefur verið boðið að sýna
Himnariki (Geðklofinn gamanleik)
á Tvíæringnum í Bonn 6. júní
næstkomandi. Samkvæmt Árna
Ibsen, höfundi verksins, er hér um
verulega upphefð að ræða enda
ku tvíæringur þessi vera virtasta
leiklistarhátíð heims, sem einbeit-
ir sér að samtímaleikritun. Upp-
selt er á sýninguna.
Tvíæringurinn í Bonn er stór í
sniðum - 26 uppfærslur frá 20
Evrópulöndum verða í brennidepli
dagana 6.-16. júní og verður fjöl-
breytnin sem endranær i fyrir-
rúmi. Hátíðin er haldin af
Schauspiel Bonn í samvinnu við
Evrópska leikhúsþingið en þýska
innan- og utanríkisráðuneytið
stendur straum af kostnaði, ásamt
Schauspiel Bonn. Verndari tvíær-
ingsins er Roman Herzog, forseti
Þýskalands.
Markmið hátíðarinnar er, að
sögn Árna Ibsens, að safna því
nýjasta í evrópskri leikritun sam-
an á einum stað. Fjöldi leikhús-
fólks hvaðanæva úr heiminum
sæki hátíðina, auk þess sem fjallað
sé ítarlega um hana í flestum
helstu leikhústímaritum heims.
„Það er nánast eins og að vinna
til verðlauna að komast á þessa
hátíð, enda fylgir henni veruleg
kynning. í boðinu felst meðal ann-
ars þýðing, þar sem verkin á hátíð-
inni eru þýdd jafnóðum fyrir
Morgunblaðið/Kristinn
ATRIÐI úr leikritinu Himnaríki, sem sýnt verður í Bonn.
áhorfendur á sýningum," segir
Árni.
Vonast hann til að þýska þýð-
ingin á Himnaríki verði gefin út
innan tíðar en auk þess er dönsk
þýðing Eriks Skyum-Nielsens
væntanleg á markað.
Vel tekið í Svíþjóð
Aðstandendur Himnaríkis eru
nýkomnir heim frá Svíþjóð, þar
sem verkið tók þátt í leikhúsdög-
um Riksteatern í Stokkhólmi -
eitt fárra erlendra verka. „Við
sýndum tvær sýningar þar fyrir
troðfullu húsi og fengum stórkost-
legar móttökur. Svíunum fannst
ekki einungis til um verkið heldur
jafnframt þennan kraftmikla leik
sem er í sýningunni. Frammiköllin
voru þvi fjölmörg og það er óhætt
að segja að við séum alsæl eftir
þessa ferð.“
Ekkert lát er því á velgengni
Himnaríkis en skyldu viðtökurn-
ar sem leikritið hefur fengið,
bæði hér heima og erlendis, hafa
komið höfundinum í opna
skjöldu? „Það er erfitt að segja
enda getur maður eiginlega aldr-
ei gert sér neinar hugmyndir um
viðtökur fyrirfram. Þegar maður
hefur verið á kafi í æfingum verð-
ur maður óhjákvæmilega ónæm-
ur fyrir þvi hvað sé í vændum.
Viku fyrir frumsýningu á Himna-
ríki fannst mér til dæmis geta
brugðið til beggja vona um við-
tökur.“
Árni Ibsen hefur í mörg horn
að líta um þessar mundir en hafn-
ar eru æfingar á nýjasta leikriti
hans, Ef væri ég gullfiskur, hjá
Leikféiagi Reykjavíkur. Verður
það fyrsta frumsýning afmælis-
leikárs félagsins í september.
8. stigs tónleikar
Söngskólans
ÚTSKRIFTARNEMENDUR
SJÖ af nemendum
Söngskólans í Reyklja-
vík tóku í vetur 8. stigs
próf í einsöng, loka-
próf úr almennri deild
skólans. Lokaáfangi
prófsins eru einsöngs-
tónleikar sem verða
fimmtudaginn 16.
maí, uppstigningar-
dag, í, íslensku óper-
unni.
Tónleikarnir verða
tvennir: Fyrri tónleik-
arnir hefjast kl. 15.
Þar koma fram Jón
Rósmann Mýrdal bari-
tón, Kristbjörg Kari
Sólmundsdóttir sópr-
an, Kristjána Stefáns-
dóttir sópran og Soffía
Stefánsdóttir mezzo-
sópran, ásamt píanó-
leikurunum Elínu Guð-
mundsóttur, Kolbrúnu
Sæmundsdóttur og
Ólafi Vigni Alberts-
syni.
Á seinni tónleikun-
um kl. 20.30 koma
fram Diljá Sigursveinsdóttir sópr-
an, Guðbjörg R. Tryggvadóttir
sópran og Rein A. H. Korshamm
baritón ásamt píanóleikurunum
Hólmfríði Sigurðardóttur, Iwonu
Jagla og Ólafi Vigni Albertssyni
og gítarleikaranum Þresti Þor-
björnssyni.
Á efnisskrá beggja tónleikanna
Söngskólans í Reykjavík.
eru islensk og erlend sönglög og
aríur, þverskurður þeirra verkefna
sem nemendur hafa unnið í námi
sínu við Söngskólann í Reykjavík
undanfarin ár. Píanóleikararnir
eru allir kennarar við Söngskólann
í Reykjavík.
Aðgangur að tónleikunum er
öllum heimill og ókeypis.
1
i
.
i
I
i
I
I
j
«
i