Morgunblaðið - 16.05.1996, Blaðsíða 1
1
I
BLAÐ ALLRA LANDSMANNA
pltrigíMiMa&iiíí
C
1996
FIMMTUDAGUR 16. MAI
BLAÐ
Tryggva boð-
ið til Kína
TRYGGVA Nielsen, íslandsmeistara í bad-
minton, barst í gær boð um tveggja vikna
dvöl í æfingabúðum í Kína fyrir badminton-
menn 21 árs og yngri, á vegum Evrópusam-
bandsins í badminton.
Badmintonsamband Evrópu (EBU) velur
16 manna hóp til ferðarinnar og þar af er
sex bestu Evrópuþjóðunum uthlutað 12 sæt-
um fyrirfram. Hin fjögur sætin eru fyrir
keppendur frá öðrum Evrópuþjóðum, þann-
ig að það er til vitnis um góða stöðu Tryggva
í þessum aldursflokki í álfunni að honum
skuli boðið, því valið er eftir styrkieika.
Ferðin til Kina stendur frá 24. júlí til 8.
ágúst i sumar.
HANDKNATTLEIKUR
HSÍ skuldar 74 milljónir en
á útistandandi 36 milljónir
Oskað eftir stuðningi ríkisvaldsins og þjóðarátaki til að bjarga sambandinu
Handknattleikssamband ís-
lands skuldar 74,3 millj. kr.
en á útistandandi tæplega 36 millj-
ónir króna og þar af um 33 millj.
kr. vegna Heimsmeistarakeppn-
innar í fyrra. Höfuðstóllinn er nei-
kvæður um 35,3 millj. kr. en í fjár-
hagsáætlun fyrir næsta ár er gert
ráð fyrir tæplega 500 þús. kr.
hagnaði og engum niðurgreiðslum
lána.
Þetta kom fram á ársþingi HSÍ,
sem hófst í Valsheimilinu að
Hlíðarenda í gærkvöldi og lýkur í
dag. í áritun endurskoðenda reikn-
inga sambandsins kemur fram að
áframhaldandi rekstur þess sé
háður afstöðu lánadrottna til
starfseminnar en um það ríki mik-
il óvissa. Ólafur B. Schram, for-
maður HSÍ, sagði í skýrslu stjórn-
ar að skuldastaðan væri slík að
varla yrði haldið áfram við óbreytt-
ar aðstæður. „Vegna erfiðleika í
kjölfar Heimsmeistarakeppninnar
hefur stjórn sambandsins óskað
eftir stuðningi frá ríkisstjórn ís-
lands. Nokkrir fundir hafa þegar
farið fram með þingmönnum og
ráðherrum og gerir stjórn sam-
bandsins sér vonir um að þessi
mál skýrist verulega á næstu vik-
um.“
Engar umræður urðu um
skýrslu stjórnar og reikninga sem
voru samþykktir með öllum
greiddum atkvæðum. Ellert B.
Schram, forseti íþróttasambands
Íslands, sagði að framkvæmd HM
hefði tekist mjög vel en sigið hefði
á ógæfuhliðina vegna vanskila og
vanefnda. Fjárhagsvandamálið
væri mjög alvarlegs eðlis og ekki
væri um einkamál handknattleiks-
forystunnar að ræða heldur allrar
íþróttahreyfingarinnar og henni
bæri skylda til að taka þátt í lausn
málsins. „Handknattleikurinn á
ítök á meðal þjóðarinnar, þetta er
nánast þjóðaríþrótt. íslendingar
vilja veg handknattleiksins sem
mestan og höfða verður til þjóðar-
innar við lausn vandans." Hann
sagði ennfremur að ÍSÍ hefði tekið
á málinu með HSÍ af fullri ábyrgð
og myndi veita alla mögulega
ábyrgð. Öllu skipti við lausn máls-
ins að horfa til framtíðar frekar
en finna blóraböggla og söku-
dólga.
Júlíus Hafstejn, formaður
Ólýmpíunefndar Islands, tók í
sarna streng. Rætt væri um að
HSÍ væri að verða gjaldþrota en
það væri verkefni allra að koma
í veg fyrir það. „Þetta er mál sem
allir eiga að taka á og við munum
standa með ykkur í að reyna að
bjarga þessu.“ Hann sagði að nið-
urskurður væri sár en óhjákvæmi-
legur en samstaða yrði að vera
um að vinna bug á vandamálinu.
■ Blásið.../C2
Lárus Orri og félagar
ekki á Wembley
LÁRUS Orri Sigurðsson og félagar hans hjá Stoke náðu ekki að
tryggja sér farseðilinn á Wembley, til að leika um sæti í úrvals-
deildinni. Stoke tapaði í gærkvöldi heima fyrir Leicester, 0:1,
eftir markalaust jafntefli á Filbert Street. Leicester mætir Cryst-
al Palace á Wembley, þar sem Crystal Pala vann Charlton heima
1:0 og samanlagt 3:1.
'
KNATTSPYRNA
Morgunblaðið/Sverrir
Annar kossinn!
BLIKASTÚLKURNAR fögnuðu sínum öðrum sigri á stuttum tíma, þegar þær urðu meistarar meistar-
anna á Ásvöllum í Hafnarfirði í gærkvöldi - lögðu bikarmeistara Vals 3:0. Margrét Sigurðardóttir,
fyrirliði, kynnir hér bikarinn sem Blikastúlkurnar tryggðu sér. Þær tryggðu sér sigur í deildarbikar-
keppninni á Ásvöllum í sl. viku. Vinstra megin við fyrirliðann er Katrín Jónsdóttir og hinum megin
fylgist Vanda Sigurgeirsdóttir, þjálfari þeirra, með.
■ Leikurinn / C2
KNATTSPYRNA: SKAGAMENN FYRSTU DEILDARBIKARMEISTARARNIR / C3