Morgunblaðið - 18.05.1996, Blaðsíða 3
MORGUNBLAÐIÐ
LAUGARDAGUR 18. MAÍ 1996 D 3
VERK á sýningunni
eftir Hannu Valsanen.
Hið andlega
í listinni
MAGNÚS KJARTAN SSON,
myndlistarmaður, tekur þátt í
sýningu í Sveaborg í Finnlandi
sem hefur yfírskriftina Um hið
andlega í iistinni og hefst 25.
maí. Það telst mikilvægt í
sundruðum heimi nútímans að
reyna að komast í snertingu
við hið andlega í listinni. Á
þessari sýningu verða verk
eftir nokkra listamenn sem
hafa leitað til trúarinnar eftir
svörum við lífsgátunni. Hið
andlega er sett í víðara sam-
hengi. Ekki er reynt að miðla
guðfræðilegum túlkunum til
almennings heldur að bjóða
upp á yfírskilvitlega upplifun,
að hefja hugann upp fyrir hið
veraldlega.
í febrúar síðastliðnum var
sýningin í Athens Art Center
í Grikklandi en ásamt Magn-
úsi taka þátt í henni AnnaKar-
in Bylund, Olav Christopher
Jenssen, Bjorn Norgaard og
Hannu Válsánen.
Vorsýningu
Myndlista-
og handíða-
skóla Islands
að ljúka
„MYNDLISTA- og handíða-
skóli íslands tilkynnir hér með
lokun Vorsýningar 1996,
sunnudaginn 19. maí kl. 16 til
18 í Listaskólahúsinu, Laugar-
nesvegi 91. Sýningarstjóri
Vorsýningar 1996, Anna Ey-
jólfsdóttir myndhöggvari, og
Halldór Björn Runólfsson
skorarstjóri Listfræðideildar
munu bjóða gesti velkomna og
ræða stuttlega um sýninguna.
Útskriftarnemar verða á
staðnum, tilbúnir að kynna og
svara fýrirspurnum um verk
sín.
Lokun Vorsýningarinnar er
hugsuð sem lokapunktur
námstíma útskriftarnemanna
við skólann. Jafnframt markar
hún upphaf þess sambands
sem þeir munu hafa við list-
heiminn utan skólans sem
sjálfstætt listafólk. Það er við
hæfi að loka sýningu útskrift-
arnemanna með því að gefa
þeim tækifæri til að hitta þá
aðila, sem sjá um kynningu,
sýningu og sölu myndlistar og
ræða um verk sín við þá.
Nemendur og starfsfólk
Myndlista- og handíðaskóla
íslands vona að lokun Vorsýn-
ingar 1996 verði þarft innlegg
í myndlistarlíf og myndlistar-
umræðu landsins á þessu
vori,“ segir í frétt frá skólan-
um.
Sumarsýning
í einn dag
GALLERÍ Listsnilli, Reykja-
vikurvegi 62 í Hafnarfirði, er
með sumarsýningu sunnudag-
inn 19. maí kl. 14-17. Þar
sýna 15 handverks- og lista-
menn verk sín.
Gámar 96 - dönsk listasýning frá 96 hafnarborgum
„Þakka þér fyrir framlag
þitt til listarinnar“
"TVAÐA augum á að líta 96
I | gáma, sem eru fullir af
list frá jafnmörgum
hafnarborgum? „Gámamir eru
tákn heims án landamæra, fjölda-
framleiddir eins og svo margt af
því sem umkringir okkur daglega,
en með því að þeir eru fylltir af
list eru þeir orðnir annað og meira
en gámar, orðnir sérstakir og ólík-
ir öllu öðru.“ Trevor Davis fram-
kvæmdastjóri menningarársins í
Kaupmannahöfn átti ekki í vand-
ræðum með að lýsa sýningunni
Container 96 eða
Gámar 96, þegar
hann lýsti henni
fyrir blaðamönn-
um, en sýningin er
einn helsti listavið-
burður menningar-
sumarsins. Reykja-
vík er með og gerði
Þorvaldur Þor-
steinsson listamað-
ur og rithöfundur
innviði íslenska
skálans. Heima fyr-
ir er Þorvaldur
kunnur rithöfund-
ur, ekki síst fyrir
Skilaboðaskjóðuna,
en erlendis hefur
Heill gámabær hefur risið við höfnina í
Kaupmannahöfn, þar sem ýmsa dreymir
um að reisa hús í líkingu við óperuhúsið
í Sydney. Gámabærinn hýsir þó ekki fólk,
heldur listaverk. Sigrún Davíðsdóttir hitti
Þorvald Þorsteinsson listamann þar og leit
einnig víðar í kringum sig.
Ljósmynd/Maria Olsen
ÞORVALDUR Þorsteinsson við símann
í gáminum sinum.
hann vakið athygli á sviði mynd-
listar.
Viku fyrir opnun voru lista-
mennirnir flestir mættir á staðinn
til að ganga frá gámunum sínum.
Gámunum er komið fyrir á hafnar-
svæðinu, eins og viðeigandi er,
norðan við litlu hafmeyjuna, þar
sem risið hefur heilt gámaþorp.
Einstakir heimshlutar mynda sam-
stæður gáma, ýmist tví- eða þrí-
lyftar, tengdar saman með brúm
og stigum. Skipulagsmál hafnar-
innar hafa verið deilumál borgar-
stjórnarinnar undanfarna áratugi,
en einmitt á þessu svæði hefur
danski arkitektinn Utzon lagt til
að reist verði hús yfir einhveija
menningarstarfsemi og húsið vildi
hann gjarnan teikna. Eitt sköpun-
arverka hans er óperuhúsið í Sydn-
ey, en enn er alls óráðið hvort
Kaupmannahöfn á eftir að eignast
jafn víðfræga byggingu og Syd-
neybúar.
Gámaþorpið
Þrjátíu sýningarstjórar voru
beðnir að velja listamenn og hver
þeirra hafði ákveðinn heimshluta
á sinni könnu. Norður-Atlantshafs-
svæðið kom í hlut Belgans Florent
Bex og Skotans Paul Nesbitt. Nes-
bitt segir íslenska samtímalist vel
þekkta meðal þeirra sem fylgjast
með evrópskum listum, því margir
íslendingar hafi lært í Hollandi og
annars staðar í Evrópu og verk
Þorvalds þekki hann frá evrópsk-
um sýningum.
Verk Þorvalds heitir „Phone“,
Sími. í gáminum hefur verið settur
upp almenningssími, sem er tengd-
ur. Auk leiðbeininga um notkun
símans hangir uppi nafnið á borg-
unum, sem koma við sögu á sýn-
ingunni, svæðisnúmer þeirra og
setningin „Þakka þér fyrir þitt
framlag til listarinnar“ á máli
hverrar borgar. Hugmyndin er að
sýningargestir geti hringt í ein-
hvern og þakkað framlag hans til
listarinnar. Til að létta gestum
verkið er hilla með símaskrám
borganna. Hinir listamennirnir
voru beðnir um að taka með sér
eintak að heiman. Það reyndist þó
ekki einfalt mál fyrir alla, því víða
fær hver símnotandi aðeins eitt
eintak af símaskránni og grunsam-
legt þykir að biðja um fleiri. Á
heimskorti geta svo gestir gert sér
grein fyrir legu borganna.
Um íslenska framlagið segir
Nesbitt að sér þyki það áhugavert
í samhengi við önnur verk á sýn-
ingunni, þar sem Þorvaldur velti
fyrir sér uppsprettum og efni á
ÞÓRHILDUR Danadrottning heimsótti
sýninguna.
frumlegan hátt, ólíkan öðru fram-
lagi. Og Bex bætir við að Þorvald-
ur spili skemmtilega á margræðni
samskipta og leiði hugann út í
heim.
Þorvaldur segist sjálfur hafa
reynt að einskorða sig ekki við
gáminn, heldur hugleiða eðli sýn-
ingarinnar og þýðingu þess að taka
þátt í henni. En verkið er einnig
nokkurs konar framhald fyrri
verka, þar sem hann hefur velt
fyrir sér samhengi listar og veru-
leika eins og þegar hann lét kalla
upp nöfn allra íbúa Kotka í Finn-
landi úr tumi á bæjartorginu og
þakka þeim persónulega fyrir
framlag þeirra til listarinnar. Á
sýningunni nú er gestum hins veg-
ar gefið tækifæri til að þakka fýrir.
Þorvaldur bendir á símaskrárnar
í hillunni og segist aldrei hafa séð
símaskrár svo víða að. Hér er raun-
veruleikinn ómengaður, alvöru fólk
með alvöru heimilsföng og síma-
númer, „enginn CNN-veruleiki...“.
Sem við stóðum og ræddum verkið
var fólk þegar tekið að koma til
að hringja. Við hliðina á símanum
liggur auð bók, þar sem fólk getur
skrifað nöfn sín og heimilisföng
og hvert hringt er, svo sjálf bókin
verður áhugaverð heimild um
framvindu verksins.
Færeyski gámurinn:
Saltfiskur í gleri
Ofan á íslenska gáminum er
færeyski gámurinn þar sem Trónd-
ur Patursson hefur hengt saltfísk
við innganginn, er lokaður er af
með bláum glervegg með saltfísk-
móti. Þegar inn kemur blasir við
forkostuleg sjónhverfing glers og
spegla. Veggirnir eru glerflekar í
bláum og svörtum tónum og með
því að mynstur er skorið í gáma-
veggina streymir ljósið í gegnum
glerið, því líkt og Þorvaldur hefur
Tróndur þurft að
komast út fyrir
gáminn. „Það
hentar ekki Færey-
ingum að láta loka
sig inni í gámi.“
Og upp úr og niður
speglast víddirnar
ómældar, því í gólfí
og lofti eru lagðir
speglar í blý.
„Fiskifræðingarnir
eru að segja að það
sé ekki nógur físk-
ur í sjónum, en
sjáðu . . . Hér er
fullt af físki . . .“
Og mikið rétt. Þeg-
ar rýnt er í dýpið
mynda speglaformin óendanlegar
fiskitorfur og enginn kvóti á þeim.
Til að feta sig út á dýpið verða
gestir að draga á fætur sér bláa
pijónaskó, sem kona listamannsins
hefur pijónað.
Landsstjórnin færeyska hefur
keypt gáminn hans Trónds. Á vet-
urna mun hann standa við Fær-
eyjahúsið, en á sumrin við bryggj-
una og þegar landsstjómin vill
vekja athygli á Færeyjum erlendis
verður gámurinn góði sendur
þangað í kynningarskyni. Hug-
mynd er uppi um að norrænu gám-
arnir verði sendir um Norðurlönd-
in, en hvort af því verður er enn
óljóst.
Það bregður margs konar efni
og hugsunum fyrir í öðrum gám-
um. Fleiri leika sér með samhengi
listar og veruleika, til dæmis Guil-
laume Bijl, sem sett hefur upp
skrifstofu fyrir glataða muni í sín-
um gám. Ymsir þátttakendur frá
Asíu eru á þjóðlegu nótunum líkt
og Tróndur og leika sér að þjóðleg-
um arfi sínum. Heimsókn á gáma-
sýninguna gefur ekki aðeins inn-
sýn í 96 gáma, heldur list frá 96
ólíkum heimshornum og sú innsýn
varir fram á haust.
„Veistu hver
þú ert þegar
þú sefur?“
HARPA Björnsdóttir setur upp
myndlistarsýningu í öllum stræt-
isvögnum á leið 3 dagana 18.
maí til 21. júní. Yfirskrift sýning-
arinnar er „veistu hver þú ert
þegar þú sefur?“ og fara saman
myndir og orð.
Þessi sýning er framlag Hörpu
til Listahátíðar. Á hverjum degi
verður sett upp nýtt verk í vögn-
unum á leið 3, þannig að þeir sem
ferðast með þeim daglega hafa
sífellt nýtt verk fyrir augum.
Menningarmálanefnd Reykja-
víkur og fyrh'tækið Eureka
styrktu uppsetningu sýningar-
innar. Harpa hefur starfað að
myndlist i mörg ár og haldið
fjölda einkasýninnga og tekið
þátt í mörgum samsýningum.
Þetta er hennar 17. einkasýning.