Morgunblaðið - 19.05.1996, Qupperneq 1
88 SIÐUR B/C/D
112. TBL. 84.ÁRG.
SUNNUDAGUR 19. MAÍ 1996 PRENTSMIÐJA MORGUNBLAÐSINS
Jeltsín leitar samkomu-
lags við andstæðinga
Krasnojarsk, Rússlandi. Reuter.
BORIS Jeltsín, forseti Rússlands, kvaðst í
gær reiðubúinn til að grípa til málamiðlunar
til að fá stuðning fijálslynda hagfræðingsins
Grígorís Javlinskís, forsetaframbjóðanda og
leiðtoga umbótasinna, ef það mætti verða
til þess að umbótum yrði haldið áfram í
Rússlandi.
Jeltsín ávarpaði í gær tvö þúsund manns
á kosningafundi í bænum Krasnojarsk í Sí-
beríu og kvaðst reiðubúinn til að semja við
Javlinskí, en það væri hægara sagt en gert.
Flestar kröfur aðgengilegar
„Ég bauð honum stöðu aðstoðarforsætis-
ráðherra og yfirmanns umbóta, hans óska-
barns, en hann vill starf forsætisráðherra,"
sagði Jeltsín. „Hann er of stoltur til að taka
[aðstoðarforsætisráðherrastöðuna]. Ég á
erfitt með að ganga að sumum krafna hans,
en flestar eru aðgengilegar.“
Jeltsín sagði að Javlinskí gerði einnig víð-
tæka uppstokkun í stjórninni og breytingar
á efnahagsáætluninni að skilyrði fyrir því
að hann drægi framboð sitt til baka.
Nokkrir áheyrenda skoruðu á Jeltsín að
verða við óskum Javlinskís.
„Samþykktu, Borís Nikolajevits, láttu
hann fá það, sem hann vill. Það er þess virði,“
hrópaði ung kona.
Jeltsín lítur á framboð sitt til endurkjörs
í kosningunum 16. júlí sem krossferð gegn
kommúnistum, sem undir forystu Gennadís
Zjúganovs hafa lengst af haft forystu sam-
kvæmt skoðanakönnunum. Jeltsín hefur hins
vegar verið að sækja í sig veðrið, ekki síst
vegna ýmissa kosningaloforða á borð við
yfirlýsingu hans á föstudag um að afnema
herskyldu.
Samkvæmt skoðanakönnun, sem birtist á
föstudag, hefur Jeltsín nú fjögurra prósentu-
stiga forskot á Zjúganov. Það er hins vegar
vart marktækur munur. Javlinskí nýtur
stuðnings um átta af hundraði kjósenda sam-
kvæmt könnunum og gæti stuðningur ftjáls-
lyndra því orðið Jeltsín lyftistöng.
Jeltsín kvaðst vonast til að ná samkomu-
lagi við Javlinskí, en bætti við: „Ég er reiðu-
búinn til sameiningar við hvern sem er. Ég
er reiðubúinn til að mynda samsteypustjórn
þannig að allir flokkar og öll samtök verði
til staðar. Ég er ekki að ýta neinum til hlið-
ar . . . markmiðið er að koma í veg fyrir
að þeir, sem vilja ekki umbætur, hrifsi völd-
in.“
ÞAÐ VAR sannkölluð veisla fyrir múkk-
ann þegar Páll Jósteinsson og Gestur
Bjarnason á Jónu Björgu frá Sandgerði
Mávaveisla
Morgunblaðið/Árni Sæberg
reru til fiskjar í maíblíðunni. Páll og
Gestur voru á handfæraveiðum skammt
undan Eldey þegar myndin var tekin.
Karadzic ögrar
Vesturlöndum
RADOVAN Karadzic, leiðtogi Bosníu-
Serba, skipaði i gær Gojko Klickovic,
aðstoðarheilbrigðisráðherra, forsætis-
ráðherra í stað Rajkos Kasagic, sem
hann rak fyrir að styðja friðarferlið í
Bosníu. Klickovic er harðlinumaður og
er skipan hans, sem staðfest var á sér-
stökum næturfundi þings Bosníu-Serba
í Pale, talin ögrun við Vesturlönd.
Richard Holbrooke, fyrrverandi
samningamaður Bandaríkjamanna,
sagði að friðurinn væri úti leyfðist
Karadzic að losa sig við Klickovic.
Mótmæla hval-
veiðum Noregs
BANDARÍKJAMENN mótmæltu í gær-
morgun fyrirætlunum Norðmanna um
að hefja hvalveiðar í ágóðaskyni í Atl-
antshafi í þessari viku.
Bandaríkjasljórn sagði í yfirlýsingu
að vísindalegar forsendur skorti fyrir
hrefnukvóta þeim, sem Norðmenn
hefðu ákveðið, þar eð ekki hefði verið
leitað til vísindamanna Alþjóðahval-
veiðiráðsins. Einnig lýstu Bandaríkja-
menn yfir áhyggjum vegna frétta um
að Norðmenn hefðu flutt út hvalkjöt
með ólöglegum hætti.
, Reuter
UNGFRU alheimur 1996.
Ungfrú alheimur
frá Venezuela
ALICIA Machado, fegurðardrottning
frá Venezuela, sigraði í keppninni
Ungfrú alheimur, sem haldin var í Las
Vegas í Bandaríkjunum í fyrrakvöld.
Taryn Marsell frá Aruba var í öðru
sæti og Lola Odusoga frá Finnlandi í
því þriðja. Hrafnhildur Hafsteinsdóttir,
fegurðardrottning íslands 1995, tók
þátt í keppninni fyrir íslands hönd. Hún
komst ekki í úrslit.
Ráðleysi
vegna
forystu
kreppu
10-11
Skólinn sem
skaraði framúr
FENGU 7.000 ÞÝSKA
FERÐAMENN TIL ÍSLANDS
UNGVERJANS