Morgunblaðið - 19.05.1996, Blaðsíða 4

4 SUNNUDAGUR 19. MAÍ 1996
MORGUNBLAÐIÐ
VIKAN 12/5 -18/5.

INNLENT
► HERVAR Gunnarsson
annar varaforseti AJþýðu-
sambands íslands og for-
maður Verkalýðsfélags
Akraness hefur tilkynnt að
hann gefi kost á sér í kjöri
forseta ASÍ á þingi sam-
bandsins sem hefst á morg-
un. Benedikt Daviðsson
forseti ASÍ lætur ekkert
uppi um áform sín.
► JULIAN Duranona,
Kúpumaðurinn sem lék
handknattleik með KA i
vetur, fær íslenskan ríkis-
borgararétt ásamt nokkr-
um öðrum erlendum
íþróttamönnum að tillögu
allsherjamefndar AJþing-
is. Getur Duranona þá leik-
ið með íslenska landsliðinu,
verði hann til þess valinn.
Þ- BORGARYFIRVÖLD í
Reykjavík hafa ákveðið að
ganga til viðræðna við
Knattspymusamband ís-
lands um að sambandið
taki við rekstri Laugar-
dalsvallar og sjái um og
fjármagni framkvæmdir
þar. Eggert Magnússon
formaður KSÍ kveðst mjög
ánægður yfir þessa þróun
mála. _
► MÖRG nótaveiðiskipin
sem eru við veiðar í Síldar-
smugunni hafa orðið fyrir
tilfinnanlegu veiðarfæra-
tjóni. Síldin hefur staðið
djúpt og hafa sjómennimir
átt í erfiðleikum með að
fá hæfilega stór köst. Tölu-
vert hefur þó borist á land,
og allt farið í bræðslu.
► ÍA varð fyrsti deildar-
bikarmeistari karla í
knattspyrnu eftir sigur
gegn Breiðablik. KR varð
Reykjavíkurmeistari
þriðja árið í röð, eftir sigur
á Fylki. Breiðablik er
deildarbikarmeistari og
meistari meistaranna í
kvennaflokki.
Bjargaði eiginkonu
og börnum úr brenn-
andi húsi
MAÐUR bjargaði eiginkonu sinni og
tveimur börnum þeirra, eins og fimm
ára gömlum, úr brennandi húsi við
Nönnugötu aðfaranótt miðvikudags,
eftir að hann og móðir barnanna höfðu
komist út af sjálfsdáðum. Maðurinn
braut glugga til þess að komast inn
í húsið aftur og skarst töluvert á hönd-
um. Öll fjölskyldan var flutt á sjúkra-
hús til aðhlynningar vegna reykeitrun-
ar en fólkið er á batavegi.
Trésmiðja brann til
grunna í Hafnarfirði
TUGMILUÓNA króna tjón varð í
stórbruna í Glugga- og hurðasmiðju
Sigurðar Bjarnasonar við Dalshraun
í Hafnarfirði á miðvikudagskvöld.
Húsið sem er eitt stærsta trésmíða-
verkstæði bæjarins og var fullt af
timbri, fuðraði upp á svipstundu og
fengu slökkviliðsmenn úr Hafnarfirði
og Reykjavík ekki við neitt ráðið.
Fannst látin eftir
umfangsmikla leit
UNGVERSKA stúlkan Angela Cseho
sem leitað hafði verið í tíu daga fannst
látin aðfaranótt miðvikudags í hlíðum
Búrfells. Talið er að hún hafi hrapað
í fjallinu og látist samstundis.
Vill að safnið kaupi
drykkjarhorn
TVÖ útskorin íslensk drykkjarhom frá
16. og 17. öld verða boðin upp á stóru
uppboði syðst á Sjálandi á morgun. Á
uppboðinu verður einnig vatnslita-
mynd af goshver frá 19. öld og segir
Þór Magnússon þjóðminjavörður að
gripimir þrír séu metnir á tæplega
700 þúsund krónur. Vill hann kanna
hvort Þjóðminjasafnið geti ekki fest
kaup á þeim.
Hindúaflokkur við
völd á Indlandi
FORSETI Indlands ákvað á miðviku-
dag að fela Atal Bihari Vajpayee,
leiðtoga Bharatiya Janata, flokks
þjóðemissinnaðra hindúa, að mynda
nýja stjóm. Þetta
er í fyrsta sinn
sem leiðtogi þjóð-
emissinnaðs
hindúaflokks er
skipaður forsætis-
ráðherra landsins.
Vajpayee sór emb-
ættiseið á fimmtu-
dag og þarf að
sanna fyrir lok þessa mánaðar að
stjóm hans njóti meirihlutastuðnings
á þingi. Bharatiya Janata varð
stærsti flokkurinn í þingkosningun-
um sem lauk fyrr í mánuðinum og
þarf nú að tryggja sér stuðning svæð-
isbundinna flokka til að halda velli á
þinginu. Leiðtogar Congressflokks-
ins, sem galt mesta afhroð sitt frá
1947, sögðu að stjórnin yrði felld í
atkvæðagreiðslu á þinginu síðar í
mánuðinum og vildu að leiðtoga
bandalags vinstri- og kommúnista-
flokka yrði falin stjórnarmyndun.
Borís Jeltsín boðar
afnám herskyldu
BORÍS Jeltsín, forseti Rússlands, gaf
á fimmtudag út tilskipun um að her-
skylda yrði lögð niður á næstu fjórum
ámm og tilskipunin mæltist vel fyrir
hjá mörgum ungum Rússum og for-
eldrum þeirra. Líklegt þykir að þetta
styrki stöðu Jeltsíns í forsetakosning-
um í næsta mánuði en flestir frétta-
skýrendur töldu mjög ólíklegt að
hægt yrði að afnema herskylduna á
tilsettum tíma vegna gífurlegs kostn-
aðar.
Þ- AÐ MINNSTA kosti 600
manns biðu bana þegar
skýstrokkur gekk yfir
Bangladesh á mánudag.
Margra var enn saknað á
föstudag og óttast var að
um 1.500 hefðu farist.
► STJÓRNVÖLD í Banda-
rikjunum og Kína bjuggu
sig á miðvikudag undir
viðskiptastrið vegna deilu
þeirra um höfundarrétt og
kynntu lista yfir vörur sem
þau hóta að selja háa refsi-
tolla á verði deilan ekki
leyst. Fréttaskýrendur
töldu þó að samkomulag
næðist áður en til við-
skiptastríðs kæmi.
► FÆREYSKA lögþingið
samþykkti á miðvikudag
að afnema kvótakerfið og
taka upp veiðidagakerfi og
sóknarstýringu. Þessi nýja
skipan fiskveiðistjómunar
tekurgildi l.júní.
► BOB Dole, forsetaefni
repúblikana í Bandarílyun-
um, ákvað á mið vikudag
að afsala sér þingsæti sinu
til að geta einbeitt sér að
baráttunni við BiU Clinton
fyrir forsetakosningamar
i nóvember. Honum hefur
ekki aukist fylgi fyrir vikið.
► EVRÓPURÁÐIÐ sam-
þykkti á þriðjudag að
fresta inngöngu Kroatíu í
ráðið um óákveðinn tíma
og framhaldið ræðst af
lýðræðisþróuninni í land-
inu. Þetta er i fyrsta sinn
í 49 ára sögu ráðsins sem
það staðfestir ekki niður-
stöðu úr atkvæðagreiðslu
þingmanna.
FRÉTTIR
Stjórnvöld hvött til að breyta álögum á bifreiðainnflutning
Unnið að mótun
framtíðarstefnu
FRIÐRIK Sophusson fjármálaráð-
herra segir að á vegum ráðuneytis
síns hafi á undanförnum mánuðum
verið unnið að undirbúningi mótun-
ar framtíðarstefnu um álögur á inn-
kaup og notkun bifreiða en engin
ákvörðun liggi fyrir hvenær breyt-
ingar verði gerðar. FÍB, Félag ís-
lenskra bifreiðaeigenda, hefur skor-
að á fjármálaráðherra og Alþingi
að beita sér nú þegar fyrir breyt-
ingu á vörugjaldi bifreiðainnflutn-
ings þannig að gjaldflokkum verði
fækkað og skattlagning lækkuð.
Vörugjaldskerfi
lagt niður
Friðrik segist nýlega hafa fengið
í hendur skýrslu um þessi efni frá
starfshópi sem hana vann. í henni
komi fram hugmyndir sem svipi til
þeirra sem FIB leggi áherslur á,
enda hafi meðal annars verið leitað
til félagsins við gerð skýrslunnar.
Friðrik gerði að nokkru leyti
grein fyrir efni skýrslunnar á aðal-
fundi Bílgreinasambandsins fyrir
skömmu. I máli hans kom fram að
núverandi vörugjaldskerfi yrði lík-
lega lagt niður og skráningargjald
tekið upp í staðinn ef ekki komi í
ljós verulegir annmarkar á slíkri
breytingu. Þá stefni stjórnvöld að
því að minnka neyslustýringu í bíla-
kaupum og að því að samræma
gjöld á atvinnubifreiðar og -tæki.
Neyslustýringin felst meðal ann-
ars í mismunandi vörugjaldi af inn-
fluttum bílum eftir vélarstærð. Það
er innheimt í fjórum flokkum, 30%
fyrir bíla með vélarstærð innan við
1,4 lítra, 40% fyrir 1,4-2 lítra vél-
ar, 60% fyrir 2-2,25 lítra vélar og
75% fyrir bíla með yfír 2,5 lítra
vélar.
Friðrik sagðist telja einna brýn-
ast að skoða hvernig samræma
mætti gjöld á atvinnubifreiðar og
tæki. Skattlagning á kaup sumra
atvinnutækja væri ívið hærri hér
en í mörgum samkeppnislöndum og
því yrði hún tekin til sérstakrar
athugunar.
Kerfið einfaldað
Nú eru bifreiðar flokkaðar við
innflutning samkvæmt tollskrá og
vörugjald lagt á eftir þeirri flokkun.
Síðan er bifreið flokkuð á ný við
skráningu samkvæmt reglum um
gerð og búnað ökutækja. Fjármála-
ráðherra sagði að ekki væri fullt
samræmi milli þessara flokkana og
hefði misræmið kostnað í för með
sér. Starfshópnum var falið að
kanna upptöku skráningargjalds í
stað vörugjalds á bifreiðar. Friðrik
sagði að kostir slíks gjalds væru
m.a. þeir að aðeins ein flokkun
ökutækja yrði við lýði, fullt sam-
ræmi yrði milli flokkunar og gjald-
flokks, kerfið yrði einfaldara og
ódýrara, álagning færi fram við
skráningu og því yrðu sýningarleyfi
m.a. óþörf.
Morgunblaðið/Bjöm Blöndal
Vamarliðsmenn fá
hvítar númeraplötur
THOMAS Baker, vamarliðs-
maður á Keflavíkurflugvelli,
var í gær að skrúfa nýja núm-
eraplötu á bílinn sinn í húsa-
kynnum Bifreiðaskoðunar í
Keflavík. Að ósk vamarliðsins
ákvað utanríkisráðuneytið í
upphafi þessa árs að litnum á
númeraplötunum yrði breytt úr
gulum í hvítan.
Gulu númeraplöturnar á bif-
reiðum varnarliðsmanna eru
frábrugðnar plötum annarra
bíla og vamarliðið hefur lengi
haldið því fram að þær séu
varaarliðsfólki til óþæginda.
Mikið hefur verið um skemmd-
arverk á bílum með gulum núm-
erum, hafi þeir verið skildir
eftir utan vallar.
Nú fá varnarliðsmenn þess
vegna hvítar plötur með bláum
stöfum eins og Islendingar. Hins
vegar verður tígull á plötunum
í stað fernings, sem er á vei\ju-
legum númeraplötum. Ef vel er
að gáð sést að Baker hefur þeg-
ar límt á tígulinn skjaldarmerki
„bæjarfélags" vamarliðsmanna
á Keflavíkurflugvelli, sem ber
mynd víkingaskips.
Allir varnarliðsmenn, sem
nýskrá bíla, fá hvítar númera-
plötur. Einnig geta þeir, sem
þegar hafa skráð bíla sína,
fengið nýja plötu gegn sérstöku
gjaldi. Margir hafa notfært sér
þann möguleika.
Hæll í Flókadal
Þrjár grafir
fornar
LEIFAR af þremur beinagrindum
fundust í grafreit frá miðöldum
að Hæl í Flókadal í Borgarfirði.
Beinin komu í ljós þegar verið var
að lækka jarðveg við fjós á bænum
og var Þjóðminjasafninu gert við-
vart.
Guðmundur Ólafsson fornleifa-
fræðingur rannsakaði grafreitinn
og fann þar leifar af þremur gröf-
um. Virtist honum sem þarna
hefðu tveir fullorðnir og barn verið
jarðsett. Grafreiturinn er úr kristni
og sá móta fyrir leifum af kistu.
Að sögn Guðmundar hefur aldur
grafreitsins ekki verið ákvarðaður
nákvæmlega en að Hæl var hálf-
kirkja sem líklega var lögð af í
byrjun 17. aldar.
Beinin voru flutt á Þjóðminja-
safnið þar sem þau verða rannsök-
uð nánar, reynt að ganga úr
skugga um aldur og kyn og hvort
af beinunum megi ráða einhver
sj úkdómseinkenni.
-----»-4 ♦----
Dæmd fyrir
að reykja
HÉRAÐSDÓMUR Reykjavíkur
hefur dæmt hjón á fimmtugsaldri
í 50.000 króna sekt fyrir að reykja
um borð í flugvél Flugleiða þann
1. febrúar síðastliðinn.
Ákærðu játuðu brot á lögum um
loftferðir fyrir réttinum og óskuðu
ekki eftir að halda uppi vömum í
málinu.
Sumarkennsla við Armúlaskóla
INNRITUN vegna sumarnáms við
Fjölbrautaskólann við Ármúla hefst
eftir helgina og stendur til að kenna
í nánast öllum fögum sem skólinn
hefur á námsskrá á daginn að sögn
Sölva Sveinssonar skólastjóra.
Greiða nemendur kostnað sjálfír.
„Við ætlum að bjóða upp á
kennsluna í júní og getur hver nem-
andi valið sér einn eða tvo áfanga,“
segir hann. Stéttarfélögin og fjár-
málaráðuneyti hafa samið um
greiðslur til kennara vegna sum-
amámskeiðanna og segir Sölvi
kennsluna nú fyrstu skrefin í átt
til sumarannar. „Ég vonast til að á
næstu þremur til fjórum árum verði
hægt að koma kennslunni í það
horf að skólinn verði meira og
minna starfandi allt árið,“ segir
hann. Námskeiðin í sumar geta
gefið sex einingar til stúdentsprófs.
„Nemandi sem kemur úr grunn-
skóla getur skráð sig í byrjanda-
áfanga í einhveijum greinum og
stytt námstímann talsvert," segir
Sölvi.
Enginn samningur var til milli
kennarafélaganna og fjármálaráðu-
neytið fyrir kennslu af þessu tagi
og segir Sölvi að þeir fái greitt með
svipuðum hætti og fyrir leiðsögn í
öldungadeild. Ef undirtektir verða
góðar meðal nemenda býst hann
við að 20-30 kennarar verði við
skólann vegna sumarkennslunnar.

\