Morgunblaðið - 31.05.1996, Blaðsíða 8

8 C FÖSTUDAGUR 31. MAÍ 1996
MORGUNBLAÐIÐ
DAGLEGT LÍF
Frumlegar flíkur
úr mósaíkflísum
og blautbúningaefni
SIGRÍÐUR Ásta Árnadóttir, frá Reykja-
vík, varð í öðru sæti í flokki byrjenda en
hún hannaði og saumaði græna regnkápu,
fóðraða með rauðköflóttu efni. I veskinu
sínu hefur hún svolítinn túnfíflavönd.
FRUMLEIKI, tíska, heildarsvipur og
vandaður frágangur. Til þessara fjög-
urra atriða var tekið tillit þegar bestu
flíkurnar í Fatasaumskeppni Burda og
Eymundsson 1996, sem haldin var á öðrum degi
hvítasunnu, voru dæmdar. En þótttværflíkur,
eða öllu heldur hönnuðir þeirra og skaparar,
bæru sigur úr býtum, ein í flokki byrjenda og
önnur úr flokki lengra kominna, var keppnin
hörð og tvísýn og margar flíkumar vöktu verð-
skuldaða athygli.
Hönnuöirnlr sýna sjálfir
„Keppnin var sérstaklega hörð í byrjenda-
flokki,“ segir Sigríður Pétursdóttir handavinnu-
kennari, ánægð að keppninni lokinni en hún á
meðal annarra heiðurinn að skipulagningu henn-
ar auk þess sem hún átti sæti í dómnefndinni.
Keppendurnir komu sjálfir fram og sýndu flík-
KÁPAN hennar Sólveigar Guðmundsdótt-
ur er úr teflonhúðuðu áklæði og steinbíts-
roði. Innan undir kápunni er Sólveig í
pilsi og jakka úr silki. Jakkinn er útsaum-
aður og er hugmyndin að útsaumnum
sótt í íslenska þjóðbúninginn. Sólveig
keppti í framhaldsflokknum.
ur sínar á tískusýningu sem haldin var áður en
dómnefndin bar saman bækur sínar. „Keppnin
var mun betri en keppnin í fýrra og ef hún
batnar svona ár frá ári þá verður nú gaman.
Unnur Arngrímsdóttir var búin að æfa keppend-
urna í að sýna fötin og sýningin gekk mjög
vel.“ Yngsti keppandinn að þessu sinni var fjórt-
án ára og sá elsti fjörutíu og níu.
Rúmlega sextíu konur sendu inn myndir af
yfir eitt hundrað hugmyndum að flíkum sem þær
höfðu hannað og saumað. Af þeim voru nítján
HELGA
Björg
Jónasar-
dóttir,
mynd-
listar-
kona á
Akureyri,
hreppti
annað sæt-
ið í flokki
lengra ko-
minna.
Kjóllinn
hennar er
fölgrænn og
eins og Sigríð-
ur Pétursdótt-
ir segir, vel
gerður, frum-
legur og fer
vel.
BLAUTBÚNINGAEFNI eru mikið í
tísku um þessar mundir. Hér er Heiða
Eiríksdóttir einmitt í kjól úr slíku efni.
Böndin á bakinu eru saumuð á barna-
naghring og neðst á kjólinn er saumuð
plaströnd með glerkúlum. Heiða keppti í
byrjendaflokknum.
konur valdar til að keppa til úrslita um hveijar
tvær yrðu fulltrúar Íslands í keppninni um Aenne
Burda-verðlaunin, sem haldin verður í Baden
Baden á Þýskalandi 12. október í haust. Skil-
yrði fyrir þátttöku í þeirri keppni eru að keppend-
ur séu áhugafólk um fatahönnun eða fatasaum
og að þeir sjálfir sýni flíkurnar sínar.
Burda í 125 löndum
Þetta er í annað skipti sem haldin er keppni
með þessu sniði hér á Islandi. í fýrra fóru tvær
íslenskar stúlkur, Bergþóra Guðnadóttir og Alda
Björg Guðjónsdóttir, utan og kepptu í aðal-
keppni Aenne Burda. Vöktu þær athygli fyrir
fijálslega og skemmtilega framkomu auk þess
sem Bergþóra vann til þriðju verðlauna í flokki
lengra kominna.
Aenne Burda-verðlaunin voru í fyrsta skipti
veitt árið 1982. Aenne Burda gaf hins vegar
út fyrsta Burda-blaðið fyrir 46 árum, árið 1950.
Síðan hefur fyrirtæki hennar heldur betur vaxið
fiskur um hrygg því nú koma Burda-blöð út á
24 tungumálum og eru seld í 125 löndum víðs-
vegar um heiminn. ■
Föndurfílt
og sælgætisbréf
ÚLFHILDUR Elín Þorláksdóttir, sext-
án ára Reykvíkingur, varð hlutskörpust
keppenda í flokki byijenda. Hún byijaði
að sauma fyrir rúmu einu og hálfu ári
en þá var móðir hennar nýkomin frá
námi í fatahönnun í Danmörku.
Ekki segist Úlfhildur Elín ætla að
feta í fótspor móður sinnar þó hæfileik-
ana vanti greinilega ekki. í vetur stund-
aði hún nám í trésmíði og er ætlunin
að ljúka námi í húsgagnasmíði áður en
stefnan verður sett á iðnhönnun. „Mér
finnst svo gaman að vinna með höndun-
um,“ segir hún og víst er að sú ánægja
hefur skilað sér vel þegar vinningsflík-
urnar, pils úr terlíni ogjakki úr föndurf-
ílti, „þykku efni sem er næstum eins
og gallaefni", eins og Úlfhildur Elín
segir sjálf, og terlíni voru sniðnar og
saumaðar. Pilsið segir hún að sé ein-
falt en jakkinn er sniðinn eftir skyrtu
með laskaermum.
Úlfhildur Elín segist hafa saumað
margar flíkur síðan hún byijaði að fást
við saumaskapinn. „Ég hef mest gaman
af að hanna flíkurnar," segir hún og
j bætir við að hún reyni að hafa þær
i öðru vísi en þær sem fáist í verslunum
Í| enda sé svo gaman að enginn annar
| eigi eins.
Verðlaunaflíkurnar verða hins veg-
ar ekki notaðar alveg á næstunni því
í þær fara að sjálfsögðu með Úlfhildi
Í Elínu til Þýskalands þar sem keppt
i verður um Aenne Burda verðlaunin,
daginn áður en hún verður sautján
í ára gömul. ■
Morgunblaðið/Jón Svavarsson
ÚLFHILDUR Elín í verðlaunafötunum.
Tölurnar í jakkanum yfirdekkti hún með
sælgætisbréfi og til þess að skórnir væru
í stíl við fötin málaði hún á þá bláa
og gula rönd á.
Hendi næst
og bíóauglýsingar
KJÓLL úr mósaíkflísum vekur vitaskuld at-
hygli og það gerir hann áreiðanlega í dag
þegar eigandi hans og hönnuður, Guðrún
Árdís Össurardóttir úr Garðabæ^ brautskráist
sem stúdent frá Verslunarskóla Islands. Guð-
rún Árdís hreppti verðlaunin í framhalds-
flokki í Fatasaumskeppni Burda og Ey-
mundsson út á útskriftarkjólinn góða.
Guðrún Árdís kláraði reyndar Verslunar-
skólann um áramótin. Eftir áramót tók hún
eina önn á handíðabraut í Fjölbrautaskólan-
um í Breiðholti til að undirbúa sig fyrir haust-
ið en þá fer hún til náms í fatahönnun við
The Árt Institute of Fort Lauderdale í Flórída.
Mósaíkkjóllinn var lokaverkefni hennar á
handíðabraut. „Ég hef haft áhuga á fata-
hönnup frá því ég man eftir mér. Mamma
byijaði að kenna mér og síðan tók ég val-
áfanga í fatasaumi þegar ég var í 10. bekk,“
segir Guðrún Árdís.
Verðlaunakjóllinn er gerður úr dökkbláu
polyester og organsa. Til að fá lyftingu í
faldinn notar hún gardínugorm. Síðan límdi
hún efnisbúta aftan á flísarnar með dúkalími
og saumaði efri brún þeirra við kjólinn.
„Þannig verða þær lausari og kjóllinn líf-
legri,“ segir Guðrún Árdís. En hvernig datt
henni í hug að setja mósaíkflísar á kjólinn?
„Mamma og pabbi reka verslunina Álfaborg
og ég notaði bara það sem hendi var næst.“
Guðrún Árdís hreppti einnig þriðja sæti í
keppninni fyrir kjól sem gerður er úr dag-
blaðapappír. „Ég byijaði á að gera tösku úr
þíóauglýsingum úr Morgunblaðinu. Síðan
datt mér í hug að gera kjól líka og hann
gerði ég sama dag og umsóknarfrestur til
þátttöku í keppninni rann út.“ ■
GUÐRÚN Árdís í mósaíkkjólnum. Fyrir
kjólinn sem hún heldur á hreppti hún
þriðju verðlaun. Hann er gerður úr 12
bíóauglýsingasíðum úr Morgunblaðinu,
gjafapappir og bókaplasti.