Morgunblaðið - 02.06.1996, Blaðsíða 5
MORGUNBLAÐIÐ
SUNNUDAGUR2. JÚNÍ 1996 B 5
Brýtur hún þá alveg í blað með
nýrri plötu? „Já, á Debut og Post
voru úrvinnslur úr því sem ég
hafði verið að gera síðustu 15 árin,
nokkurs konar niðurstöður. Þess-
vegna eru lögin svona ólík, sér-
staklega útsetningarnar. Stundum
var ég að gæla við jazz og í annan
tíma hafði ég eingöngu áhuga á
því sem spilað var á saxófón og
þannig gekk það. En núna er ég
búin að ná í skottið á sjálfri mér
og finnst ég geta farið að semja
músík. Með Debut og Post hefi
ég safnað upp geysimikilli reynslu
í stúdíóvinnu og að vera minn eig-
in herra innan um allt þetta fólk.
Ég er búin að læra mikið og það
er auðvitað mikill ábyrgðarhluti
að vera með heilmargt fólk sem
vinnur við að uppfylla drauma
manns. Maður getur ekkert leikið
sér að því.“
Björk segir mér að í hljómleika-
ferðirnar hafi hún tekið með sér
fistölvu og samið jafnóðum á hana.
I því efni sé núna mikið af strengja-
setningum. Hún gerir sér ekki
grein fyrir ástæðunni. Hún hefur
aldrei lært á strengjahljóðfæri. „I
Bamamúsíkskólanum hafði ég
mestan áhuga á tónfræði. Ég hafði
einn flautukennara sem leyfði mér
að spila músík frá þessari öld.
Annars vomm við alltaf látin spila
lög eftir dauða karla og það þoldi
ég ekki. Strúktúr nútímans hefur
t.d. ekkert að gera með Bach. Þjóð-
félag þess tíma í Þýskalandi var
allt gírað á blinda trú á guð og þar
undir var allt annað í röð og reglu.
Þannig er klassísk tónlist. Það er
allt annað að hlusta á þannig tón-
list í okkar samfélagi þar sem allir
eru með einstaklingshyggju á heil-
anum. Að hlusta á tónlist sem er
gerð í dag er allt annað, hvert hljóð-
færi er sjálfstætt. Mér fínnst ekki
hægt að bjóða krökkum í dag upp
á eintóma gamla tónlist. Eg er
sammála Stockhausen, sem segir
að einn dag á ári eigi að fara í
söfn og hlusta á gamlar plötur, en
hina daga ársins að einbeita sér
að nútímanum. Og mér fínnst að
maður eigi að búa til tónlist fyrir
alla.“
Björk kveðst vera komin með 8
lög á þennan nýja disk. Hún sem-
ur og tekur upp jafnóðum og disk-
urinn kemur út þegar hún hefur
tiltæk nægilega mörg lög. Nú síð-
ast var hún að útsetja fyrir brasil-
íska hljómsveit, sem hún réð til
flutningsins. „Það var alger lúxus,
40 manna hljómsveit, mest fiðlur
auðvitað," útskýrir Björk. „Maður
er í raun og veru ofdekraður að
fá svona tækifæri. Ég geri mér
fullkomlega grein fyrir því. Ég er
ógurlega heppin að vera í aðstöðu
til að láta mér detta eitthvað svona
í hug og geta svo framkvæmt
það. Fólk er auðvitað fullt af
draumum, en svo er undir hælinn
lagt hvort hægt er að gera þá að
veruleika.“
Hljómleikar á íslandi
Hvað ætlar Björk að vera með
á tónleikunum í Laugardalshöll?
Hún kveðst verða með það sama
sem hún hefur verið með í hljóm-
leikaferðunum að undanförnu, lög
af báðum plötunum Debut og Post,
og svo líka nokkur ný lög. Hún
kveðst alltaf útsetja upp á nýtt
fyrir tónleika, því tónleikar eru
tónleikar og plata plata. Svo skilji
hún upp á síðkastið eftir svigrúm
fyrir sig sjálfa og nú orðið líka
fyrir hljóðfæraleikarana, til að þau
geti flutt músíkina eins og þeim
líður þann daginn en ekki fyrir
mánuði. „Þá verður meira gaman
hjá okkur og þá verða tónleikarnir
betri,“ eins og Björk segir. Hún
kveðst vera með mjög góðan leik-
myndamann, sem hefur unnið
mikið með Jean Paul Gautier og
gerði bandið sem kallað var Hum-
an Behavior og með henni verður
um 30 manna lið og 15-17 tonn
af farangri, sem er farinn í skip
áleiðis til íslands."
Mótar lífsstíl
Björk hefur verið áhrifamaður
um mótun tónlistar og tónlistars-
mekks á alþjóðavettvangi. En hún
hefur líka haft áhrif á mótun tísku
og stíls með glitsteina í augabrún-
um, sína sérkennilegu greiðslu og
klæðaburð. Það má glöggt sjá í
tísku- og glansblöðunum, þar sem
hún er alls staðar. Hún segir að
þetta sé fólk að segja við sig, en
hún hafi bara verið svona frá því
hún var smákrakki. „Ég var svo
heppin að mamma mín leyfði mér
að ganga í því sem ég vildi og ég
hafði gaman af að klæða mig upp
og leika mér. Ef ég vildi vera í
bleikum kjól af henni fékk ég að
gera það. Þetta er ekkert meðvitað
hjá mér. Mér finnst ég vera búin
að ganga í svipuðum fötum síðan
ég var 13 ára og mér er mikil-
vægt að þegar ég geng út úr hús-
inu á morgnana sé ég ég sjálf og
enginn annar.“
Aó syngja til 85 óra
Loks er Björk spurð hvernig
hún horfi til framtíðarinnar. Hún
kveðst alltaf hafa gætt þess að
skipuleggja ekki of langt fram í
tímann. „Þá verður þetta svo mik-
ið bákn, maður verður eins og í
handjárnum einhvers staðar og
hættir að geta samið lög. Ég hefi
aldrei skipulagt nema 2-3 mánuði
fram í tímann. Vil helst halda
því. Ekki nema sé eitthvað sér-
stakt eins og Asíuferðin, sem varð
að undirbúa ári fyrr.“
Hún hlýtur að eiga langan fer-
il fram undan ef fjölskyldan end-
ist eins vel og hún segir. „Já, það
var spákona sem sagði mér að
ég mundi deyja 85 ára gömul
syngjandi á sviðinu. Það segir
mér að ég muni að minnsta kosti
ennþá vera að, þó ekki verði
kannski margir í salnum að
hlusta. Það er á hreinu að ég
verð alltaf að. Foreldrar mínir,
Hildur Hauksdóttir og Guðmund-
ur Gunnarsson formaður Raf-
eindasambandsins, eru bæði
þannig. Því eldri, þeim mun
betri.“
BRIPS
Umsjón Arnór G.
Ragnarsson
Bridsdeild félags eldri
borgara, Kópavogi
Spilaður var Mitchell-tvímenningur
þriðjudaginn 21. maí sl. 22 pör mættu,
úrslit urðu:
NS:
Sæmundur Bjömsson - Böðvar Guðmundsson 284
JónAndrésson-ValdimarÞórðarson 254
Sigurður Gunnlaugss. - Gunnar Sigurbjömss. 251
Helga Helgad. - Júlíus Ingibergsson 236
AV:
Þórarinn Ámason - Þorleifur Þórarinsson 315
Sigriður Pálsd. - Eyvindur Valdimarsson 254
Baldur Ásgeirsson - Magnús Halldórsson 253
Valdimar Lánisson - Bragi Salómonsson 211
Meðalskor: 216
Spilaður var Mitchell-tvímenningur
föstud. 24. maí sl., 18 pör mættu,
úrslit urðu:
NS:
Sæmundur Bjömsson - Böðvar Guðmundsson 291
Ásthildur Sigurgíslad. - Lárus Amórsson 238
ÁrniJónasson-ÞorsteinnErlingsson 235
Fróði Pálsson - Haukur Guðmundsson 228
AV:
Eysteinn Einarsson - Magnús Halldórsson 269
Ingibjörg Stefánsd. - Þorsteinn Davíðsson 242
Garðar Sigurðsson - Siguijón H. Siguijónsson 227
SveinnSæmundsson- Þórhallur Ámason 217
Meðalskor: 216
Frá Bridsfélagi Suðurnesja
og Munans
STAÐA eftir þijár umferðir arbrids: í Sum-
Birkir Jónsson 60
Dagur Ingimundarson 40
HeiðarAgnarsson 38
Pétur Júlíusson 24
GunnarGuðbjömsson 21
GísliTorfason 20
Næsta spilakvöld er miðvikudaginn
5. júní.
Dregið hefur verið í fyrstu umferð
Bikarkeppni Suðurnesja. Sveitin sem
skráð er á undan á heimaleik.
Svala - Óli Þór
Bjöm Dúa - Gunnar Guðbjörnsson
Gréta - Heiðar
Siguijón - Grindavíkursveitin
Fyrstu umferð skal lokið fyrir 1. júlí
Morgunblaðið/Jón Sigurðsson
INGIBJORG Jóhannsdóttir tekur við blómvendi f.h föður síns,
Jóhanns Gunnars Halldórssonar, úr hendi formanns skólanefndar
tónlistarskóla A-Hún, Steindórs Haraldssonar.
Tónlistarskóli A-Húnavatnssýslu
Um 100 nemendur
við nám í vetur
Blönduósi - Tónlistarskóla A-
Húnavatnssýslu var formlega
slitið í Blönduóskirkju sl.
laugardag. Skólaslitin voru
jafnframt lokatónleikar skól-
ans og kom fram fjöldi nem-
enda frá Skagaströnd, Húna-
völlum og Blönduósi og kynntu
tónleikagestum uppskeru vetr-
arins. Kenndi þar margra
góðra grasa bæði í hljóðfæra-
og lagavali.
Skarphéðin H. Einarsson,
nýráðinn skólastjóri, sagði í
skólaslitaræðu að um 100 nem-
endur hefðu stundað nám við
skólann í vetur og langflestir
nemendur hefðu Iagt stund á
píanóleik. Ellefu nemendur
luku stigaprófi frá skólanum.
Jóhann Gunnar Halldórsson,
sem gegnt hefur starfi skóla-
stjóra tónlistarskólans um ára-
bil, lét af störfum sl. vetur og
voru honum þökkuð góð störf
í þágu tónmenntar í héraðinu.
Dóttir Jóhanns, Ingibjörg, tók
við blómvendi þessu til stað-
festu fyrir hönd föður síns sem
ekki gat verið viðstaddur.
Hátíðar-
tónleikar
Bubba
BUBBI Morthens verður 40
ára 6. júní nk. I tilefni dagsins
tekur hann forskot á sæluna
og heldur afmælistónleika í
Þjóðleikhúsinu þriðjudaginn 4.
júní kl. 21.
Flutt verða ný lög af vænt-
anlegri plötu sem kemur út
næsta haust, sagðar verða
sögur og eldri Bubba-lög setja
sína mynd á tónleikana. Bubbi
hefur fengið til liðs við sig
bassaleikarann Jakob Smára
Magnússon. Stöð 2 ætlar að
taka tónleikana upp og sýna
sérstakan þátt á stöðinni sinni
í tilefni dagsins.
Forsala aðgöngumiða er
hafin í Þjóðleikhúsinu og
Skífubúðunum, Laugavegi 26,
96 og Kringlunni.
Þrjár ferðir
eldri borgara
Á VEGUM Félags eldri borg-
ara í Reykjavík og nágrenni,
verða farnar þijár lengri ferðir
í sumar.
Þann 10. júní nk. fimm daga
ferð um Snæfellsnes og Vest-
urbyggð, Látrabjarg og Kefla-
víkurbjarg. Fararstjóri verður
Pétur H. Ólafsson. 7. ágúst
verður farin þriggja daga ferð
í Húnaþing, fararstjóri í þeirri
ferð verður Baldur Sveinsson.
Að síðustu verður farið 30.
ágúst í fjögurra daga ferð í
Syðra-Fjallabak, Lakagíga og
Nyrðri-Fjallabak í bakaleið.
Fararstjóri Pétur H. Ólafsson.
Skráning í ferðirnar fer
fram á skrifstofu félagsins.
TILKYNNING UM ÚTBOÐ MARKAÐSVERÐBRÉFA
TÆKNIVAL H F .
ALMENNT HLUTAFJÁRÚTBOÐ
Heildamafnverð nýs hlutafjár: 20.000.000,- kr.
Sölugengi: 3,95 á fyrsta söludegi. Útboðsgengi til forkaupsréttarhafa
er 3,95.
Sölutímabil: Forkaupsréttartímabil er frá 31. maí 1996 til 14. júní 1996
og almennt sölutímabil frá 18. júní til 1. september 1996.
Söluaðili: Áskrift fer fram á skrifstofu Tæknivals hf. á
forkaupsréttartímabilinu og söluaðili er Verðbréfaviðskipti
Búnaðarbanka Islands á almennu sölutímabili.
Umsjón með útboði: Verðbréfaviðskipti Búnaðarbanka íslands.
Forkaupsréttur: Núverandi hluthafar hafa forkaupsrétt að nýju hlutafé til
14. júní 1996 í hlutfalli við eign sína.
Skráning: Óskað verður eftir skráningu á Verðbréfaþingi fslands um
leið og tilskyldum lágmarksfjölda hluthafa er náð.
Útboðs- og skráningarlýsing vegna ofangreindra hlutabréfa liggur frammi hjá
Tæknival hf. og Búnaðarbanka íslands.
H Tæknival
/g\BÚNAÐARBANKI
VVÍSLANDS
Austurstræti 5, 155 Reykjavík, sími 525-6370, bréfasími 525-6259
Aðili að Verðbréfaþingi íslands