Morgunblaðið - 06.06.1996, Blaðsíða 23

MORGUNBLAÐIÐ
FIMMTUDAGUR 6. JÚNÍ1996 23
ERLEIMT
Tókýó. Reuter.
Japanska stjórnin ákveður bætur til um 300 kynlífsambátta
Hver kona fær
á aðra milljón
Einvígi
FIDE sett
HEIMSMEISTARAEINVÍGI
Alþjóðaskáksambandsins,
FIDE, var sett í Elista í Rúss-
landi í gær og
Anatolí
Karpov og
Gata Kamsky
tefla fyrstu
skákina í dag.
Þeir tefla ann-
an hvern dag
og til að sigra
þarf annar hvor þeirra að fá
10 '/2 vinning, en verði þeir enn
jafnir eftir 40 daga og 20
skákir heldur einvígið áfram
þar til annar þeirra vinnur
skák. Forseti FIDE, Kirsan
Iljúmzhínov, ákvað að einvígið
skyldi háð í Elista, höfuðstað
sjálfstjórnarlýðveldisins Kal-
mykíu, þar sem hann er sjálfur
forseti, eftir að hafa fallið frá
því að teflt yrði í Bagdad
vegna harðra mótmæla
margra skáksambanda.
Hugbúnaðar-
galli olli Ar-
iane-slysinu
TALIÐ er að villa í tölvuhug-
búnaði hafi valdið því að fyrsta
geimflaugin af gerðinni Ar-
iane-5 fór af réttri braut, en
það varð til þess að starfsmenn
stjórnstöðvarinnar sprengdu
flaugina í loft upp 37 sekúnd-
um eftir að henni var skotið á
loft í Frönsku Guiana í fyrra-
dag. Talsmenn Geimferða-
stofnunar Evrópu (ESA)
sögðu að ekki ætti að vera
erfitt að leysa þetta vandamál
fyrir næsta geimskot og geim-
skotaáætlun stofnunarinnar
ætti ekki að vera í hættu.
Tsjetsjenar
hóta átökum
LEIÐTOGAR tsjetsjenskra
aðskilnaðarsinna kröfðust
þess í gær að rússnesku her-
sveitirnar í Tsjetsjníju yrðu
fluttar þaðan tafarlaust og
hótuðu að hefja árásir á þær
að nýju ef ekki yrði gengið að
kröfunni. Þeir léðu hins vegar
máls á að sleppa kröfunni um
sjálfstæði Tsjetsjníju um sinn,
eða þar til íbúar héraðsins
fengju tækifæri til að greiða
atkvæði um framtíð þess.
Mannskæðar
skriður í Kína
66 MANNS fórust og 162 var
saknað í gær eftir mikil skriðu-
föll í Yunnan-héraði í suðvest-
urhluta Kína á fjórum dögum,
frá 31. maí til 3. júní. Skrið-
urnar féllu á kolanámu í Laoj-
inshan-fjalli, skammt frá
landamærunum að Víetnam.
Johnson í
stað Boorda
JAY Johnson flotaforingi hef-
ur orðið fyrir valinu sem yfir-
maður bandaríska sjóhersins í
stað Jeremy
Boorda, sem
svipti sig lífi
í síðasta mán-
uði. Bill Clin-
ton hyggst
tilnefna John-
son, sem hef-
ur verið næst-
æðsti yfirmaður flotans, og
öldungadeild þingsins þarf að
staðfesta tilnefninguna.
JAPANAR ákváðu í gær að þeir
myndu greiða hverri konu, sem
þeir þvinguðu til að stunda vændi
í heimsstyrjöldinni síðari, að
minnsta kosti tvær milljónir jap-
anskra jena (um 1,2 milljónir króna)
í skaðabætur. Mál þetta hefur verið
mjög viðkvæmt í Japan og seina-
gangur í meðferð þess hefur verið
gagnrýndur.
Um 300 konur, sem gerðar voru
að svokölluðum „kynlífsambáttum"
og rétt eiga á þessum bótum, eru
enn á lífi. Greiðslunum á að fylgja
afsökunarbeiðni frá Ryutaro Hashi-
moto forsætisráðherra, að sögn
stjórnar Sjóðs asískra kvenna, sem
stofnaður var að undirlagi jap-
anskra stjórnvalda til þess að bæt-
umar bærust frá einkastofnun, en
ekki úr fjárhirslum ríkisins.
Stjórn sjóðsins tók ákvörðun um
upphæð greiðslnanna á þriðjudag.
Bumbei Hara, formaður sjóðsins,
sagði að eftir væri að ákveða fyrir-
komulag greiðslna fyrir sjúkra-
kostnað, en hægt yrði að afhenda
konunum bæturnar í júlí eða ágúst.
Afhending gæti dregist vegna
þess að sjóðstjórnin krefst þess að
Hashimoto gangist við þætti stjórn-
valda og stjórnenda japanska hers-
ins í þessu máli.
Japönsk stjórnvöld
gagnrýnd
Fyrrverandi kynlífsambáttir frá
Kóreu tóku yfirlýsingunni á þriðju-
dag fálega og gagnrýndu japönsk
stjórnvöld fyrir að forðast að láta
bendla sig við sjóðinn og krefjast
að ábyrgð ríkisins verði viðurkennd
vafningalaust.
Japanskir þingmenn á hægri
væng stjórnmálanna hafa hafnað
því að konur hafi skipulega verið
þvingaðar til vændis og uppskorið
hörð mótmæli frá Suður-Kóreu fyrir.
Sagnfræðingar telja að um 200
þúsund konur, flestar kóreskar, en
einnig frá Filippseyjum, Indónesíu,
Kína og Hollandi, hafi verið teknar
og sendar í vændishús á vígstöðvun-
um þegar her Japanskeisara fór um
Suðaustur- og Austur-Asíu í stríð-
inu.
Karpov
Johnson