Morgunblaðið - 07.06.1996, Blaðsíða 30
30 FÖSTUDAGUR 7. JÚNÍ1996
MORGUNBLAÐIÐ
JL
MORGUNBLAÐIÐ
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
AFKASTAMIKIÐ
ÞING
ALÞINGI er komið í sumarfrí. Eitt hundrað og tuttug-
asta löggjafarþinginu var frestað í fyrradag, eftir
löng og ströng fundahöld. Þetta var annasamt og afkasta-
mikið þing, sem tók á ýmsum mikilvægum og viðkvæmum
málum, sem löngu var tímabært að gera. Meðal þeirra
voru frumvörp um stéttarfélög og vinnudeilur og um rétt-
indi og skyldur opinberra starfsmanna. Miklar deilur stóðu
um frumvörpin, bæði utan þings og innan. Þau tóku og
nokkrum breytingum í meðferð þingsins, með hliðsjón af
ábendingum launþegahreyfingarinnar. Lögin, eins og þau
voru afgreidd, mæta þó enn sem áður mótmælum stéttarfé-
laga. Allt orkar tvímælis þá gjört er, en löggjöf þessi er
engu að síður skref inn í nútímann í vinnumarkaðsmálum
og skýrir línur í þeim efnum. Þessar breytingar má fyrst
og fremst gagnrýna fyrir það, að þær gangi ekki nógu
langt og snúist engan veginn um að rétta hlut einstaklings-
ins gagnvart aðilum vinnumarkaðar.
Þingið fjallaði töluvert um menntamál, sem er einn mikil-
vægasti málaflokkur sérhvers framsækins samfélags. Lög
um framhaldsskóla og viðbótarlög um grunnskóla, sem
auðvelda flutning hans frá ríki til sveitarfélaga, eiga eftir
að setja mark sitt á fræðslumál í landinu á komandi árum.
Frumvarp um fjármagnstekjuskatt var eitt af vandmeð-
farnari málum þingsins. Lögin um þann skatt, sem nú liggja
fyrir, eru og umdeild, sem vænta mátti. En með þeim
hefur engu að síður verið tekin ákvörðun um að leggja
skatt á fjármagnstekjur. Það er árangur út af fyrir sig.
Tíminn leiðir síðan í ljós, hvort nauðsynlegt verður að
endurskoða þessa löggjöf. Mörg lög önnur, sem samþykkt
voru á þessu þingi, hafa vakið verðuga athygli, m.a. lög
um formbreytingu Pósts og síma í hlutafélag, sem gengur
heldur ekki nógu langt en eru vonandi fyrsta skrefið í átt
til algerrar uppstokkunar á fjarskiptamarkaðnum. Þá má
nefna lög um varnir gegn snjóflóðum og skriðuföllum.
Alls voru rúmlega 500 mál til meðferðar á Alþingi í vet-
ur. Þingið afgreiddi 127 lög og 22 þingsályktanir. Rúmum
120 fyrirspurnum var svarað. Og meira en 20 skýrslur
voru lagðar fram.
Starfshættir þingsins eru markvissari og skilvirkari en
til skamms tíma. Þó stendur sitthvað enn til bóta. Forseti
Alþingis, Ólafur G. Einarsson, lagði meðal annars áherzlu
á það í þinglokaræðu sinni, að dreifa þyrfti þingmálum
betur á þingtímann, til að nýta hann betur. Hann sagði
og að hlúa yrði betur að starfi þingnefnda, sem hefðu
mikilvægara hlutverki að gegna eftir að þingið varð ein
málstofa. Æskilegt væri og að ljúka nefndarstörfum a.m.k.
tveimur vikum fyrir áætlaða þingfrestun, til að auðvelda
þingstörfin á síðustu vikum starfstímans. Og loks sýndi
reynslan að setja þyrfti þingmönnum þrengri mörk um
ræðulengd. Hann hvatti til samstöðu þingflokka um breyt-
ingu á þingsköpum til að ná fram enn skilvirkari vinnu-
brögðum þingheims.
Þegar á heildina er litið hefur Alþingi tekið á óvenju
mörgum málum á þessum vetri. Við því var ekki búizt í
upphafi þings sl. haust en þeim mun ánægjulegra er að
sjá niðurstöðuna, þegar hún liggur nú fyrir.
ÞJOÐKJORIÐ ÞING
FORSETI íslands, frú Vigdís Finnbogadóttir; frestaði
Alþingi í fyrradag. Það var síðasta embættisverk
hennar með Alþingi á sextán ára forsetaferli. Ólafur G.
Einarsson, þingforseti, þakkaði henni „ánægjulegt sam-
starf og samskipti sem verið hafa milli forseta íslands og
Alþingis alla embættistíð forsetans“. Á embættistíma frú
Vigdísar Finnbogadóttur hafa 148 þingmenn tekið fast
sæti á Alþingi. Aðeins 14 núverandi þingmanna áttu sæti
á Alþingi við upphaf embættistíma hennar.
Forseti lýðveldisins þakkaði þingheimi hollustu við for-
setaembættið. Hún minnti og á eigin orð, sögð er hún
fyrst setti Alþingi árið 1980:
„Það er ósk mín okkur til handa, þjóðarinnar í heild og
ykkar lýðræðiskjörinna þingmanna, sem hafið tekið á ykk-
ur þá ábyrgð að harídleika fjöregg þessarar þjóðar um sinn,
að þið megið bera gæfu til að standa sem fastast saman,
að láta það sem sameinar sitja í fyrirrúmi fremur en
ágreiningsefni og setja þjóðarheill nú og um alla framtið
ofar stundarhagsmunum og flokkadráttum. Þá þarf ekki
að ugga um Island.“
Urslitakeppni Evrópumóts landsliða hefst í Englandi á morgun
GRÍÐARLEGUR áhugi er á keppninni og nær uppselt á hvern einasta leik. Ungir knattspyrnuáhuga-
menn fylgjast grannt með hverju fótmáli leikmanna liðanna sextán og hér er hópur drengja í smábæn-
um Bamber Bridge ásamt tékkneska markverðinum Pavel Srnicek, sem leikur með Newcastle United
í Englandi, fyrir vináttuieik Tékka gegn 3. deildarliði Baxi Bamber Bridge í gær.
ÞEGAR þúsundir blóðheitra
knattspymuáhugamanna
flykkjast nú til Englands
frá öllum heimshornum til
að fylgjast með einum stærsta
íþróttaviðburði allra tíma, úrslita-
keppni Evrópumóts landsliða, svífa
heimamenn um á rósrauðu skýi og
dusta rykið af gömlum myndbands-
upptökum sem sýna Englendinga
leggja Vestur-Þjóðveija að velli í úr-
slitaleik heimsmeistarakeppninnar,
sem einmitt fór fram á Englandi,
fyrir þijátíu árum.
Flestir Englendingar eiga sér þann
draum að ævintýrið frá keppninni
1966 endurtaki sig nú og enska
landsliðið vinni fyrsta stórmótið í
knattspyrnu síðan Bobby Moore tók
við Jules Rimet-styttunni eftirsóttu
úr hendi Elísabetar Englandsdrottn-
ingar. „Okkur tókst það ’66, okkur
mun takast það ’96,“ var stór fyrir-
sögn í Daily Mirror um þessar mund-
ir og fyrir neðan birtist mynd af hinu
sigursæla landsliði Englands frá 1966
- en andlit leikmanna liðsins í dag
voru sett inn í stað þeirra gömlu.
Svart-hvítur
draumur
„Knatt-
spyrnan
kemur
heim“
Þijár milljónir manna í Englandi
settust niður fyrir framan sjónvarps-
tæki sín á mánudag og horfðu á
svart-hvíta sjónvarpsupptöku af hin-
um frækna sigri enska landsliðsins á
því þýska í úrslitaleiknum ’66 og í
síðustu viku fór lag, sem rifjar upp
sigurinn, beint í fyrsta sæti breska
vinsældalistans. Fjöldi blaðagreina og
sjónvarpsþátta hefur verið helgaður
hinum glæsta tíma þegar enskir
knattspyrnuáhugamenn gengu stoltir
um götur Lundúnaborgar og enska
landsliðið var álitið það besta í heimi.
Fortíðardýrkunin hefur jafnvel gengið
svo langt að Kenneth Wolstenholme,
sá hinn og sami og lýsti úrslitaleikn-
um ’66 í breska sjónvarpinu, hefur
skrifað bók í tilefni þijátíu ára afmæl-
isins.
En sumir Englendingar líta þó
raunsærri augum á keppnina sem
framundan er og segja að enska
landsliðið komist ekkert á fornri
frægð, nú verði því að leggja minning-
ar um glæsta fortíð til hliðar og ein-
beita sér að nútímanum. Enska knatt-
spyrnusambandið hefur einnig verið
gagnrýnt fyrir að taka þátt í draumór-
um þjóðarinnar um að gott gengi
1966 komi enska landsliðinu á verð-
launapall nú þijátíu árum síðar.
Knattspyrnusambandið hefur kallað
þennan mikla atburð „knattspyrnan
kemur heim“ til að minna á það hlut-
verk sem England hefur leikið í þróun
knattspyrnunnar í heiminum og leik-
staðir hafa verið skreyttir með borð-
um sem sýna gamlar stjörnur Eng-
lendinga úr knattspyrnuheiminum,
menn á borð við Gary Lineker, Bobby
Moore og Stanley Matthews, og þótt
slíkt gefi keppninni óneitanlega
skemmtilegt yfírbragð telja margir
að of lítið sé gert til að kynna fyrir
Úrslitakeppni Evrópumóts landsliða í knatt-
spymu hefst í Englandi á morgun og er beð-
ið með mikilli eftirvæntingu. Sigurgeir Guð-
laugsson komst að því að Englendingar em
ósparir á að riija upp við þetta tækifæri er
þeir urðu heimsmeistarar fyrir 30 ámm, en
keppnin nú þykir það sterk að sumir nefna
hana heimsmeistarakeppni án Brasilíumanna.
Reuter
JURGEN Klinsmann, fyrirliði þýska landsliðsins, veifar úr lang-
ferðabifreið liðsins eftir komuna til flugvallarins í Manchester í
gær. Mario Basler talar í farsíma sinn að baki Klinsmann. Þjóð-
veijar eru taidir sigurstranglegastir í keppninni skv. veðbönkum,
en fyrsti leikur þeirra verður gegn Tékkum á sunnudag.
þjóðinni þá menn, sem eiga að verða
hinar nýju stjörnur knattspyrnunnar
og tryggja Englendingum fyrsta Evr-
ópumeistaratitil sinn.
HM án Brasilíu
Gestgjafarnir hafa sterku liði á að
skipa en leið þeirra í fyrsta sætið er
þó langt frá því að vera greið. Flest
af öflugustu knattspyrnulandsliðum
heims eru mætt til leiks á Englandi
og hafa margir sagt að væru Brasilíu-
menn með stæðist keppnin fyllilega
samanburð við heimsmeistarakeppn-
ina, og hafa kallað keppnina nú HM
án Brasilíu.
í keppninni á Englandi eru sjö af
þeim. átta liðum sem lengst komust
í Bandaríkjunum á heimsmeistara-
mótinu fyrir tveimur árum, aðeins
heimsmeistararnir frá Brasilíu kom-
ust lengra. Það verður því eflaust
hart barist um Evrópumeistaratitilinn
þar sem mörg lið koma til greina.
Líklegust til afreka verða þó að telj-
ast lið Þjóðveija, Hollendinga,
Frakka, ítala, Rússa og gestgjafanna
sjálfra, Englendinga. Einnig eru Kró-
atar taldir með sterkt og skemmtilegt
lið, Portúgalir eru til alls líklegir og
Danir sýndu það og sönnuðu svo eftir-
minnilega í Svíþjóð fyrir fjórum árum
að þá má aldrei afskrifa.
Ótti við
knattspyrnubullur
Margir Englendingar óttast mjög
ólæti og skemmdarverk af hálfu hinna
svokölluðu knattspyrnubulla og er
lögregla þar í landi stöðugt á varð-
bergi gagnvart þeim mönnum, sem
taldir eru „óæskilegir" á knattspyrnu-
völlum heimsins. Það er þó næsta
víst að ekki þarf að óttast að knatt-
spyrnan verði á lágu plani á Eng-
landi næstu þijár vikurnar, því allir
leikmenn liðanna, hvort sem það eru
hinir blóðheitu Tyrkir, sem nú taka
þátt í úrslitum Evrópumótsins í fyrsta
sinn, eða hinir geysisterku Þjóðveij-
ar, sem eiga áralanga sögu á sviði
knattspyrnunnar að baki, eru komnir
til Englands með sama markmið, að
færa þjóð sinni hinn glæsilega Henri
Delauney-bikar.
Margir leikmenn munu vafalaust
verða mikið í sviðsljósinu á Englandi
á næstunni, sumir sennilega meira
en aðrir, og margir þeirra munu skjót-
ast með leifturhraða upp á stjörnu-
himininn og skrá nöfn sín í knatt-
spyrnuannála við hlið manna á borð
við Johann Cruyff, Franz Beckenbau-
er og George Best. Manna eins og
Eric Cantona, Jean-Pierre Papin,
Lothar Mattháus og Roberto Baggio
verður þó eflaust sárt saknað en ný
nöfn munu kynnt til sögunnar og
strax er farið að nefna þá Patrick
Kluivert, Davor Suker, Youri Djork-
aeff og Rui Costa sem líklega arftaka
þeirra manna sem muna mega fífil
sinn fegurri.
Allt í sjónvarpinu
Keppnin á Englandi á vafalítið eft-
ir að verða ein sú besta í manna minn-
um og talið er að hún muni slá öll met
í sjónvarpsáhorfi. Allir leikirnir verða
sýndir beint í íslenska Ríkissjónvarp-
inu utan fjórir, sem sýndir verða
seinna þá daga sem þeir fara fram,
en einnig verður hægt að fylgjast
með keppninni á Fjölvarpi Stöðvar 2
(á BBC Prime).
Til að auka svo enn frekar á spennu
keppninnar hefur knattspyrnusam-
band Evrópu innleitt nýjar reglur
þess eðlis að ef leikjum lýkur með
jafntefli, eftir að upp úr riðlunum er
komið, verður leikinn bráðabani og
það lið sem fyrr skorar stendur uppi
sem sigurvegari. Þetta ætti að
minnka mjög líkurnar á að úrslit fá-
ist í vítaspyrnukeppni, sem af mörg-
um er talin ósanngjörn aðferð til að
skera úr um hvort liðið er hæfara til
. áframhaldandi þátttöku. Vítaspyrnu-
keppninni verður þó haldið að því til-
skildu að hvorugt lið hafi náð að skora
að 30 míiíútum liðnum í framleng-
ingu. Þetta nýja fyrirkomulag á að
öllum líkindum eftir að hleypa auknu
lífi í leikina í keppninni, en knatt-
spyrnuáhugamenn verða þó að bíða
enn um sinn óþreyjufullir eftir því
hvaða lið stendur að lokum uppi með
pálmann í höndunum eftir að tvö
bestu lið keppninnar leiða saman
hesta sína á Wembley-leikvanginum
í Lundúnum 30. júní næstkomandi.
FÖSTUDAGUR 7. JÚNÍ 1996 31
Hefur uppsveiflan í
sjávarútvegi slæm áhrif
á afkomu í iðnaðinum?
Þingsályktunartillaga þing-
manna Þjóðvaka um að
tekið verði upp veiðileyfa-
gjald í sjávarútvegi hlaut
ekki afgreiðslu á Alþingi, sem nú
hefur lokið störfum að sinni. Hins
vegar urðu fyrir nokkrum vikum
töluverðar umræður utan dagskrár
um sjónarmið, sem fram komu á
ráðstefnu á vegum Samtaka iðnað-
arins um stöðu iðnaðarins í nýju
góðæri við sjávarsíðuna.
Svanfríður Jónasdóttir, einn af
þingmönnum Þjóðvaka hóf þessar
umræður og sagði að nauðsynlegt
væri að koma á veiðileyfagjaldi svo
að komið yrði í veg fyrir að hækk-
andi raungengi kippti fótunum und-
an iðnaðinum líkt og gerst hefði
áður hér á landi.
Alþingi samþykkti hins vegar
skömmu fyrir þinglok lög sem gera
ráð fyrir að tekið verði sérstakt
gjald af fiskiskipum sem stunda
veiðar utan íslenskrar lögsögu.
Gjaldinu, sem er 30 aurar á kíló,
er ætlað til að- standa straum af
kostnaði við eftirlit með veiðunum.
Svanfríður sagði í umræðunum á
Alþingi að fyrir daga stöðugleika í
efnahagsmálum hefði góðæri í sjáv-
arútvegi ætíð leitt til hækkandi
raungengis, sem hefði kippt fótun-
um undan öðrum atvinnugreinum,
sem byggja afkomu sína á útflutn-
ingi. Þetta hefði leitt til þess að
nýsköpun í atvinnulífinu hefði oft
farið fyrir lítið. Undanfarin ár hefði
sjávarútvegurinn gengið í gegnum
erfiðleikaskeið samhliða minnkandi
þorskkvóta. Gengisskráning hefði
verið miðuð við þessar aðstæður og
í skjóli hennar hefði mikill uppgang-
ur orðið í iðnaði.
Svanfríður sagði að ástand þorsk-
stofnsins væri nú að batna og þess
mætti vænta að þorskkvótinn yrði
aukinn á næstu árum. „Það er vissu-
lega fagnaðarefni að afli skuli nú
glæðast á íslandsmiðum og við get-
um horft fram á betri tíð í sjávarút-
veginum. En það er við þessar
kringumstæður sem forsvarsmenn
iðnaðarins óska eftir skilningi á
stöðu greinarinnar og benda stjórn-
völdum á leið til sveiflujöfnunar, því
verði ekkert að gert hækkar raun-
gengi með gamla laginu með aukn-
um afla. Það sem áunnist hefur í
útflutningsiðnaði, samkeppnisiðnaði
og ferðaþjónustu rennur fljótt út í
sandinn."
Onnur verkefni aðkallandi
Fram kom í máli Finns Ingólfs-
sonar iðnaðar- og viðskiptaráðherra
að ýmis önnur verkefni í efnahags-
lífinu væru meira aðkallandi en
álagning veiðileyfagjalds. Það væri
afar mikilvægt að auka erlenda fjár-
festingu í atvinnulífinu, en undanf-
arin ár hefur hún aðeins verið í
kringum 0,1% af landsframleiðslu.
Hann sagði að samkeppnisstaða
atvinnulífsins gagnvart erlendum
keppinautum mælt á mælikvarða
raungengis hefði ekki verið betri í
áratugi. Við þessi skilyrði
blómstraði atvinnulífið.
Góð skilyrði væru nú fyr-
ir hendi til að skjóta
traustari stoðum undir
íslenskt atvinnulíf.
„Forsvarsmenn í iðnaði hafa
áhyggjur af mögulegri aukningu
þorskkvótans. Það er eðlilegt því
að sporin hræða. Hins vegar er það
skoðun mín að hófleg aukning
þorskkvótans muni ekki valda slík-
um straumhvörfum við núverandi
aðstæður að ástæða sé til að ætla
Innan þings og utan telja margir hættu á
að auknar þorskveiðar og góðæri í sjávarút-
vegi leiði til hækkunar á raungengi sem
aftur leiði til verri afkomu í útflutningsiðn-
aði. Þessu eru fráleitt allir sammála og
telja firru að tala um góðæri í sjávarútvegi
sem sérstakt vandamál.
Samkeppnis-
staða ekki
betri í áratugi
að aðrar atvinnugreinar bíði tjón
af. Þó að góður gangur sé í efna-
hagslífinu um þessar mundir tel ég
að hægt sé að færa fyrir því líkur
að töluverður slaki sé í þjóðarbú-
skapnum almennt."
Samtök iðnaðarins hafa bent á
þá leið til sveiflujöfnunar að taka
gjald af útgerðum skipa sem fá
aukningu á þorskkvóta í ár. Finnur
sagði að þessi leið væri ekki galla-
laus. „Þessi leið eins og hún er lögð
til jafnar ekki sveiflur. Gjaldið er
lagt á útgerð en gjaldinu er ráðstaf-
' að til almennings. Það er
ekki sveifiujöfnun og held-
ur ekki jöfnun milli ein-
stakra atvinnugreina.
Ég er ekki hlynntur því
- að tekið verði upp auð-
lindagjald á eina atvinnugrein um-
fram aðra. Auðlindagjald ætti þá
að leggjast á allar atvinnugreinar
sem nýta sér sameiginlegar auðlind-
ir þjóðarinnar. Auðlindagjald, ef til
þess kemur, mun skapa ríkissjóði
tekjur og þá er eðlilegt að lækka
skatta á atvinnulífíð á móti. Ymsar
leiðir eru færar við sveiflujöfnun.
Að mörgu þarf að hyggja við þá
skoðun. Eg bendi hins vegar á að
þessar leiðir eru til skoðunar í nefnd
sem nú er að störfum, svokallaðri
hagvaxtarnefnd undir forystu for-
sætisráðuneytis. Nefndinni er ætlað
að finna leiðir til að skapa sem best
og stöðugust vaxtarskilyrði fyrir
þjóðarbúið til lengri tíma litið.“
Stærsta baráttumálið
Sighvatur Björgvinsson, fyrrver-
andi iðnaðar- og viðskiptaráðherra,
tók undir málflutning ______________
Svanfríðar. Hann sagði að
grunnurinn að uppsveiflu
í iðnaði hefði verið lagður
í tíð síðustu ríkisstjórnar.
Mikilvægt væri að tryggja ........
að þessi vöxtur héldi áfram. Reynsl-
an kenndi mönnum að mikil hætta
væri á erfiðleikum í iðnaði samhliða
vexti í sjávarútvegi. „Ég tel að nú
sé tímabært að grípa til þeirra úr-
ræða sem íslenskur iðnaður hefur
barist fyrir. Þetta er stærsta bar-
áttumál íslensks iðnaðar að komið
verði á veiðileyfagjaldi eða áþekkri
úrlausn.“
Guðjón Guðmundsson, alþingis-
maður Sjálfstæðisflokksins, hafnaði
algerlega hugmyndum um veiði-
leyfagjald og sagði slíkar hugmynd-
ir fráleitar. Hann benti á náin tengsl
iðnaðar og sjávarútvegs. Útflutn-
ingur á iðnaðarvörum til sjávarút-
vegs hefði aukist mikið og væri
ákveðinn vaxtarbroddur í íslenskum
iðnaði.
Þingmennirnir Steingrímur J.
Sigfússon, Jón Kristjánsson og Ein-
ar K. Guðfinnsson tóku undir þetta
sjónarmið og sögðu að umræða um
þörf fyrir sérstakar ráðstafanir
vegna uppsveiflu í sjávarútvegi
væri ótímabær. Steingrímur sagði
fréttir af „óviðráðanlegu góðæri í
sjávarútvegi á kostnað iðnaðarins“
væru stórlega ýktar. Skuldir sjávar-
útvegsins næmu yfír 100 milljörðum
króna. íslenskur sjávarútvegur ætti
í harðri samkeppni við ríkisstyrktar
fiskvinnslur erlendis.
Jón Kristjánsson sagði sérkenni-
legt að umræða um skattlagningu
á sjávarútveginn færi fram á sömu
dögum og forsvarsmenn físk-
vinnslufyrirtækja víða um land
væru að taka afstöðu til þess hvort
þeir ættu að hafa vinnsluna opna í >
sumar vegna taprekstrar.
Spurt um
langtímastefnu
Ágúst Einarsson, þingmaður
Þjóðvaka, sagði mikilvægt að
vaxtarbroddur í iðnaði yrði ekki
kæfður með hækkandi raungengi
eins og margoft hefði gerst i ís-
lenskri hagsögu. Hann sagði að
efnahagsstefnu þjóðarinnar hefði
verið breytt 1990, en við hefðum
ekki enn breytt langtímahugsun
okkar. Ábendingar Samtaka iðnað-
arins snerust um að rífa menn út
úr efnahagsstefnu fortíðarinnar.
Pétur Blöndal, þingmaður Sjálf-
stæðisflokksins, sagði umræðu um
þessi mál þarfa. Það hefði gerst
með reglulegu millibili að uppgang-
ur í sjávarútvegi hefði orðið til þess
að rústa iðnaðinn. Þetta snerist hins
vegar ekki um hvað gerðist í haust
eða um næstu áramót heldur hvað
við gerðum á næstu áratugum.
Hann sagðist vera ósammála þeim
sem teldu bestu leiðina við sveiflu-
jöfnun að taka upp auðlindaskatt.
Reynslan kenndi okkur að ríkið
væri ekki fært um að beita sveiflu-
jöfnun.
Einar Oddur Kristjánsson, þing-
maður Sjálfstæðisflokksins, gagn-
rýndi harðlega hugmyndir um að
leggja sérstakan skatt á byggðirnar
sem eingöngu lifa á sjávarútvegi.
Hann sagði það jafnframt mikla
sögufölsun hjá þeim sem héldu því
fram að sjávarútvegur íslands hefði
rústað iðnaðinn. Það væri eyðslu-
vandamál íslendinga sem hefði rúst-
að framleiðsluna og útflutnings-
greinarnar hvað eftir annað.
Svanfríður Jónasdóttir sagði und-
__________ ir lok umræðunnar að það
væri útúrsnúningur hjá
þingmönnum sem töluðu
um að hún hefði með
málflutningi sínum verið
að ræða um uppsveiflu í
sjávarútvegi sem sérstakt vanda-
mál. Hún sagðist hafa verið að setja
fram kröfu um annars konar efna-
hagsstefnu. Verið væri að fara fram
á fyrirhyggju og að hér verði málum
háttað þannig að atvinnugreinarnar
fengju að þrífast hlið við hlið.
Vaxtarbrodd-
urinn verði
ekki kæfður