Morgunblaðið - 11.06.1996, Blaðsíða 2
ie1 Á
P 'inri r Ír/M. , r n„n„iMlni,.H
2 C ÞRIÐJUDAGUR 11. JÚNÍ 1996
MORGUNBLAÐIÐ
Hér er um að ræða 1800 ferm. jarðhæð og 338 ferm. skrif-
stofuhæð að Smiðjuvegi 72. Þetta húsnæði er til sölu hjá Húsa-
kaupum. Til greina kemur einnig að leigja það.
Nýbygging
Sólningar við
Smiðjuveg til sölu
HJÁ fasteignasölunni Húsakaup-
um er til sölu stórt atvinnuhúsnæði
að Smiðjuvegi 72 í Kópavogi. Þetta
er 1800 ferm. jarðhæð og 338 ferm.
skrifstofuhæð. Húsnæðið er í eigu
Sólningar og er að kalla nýtt, en
byijað var á byggingaframkvæmd-
um 1990 og þeim lokið 1995.
Að sögn Brynjars Harðarsonar
hjá Húsakaupum er þetta mjög
vandað hús, klætt ímúr-múrklæðn-
ingu. „Jarðhæðin er sérhönnuð sem
iðnaðarhúsnæði og mikið burðarþol
í gólfi," sagði Brynjar. „Lofthæðin
er fimm metrar. I dag eru þetta fjór-
ar einingar og innkeyrsludyr á þeim
öllum, en þeim er hægt að ijölga
eða fækka að vild.
Hægt er að setja í glugga og dyr
eftir hentugleikum. Dýpt eininganna
er 18 - 25 metrar. Aðstaðan utan-
húss er líka mjög góð. Húsið stendur
á endalóð og því er gott og afmark-
að athafnasvæði við það.
Einingarnar eru all mismunandi
að stærð. Ein er 489 ferm., önnur
630 ferm., sú þriðja 273 ferm. og
sú fj'órða 322 ferm. Verksmiðja Sóln-
ingar hefur starfað í þessu hús-
næði, en hún hefur nýlega flutt
starfsemi sína til Keflavíkur.
Húsið er mjög vel sýnilegt frá
umferðaræðum, aðkoma góð og auð-
ratað er að húsinu við Smiðjuveg.
Allt húsið er byggt með sérþarfír
iðnaðar fyrir augum, svo sem einkar
góðum brunavömum og miklu burð-
arþoli. Hægt er að loka hverri ein-
ingu með sérstökum brunavamar-
hurðum.
Þetta húsnæði hentar því afar vel
fyrir hvers konar iðnaðar- og fram-
leiðslustarfsemi, en einnig fyrir ýmis
skonar þjónustu og verslunarrekstur.
Skrifstofuhúnæðið er á efstu hæð
hússins og standa nú yfír innrétting-
ar á því. Á efstu hæðinni eru gluggar
á öllum hliðum og mikið útsýni er
þaðan. Eins og jarðhæðinni má
skipta skrifstofuhæðinni í tvær til
þijár einingar.
Fullbúið 80 ferm. mötuneyti er
þegar fyrir hendi og góð starfs-
mannaaðstaða, svo sem sturtur og
búningsklefar. Fyrir utan húsið eru
góð og malbikuð bílastæði. Til greina
kemur annað hvort að leigja hús-
næðið eða selja það.“
Hús í Laugarneshverfi
Uppi er 140 fm séríbúð. 5 herb., stofa, eldhús o.fl. Suður-
svalir. 40 fm verönd ásamt 37 fm bílskúr. Niðri eru 3
verslunarpláss, ca 47 fm hvert, með sérhita og rafmagni.
Tvöföld járnagrind er í húsinu. Stækkunarmöguleikar.
íbúðin gæti selst sér.
Upplýsingar í síma 553 6125.
Enn um
greiðslumat
Markadurinn
Það er sama hve nákvæmt greiðslumat vegna
íbúðarkaupa er, segir Grétar J. Guðmundsson,
rekstrarstjóri Húsnæðisstofnunar ríkisins. Sú
hætta verður alltaf fyrir hendi, að einhveijir lendi
í greiðsluerfiðleikum.
Það ætlar að ganga illa að koma
því til skila út á hvað
greiðslumatið í húsbréfakerfinu
gengur. Þetta á reyndar sérstak-
lega við um suma þeirra sem
starfa við húsnæðismál með ýms-
um hætti, því misskilnings gætir
enn í umfjöllun um þennan þátt
hins opinbera húsnæðislánakerfis,
þrátt fyrir það að næstum því sjö
ár séu liðin frá upphafi kerfisins.
Tilgangur greiðslumats
Öðru hveiju heyrast eða sjást á
prenti fullyrðingar þess efnis, að
skortur sé á raunhæfu greiðslu-
mati í húsbréfakerfinu. Þá fylgir
jafnvel með, að rekja megi
greiðsluerfiðleika fólks að hluta til
greiðslumatsins. Þeir sem tala eða
skrifa á þessum nótum eru vænt-
anlega þeirrar skoðunar, að sér-
fræðingar á þessu sviði eigi að
ákveða fyrir fólk hve dýra íbúð
það hefur getu til að festa kaup
á og þá hve dýra íbúð fólk á að
fá heimild til að kaupa.
Greiðslumatið í húsbréfakerf-
inu, sem komið var á við upphaf
þess á árinu 1989, var ekki hugs-
að í þá veru. Tilgangur þess hefur
alla tíð fyrst og fremst verið að
veita ráðgjöf sem og að tryggja
að hið opinbera verði ekki fyrir
skakkaföllum vegna þeirrar ríkis-
ábyrgðar sem er á húsbréfunum.
Reynsla af
greiðsluerfiðleikum
Greiðslumatið í húsbréfakerfinu
byggist á margra ára reynslu. Sú
reynsla hefur m.a. fengist af þeirri
vinnu sem unnin hefur verið á
Húsnæðisstofnun ríkisins í
tengslum við aðstoð við íbúðar-
eigendur í greiðsluerfiðleikum og
staðið hefur yfír óslitið í rúmlega
áratug. Það er næsta víst, að þeir
sem hafa viljað taka við þeirri
ráðgjöf sem felst í greiðslumatinu,
þeir hafa ekki lent i
greiðsluerfiðleikum vegna þess.
Einhveijir hafa hins vegar
eflaust litið á greiðsiumatið fyrst
og fremst sem þröskuld, sem þeir
hafa þurft að yfirstíga til að gera
það sem þeir höfðu áhuga á sjálfir.
En hvað með það? Hvers vegna
ættu þeir ekki að mega það?
Fastei^nalán Landsbréfa
til allt að 25 ára
Vextir af lánunum eru á bilinu 6,75 til 8,25%.
Lánin henta t.d. þeim sem viija skuldbreyta eldri lánum,
kaupa stærri eignir eða vilja taka lán til framkvæmda.
M
Ráðgjafar Landsbréfa hf. veita allarfrekari upplýsingar . LANDSBRÉF HF.
- 'lthx fjíhh
D
SUÐURLANDSBRAUT 24, 1 0 8 REYKJAVIK, SIMI 5 8 8 92 00, BREFASIMI 5 8 8 8 5 9 8
Breyttar forsendur
Það er alveg sama hve nákvæmt
greiðslumat vegna íbúðarkaupa
er, sú hætta verður alltaf fyrir
hendi, að einhveijir muni lenda í
greiðsluerfiðleikum. Erfiðleikar í
framhaldi af íbúðarkaupum geta
að sjálfsögðu komið upp. Ef for-
sendur íbúðarkaupa breytast eftir
að kaup eru ákveðin, svo sem
vegna lækkunar á launum eða
annarra óvæntra atvika, þá skiptir
í raun litlu máli hve nákvæmt
greiðslumatið var í byijun.
Alyktun um
greiðslumat
Á þingi Neytendasamtakanna
sem haldið var í byijun maí sl.
voru m.a. samþykktar ályktanir
um fjármál heimilanna. Þar kom
fram að skortur væri á raunhæfu
greiðslumati í húsbréfakerfínu og
það ásamt öðru tengt við fjárhags-
vanda heimilanna.
Fram kemur í ályktun samtak-
anna, að viðmiðunarneysla sé for-
senda fyrir greiðslumati. Þó er
tekið fram í ályktuninni, að ekki
megi beita reglum um greiðslumat
svo þröngt að fólki verði neitað
um úrræði sem lækkar húsnæðis-
kostnað þess frá því sem fyrir er.
Þessi viðbót er nokkuð undarleg,
því þarna er ekki mikið samhengi
á milli.
Viðmiðunarneysla
og greiðslumat
Viðmiðunarneysla er viðmiðun
sem tilgreinir hvað kostar að reka
heimili miðað við fjölskyldustærð,
aldur og þarfir. Hætt er við að
margir, sem nú fá þó greiðslumat
sem miðast við 18% af heildarlaun-
um þeirra, myndu ekki fá hátt
mat ef viðmiðunarneysla lægi fyr-
ir. Til hvers þá að taka upp viðmið-
unarneyslu, sem forsendu fyrir
greiðslumati, ef síðan á ekki að
fara eftir henni, því ekki megi
beita reglum um greiðslumat
þröngt, eins og ályktun þings
Neytendasamtakanna segir?
Þetta gengur ekki upp, enda
gætir misskilnings í umfjöllun
Neytendasamtakanna um
greiðslumatið. Það á reyndar einn-
ig við um umfjöllun um húsnæðis-
mál í báðum tölublöðum Neyt-
endablaðsins, blaði samtakannaj
sem komið hafa út á þessu ári. I
þessum blöðum, eins og í ályktun
samtakanna um greiðslumatið í
húsbréfakerfinu, er litið framhjá
þeirri reglu sem er í gildi um
greiðslumatið og snýr að þeim
fjármálastofnunum sem sjá um
matið.
Sjálfstætt mat
á greiðslugetu
í reglum um greiðslumatið í
húsbréfakerfinu er gert ráð fyrir
því, að fjármálastofnanir, sem
þekkja vel til fjármála umsækj-
enda og viðskiptavina sinna, eigi
að leggja sjálfstætt mat á greiðslu-
getu hvers og eins og eiga að
nýta til þess öll venjuleg banka-
gögn, svo sem viðskiptamanna-,
lokana- og vanskilaskrá.
Viðmiðunin er að greiðslugetan
sé ekki metin hærri en 18% af
heildarlaunum að jafnaði. Telji
fjármálastofnanir að greiðslugeta
viðkomandi umsækjanda sé lægri
eða hærri en það, þá verði tekið
tillit til þess í greiðslumati sem
gefið verður út.
Upplýsingar um greiðslugetu
viðskiptamanna fjármálastofnana
ættu ekki að vera lakari gögn til
grundvallar við íbúðarkaup en við-
miðunarneysla sem byggist á með-
altölum, nema síður sé. Eflaust
kemur þó einhvern tímann að því
að viðmiðunarneysla verður gefin
út.
Það mun hins vegar ekki breyta
miklu um greiðsluerfiðleika
íbúðareigenda í framtíðinni, sér-
staklega þegar tekið er tillit til
þess, að helstu ástæður erfiðleika
íbúðareigenda á undanförnum
árum eru þær, að forsendur breyt-
ast eftir kaup. Viðmiðunameysla
breytir þar engu um.
Fasteigna-
sölur í
blabinu
í dag
Agnar Gústafsson bls. 11
Almenna fasteignas. bls. 11
Ás bls. 29
Ásbyrgi bls. 20
Berg bls. 32
Bifröst bls. 31
Brynj. Jónsson bls. 25
Borgir Hs. 27
Borgareign ■ / bls. 4
Eignamiðlun tis. 3 og 21-22
Eignasalan bls. 26
Fasteignamarkaður bls. 6
Fasteignamiðstöðin bls. 14
Fasteignamiðlun bls. 25
Fasteignasala Reykjav. bis. 29
Fjárfesting bls. 8
Fold bls. 9
Framtíðin , m bls. 11
Frón bls. 28
Gimli bls. 13
Hátún bls. 4
Hóll bls. 16-17
Hraunhamar bis. 24
Húsakaup bls. 30
Húsvangur bls. 7
Kjörbýli bls. 22
Kjöreign bls. 21
Laufás bls. 26
■MM bls. 15
Skeifan bls. 10
Stakfell bls. 25
Valhöll bls. 12
Valhús bls. 32
Þingholt bts. 5