Morgunblaðið - 12.06.1996, Blaðsíða 4

4 MIÐVIKUDAGUR 12. JÚNÍ 1996
MORGUNBLAÐIÐ
-
FRÉTTIR
Framk væmdastj óri Mecklenburger um úthlutun karfakvóta ESB á Reykjaneshrygg
Sáttir við heildarmagnið
sem er um 18 þúsund tonn
ÞJÓÐVERJAR fá samtals 18.220 tonn af karf-
akvóta Evrópusambandsins á Atlantshafs-
hryggnum, en kvótanum var skipt á fundi Ráð-
herraráðs Evrópusambandsins á mánudag. Heild-
arkvótinn er um 27 þúsund tonn. Gera má ráð
fyrir að skip dótturfélags Útgerðarfélags Akur-
eyringa, Mecklenburger Hochseefischerei, fái að
veiða hlut Þýskalands, sem er 67,5% af heildark-
vótanum.
Sáttir við heildarmagnið
„Mecklenburger Hochseefíscherei er eina út-
gerðarfélagið á öllu Evrópusvæðinu sem hefur
sinnt veiðum á þessu svæði undanfarna áratugi.
Með tiliiti til þess töldum við að hlutur landsins
yrði meiri,“ sagði Guðmundur Tulinius fram-
kvæmdastjóri Mecklenburger Hochseefischerei,
en hann sagði að fleiri þættir en veiðireynsla
hefðu spilað inn í úthlutunina, m.a. pólitík milli
Evrópuríkjanna „Auðvitað vill maður alltaf fá
sem mest, en það var ekki raunhæft að gera sér
vonir um meira.“
„Miðað við aliar aðstæður er þetta ágætis lausn
Morgunblaðið/Kristján
LÍKLEGT er að togarar MHF, dótturfé-
lags Útgerðarfélags Akureyringa, veiði
kvóta Þýskalands á Reykjaneshrygg.
fyrir okkur, sérstaklega þegar við lítum á heiidar-
magnið, við erum alls ekki ósáttir við það,“ sagði
Guðmundur. Hann sagðist fagna því að búið
væri að skipta kvótanum. Það hefði getað þýtt
verri útkomu fyrir Þýskaland hefði það dregist
lengur, þrýstingur frá öðrum aðildarlöndum sam-
bandsins, sérstaklega Spáni og Portúgal og jafn-
vel Englandi, hefði þá orðið meiri. Raunar hefði
verið æskilegt að skipta kvótanum fyrr.
Guðmundur gerði ráð fyrir að þessi hlutföll
myndu haldast, þó svo að heildarmagn kvótans
yrði eitthvað breytilegt, en útlit væri fyrir að
áfram yrði hægt að veiða á Reykjaneshryggnum.
Vísindamenn teldu stofninn þar sterkan.
Aðalveiðitíminn á Reykjaneshryggnum er á
tímabilinu frá maí til júníloka. Öll sex skip MHF
eru að veiðum á hryggnum og hafa verið að fiska
vel. Eitt skipanna, Auriga Ros 801, er í sinni
síðustu veiðiferð, en það hefur verið selt og verð-
ur afhent nýjum eigendum í byijun júlímánaðar.
Bretar og írar á móti
Þýskaland fékk sem fyrr segir rúm 18 þúsund
tonn við skiptingu karfakvóta ESB, Frakkar
fengu 1.700 tonn, Hollendingar 8 tonn, Portúgal-
ir 3.828 tonn, Spánn fékk 3.200 tonn, Bretland
44 tonn og írland 4 tonn._ Samkvæmt upphaf-
legri tillögu áttu Bretar og írar ekki að fá úthlut-
að kvóta á Reykjaneshryggnum og greiddu full-
trúar landanna atkvæði á móti þessari skiptingu.
Fjórir inn-
brotsþjófar
handteknir
FJÓRIR menn eru í haldi lögregl-
unnar í Keflavík vegna þriggja inn-
brota í fyrrinótt.
Brotist var inn í áhaldahús Kefla-
víkur þar sem einnig eru skrifstofur
Sambands sveitarfélaga á Suður-
nesjum (SSS), fiskverkunina Mið-
nes í Sandgerði og í félagsheimili
hestamanna á Mánagrund.
í húsnæði SSS var hurðum
sparkað upp og farið inn á skrifstof-
ur. Þaðan var m.a. stolið ferðatölvu
og milli 10 og 20 þúsundum króna.
Þá var farið inn á skrifstofu áhalda-
hússins þar sem peningaskápur var
brotinn upp með verkfærum úr
áhaldahúsinu; kúbeini, haka og
slaghamri. Mennirnir brutust síðan
inn í fiskverkunina Miðnes, þar sem
hurð var sparkað upp og gluggi
brotinn. Þaðan var engu stolið. Ur
félagsheimili hestamanna var stolið
smáræði af peningum.
Mennirnir fjórir, sem grunaðir
eru um innbrotin, voru handteknir
skömmu eftir hádegi í gær. Á þeim
fannst lítilsháttar af fíkniefnum.
Rannsóknardeild lögreglunnar í
Keflavík hefur málið til rannsóknar.
j
Cantat aftur í
notkun eftir átt-
undu bilunina
BÚIÐ er að taka sæstrenginn Cant-
at-3 í notkun aftur en hann bilaði
sl. mánudag. Nauðsynlegt verður þó
að taka sæstrenginn upp þar sem
bilunin er og er reiknað með að það
verði gert í sumar. Þetta er í átt-
unda sinn sem strengurinn bilar og
eru það heldur fleiri bilanir en reikn-
að var með að sögn Jóns Þórodds
Jónssonar, yfirverkfræðings sam-
bandadeildar Pósts og síma.
Skammhlaup varð í strengnum
miðja vegu milli íslands og Kanada
beint suður af Grænlandi. Hægt var
með tæknilegum aðferðum að úti-
loka bilunina þannig að sæstrengur-
inn getur gegnt hlutverki sínu. Með-
an strengurinn var bilaður var sím-
tölum komið yfír Atlantshafið með
aðstoð gervihnattar.
Áttunda bilunin
Jón Þóroddur sagði að mönnum
væri ekki kunnugt um hvers vegna
bilanir á strengnum væru þetta tíð-
ar, en þetta er í áttunda sinn sem
hann bilar. Hann sagðist ekki telja
að þær orsökuðust af legu strengs-
ins. Bilanirnar hefðu komið fram á
ólíkum stöðum. Helst hölluðust
menn að því að um „barnasjúkdóma“
væri að ræða, sem menn væru von-
andi að verða lausir við. Eitthvað
af bilunum mætti líklega rekja til
galla við Iagningu strengsins.
Gífurlegur kostnaður fylgir því
að taka sæstrenginn upp, en bilunin
er á 4,5 kílómetra dýpi. Jón Þórodd-
ur sagði að eigendur sæstrengja
yfir Atlantshafið hefðu með sér félag
og gerðu út viðgerðarskip. Kostnaði
við viðgerðimar væri jafnað niður á
eigendurna. Það fylgdi því hins veg-
ar umtalsverður kostnaður að fá
afnot af gervihnetti. Sem betur fer
hefði aðeins þurft að notast við
gervihnött í tvo daga í þessu tilviki.
Jón Þóroddur sagði að viðskipta-
aðilar Pósts og síma hefðu orðið fýr-
ir nokkrum óþægindum vegna bilun-
arinnar. Stefnt væri að því að stytta
þann tíma sem tekur fyrir Póst og
síma að skipta yfír á gervihnött þeg-
ar bilun verður á sæstrengnum.
Dagskráin
næstu daga
Miðvikudagur 12. júttí:
Setið fyrir svörum á
Bylgjunni frá kl. 17-18.
Fundur: Húsavík,
Hótel Húsavík kl. 20:30
Miðnæturfundur í Grímsey
Fimtntudagur 13. júní:
Heimsókn til Hríseyjar
og Ólafsfjarðar
Fundir: Dalvík,
Víkurröst kl. 12:00
Siglufjörður,
Bíósalur kl. 17:30
Akureyri, Alþýðuhúsið
kl. 20:30
Upplýsingar um forsetakosningarnar
eru gefnar á kosningaskrifstofunni í
Borgartúni 20 og í síma 588 6688
Upplýsingar um atkvœða-
greiðslu utan kjörfundar
eru gefnar í síma
553 3209
jmm
Morgunblaðið/Þorkell
GREIÐLEGA gekk að slökkva eld sem læsti sig í ris fjölbýlishúss á horni Njálsgötu og Snorrabraut-
ar en mikið tjón hlaust engu að síður af reyk og vatni.
Staðinn að íkveikju
í fjölbýlishúsi
TÆPLEGA fimmtugur maður gekk
í gærdag berserksgang í fjölbýlis-
húsi á horni Njálsgötu og Snorra-
brautar og kveikti í að minnsta kosti
á fjórum stöðum bæði í geymslurisi
og í kjallara. Maðurinn sem býr í
húsinu gaf sig fram við lögreglu um
það leyti er hún kom á vettvang og
játaði verknaðinn fyrir Rannsóknar-
lögreglu ríkisins.
Mikið tjón hlaust af eldi, reyk og
vatni í risi hússins og einnig lítillega
á efstu hæð hússins. Fólk var aldrei
í hættu, að sögn aðalvarðstjóra
slökkviliðsins.
Gekk um með kveikjara
Guðrún Skúladóttir, sem rekur
verslunina Erlu á fyrstu hæð í hús-
inu, var sjónarvottur að íkveikjun-
um. „Ég varð vör við að hann reyndi
að kveikja í hjá mér í versluninni.
Ég fann þá megna reykjarlykt og
komst að því að hann hafði kveikt
fyrst eld í risinu en síðan farið niður
í kjallara og kveikt þar í gúmmíhjól-
börðum. Þegar ég kom niður aftur
gekk hann inn í verslun mína með
logandi kveikjara. Ég náði að sann-
færa hann um að hætta og skömmu
síðar gaf hann sig fram.“
Guðrún sagði að nágranni sinn
hafi ekki ógnað sér en viðurkenndi
að sér hafí brugðið verulega.
Hróp á hjálp
Maðurinn er talinn vanheill á geði
að sögn Guðrúnar, sem segir að íbú-
ar hússins hafi vitað um erfiðleika
hans um nokkurt skeið. „í gær
[mánudag] trúði hann bæði mér og
starfsmanni öryggisþjónustufyrir-
tækis fyrir því að hann væri brennu-
vargur. Þegar hann síðan óð inn í
verslunina með kveikjarann á lofti
sagði hann við mig: „Ég er búinn
að biðja þá um að taka mig úr um-
ferð en þeir vilja það ekki.“
Þessi orð staðfesta að hann gerði
sér grein fyrir því að hann getur
verið hættulegur umhverfí sínu. Þetta
er hróp hans á hjálp og nauðvöm til
að komast inn á stofnun. Fyrr um
daginn hafði ég séð hann og þá sá
ég greinilega sálarangist hans í and-
litinu. Ég vil taka það sérstaklega
fram að íbúar hússins hafa ríka sam-
úð með honum og við höfum reynt
að gera vel við hann. Þeir eru slegn-
ir en af samtölum mínum við þá veit
ég að þrátt fyrir atvikið í dag bera
allir hlýhug til hans.“
Slökkvistarf gekk greiðlega
Slökkvilið var kallað út klukkan
15:06 og afréð lögregla að loka
Snorrabraut fyrir allri umferð til að
auðvelda slökkvistarf. Að sögn
Ragnars Sólonssonar, aðalvarðstjóra
Slökkviliðs Reykjavíkur, gekk til-
tölulega greiðlega að slökkva eldinn
en mikill hiti gerði reykköfurum þó
erfitt fyrir. Brjóta þurfti leið í gegn-
um þakið til að kljást við eldinn sem
hafði læst sig í geymslur í risi. Sam-
kvæmt upplýsingum slökkviliðs urðu
skemmdir hvorki í kjallara né í versl-
uninni.
Maðurinn hefur, eftir því sem
næst verður komist, ekki áður verið
staðinn að íkveikju.