Morgunblaðið - 12.06.1996, Blaðsíða 60
SH**0tni(!*frtfe
«YUNDAI
HÁTÆKNI TIL FRAMFARA
M Tæknival
SKEIFilNNI 17
SlMI 550-4000 ■ FAX 550-4001
MORGUNBLAÐIÐ, KRINGLAN 1. 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBlJalCENTRUM. IS / AKUREYRI: HAFNARSTRÆTl 85
MIÐVIKUDAGUR 12. JÚNÍ 1996
VERÐ í LAUSASÖLU 125 KR. MEÐ VSK
VARÐSKIPIÐ Týr með nótaskipið Flosa ÍS í togi djúpt austur af landinu síðdegis í gær á leið til Neskaupstaðar.
„Ohugnanleg lífsreynsla“
„ÉG VAR uppi á móttökukassanum að
færa á milli í lestinni þegar báturinn var
skyndilega kominn á hliðina. Þetta tók
enga stund. Skyndilega var kallað til mín
að drífa mig í flotgallann og kasta mér
í sjóinn. Þetta var óhugnanleg lífs-
reynsla,“ segir Hjálmtýr V. Hjálmtýsson,
17 ára háseti á Flosa ÍS sem lagðist á
hliðina þegar verið var að dæla síld um
borð í bátinn úr Berki NK við færeysku
lögsöguna á sunnudag.
Sigurjón Magnússon, stýrimaður á
Flosa, segir að byrjað hafi verið að dæla
um kl. 18 úr Berki í Flosa. „Við vorum
með 50-60 tonn og dældum öðru eins en
þá lagðist báturinn á hliðinavar eins og
hendi væri veifað. Ég skipaði mönnum
bara að loka dyrum og stóð sjálfur hálfur
í sjó úti á dekki stjórnborðsmegin. Við
kipptum stútnum af en svo leist mönnum
ekki á blikuna þegar skipið var komið
með þennan halla á sig.
Skipstjórinn skaut þá út bátnum og
síðan gekk þetta vel fyrir sig. Þetta gerð-
ist allt saman á einni mínútu," segir
Sigurjón. Þegar ljóst var í hvað stefndi
var Flosi farinn að hallast um allt að 45
gráður og tíu skipverjar um borð. Voru
þeir allir á þilfarinu.
Skipverjar sem Morgunblaðið ræddi
við í gær töldu að skilrúm í lestinni hlytu
að hafa gefið sig svo farmurinn lenti all-
ur sljórnborðsmegin. Reyndu þeir án
árangurs að moka síldinni yfir í bak-
borðssíðuna.
Börkur hélt síðan sjó við Flosa þar til
varðskipið Týr kom á staðinn. Týr tók
Flosa í tog um hádegi á mánudag og hafði
allt gengið að óskum i gærkvöldi sam-
kvæmt upplýsingum Landhelgisgæslunn-
ar. Farið var að blása nokkuð á móti og
sjór tekinn að þyngjast seinnipartinn í
gær. Búist var við því að Týr kæmi með
Flosa til Neskaupstaðar eftir hádegi í dag.
■ Óhugnanleg lífsreynsla/6
Morgunblaðið/Ágúst Blöndal
SKIPVERJARNIR níu af Flosa ÍS, sem bjargað var um borð í Börk NK , við
komuna til Neskaupsstaðar í gær. Skipstjórinn er um borð í Tý á leið til lands.
Rannveig Rist tekur við
starfi forstjóra ÍSAL
Morgunblaðið/Ásdls
RANNVEIG Rist, nýráðinn forsljóri ÍSAL, með Christian Roth,
sem lætur af störfum sem forstjóri um áramótin.
STJÓRN Alusuisse-Lonza hefur
samþykkt að ráða Rannveigu Rist
forstjóra íslenska álversins hf. frá
og með næstu áramótum. Dr.
Christian Roth, sem verið hefur for-
stjóri fyrirtækisins í átta ár, lætur
þá af starfi að eigin ósk. Ákvörðun
þessi var kynnt starfsmönnum í dag.
„Mér líst vel á að taka við þessu
starfi. Þetta er ögrandi verkefni.
Framundan eru skemmtilegir tímar
hjá fyrirtækinu í tengslum við
stækkun þess,“ sagði Rannveig í
gær.
Rannveig, sem er 35 ára, hefur
starfað hjá ÍSAL síðan 1990. Ekki
eru fordæmi þess að kona gegni
forstjórastöðu í svo stóru iðnfyrir-
tæki hér á landi.
Roth sagðist hafa átt frumkvæði
að þvi að tillaga var gerð um Rann-
veigu sem næsta forstjóra fSAL.
Hann sagði að þó að ISAL hefði
haft það á stefnuskrá sinni að auka
hlut kvenna hjá fyrirtækinu hefði
þessi ráðning ekkert með kynferði
að gera. Rannveig væri ráðin í þetta
starf vegna ótvíræðra hæfileika
sem stjórnandi og skipuleggjandi.
Rannveig hefur undanfarin ár
stjórnað vinnu í steypuskálanum,
sem er önnur_ af tveimur fram-
leiðsludeildum ÍSAL. Hún sagði að
næstu verkefni hjá sér væru að
kynna sér vel verkefni annarra
deilda fyrirtækisins. Hún hefði tíma
fram að næstu áramótum til að búa
sig undir nýja starfið.
Kynferði skiptir ekki máli
Rannveig var spurð hvort það
skipti máli fyrir hana að vera fyrsta
konan á íslandi til að taka við for-
stjórastöðu í stóru iðnfyrirtæki.
„Það má kannski segja að ég sé
að ryðja braut á nýjum sviðum og
ég mun leitast við að gera það á
þann hátt að aðrir geti siglt í kjöl-
farið. Að öðru leyti finnst mér kyn-
ferði ekki vera atriði sem skiptir
máli. Ég hef menntað mig til starfa
í þessari grein og hef starfað við
hana í nokkur ár. Ég fór út í þetta
vegna þess að ég hef áhuga á þess-
um málum, en ekki vegna þess að
ég vildi sanna að konur gætu feng-
ist við þetta.“
■ Rétti tíminn til/20
Pétur Reimarsson,
framkvæmdastjóri Arness hf.
Utlendingar ráð-
andi í nokkrum út-
vegsfyrirtækjum
NOKKUR dæmi finnast um fyr-
irtæki í fiskvinnslu hér á landi,
þar sem allt frumkvæði og upp-
bygging kemur frá erlendum aðil-
um. Hlutafé þeirra er mjög lítið,
t.d. um 400 þúsund krónur. Þau
stunda umfangsmikinn rekstur,
eru vel tækjum búin, hafa lítil sem
engin bankaviðskipti hér á landi
og selja langmestan hluta afurða
sinna einum kaupanda.
Þetta kom fram í máli Péturs
Reimarssonar, framkvæmda-
stjóra Árness hf., á hádegisverð-
arfundi Félags íslenskra stór-
kaupmanna í gær. „Hann [erlendi
aðilinn] sér um að fjármagna
tæki og tól, tekur til sín afurðirn-
ar um leið og þær verða til og
greiðir fyrir þær þannig að það
dugi til að fjármagna reksturinn
hér,“ sagði Pétur.
„Það er erfitt að áætla umfang
þessara fyrirtækja og fjölda
þeirra, en ef iagt er saman þá
skiptir velta þeirra einhveijum
milljörðum. Hinn erlendi kaupandi
vinnur gjaman afurðirnar áfram
í verksmiðjum erlendis og nýtir
þær síðan til eflingar sínu mark-
aðsstarfi. íslenska fyrirtækið fær
svo vel fyrir sínum kostnaði."
Pétur sagði jafnframt að hin
erlendu fyrirtæki væru almennt á
slíkum stöðum í Evrópu að þau
hefðu aðgang að styrkjum frá
Evrópusambandinu, bæði til upp-
byggingar og eins ti! að halda
atvinnu í sinni byggð. Styrkirnir
væru meðal annars notaðir til að
tryggja fisk héðan frá Islandi til
vinnslu og markaðssetningar.
Greiðsla fyrir auðlindina
Pétur Blöndal alþingismaður
hélt einnig erindi á fundinum og
sagðist telja að ótti við erlenda
fjárfestingu væri að töluverðu
leyti ástæðulaus. íslendingar
þyrftu að tryggja að þeir hefðu
rétt til að takmarka veiðar, stjórna
þeim og hirða arð gegnum skatt-
lagningu á einn eða annan hátt.
Pétur sagði þetta mál nátengt því
hvernig eignarhaldinu á kvótan-
um væri háttað og að einhvers
konar greiðsla þyrfti að koma
fyrir auðlindina.
■ Erlendir aðilar/30