Morgunblaðið - 12.06.1996, Blaðsíða 2
2 D MIÐVIKUDAGUR 12. JÚNÍ 1996
MORGUNBLAÐIÐ
FRÉTTIR
GÆÐI KARFANS KÖIMNUÐ
• ALLIR frystitogarar í
V estmannaeyj u m lðnduðu á
sjómannadaginn. Þá voru
staddir í Eyjum Japanar til
að skoða gæði karfans sem
virtust vera í góðu lagi. Á
myndinni má sjá frá vinstri:
Jónas Hallgrimsson frá Nes
sem selur fyrir Vestmanney
VE, Magnús Kristinsson út-
gerðamann, Suzuki sem er
Morgunblaðið/Sigurgeir
starfsmaður K&T Inc.,
Takahashi framkvæmda-
stjóra K&T Inc., Sigurbjörn
Árnason stýrimann og Birgi
Þór Sverrisson skipstjóra.
Bæta hollustu í fæði um
borð í skipum Eimskipa
FÆÐI sjómanna
Næringarfræðingar koma ffiSkJÍS
með tillöffur til úrbóta hæft er aarn:
° an feitmeti a
borðstólum um borð. Eimskip hafa vegna þessa haft á sínum snærum
næringarfræðinga til að kanna samsetningu fæðisins um borð í skipunum
og bæta hollustu í fæði með það að markmiði að bæta heilsufar starfs-
manna.
Næringarfræðingarnir Anna El-
ísabet Ólafsdóttir og Borghildur
Sigurbergsdóttir skoðuðu fæði um
borð í tveimur skipum Eimskipa,
Laxfossi og Brúarfossi, og störfuðu
þær mjög náið með brytum þessara
skipa. Þær skoðuðu samsetningu
fæðisins og héldu í framhaldi af
því námskeið fyrir alla bryta Eim-
skipa þar sem kynnt voru mann-
eldismarkmið í fæði auk verklegrar
kennslu þar sem sýnt var fram á
að hægt er að búa til góðan mat
úr hollu hráefni. Niðurstöður nær-
ingarfræðingana sýndu að fæðið
um borð var of fituríkt og meiri
áherslu þyrfti að leggja á græn-
meti til að minnka fitu og auka
trefjar, vítamín og steinefni í fæð-
unni.
Dagþór Haraldsson í skipa-
rekstrardeild Eimskipa segir að til-
gangurinn með þessu hafi verið að
hvetja starfsmenn fyrirtækisins til
heilbrigðis í matarvenjum og stuðla
að bættu heilsufari. Eitt árið hafi
ijórir starfsmenn Eimskipa farið í
hjartaaðgerð og þetta væri þáttur
fyrirtækisins í að bæta heilsufar
starfsmanna sinna.
Samið við Mátt
Dagþór segir það staðreynd að
vinnan um borð í skipunum sé ein-
hæf og bjóði ekki alltaf upp á
mikla hreyfingu. Eimskip hafi því
einnig samið við líkamsræktar-
stöðina Mátt um sérstök kort til
handa starfsmönnum sínum sem
hægt er að leggja inn oftar en
venjuleg kort. Það sé auk þess
mikilvægt að fæðið sé rétt sam-
sett auk þess sem þetta sé tilbreyt-
ing í daglegu lífi skipverja. „Við
höfum nýlega gert könnun meðal
bryta og skipstjóra um borð í skip-
unum og okkur sýnist sem fæðið
hafi breyst og áhafnirnar hafi
meiri áhuga á léttara fæði,“ segir
Dagþór.
Saltfiskur og skata
á laugardögum
Finnbogi Aðalsteinsson bryti
segir að skipveijar hafi yfirleitt
tekið mjög vel í þessa nýjung í
fæðuframboði. Hann sagði þó að
sjómenn væru mjög fastheldnir og
því væri þetta langtímaverkefni og
fæðinu breytt hægt og bítandi.
„Við sjáum til þess að þeir sem
vilja léttara fæði geti fengið það.
Auk þess höfum verið að kippa
einni og einni fæðutegund út af
matseðlinum og draga þannig úr
fítuneyslu. Ég efast hins vegar um
að nokkur hafi tekið eftir því. Það
er rík hefð fyrir mjög fituríkum
mat um borð og til dæmis er löng
hefð fyrir því í skipum Eimskipa
að hafa saltfísk og skötu með floti
á laugardögum. Við erum því að
vona að smátt og smátt verði yngri
menn um borð meðvitaðri um holl-
ustu í fæði, en það hefur komið
okkur á óvart hve þeir eldri hafa
tekið mikinn þátt í þessu líka,“
segir Finnbogi.
Danir með mikið
í Síldarsmugunni
DANIR hafa nú veitt meira en
50.000 tonn af norsk-íslenzku síld-
inni í Síldarsmugunni. Veiðar
dönsku skipanna ganga vel og eng-
in vandkvæði hafa verið á því að
selja aflann. Talið er að afli dönsku skipanna úr þessum síldarstofni sé
um helmingur þess sem skip frá Evrópusambandinu hafa tekið úr honum
í vor. Það bendir því til þess að afli ESB-skipa sé orðinn um 100.000 tonn.
ESB komið langt
í 150.000 tonnin
Evrópusambandið virðist því
langt komið með að ná því sjálf-
dæmi, sem það setti sér, eða
150.000 tonnum. Danirnir landa
hvar sem þeit' koma því við. það
er að segja í Datimörku, á Hjalt-
landi og Skotlandi auk Færeyja.
Norskar og íslenzkar verksmiðjur
taka ekki á móti síld af skipum
Evrópusambandsins, þar sem ekki
er í gildi samkomulag þessara þjóða
við Sambandið um nýtingu síldar-
innar.
Á tímabili var talið að Færeyinga
myndu heldur ekki taka á móti síld
að skipum ESB, en sá ótti hefur
enn reynzt ástæðulaus. Færeyingar
stunda veiðarnar einnig af miklum
þrótti^ en skipin þaðan landa gjarn-
an á Islandi og því skapast svigrúm
annars staðar fyrir dönsku skipin.
Dönsku skipin eru þau einu frá
Evrópusambandinu, sem leggja
áherzlu á veiðar á síldinni til mann-
eldisvinnslu. Aðeins hluti aflans
gengur þó í slíka vinnslu eða um
25 til 30%, en einstaka bátar hafa
þó náð að koma öllum farminum
til manneldis.
Heimild: Fiskaren
Gengnr illa á línu
á Reylganeshrygg
LÍNUVEIÐAR á Reykjaneshrygg
hafa gengið erfiðlega en Kristrún
RE hefur verið þar að veiðum að
undanförnu. Jón Ásbjörnsson, for-
stjóri Fiskkaupa, útgerðar Krist-
rúnar RE, segir þessar veiðar of
dýrar til að standa undir sér.
Kristrún RE hefur verið að veið-
um fyrir utan lögsöguna á Reykja-
neshrygg að undanförnu og segir
Jón veiðarnar hafa gengið erfiðlega
þar sem botninn þar sé erfiður.
Þeir leggi á um 400 faðma dýpi og
það sé erfitt að slæða línuna upp
þegar hún slitni.
Hafa farið þrjá túra
„Þeir hafa verið með 9 millimetra
línu en það stendur ekki til að íjár-
festa í nýrri línu. Hún er einfaldlega
of dýr og eftir að línutvöföldunin
var afnumin borgar sig ekki að
fara þangað aftur. Það er til sver-
ari 11 millimetra lína og hún er
eðlilega betri en botninn þarna er
þannig að þegar að línan festist
losnar hún ekki svo auðveldlega
aftur, sama hversu sver hún er.
Góðar græjur duga bara ekki til,“
segir Jón.
Kristrún RE hefur nú farið þijá
viku túra með línuna út fyrir lög-
söguna á Reykjaneshrygg og segir
Jón að hún hafi komið í land með
lítinn afla í öll skiptinn. Aflinn sé
að langstærstum hluta karfi en
einnig sé nokkuð af keilu, löngu
og lúðu. „Það er nægur fiskur þarna
en það er bara erfitt að ná honum
upp. Það fer mestur tími í að slæða
upp veiðarfærin en það er mjög
erfitt og við höfum tapað línu. Það
hefur verið norskur línubátur á
svipuðum slóðum en hann hefur
lent í svipuðu brasi með festur og
tapað línu.
Gefast upp á línu utan landhelgi
Við höfum því gefist upp á línuveið-
um utan landhelginnar. Þessi veið-
arfæri eru of dýr og síðan breytist
allt útgerðamynstur eftir að línutvö-
földunin var tekin af. Kristrún er
að veiðum inn í landhelginni núna
mun taka þessar utankvótategundir
á línuna. Síðan er ætlunin að taka
þorskkvótann í net í sumar,“ segir
Jón.
Meira til Eistlands
NORÐMENN hafa aukið fiskútflutning til Eistlands verulega á skömmum
tíma. Árið 1992 seldu þeir Eistlendingum 8 tonn af fiski að verðmæti
rúmlega ein milljón króna. Á þremur árum hefur þessi sala vaxið í 11.204
tonn að verðmæti um 400 milljónir íslenzkra króna. Norðmenn eru því
orðnir mikilvægustu seljendur á fiski til Eistlands, en salan byggist nær
eingöngu á síld og makríl.
Prófa að vinna
síld til manneldis
SÍLDVEIÐI gengur vel þessa
dagana og streyma skipin í land
með fullfermi. Jón Kjartansson
SU landaði fullfermi á Eskifirði
í gærmorgun og fer ekki á mið-
in aftur og eru þá öll skip Hrað-
frystihúss Eskifjaðar hætt síld-
veiðum. Minni áta hefur verið í
síldinni en áður en hún er þó
ekki orðin nógu góð til manneld-
is ennþá. í Neskaupstað fengust
þær upplýsingar að fyrirhugað
væri að setja síld í kælitanka
Beitis NK í næsta túr og prófa
að vinna til manneldis. Beitir
NK landaði 1100 tonnum á Nes-
kaupsstað í gær og Gígja VE
um 700 tonnum.
Nú hafa borist á land alls 145
þúsund tonn af sild úr norsk-
íslenska síldarstofninum sam-
kvæmt tölum Samtaka fisk-
vinnslustöðva og eru þá um 37
þúsund tonn eftir af heildark-
vóta. Mest hefur verið íandað
hjá Hraðfrystihúsi Eskifjarðar,
alls 28.900 tonnum en þar af eru
um 11.000 tonn af erlendum
skipum. Þá hafa um 20.500 tonn
borist á land hjá Síldarvinnsl-
unni hf. á Neskaupsstað og rúm
18.000 tonn hjá SR Mjöli á Seyð-
isfirði. Rúmum 12.000 tonnum
hefur verið landað hjá bæði
Hraðfrystistöð Þórshafnar og
SR Mjöli á Raufarhöfn.
Morgunblaðið/Ármann Agnarsson
JÚPITER ÞH hefur fengið risakast og fyllt sig og hér sést
þegar Beitir NK fær afganginn úr nótinni.