Morgunblaðið - 16.06.1996, Page 10
MORGUNBLAÐIÐ
10 D SUNNUDAGUR 16. JÚNÍ 1996_________________________
SUMARFRÍ Á ÍSLANDI
Morgunblaðið/Sigurgeir Jónasson
SIGLING inn í Klettshelli er reynsla sem gestir Vestmannaeyja
ættu ekki að láta framhjá sér fara.
Morgunblaðið/Sigurgeir Jónasson
HRAUNIÐ, sem rann í eldgosinu á Heimaey árið 1973,
dregur ferðamenn að.
Valsað um í
Vestmanna-
eyjum
FYRIR ferðamenn sem hyggjast
heimsækja Vestmannaeyjar eru
ýmsir kostir á ferðamáta til Eyja.
Flugleiðir og íslandsflug halda
uppi nokkrum áætlanaferðum dag
hvern til Eyja auk þess sem Flug-
félag Vestmannaeyja annast
leiguflug milli lands og Eyja. Flug-
félag Vestmannaeyja flýgur mest
milli Bakkaflugvallar í Landeyjum
og Eyja og eru margar ferðir fam-
ar á dag milli þessara staða enda
tekur flugið ekki nema um sjö
mínútur. Þá eru einnig tíðar ferðir
milli Eyja og Selfoss. Fyrir þá
ferðalanga sem vilja fara sjóleiðina
og jafnvel taka bílinn með þá sigl-
ir Heijólfur daglega milli Þorláks-
hafnar og Eyja og yfir sumarmán-
uðina eru tvær ferðir á fimmtu-
dögum, föstudögum og sunnudög-
um.
Fuglarnir heilla
Fyrir þá er sækja Eyjamar heim
er um margt að velja. Náttúran
og fuglalífið í sínum fjölbreytileik
er það sem dregur flesta ferða-
menn til Eyja en það er margt
annað sem einnig heillar. Fyrir þá
sem koma með bíla sína með eru
margir staðir sem hægt er að
skoða. Verksummerki eftir eldgos-
ið árið 1973 er það sem allir skoða.
Hægt er að aka um nýja hraunið
og upp í Eldfellsgíg og skoða nýja
landið sem_ myndaðist í eldsum-
brotunum. Á Eldfellshrauni er svo-
kallaður Gaujulundur, sem er
gróðurvin sem eldri hjón í Eyjum
hafa komið upp í smá lægð á miðju
hrauninu og er vert fyrir fólk að
skoða þennan fallega lund. Allir
sem koma til Eyja verða að sjá
sprang og flesta daga eru krakkar
að sprangi í spröngunni sem er í
berginu beint vestur af Strand-
vegi. Ferð suður í Stórhöfða, þar
sem mestur vindhraði hefur mælst
á íslandi, er nauðsynleg, en þar
sést vel til allra átta og einnig
má þar fylgjast með fuglalífinu
og sjá lundann á flugi.
í Eyjum er 18 holu golfvöllur
sem hlotið hefur lof fyrir nátt-
úrufegurð og dregur sífellt fleiri
golfáhugamenn til Eyja, en í sum-
ar verður Landsmótið í golfi hald-
ið á vellinum.
Áhugaverð sögn
Náttúrugripasafnið, við Heiðar-
veg, og byggðarsafnið, við Ráð-
húströð, eru staðir sem áhuga-
verðir eru fyrir ferðamenn að
heimsækja, en í náttúrugripasafn-
inu eru lifandi fiskar og önnur
sjávardýr í búrum auk fjölda upp-
stoppaðra dýra og fallegs steina-
safns. í byggðarsafninu má finna
marga merkilega hluti úr sögu
Eyjanna og þar hefur verið komið
upp sérstökum bás þar sem eld-
gosið á Heimaey er rifjað upp.
Söfnin í Eyjum eru opin um sumar-
tímann alla daga klukkan 11 til
17. Kvikmyndasýningar fyrir
ferðamenn eru í Félagsheimilinu
við Heiðarveg þar sem sýnd er
nýgerð mynd um eldgosið á
Heimaey og uppbygginguna eftir
gos en sýningar á myndinni eru
alla daga klukkan 13, 15 og 17.
Allir sem heimsækja Vest-
mannaeyjar ættu að reyna að
komast í siglingu þar sem komist
er í návígi við fuglalífið og sjávar-
hellar skoðaðir. Með skemmti-
ferðabátnum PH Víking er hægt
að komast í slíkar siglingar og
kostar ferðin 1600 krónur. PH
Víking fer í tvær siglingar hvern
dag og tekur siglingin um eina
klukkustund og fimmtán mínútur.
Farið er frá Nausthamarsbryggju
klukkan 11 og klukkan 16. Siglt
er umhverfis Heimaey, farið í
Klettshelli, Fjósin og fleiri staði
og ef veður leyfir er stundum siglt
út undir Brand og fuglalífið skoð-
að. í Klettshelli eru stundum
haldnir hljómleikar þar sem leikið
er á lúðra og er hljómurinn í hellin-
um með ólíkindum og allir sem í
þessar ferðir fara koma heillaðir
til baka.
Fyrir þá sem koma fljúgandi til
Eyja, eru ekki með bíl eða vilja
fá skoðunarferð um Eyjarnar und-
ir leiðsögn, er boðið upp á slíkar
ferðir hjá Páli Helgasyni. Þessar
ferðir eru farnar í tengslum við
áætlunarflug á morgnana og eftir
hádegi og kosta 1600 krónur.
Lagt er af stað frá Flugstöðinni
upp úr klukkan átta í fyrri ferðina
og aftur klukkan 14 og tekur skoð-
unarferðin um tvo tíma. Farið er
vítt og breitt um Heimaey, sögu-
legir staðir skoðaðir og sagan rak-
in. Einnig er stoppað á nokkrum
stöðum, farið úr rútunum og litast
um.
í Eyjum er starfrækt upplýs-
ingamiðstöð fyrir ferðamenn þar
sem hægt er að fá allar upplýs-
ingar varðandi skoðunarferðir,
gistingu, matsölustaði eða hvað-
eina sem ferðamenn vanhagar um.
Upplýsingamiðstöðin er staðsett á
Vestmannabraut 38. ■
Grímur
ISLAND
•Vatnajök
•Reykjav
maaHEmgm
Sigit mílli
lands og
Eyja
Þ AÐ tekur tvær og hálfa
klukkustund að sigla með
Herjólfi á milli Vest-
mannaeyja og Þorláks-
hafnar. Ferjan sem var
tekin í notkun árið 1992,
er rúmgóð með tveggja
og fjögurra manna klef-
um, stórri kaffiteríu með
matseðli, krá og sjón-
varpssal með bíóstólum.
Fimm hundruð farþegai-
komast í feijuna í hverri
ferð og bílageymslan tek-
ur um 70 fólksbíla. Far-
gjald fyrir fullorðna aðra
leið er 1.300 krónur, elli-
lífeyrisþegar og börn á
aldrinum 6-12 ára greiða
650 krónur, en ókeypis
er fyrir börn yngri en 6
ára. Hægt er að panta
svefnrými og kostar upp-
búið rúm 650 krónur, en
rúm með teppi og kodda
325 krónur. Fyrir fólksbíl
af veiyulegri stærð þarf
að greiða 1.300 krónur,
fyrir stóra fólksbUa eða
húsbíla 2.600 og fyrir
mótorhjól 800 krónur.
Síðan er hægt að fá fjöl-
skylduafslátt þar sem
einn fuUorðinn greiðir
fuUt fargjald, en aðrir
fullorðnir fá 50% afslátt.
Einnig er hægt að kaupa
sérstök afsláttarkort.
Sumaráætlun Heijólfs
er í gildi fram til 1. sept-
ember nk. Feijan fer alla
daga kl. 8.15 frá Vest-
mannaeyjum og frá Þor-
lákshöfnkl. 12.00. Á
fimmtudögum, föstudög-
um og sunnudögum fer
feijan líka frá Vest-
mannaeyjum kl. 15.30 og
fráÞorlákshöfnkl. 19.00.
Rútuferðir eru frá Um-
ferðarmiðstöðinni í
Reykjavíkkl. 10.45 og
17.30 í tengslum við brott-
för Herjólfs frá Þorláks-
höfn. ■