Morgunblaðið - 16.06.1996, Page 14

14 D SUNNUDAGUR 16. JÚNÍ' 1996
MORGUNBLAÐIÐ
SUMARFRÍ Á ÍSLAIMDI
HÚSAKOSTUR Árvalla er myndarlegur, sumarhús,
gistiheimili og bústaður Árvallabænda.
HERBERGIN eru ljósmáluð og björt og í þeim
öllum eru ný furuhúsgögn.
MATSALURINN, þar sem ferðamenn snæða. Svo er hægt
að tylla sér með kaffisopann fram í sólstofuna.
Leist betur á
f erðamenn en
ref i og kjúklinga
Bændurnir á Árvöllum á Kjalarnesi eru stórhuga í ferðaþjón-
ustunni og hafa reist myndariegt gistiheimili. Ragnhild-
ur Sverrisdéttir heimsótti Kristínu Andersen og Ingvar
Á. Guðmundsson og kynnti sér búskapinn.
Morgunblaðið/Kristinn
HJÓNIN Kristín Andersen og Ingvar Á. Guðmundsson við nuddpottana tvo á veröndinni við gistihús-
ið. Þar er einnig myndarlegur pallur fyrir grillið og á næstu vikum verður lokið við byggingu
gufubaðs. „Þessi lúxusaðstaða veitir okkur ákveðna sérstöðu," segja Árvallabændur.
Á ÁRVÖLLUM á Kjalarnesi geta
20-22 gist í einu í glæsilegu húsí og
6-8 manns að auki geta leigt sumar-
húsið hinum megin við hlaðið. Gest-
irnir geta keypt morgunverð og pant-
að aðrar máitíðir. Útlendingar þiggja
gjarnan fisk og skyr, en íslendingar
eru oft að gera sér glaðan dag, til
dæmis með starfsfélögunum og þá
dugar ekkert minna en þríréttuð
veislumáltíð með lambafillet í önd-
vegi.
Hani með vanstilltan
vekjara
Árvellir eru einn þeirra kosta, sem
bjóðast þegar leitað er eftir svokall-
aðri bændagistingu, en hjónin Kristín
Andersen og Ingvar Á. Guðmunds-
son eru stórhuga og láta sér ekki
nægja að leigja út eitt og eitt her-
bergi, heldur hafa reist myndarlegt
gistiheimili og raunar er ferðaþjón-
ustan eini búskapurinn á þessari jörð.
Kristín starfaði sem kennari og Ing-
var í byggingariðnaði þegar þau
ákváðu að láta drauminn rætast og
kaupa jörð. Þau byggðu sér sumar-
hús sem þau bjuggu í á meðan íbúð-
arhúsið var klárað, fluttu svo inn,
áttuðu sig á að markaðurinn byði
ekki upp á að þau skelltu sér í ali-
fugla- og loðdýraeldi, auglýstu sum-
arhúsið til leigu og hafa frá þeim
tíma" lagt megináherslu á ferðaþjón-
ustu.
Þegar rennt er í hlað á Árvöllum
heyrist ómur af hanagali frá næsta
bæ og haninn galar af og til næstu
stundirnar. Það er eitthvað vanstillt-
ur í honum vekjarinn, að sögn Ár-
vallabænda, enda hlýtur að vera erf-
itt að vera hani á síbjörtum sumrum.
Galið kemur þó ekki að sök, því han-
inn er það langt í burtu að gestirnir
á Árvöllum geta sofið rótt.
Reyklaust og bjart
„Við tókum gistihúsið í notkun í
júli árið 1994,“ segja þau hjón þegar
þau sýna blaðamanni húsnæðið. Á
neðri hæðinni eru fimm tveggja
manna herbergi með baði, uppi eru
fjögur tveggja manna herbergi með
handlaugum og tvö einstaklingsher-
bergi að auki. Óll eru herbergin ljós-
máluð og björt, með furuhúsgögnum.
Á efri hæð er fundaraðstaða og setu-
stofa, enda koma smærri fyrirtæki
og starfshópar gjaman til dvalar á
Árvöllum og halda jafnvel árshátíðir
þar.
Það vekur athygli að öll herbergin
eru reyklaus. „Við leyfum ekki reyn-
ingar nema í sólstofunni, til að halda
húsinu „fersku“. Því fer fjarri að gest-
imir kvarti, við vinnum frekar markað
á þessu,“ segja þau.
Útlendingar eru margir í hópi gest-
anna á Árvöllum. „Útlendingar eru
ekki að sækjast eftir borgarmenningu
á íslandi og þeim fínnst kjörið að búa
hér, en skreppa svo til Reykjavíkur
af og til, Þetta er ekki nema tuttugu
mínútna akstur. Við verðum vör við
sömu afstöðu hjá fólki utan af landi,
sem er kannski að koma með alla
fjölskylduna í heimsókn suður. Þetta
fólk kærir sig ekki um að setjast upp
á ættingja í bænum og því líður vel
að vera hér, þar sem krakkarnir geta
leikið sér utan dyra án þess að þeim
stafi ógn. af umferðinni. Þetta fólk
sækist líka í að leigja sumarhúsið,
það sem allt að 10 manns geta gist
í einu. Ef gestir hér vilja skreppa í
bæinn, þá getum við séð um að koma
þeim þangað og ekki síður sækja þá
aftur að erindi loknu.“
Árvellir á Kjalarnesi
eru miðsvæðfs
En hvað með afþreyingu fyrír
gestina?
„Gestir okkar hafa gjarnan viljað
svipast um í nágrenninu og við getum
látið þeim í té mjög gott kort af
gönguleiðum, bæði upp í Esjuna, í
fjörunni og alls staðar þar á milli.
Þar njótum við góðs af því að vera
í landnámi Ingólfs, þar sem allar
merkingar eru góðar. Hérna er líka
boðið upp á leiðsögn um sögusvið
Kjalnesingasögu. Þrátt fyrir að sú
saga sé umdeild, þá er hún fjörug
og skemmtileg. Gestir fara líka oft
í stutta gönguferð upp í fjall, að
klettamynd sem kallast Kvensöðlar.
Þaðan sést yfir alla Reykjavík og það
er tilkomumikið á kvöldin. Loks ætl-
um við okkur svo að koma upp hesta-
leigu.“
Ingvar segir að margir furði sig á
að hægt sé að reka gistiheimili af
þessari stærð svo nálægt höfuðborg-
inni. „Það má ekki gleyma því að
fjöldi íslendinga fer til Reykjavíkur
í sumarfríinu, en vill lika njóta nátt-
úrunnar. Við erum mjög miðsvæðis.
Það tekur aðeins 20 mínútur að aka
til Reykjavíkur, 30-35 mínútur að
fara á Þingvelli, Gullfoss og Geysir
eru innan 100 mínútna aksturstíma,
þijú kortér tekur að fara í Bláa Lón-
ið og svo mætti lengi telja. Það er
ekkert mál að skreppa í dagsferðir
á Snæfellsnes og hingað koma veiði-
menn sem eru í laxi í Brynjudalsá
eða renna fyrir silung í Hvammsvík
eða Meðalfellsvatni.11
Nú hefur ferðaþjónustunni á Ár-
völlum vaxið svo fiskur um hrygg
að Kristín hefur hætt kennslu og
snúið sér alfarið að starfseminni.
Dóttirin Sóley Margrét er einnig að
hefja störf við hlið foreldra sinna.
„Kristín er loks orðin ferðabóndi í
fulli starfi, en ég er kannski ennþá
í byggingariðnaðinum, alla vega sé
ég um að dytta að,“ segir Ingvar
málarameistari.
Græn ferðamennska
Hver eru framtíðaráform ferða-
bændanna i Árvöllum?
„íslendingar ætla sér að ná hluta
af ferðamarkaði í heiminum, enda
er norðrið í tísku. Við ætlum okkur
að taka þátt í sívaxandi ferðaþjón-
ustu hér á landi, þegar margir eru
að átta sig á gildi útivistar, ekki
bara vegna náttúrufegurðarínnar,
heldur einfaldlega vegna þess að það
er hollt að hreyfa sig.“
Kristín segir að búskapurinn á
Árvöllum falli vel inni í hugmyndir
manna um græna ferðamennsku.
„Ég er sjálf mjög jákvæð fyrir því
að hér verði aðeins borið á borð Iíf-
rænt ræktað grænmeti í framtíðinni
og við ætlum okkur svo sannarlega
að vera sjálfum okkur nóg með það.“
Ekki til sólarlanda
Hvert fara ferðabændur, þegar
þeir eiga frí?
Kristín og Ingvar segja að þau
hafí nú lítið þurft að velta því fyrir
sér undanfarin ár, því engin frí hafi
gefist. „Við reynum þó alltaf að
slappa af á haustin og núna, þegar
dóttir okkar kemur inn í reksturinn,
getum við leyft okkur að skreppa
frá. Þá ferðumst við áreiðanlega inn-
an!ands.“
Ingvar bætir því við að hann hafi
einu sinni á ævinni farið til sólar-
landa. „Hitinn var að drepa mig og
mátti litlu muna að ég kæmist lif-
andi heim,“ segir hann og hryllir sig
við tilhugsunina. Kristín mótmælir
þessu ekki, en segir að það eigi bet-
ur við þau að ferðast á eigin vegum
innanlands en slást í hóp með fólki í
sólarlandaferðir. 83
JRJ fcrðahúsið er liannað fyrir íslenskar aðstæður
og íslenskar ferðavenjur jafnt sumar sem vetur.
JRJ bifreiðasmiðja hf.
Váririahlíð; Skugál irði,
sínii 4.63-X.I 19 g .
m
TilboðsVerð
á sumarblómum
og birkikvisti
• Tré og runnar af ýmsu tagi
• Frábærar fjölærar plöntur
• Failegar hengikörfur
• Gott úrval af rósum
Verið velkomin
Or^rárMin
Grænahlíð
Furugerði 23, við Bústaðaveg, 108 Reykavík. sími 553-4122