Morgunblaðið - 16.06.1996, Qupperneq 16

16 D SUNNUDAGUR 16. JÚNÍ 1996
MORGUNBLAÐIÐ
LOMMAHESTAR hafa undanfarin tvö ár skipulagl hestaferðir í Loðmundarfjörð fyrir útlendinga.
í sumar bjóða þeir slika ferð í fyrsta skipti eingöngu fyrir íslendinga.
Skíðaiðkun í sól
og sumaryl
ÞAÐ eru liðin 35 ár frá því að
Skíðaskólinn í Kerlingarfjöllum var
stofnaður og þeir eru ófáir íslend-
ingarnir sem fá sérstakt blik í
auga þegar minningar frá Kerling-
arfjöllum eru riíjaðar upp. Frá
upphafi hefur verið starfræktur
sumarskíðaskóli í Kerlingarfjöllum
og enn eru skipuleg skíðanámskeið
uppistaða sumarstarfsins þar
ásamt því sem snjóbrettanámskeið
eru nú hluti starfsins. Fyrsta, nám-
skeið sumarsins hefst 22. júní.
Sú breyting hefur orðið á starf-
seminni í Kerlingarfjöllum með
árunum að þarna er kominn skíða-
og útivistarstaður sem fólk getur
sótt fyrirvaralaust til að fara á
skíði eða snjóbretti eða njóta með
öðrum hætti hressandi útiveru. Á
staðnum er hægt að leigja skíði,
skó og stafi ásamt snjóbrettum.
Mikillsnjór
Bækistöðvar Skíðaskólans eru í
Ásgarði, en þaðan eru nokkrir kíló-
metrar upp að skíðasvæðinu. í aðal-
skála er afgreiðsla, snyrtiaðstaða,
mat- og samkomusalur og svefn-
loft. Gestir hafa líka aðsetur í
nokkrum litlum kofum sem rúma
8-12 manns. Rétt hjá skálanum er
baðhús með heitum pottum. „Það
er oftast hægt að fá gistingu fyrir-
varalaust á virkum dögum en síður
um helgar. Ef um hópa er áð ræða
er alltaf best að panta með fyrir-
vara,“ segir Einar Þór Karlsson
Tjaldstæði með rennandi vatni og
salernum eru síðan á grónum flöt-
um beggja vegna Ásgarðsár.
„Það er geysilega mikill snjór í
Kerlingarfjöllum núna og það kem-
ur í raun á óvart eftir mildan vet-
ur. Fólk getur svo líka notið dvalar-
innar þó það fari ekki endilega á
skíði. Náttúran er stórbrotin og
umhverfið mjög Ijölbreytt. Þarna
eru margar skemmtilegar göngu-
leiðir og yfirleitt er hægt að fá leið-
sögumann fyrir gönguhópa með
dags fyrirvara."
Einar segir að um nokkurt skeið
hafi staðið til að kaupa hentuga
lyftu í Kerlingarfjöll, en af því hef-
ur ekki enn orðið. „Hins vegar voru
í fyrrasumar útbúin sæti í snjótroð-
aranum og ferðir með honum upp
að Snækolli hafa verið mjög vinsæl-
ar. Það má í raun nota hann eins
og sætalyftu. Nú komast allir á
toppinn, hvort sem þeir eru á skíð-
um eða ekki.“
Að sögn Einars er nú orðið fært i
á flestum bílum til Kerlingarfjalla |
að sumarlagi, bæði að sunnan og |
norðan. Ekið er út af Kjalvegi,
skammt fyrir norðan Innri-Skúta
og eftir Kerlingarvegi sem er um
10 km langur. Þar eru einu óbrú-
uðu árnar á leiðinni, Blákvísl og
Ásgarðsá, en þær geta verið vara-
samar litlum bílum í vatnavöxtum.
Daglegar
ferðir
Frá og með 1. júlí til 31. ágúst j
eru daglegar ferðir í Kerlingarfjöll , f
með áætlunarbílum Norðurleiðar
hf. Lagt er af stað kl. 9 að morgni
frá umferðarmiðstöðvunum í
Reykjavík og á Akureyri. Ekið er
norður og suður Kjöl og komið
við í Kerlingarfjöllum í hverri ferð.
Hægt er að verða þar eftir,
dveljast þar að vild og.halda síðan
ferðinni áfram, eða snúa heim |
aftur. í júní eru sérstakar ferðir > |
á vegum skólans á námskeiðin frá a
Umferðarmiðstöðinni í Reykjavík. ■ "
LOMMAHESTAR, hafa undan-
farin tvö ár skipulagt hestaferðir
fyrir erlenda ferðamenn frá Eið-
um, út Hérað að Héraðsflóa, yfir
Gönguskörð um Njarðvík til
Borgarfjarðar-eystri og þaðan
yfir Húsavíkurheiði um Nesháls
til Loðmundarfjarðar. Nú bjóða
Lommahestar svona ferð, ein-
göngu ætlaða íslendingum og að
sögn Stefáns Stefánssonar, hjá
Lommahestum, er þarmeð ætlun-
in að mæta auknum áhuga land-
ans á svona ferðum. „Þessi ferð
er tilvalin fyrir fólk sem stundar
kannski ekki útreiðar að stað-
aldri, en hefur einhverja reynslu
af hestum og hefur áhuga á að
ferðast um landið með þessum
hætti,“ segir Stefán og ennfreni-
ur að með ferðinni sé helst verið
að höfða til yngra fólks. „Ferðin
er ekki ströng og hver dagleið
Á hestbaki til
Loðmundar-
fjarðar
er á bilinu tuttugu til þrjátíu kíló-
rnetrar."
Rómuð náttúrufegurð
Loðmundarfjörður er eyði-
fjörður sem er rómaður fyrir
náttúrufegurð og gróðursæld að
ógleymdri friðsældinni sem þar
ríkir. Þar gengur frjálst stóð
unghrossa yfir sumartímann og
hreindýr hafast þar við allan
ársins hring. Fjölda reiðleiða er
að finna á svæðinu.
Ferðin með Lommahestum
tekur sex daga. Farið er frá
Egilsstöðum 18. júli og komið
þangað aftur 23. júlí. Á leiðinni
er gist hjá ferðaþjónustuaðilum
og þar er snæddur heitur kvöld-
verður. Síðan er nesti tekið með
í hnakktöskur fyrir hvern dag.
Bíll fylgir hestafólkinu alla leið
og flytur farangur og matföng.
Hver maður hefur tvo hesta til
reiðar og tveir fylgdarmenn sjá
um leiðsögn og umsjón með
hópnum.
Ferð Lommahesta í Loðmund-
arfjörð kostar 39 þúsund krónur.
Um er ræða leigu á tveimur hest-
um, reiðtygi, hjálm og reiðföt
ásamt gistingu og fullu fæði í sex
daga.
Frekari upplýsingar fást hjá
Lommahestum. ■
í
I
c
<
I
c

Bókið íslandsferðina
alla á einum stað f
ítarlegar upplýsingar um Ferðaþjónustu bænda.
Margskonar gisti- og afþreyingarmöguleikar.
Sveitaheimsóknir - Hestaferðir - Veiði - Jökiaferðir
- Skipulagðar lengri og styttri ferðir.
Látið okkur aðstoða við að gera ferðalagið
ykkar ógleymanlegt.
Gæðaþjónusta á góðu verði.
ísland sækjum það heim - dveljið hjá
Ferðaþjónustu bænda.
Verið velkomin.
Ferðaþjónusta bænda,
Hafnarstræti 1, 101 Reykjavík,
Sími 562-3640 - fax. 562-3644
SUMARFRÍ Á ÍSLANDI
SÉÐ yfir svæðið í Kerlingarfjöllum. Nú eru
liðin 35 ár frá því að skíðaskólinn
þar var stofnaður
ÞAÐ er vinsælt að sitja í snjótroðaranum upp að Snæ-
'kolli. Nú er búið að útbúa sæti á troðaranum þannig að
fleiri komast í hverja ferð.
SNJÓBRETTI verða sífellt vinsælli og í Kerlingar-
fjöllum verður lögð aukin áhersla á
snjóbrettakennslu í sumar.