Morgunblaðið - 20.06.1996, Qupperneq 1
w
m.
aá
M'
SSHSL
[ Á’
| f&K
.Sir
1996
fltottgaiiilifafcifr
■ FIMMTUDAGUR 20. JÚNÍ
BLAÐ
Sigurjón á
tveimur högg-
um undir pari
SIGURJÓN Arnarsson, kylfingur úr GR, lék
á tveimur höggum undir pari og hafnaði í
13. sæti af 60 keppendum í atvinnumanna-
móti á Tommy Armour-mótaröðinni banda-
risku um helgina. Mótið fór fram á Heath-
row-golfvellinum í Flórída. Völlurinn er par
72 og SSS 74. Sigurjón lék á 70 höggum,
en sigurvegarinn lék á 67 höggum.
Arnór skoraði
en Örebro tapaði
ÖREBRO tapaði fyrir Djurgárden, 2:1, í
sænsku úrvalsdeildinni í knattspyrnu í gær-
kvöldi. Arnór Guðjohnsen
skoraði mark Örebro á 30.
mínútu leiksins og kom liði
sínu yfir. Djurgárden gerði
tvö mörk í síðari hálfleik
°g sigraði.
Örebro vermir nú neðsta
sæti deildarinnar, með að-
eins 8 stig eftir 11 ieiki.
Hlynur Birgis og Arnór.
Örebro mætir Keflviking-
um í UEFA Intertoto-keppninni á sunnudag-
inn og fer leikur liðanna fram á heimavelli
Örebro, Eyravallen. Þetta er fyrsti leikur
liðanna í keppninni.
„Hlegið að
Hollendingum"
HOLLENSKU fjölmiðlarnir fóru ekki fögr-
um orðum um sína menn eftir háðulegan
ósigur hollenska landsliðsins gegn því enska
á þriðjudag. „Aðhlátursefni Evrópukeppn-
innar,“ var fyrirsögn eins virtasta dagbiaðs-
ins í Hollandi og önnur blöð bættu við: „Hleg-
ið að Hollendingum,“ „Hollendingar haltra í
áttaliða úrslitin,“ og „Kluivert hetjan í alls-
heijar slátrun." Mörg blaðanna skelltu skuld-
inni á þjálfara Hollendinganna, Guus Hidd-
ink, og sögðu að vendipunkturinn í leiknum
hefði verið þegar Hiddink tók miðvallarspil-
arann Richard Witschge út af í leikhléi og
setti inn á miðvörðinn Johan de Kock í stað-
inn, en þetta hafi algjörlega ruglað leik Hol-
lendinga og Englendingar verið fljótir að
komast á bragðið. 21 ár eru síðan Hollending-
ar hafa tapað með jafn miklum mun og á
þriðjudaginn en 1975 biðu þeir 0:3 ósigur
fyrir Pólveijum.
ítalir úr
leik á EM
ÍTÖLSK knattspyrna varð fyrir
áfalli í gærkvöldi er ljóst varð
að landslið þeirra kemst ekki í
8-Iiða úrslit Evrópukeppinnar á
Englandi. Italir gerðu marka-
laust jafntefli við Þjóðveija í
gær á sama tíma og Tékkar og
Rússar skildu jafnir 3:3. Þessi
úrslit þýddu að Tékkar fylgja
Þjóðveijum. Vangaveltur voru
byrjaðar á Ítalíu á föstudaginn
eftir tap fyrir Tékkum að nú
yrði Arrigo Sacchi þjálfari rek-
inn. En forseti ítalska knatt-
spyrnusambandsins, Antonio
Mattarese, sagði að svo yrði
ekki. „Svo lengi sem ég ræð
verður Sacchi áfram.“
Myndin hér að ofan er tákn-
ræn fyrir gærkvöldið, fyrirliði
Þjóðveija, Jiirgen Klinsmann,
styður hér ítalann Enrico Chiesa
sorgbitinn af leikvelli.
Reuter
KORFUKNATTLEIKUR
Tettur gerði tveggja ára
samning við Laríssa
TEITUR Örlygsson, landsliðs-
maður í körfubolta úr Njarðvík,
hefur gert tveggja ára samning
við gríska 1. deildarliðið Lar-
issa, sem er frá samnefndri
borg 300 km frá Aþenu. Hann
heldur til Grikklands í næstu
viku til að gangast undir læknis-
skoðun, áður en endalega verð-
ur gengið frá samningi hans við
félagið, en hann skrifaði undir
með fyrirvara um að hann stæð-
ist læknisskoðun.
Larissa er í efstu deild í
Grikklandi og endaði í neðri
hluta deildarinnar á síðustu
Ieiktíð og hefur í hyggju að
bæta það með því að fá til sín
nýja leikmenn fyrir næsta vet-
ur. Teitur er einn þeirra og auk
þess hefur félagið keypt annan
grískan landsliðsmann. Grískur
körfuknattleikur er með því
besta sem gerist í Evrópu og
varð griska liðið Panathinaikos
Evrópumeistari meistaraliða
með því að vinna Barcelona í
úrslitum í vor, en með gríska
liðinu leikur fyrrum NBA-
stjarnan Dominique Wilkins.
TEITUR Örlygsson leikur í
Grikklandi næsta vetur.
Frammistaða Teits í riðla-
keppni Evrópumóts landsliða
sem fram fór hér á landi fyrir
skömmu vakti athygli margra
evrópskra liða, og m.a hafði
spænska stórliðið Joventud
Badalona frá Spáni samband við
hann fyrir nokkrum vikum. ís-
lendingar leika sem innfæddir
í evrópskum liðum, en ekki sem
erlendir leikmenn. Það er því
ekki ólíklegt að evrópsk lið
skoði fleiri íslenska leikmenn í
framtíðinni.
AKSTURSÍÞRÓTTIR: TILÞRIFAMIKLIR TAKTAR / B3