Morgunblaðið - 21.06.1996, Page 1

64 SÍÐUR B/C
138. TBL. 84. ÁRG.
FÖSTUDAGUR 21. JÚNÍ 1996 PRENTSMIÐJA MORGUNBLAÐSINS
Gennadí Zjúganov segir vaxandi hættu á borgarastyrj öld í Rússlandi
Jeltsín forseti reynir að
vinna hylli umbótasinna
Moskvu. Reuter.
BORÍS Jeltsín Rússlandsforseti rak
í gær þrjá háttsetta ráðgjafa sína
og var látið í veðri vaka að þeir
hefðu lagt á ráðin um að hindra
að síðari umferð forsetakosning-
anna yrði að veruleika. Forsetinn
lét þó sjálfur nægja óljós ummæli
um að þeir hefðu ekki lagt sig
nægilega fram og verið of kröfu-
harðir. Mennirnir voru allir and-
stæðingar róttækra umbótasinna
sem hafa krafist afsagnar þeirra.
Gennadí Zjúganov, forsetafram-
bjóðandi kommúnista, sendi frá sér
yfirlýsingu í gærkvöldi þar sem
hann sagði að vaxandi hætta væri
á borgarastyijöld í landinu.
„Fylking föðurlandsvina lýsir því
yfir að ættjörðin er í hættu. Inn-
byrðis valdabarátta í innsta hring
hins örvasa Jeltsíns, sem hefur æ
minni stjórn á atburðarásinni, gæti
breyst í harkaleg innanlandsátök
Ellefu
farast
á Italíu
Róm. Reuter.
AÐ minnsta kosti eliefu manns
hafa farist i gífurlegum flóðum
í vesturhluta Toskana-héraðs
á Ítalíu, að því er yfirvöld
greindu frá í gærkvöldi.
Mikil úrkoma olli því að ár
flæddu yfir bakka sína og hreif
vatnsflaumurinn með sér hús
og bíla og rauf vegi. Flestir
þeirra sem fórust lentu í aur-
skriðum. Að minnsta kosti 25
var enn saknað í gærkvöldi.
og haft hörmulegar afleiðingar,"
sagði í yfirlýsingunni.
Zjúganov fullyrti að hætta væri
á að seinni umferð forsetakosning-
anna yrði aflýst og sagt að „öfl
gærdagsins" sem hefðu staðið að
baki ráni á þjóðarauðnum væru að
seilast til valda á ný. Ljóst þykir
að m.a. sé átt við umbótasinnann
Anatolí Tsjúbajs, fyrrverandi ráð-
herra einkavæðingar, sem var mjög
í sviðsljósinu í gær og þykir hafa
styrkt stöðu sína með bandalagi við
Alexander Lebed, nýjan yfirmann
öryggismála. Lebed varð þriðji í
fyrri umferð forsetakjörsins.
Haft var eftir umbótasinnanum
Grígorí Javlínskí í gær að brott-
rekstur þeirra Alexanders Korz-
hakovs, yfirmanns lífvarðarins,
Míkhaíls Barsúkovs, yfirmanns ör-
yggislögregiunnar og Olegs Sosko-
vets, fyrsta aðstoðarforsætiráð-
herra, í gær væri skref í rétta átt.
Aðdragandi mannaskiptanna var
að aðfaranótt fimmtudags hand-
tóku Korzhakov og Barsúkov tvo
menn úr kosningaherbúðum Jelts-
íns. Var annar mannanna, Sergej
Lísovskí, sakaður um að hafa undir
höndum fúlgu fjár í erlendum gjald-
eyri. Lísovskí sagði í viðtali við
Reuters að fénu hefði verið „plant-
að“ á skrifstofu hans en þeir Korz-
hakov og Barsúkov hefðu haft
mestan áhuga á upplýsingum um
Tsjúbajs. Mennirnir voru yfirheyrðir
í 11 klukkustundir en síðan sleppt.
Tsjúbajs hrósar Lebed
Margt er óljóst um atburðarás-
ina í Kreml um nóttina, en þar
hafa um langt skeið eindregnir
umbóta- og lýðræðissinnar tekist
á við þá sem vilja fara hægar í
umbætur og leggja áherslu á að
halda völdum, hvað sem það kost-
ar. Lebed sagði í sjónvarpsviðtali
snemma á fimmtudagsmorgun að
um uppreisnarráðabrugg hefði ver-
ið að ræða. Allt slíkt yrði kveðið í
kútinn „með fyllstu hörku“ eins
og hann orðaði það, hörkulegur á
svip.
Undir þetta tók Tsjúbajs sem
Jeltsín vék úr ríkisstjórn á sínum
tíma til að þóknast andstæðingum
markaðsumbóta. Ætiun Korz-
hakovs og manna hans hefði verið
að handtaka fleiri umbótasinna á
æðstu stöðum, en þær hugmyndir,
sem hefðu getað endað með valda-
ránstilraun, hefðu runnið út í
sandinn. Sagði Tsjúbajs að Lebed
hefði gegnt mikilvægu hlutverki í
að styrkja umbótaöflin í stjórninni
og sýnt mikla stjórnmálahæfileika.
Mannskæðar
aurskriður í
Noregi
AÐ MINNSTA kosti tveir létu
lífið og tveggja er saknað eftir
að nokkrar aurskriður féllu á
sjávarþorpið Finneidsfjord í
Norður-Noregi aðfaranótt
fimmtudagsins. Maður sem var á
ferð í bíl er skriða féll lét lífið
og einnig kona sem var, ásamt
tveim öðrum, í húsi er skriða
ruddi út í sjó. Hinna tveggja, er
voru í húsinu, var enn leitað í
gærkvöldi, en gruggugt vatnið
torveldaði leitina mjög. íbúum í
öðru húsi, sem aurskriðan ruddi
út í sjó, tókst að forða sér í tæka
tíð. Aðstæður til leitar eru mjög
erfiðar, skriðurnar eru rúmlega
tíu metra djúpar og í sjónum er
aurmassinn allt að þrjátíu metrar
á þykkt. Ekki er útilokað að fleiri
hafi lent í skriðunum þar sem
sjónarvottar töldu sig heyra
umferð á þjóðveginum skömniu
áður en stærsta skriðan féll.
Ekki er vitað hvað olli aurskrið-
unum, en norskir fjölmiðlar
höfðu eftir sérfræðingum í gær
að ekki væri hægt að útiloka að
vegaframkvæmdir í grenndinni
hefðu komið þeim af stað.
■ Korzhakovútíkuldann/18
Scan-Foto
Araba-
leiðtogar
funda
HOSNI Mubarak, forseti
Egyptalands, býður emírinn af
Bahrain, Sheikh Isa bin Sul-
man al-Khalifa, velkominn til
Kaíró í gær. Á morgun hefst
þar í borg fundur leiðtoga
Arabaríkja, og hyggjast leið-
togarnir ræða friðarþróun í
Mið-Austurlöndum í ljósi þess
að nýr forsætisráðherra, Benj-
amin Netanyahu, er tekinn við
völdum í ísrael. Búist er við
að þrettán þjóðhöfðingjar
muni koma til fundarins, auk
margra utanríksráðherra og
annarra embættismanna.
Reuter
r 1 iiiáMÉl
b /■ Wá
Netanyahu kveðst ráðinn í að koma á friði
Staðið verði
við samninga
Jerúsalem, Kaíró, Reuter.
NÝR forsætisráðherra ísraels, Benjamin Netanyahu, sagði í gær að ísraelar
væru staðráðnir í að friður skuli komast á í Mið-Austurlöndum, og að hann
vænti þess að önnur ríki myndu gefa sama heit. Sagði Netanyahu að ríkis-
stjórnum bæri að standa við alþjóðlega samninga.
Fréttaskýrendur hjuggu eftir því
að þótt Netanyahu talaði um „alþjóð-
lega samninga" minntist hann ekki
á friðarsamninga þá, er ísraelar og
Palestínumenn gerðu í tíð síðustu
ríkisstjórnar ísraels. Netanyahu
nefndi ekki heldur loforð sem fyrrum
forsætisráðherra, Shimon Peres, gaf
um að ísraelskir hermenn yrðu kall-
aðir frá borginni Hebron á Vestur-
bakkanum.
Að minnsta kosti 12 leiðtogar ara-
barikja munu hittast á fundi í Kaíró
nú um helgina. Markmið ráðstefn-
unnar er að senda stjórn Netanyahus
þau skilaboð, að arabaríki séu ekki
reiðubúin til frekari friðarviðræðna
nema ísraelar láti af hendi meira af
þeim landsvæðum sem þeir hafa her-
tekið.
Netanyahu hefur látið í ljósi efa-
semdir um þá stefnu, sem stjórn
Peresar fylgdi, að láta land af hendi
fyrir frið við nágrannaríkin, en
arabaleiðtogar segja þá stefnu vera
lykilatriði ef friður eigi að nást.
■ Getur Netanyahu/18