Morgunblaðið - 21.06.1996, Blaðsíða 17

MORGUNBLAÐIÐ
VIÐSKIPTI
FÖSTUDAGUR 21. JÚNÍ 1996 17
(JRVERINU
Sumitomo fékk
viðvaranir frá
London frá 1991
London. Reuter.
ALLT frá því 1991 skýrði málm-
markaðurinn í London (LME)
Sumitomo fyrirtækinu í Japan
nokkrum sinnum frá áhyggjum
sínum vegna samninga aðalkop-
arkaupmanns fyrirtækisins,
Yasou Hamanaka, sem hefur ver-
ið rekinn.
Aðalframkvæmdastjóri LME,
David King, tjáði Reuter að upp-
haf málsins hefði verið bréf, sem
verðbréfafyrirtækið DLT Ltd
hefði sent í nóvember 1991. Þar
fór forstöðumaður DLT, David
Threlkeld, fram á rannsókn á
bréfi frá Hamanaka, þar sem
Trelkeld var beðinn um að stað-
festa upplogin viðskipti.
King talaði síðan við Haman-
aka og annan fulltrúa Sumitomo.
„Um allt þetta var vitað á sama
tíma,“ sagði King.
LME lét aftur í ljós áhyggjur
vegna Sumitomo 1991 og 1993.
Áhyggjurnar stöfuðu af því hve
mikil umsvif Sumitomo voru á
koparmarkaði LME að sögn
Kings.
í október og nóvember í fyrra
segir King að hann hafi orðið
áhyggjufullur vegna verðmynd-
unar á koparmarkaðnum og beðið
stjórn LME um heimild til að hefja
rannsókn.
King sagði að samningar utan
markaðarins hefðu verið rannsak-
aðir og reynt hefði verið að kom-
ast að raun um hveijir ættu
málma í vörugeymslum LME.
Rannsóknin varð til þess að
LME skipaði sérstaka óháða
nefnd til að komizt yrði hjá hags-
munaárekstrum. LME hefur ekki
sagt frá nöfnum nefndarmanna,
en markaðsheimildar herma að í
nefndinni eigi sæti lögfræðingar
og starfsmenn eftirlitsstofnana.
Brezk eftirlitsyfirvöld sögðu
Sumitomo frá grunsemdum
nefndarinnar um viðskipti Ham-
anaka. Síðan hann var rekinn
hafa verið hafnar athuganir á öll-
um heimsviðskiptum með málma
í Lundúnum. Eftirlitsstofnunin
SIB (Securities and Investment
Board) huggst standa fyrir sex
mánaða rannsókn og kanna um
leið hvort nokkrir brezkir aðilar
eru viðriðnir málið.
Tap Sumitomo, sem nemur 1,8
milljörðum dollara — mesta tap
sem orðið hefur á fjármálamark-
aði — og brottrekstur Hamanaka
hafa ýtt undir kröfur um breyt-
inga á þessu viðkvæma viðskipta-
sviði, sem er talið berskjaldað
fyrir svikum og tilraunum til að
hafa áhrif á markaðinn. Kröfur
um rannsókn á málmmörkuðum
gerast háværari.
Westinghouse
kaupir Infinity
New York. Reuter.
WESTINGHOUSE Electric hefur
ákveðið að kaupa Infinity Broad-
casting með samningi upp á 3,9
milljarða dollara og verður þar
með nýju risastóru útvarpsfyrir-
tæki komið á fót í Bandaríkjun-
um.
Westinghouse, sem á CBS, er
stærsta útvarpsfyrirtæki Banda-
ríkjanna, en Infinity kemur næst
á eftir. Með samrunanum verður
komið á fót risafyrirtæki 83
stöðva með auglýsingatekjur upp
á tæplega 1 milljarð dollara.
Þar með verður enn ein samr-
uni í þessari grein vegna nýrra
fjarskiptalaga, þar sem fjöldi
stöðva sem eitt fyrirtæki getur
átt er ekki lengur takmarkaður
og fjöldi stöðva sem einn hópur
getur ráðið yfir á hverjum mark-
aði er aukinn.
Að tillögu stjórnarformanns
Westinghouse, Michaels Jor-
dans,fær stofnandi Infinity, Mel
Karmazin sæti í stjórn West-
inghouse. Karmazin mun eiga 2%
hlutabréfa í Westinghouse og
verður forstjóri útvarpsdeildar
Infinity, Westwood One.
Jordan hafði áður sagt að hann
vildi auka útvarpsstarfsemi fyrir-
tækisins um 20% á ári. West-
inghouse keypti CBS í fyrra fyrir
5,4 milljarða dollara.
Infinity á þijár stöðvar á New
York markaðnum og vinsælan
útvarpsþátt, Howard Stern, sem
er dreift á tæplega 30 mörkuðum.
Infinity hefur reynt að auka um-
svif sín síðan í fyrrahaust og
keypt sjö útvarpsstöðvar af All-
iance Broadcasting og samþykkt
að kaupa 12 aðrar útvarpsstöðvar
af Granum Holdings Inc.
Eftir samrunann mun hið nýja
útvarpsfyrirtæki eiga 83 útvarps-
stöðvar á 16 mörkuðum, þar af
69 á 10 aðalmörkuðunum.
Hlutabréf í Infinity hækkuðu í
30,50 dollara úr 28,625 á netinu
þegar Wall Street Journal hafði
skýrt frá því að samruni stæði
fyrir dyrum.
Fyrrum forstjóri
Vulkan ífangelsi
Frankfurt. Reuter.
ÞÝZK dómsyfirvöld hafa sótt um
leyfi til að gefa út tilskipun um
handtöku fyrrverandi stjórnar-
formanns Bremer Vulkan AG,
sem var stærsta skipasmíðafyrir-
tæki Þýzkalands áður en það varð
gjaldþrota.
Farið var fram á heimild til að
handtaka Friedrich Hennemann,
sem hætti störfum hjá Bremer
Vulkan í nóvember 1995 eftir lög-
regluleit á heimilum og skrifstof-
um fyrrverandi starfsmanna
Vulkans.
Hennemann sætir rannsókn
vegna hlutverks í meintum fjár-
drætti upp á rúmlega 750 milljón-
ir marka í styrkjum til endurbóta
á austur-þýzkri skipasmíðastöð
sem Vulkan keypti eftir samein-
ingu Þýzkalands.
Lítið ber á milli aðila í Smugudeilunni
Samið um 13 þúsund
tonn í Barentshafi?
4.000 tonn yrðu
tekin innan lög-
sögu Rússa
MJÖG lítið ber nú á milli í deilunni
um veiðar okkar í Smugunni. Sam-
kvæmt uppiýsingum Morgunblaðs-
ins hefur nánast náðst samkomulag
um heildarkvóta okkar af þorski í
Barentshafi, um 13.000 tonn, þar
af 4.000 tonn innan lögsögu Rússa.
A móti komi loðnuveiðiheimildir
Rússa hér við land. Krafa Norð-
manna um heimildir til veiða á rækju
á Dorhnbanka og línuveiða fyrir
Suðurlandi, er hins vegar sá ásteit-
ingarsteinn, sem samningarnir
stranda á. Þorskafli okkar í Smug-
unni undanfarin ár er að meðaltali
um 35.000 tonn á ári.
Samkvæmt óstaðfestum upplýs-
ingum Morgunblaðsins,, bæði frá
Noregi og íslandi, var staðan þannig
er síðasta samningafundi lauk að-
faranótt 9. júní síðastliðins, að sam-
komulag var orðið um 13.000 tonna
þorskkvóta í Barentshafí. Þá var
talað um 9.000 tonn í Smugunni og
4.000 tonn innan lögsögu Rússa. A
móti því fengju Rússar að veiða
ioðnu innan íslenzku lögsögunnar.
Norðmenn munu þá hafa lagt til að
hluti af kvóta okkar í Smugunni
yrði færður inn í lögsögu Noregs
og á móti kæmu veiðiheimildir Norð-
manna innan lögsögu íslands. Var
þar talað um rækju á Dorhnbanka,
línuveiðar fyrir Suðurlandi og rýmri
heimildir til loðnuveiða.
Vilja ekki skapa
fordæmi fyrir ESB
Þetta atriði gátu samningamenn
íslands ekki fallizt á, enda verið
að tala um aflaheimildir á alþjóð-
legu hafsvæði, sem ekki væri hægt
að greiða fyrir með aflaheimildum
innan lögsögu okkar. Þó gæti slíkt
hugsanlega komið til greina, en það
færi þá eftir því hve mikið við fengj-
um og hve mikið við yrðum að láta
á móti. Samkvæmt heimildum að
utan, munu Norðmenn vilja koma
á gagnkvæmum veiðiheimildum til
þess að skapa ekki fordæmi fyrir
Evrópusambandið og hugsanlega
fleiri þjóðir til að krefjast aukinna
veiðiheimilda í Barentshafi.
Sök íslendinga
„Eg leyfi mér að fullyrða að það
er sök lslendinga að ekki náðist
samkomulag um veiðar þeirra í
Barentshafi á síðasta fundi um
málið. Við erum áfram í sambandi
Morgunblaðið/Helgi Bjarnason
í SMUGUNNI. Skipveijar á Runólfi SH með gott hal
í Smugunni á síðasta ári.
og ég tel mjög líklegt að samkomu-
lag náist. Það er hins vegar óljóst
hvenær næsti samningafundur get-
ur orðið,“ segir Kári Bryn, formað-
ur norsku samningarnefndarinnar
um veiðarnar í Smugunni, í sam-
tali við norska blaðið Fiskaren.
Lykillinn í höndum Rússa
Kári segir að rússneski sendi-
herrann, Korelskij, hafi lykilinn að
lausn deilunnar í höndum sér. ís-
lendingar hafi mikinn áhuga á við-
skiptum við Rússa, einkum fisk-
kaupum til frekari vinnslu á ís-
landi. Rússar hafi hins vegar lýst
því yfir að um slík viðskipti verði
ekki að ræða fyrr en samkomulag
í Sumugdeilunni hafi náðst. Mögu-
leikar séu vissulega á fiskkaupum
frá Noregi en viðskiptin við Rússa
freisti íslendinga meira.
í umfjöllun Fiskaren um Smugu-
deiluna er Bryn spurður hvort rétt
sé að íslendingar hafi verið tilbúnir
til að minnka veiðar sínar í Barents-
hafí um rúman helming frá þeim
35.000 tonnum sem þeir hafi verið
að veiða gegn því að þeir mættu
veiða þorskinn við Bjarnarey. Hvort
það hafi komið í veg fyrir samkomu-
lag. Bryn segist ekkert vilja tjá sig
um slíkar vangaveltur.
Ekkert nýtt í málinu
Þorsteinn Pálsson segir að ekkert
nýtt hafi gerzt í málinu frá síðasta
samningafundi. Hann vildi ekki
staðfesta upplýsingar Morgun-
blaðsins en sagði að Norðmenn
hefðu ekki verið tilbúnir að semja
á þeim grundvelli sem rússneski
sjávarútvegsráðherrann hefði áður
reifað óformlega hér á landi. Þor-
steinn staðfesti þó, að Norðmenn
hefðu farið fram á veiðiheimildir
innan lögsögu okkar. Þá sagði Þor-
steinn að viðskipti íslenzkra fyrir-
tækja við rússnesk fyrirtæki og
fiskkaup okkar frá Rússlandi hefðu
ekki verið rædd á þessum samn-
ingafundum.
Enginn samningafundur hefur
verið boðaður í deilunni, en íslenzki
togaraflotinn er að hefja undirbún-
ing að veiðum í Smugunni í sumar.
FORSETAKJÖ R 1996
ÓL
111
AFIJR RAGNAR GRÍMSSON
Hveragerði
Fundur með Ólafi Ragnari
og Guðrúnu Katrínu
í Hótel Hveragerði
kl. 13:00 á morgun.
\'iðra‘ður, áiörp og (\i ii s|>m r»ir
Allir velkomnir!
Stuðningsfólk Ólafs Kagnars Grímssonar Suðurlandl.