Morgunblaðið - 22.06.1996, Síða 6
6 LAUGARDAGUR 22. JÚNÍ 1996
MORGUNBLAÐIÐ
FRÉTTIR
Læknar í Hafnarfirði, Garðabæ
og Bessastaðahreppi óánægðir
Vilja samning
um bráðatilvik
HEILSUGÆSLULÆKNAR í Hafn-
arfirði, Garðabæ og Bessastaða-
hreppi eru orðnir langþreyttir á að
þessi svæði hafi orðið útundan í
samningum um læknishjálp fyrir
bráðaþjónustu, að sögn Jóhanns Á.
Sigurðssonar prófessors í heimil-
islæknisfræði. Á þessum stöðum búa
um 25 þúsund manns. Karl Steinar
Guðnason, forstjóri Tryggingastofn-
unar ríkisins, segir lækna fara með
rangt mál og að þeir noti sér sjúkl-
inga í sínu einkastriði.
Jóhann segir lækni svæðisins hafa
fengið endursenda reikninga frá
Tryggingastofnun ríkisins, þar sem
tekið sé fram að TR greiði læknum
á þessu svæði ekki fyrir endurlífgan-
ir eins og annars staðar á landinu.
Ekki sé hægt að túlka það á annan
veg en að vaktlæknar á þessu svæði
eigi ekki að sinna bráðatilvikum,
nema án greiðslu af siðfræðilegum
ástæðum.
„Strangt til tekið eru skilaboð yfir-
valda að samkvæmt gjaldskrá sé
heilsugæslulæknum ætlað að reyna
endurlífgun og sinna stórslösuðum
um land allt, nema gagnvart Hafn-
firðingum, Garðbæingum og íbúum
Bessastaðahrepps," segir Jóhann.
Fyrir ári sömdu Tryggingastofn-
un og Læknafélag íslands um gjald-
skrá heimilislækna og segir Jóhann
að læknar í Hafnarfirði, Garðabæ
og Bessastaðahreppi hafi bent á fyr-
ir undirritun að þessu svæði hefðu
orðið útundan varðandi neyðarhjálp.
Yfirvöld hafi lofað að sjá til þess að
túlkun samningsins gilti einnig fyrir
þetta svæði. Við þetta hafi ekki ver-
ið staðið.
„Síðastliðið ár höfum við oft feng-
ið endursenda reikninga, ef við ætl-
uðumst til greiðslu fyrir að end-
urlífga þessa útskúfuðu íbúa. Við
höfum endurtekið vakið athygli yf-
irvalda heilbrigðismála og sveita-
stjórnarmanna á þessu misrétti,"
segir Jóhann.
Fara með ósannindi
Karl Steinar Guðnason harmar
málflutning heilsugæslulæknanna.
Hann fullyrðir að þeir fari með hrein
ósannindi og noti sér sjúklinga í
einkastríði sínu. Karl segir að TR
hafi í fyrra gert samning við Lækna-
félag Isiands, sem samið hafí fyrir
hönd heilsugæslulækna. I samningn-
um sé sérstakur taxti fyrir endurlífg-
un sem gildi utan höfuðborgarsvæð-
is. Hann sé nokkru hærri en sá sem
gildi á höfuðborgarsvæðinu en með
því sé reynt að jafna misvægi í tekj-
um heilsugæslulækna.
Karl Steinar segir rangt að lækn-
um á þessu svæði sé mismunað.
Þeir fái sömu greiðslu fyrir þessi
læknisverk og áður, utan samnings-
bundinnar taxtahækkunar. Þá kann-
ast hann ekki við að læknarnir hafi
kvartað vegna þessa máls. Hann
bendir á að samninganefnd Lækna-
félagsins hafi öll samþykkt samning-
inn á sínum tíma.
Morgunblaðið/Birgir Valsson
Fallbyssunni
miðað
NOKKRUM sinnum á ári er hald-
in fallbyssuæfing á varðskipinu
Ægi, sem felst í að byssan, sem
er 40 mm, er sett saman og skot-
ið úr henni á hentug skotmörk.
Fyrir skömmu var ein slík haldin
og var skotkraftinum beint að
gömlum björgunarbát sem hafði
sungið sitt síðasta. Sex skotum
var hleypt af að þessu sinni og
reyndust byssurnar í góðu lagi.
Sveinn Svavarsson háseti og Þor-
steinn Örn Andrésson stýrimað-
ur miðuðu fallbyssunni á bátinn
og bar sá síðarnefndi ábyrgðina
á skotinu.
Andlát
BJÖRN
GUÐMUNDSSON
BJÖRN Guðmunds-
son, forstjóri heild-
verslunar Ásbjörns
Ólafssonar ehf., lést
fimmtudaginn 20. júní
á Sjúkrahúsi Reykja-
víkur, 58 ára að aldri.
Björn fæddist 24.
september 1937 í
Reykjavík, sonur
hjónanna Guðmundar
Gíslasonar, umboðs-
sala í Reykjavík, og
Ástu Þórhallsdóttur
húsmóður.
Björn kvæntist eft-
irlifandi konu sinni,
Ólafíu Ásbjarnardóttur, árið 1956
en foreldrar hennar voru Ásbjörn
Ólafsson stórkaupmaður og Gunn-
laug Jóhannsdóttir húsmóðir.
Þau eignuðust fjóra syni og eina
dóttur sem öll eru uppkomin, elsta
barnið fætt 1957 en yngsta 1971.
Eftir að hafa lokið
prófi í Samvinnuskól-
anum í Reykjavík árið
1955 vann Björn ýmis
verslunarstörf, m.a.
hjá Sambandinu.
Tæplega tvítugur
hóf Björn störf sem
sölumaður í heild-
verslun tengdaföður
síns og ferðaðist hann
víða um la.nd í starfi
sínu. Að Ásbirni látn-
um árið 1977 tók
Björn við stjórn fyrir-
tækisins sem hann
stýrði alla tíð síðan.
Björn var mjög virkur i Lions-
hreyfingunni og hlaut margvísleg-
ar viðurkenningar fyrir störf sín á
þeim vettvangi. Hann var félagi í
Lionsklúbbnum Þór í Reykjavík.
Þá var Björn meðlimur í Frímúr-
arareglunni.
Skoðanakönnun Stöðvar 2 o g DV
Ólafur með 16% forskot
SAMKVÆMT skoðanakönnun, sem Stöð 2 og
DV gerðu í fyrradag, er Ólafur Ragnar Grímsson
með 16% meira fylgi á bak við sig en Pétur Kr.
Hafstein. Könnunin er sú fyrsta sem gerð er síð-
an Guðrún Pétursdóttir tók ákvörðun um að draga
framboð sitt til embættis forseta íslands til baka.
Úrtakið í könnuninni var 600 manns og svöruðu
73%.
Samkvæmt könnuninni fær Ólafur Ragnar
46,8% fylgi, en samkvæmt síðustu könnun Stöðv-
ar 2 og DV, sem gerð var fyrir tveimur vikum,
var hann með 49,4%. Pétur fær 30,8%, en var
með 25,1% fylgi í síðustu könnun þessara fjöl-
miðla. Guðrún Agnarsdóttir fékk 19,4% fylgi, en
mældist með 12,3% fylgi í síðustu könnun. Astþór
fær 3,2% í könnuninni en var með 3% síðast.
Tæknileg vandamál við myndlyklakerfi Stöðvar 3 leyst eftir 7 mánaða bið
Morgunblaðið/Ásdís
BOGI Þór Siguroddsson, markaðsstjóri Stöðvar 3, Þórarinn Ágústsson, tæknisljóri, Úlfar Steindórs-
son, framkvæmdastjóri, og Robert Velasco, frá Veltech, framleiðanda myndlyklakerfisins.
Aðlögun kerfisins flókn-
ari en gert var ráð fyrir
TEKIST hefur að leysa þau tækni-
legu vandamál sem upp komu vegna
myndlyklakerfis Stöðvar 3, eftir 7
mánaða langa bið. Verður byijað
að rugla útsendingar stöðvarinnar
síðar í sumar eftir að búið verður
að dreifa afruglurum til áskrifenda,
en dagskrá stöðvarinnar hefur verið
send út í opinni dagskrá frá því að
hún hóf útsendjngar, 24. nóvember
á síðasta ári. Ástæða þessara tafa
er sú að framleiðandi myndlykla-
kerfisins vanmat hversu langan
tíma það myndi taka að laga kerfið
að evrópsku sjónvarpskerfi, en fram
til þessa hefur það einungis verið
notað í Norður-Ámeríku.
Að sögn Úlfars Steindórssonar,
framkvæmdastjóra Stöðvar 3, verð-
ur hafist handa við að dreifa mynd-
lyklum til þeirra sem- gengið hafa
frá áskriftarsamningum strax í
næsta mánuði. „Við höfum gengið
frá samningum við framleiðanda
lyklanna um að sá fjöldi sem við
komum til með að þurfa í upphafi
verði afhentur frá 1. júlí og fram
til 1. september.
Við áætlum að þá verðum við
búnir að fá nægilega mikið magn
myndlykla til að geta afhent öllum
þeim sem ætla að vera áskrifendur
að stöðinni lykla. Einhvem tíma á
þessu tímabili munum við byija að
rugla, en það er dálítið erfitt að
dagsetja nákvæmlega hvenær það
verður, því við viljum ekki vera að
loka á það fólk sem vill gerast
áskrifendur hjá okkur á meðan við
höfum ekki afhent þeim myndiykil-
inn.“
Að sögn Úlfars verður byrjað að
innheimta áskriftargjöld þegar
myndlykill hefur verið afhentur.
„Við erum komnir með fleiri þúsund
áskrifendur í dag sem gengið hafa
frá samningi og við eigum aðeins
eftir að uppfylla okkar hluta."
Öll tæknileg vandamál
verið leyst
Að sögn Roberts Velascos hjá
Veltech, sem hannar myndlykla-
kerfið, snerust tæknilegu vandamál-
in fyrst og fremst að því að laga
kerfið að evrópsku sjónvarpskerfi
og hafi það verið vanmetið í upp-
hafi hversu langan tíma það myndi
taka.
„Kerfíð var allt hannað fyrir
NTSC-sjónvarpskerfíð sem notað er
í Bandaríkjunum og fáeinum öðrum
löndum. Þegar við hófumst handa
við að breyta lyklunum fyrir PAL-
sjónvarpskerfið, sem notað er í Evr-
ópu og víðar, gerðum við ekki ráð
fyrir að það yrði eins flókið og raun-
in varð. Eftir að hafa kannað málið
gaumgæfilega komumst við raunar
að því að þetta hafði aldrei verið
gert áður.
Við komum með fyrsta tækjabún-
aðinn hingað til lands í desember
sl. og þá komu þessi vandamál fyrst
í ljós. Við hófumst þá handa við þær
breytingar sem þurfti að gera og
niðurstaðan er kerfi sem getur skipt
sjálfkrafa á milli NTSC- og PAL-
kerfanna. Þetta er raunar eina kerf-
ið sem býr yfir þessari tækni á þessu
sviði og jafnframt það fyrsta sem
sem getur afruglað margar rásir í
einu fyrir PAL-kerfíð og jafnframt
afruglað „pay-per-view“ [sala á ein-
stökum dagskrárliðum] sjón-
varpsútsendingar sérstaklega."
Velasco segir að það sem þetta
kerfi hafí umfram hefðbundin
myndlyklakerfi sé einmitt möguieik-
inn á því að rugla margar rásir í
einu. Þetta þýði að aðeins þurfi einn
afruglara á hvert heimili, en ekki
einn afruglara á hvert sjónvarps-
tæki. Þá sé þetta ekki síður mikil-
vægt fyrir þá sem vilja taka upp á
myndband á einni rás en horfa á
aðra, auk þess sem fjölmörg sjón-
varpstæki bjóði upp á að vera með
fieiri en eina rás á skjánum í einu.
Hvað varðar áætlanir Stöðvar 3
um að hefja þáttasölu (pay-per-
view), segir Úlfar að beðið hafi ver-
ið með endanlega áætlanagerð uns
myndlyklakerfið væri tilbúið. Hins
vegar væri búið að ganga frá öllum
tæknilegum atriðum sem sneru að
þessum útsendingarmáta og samn-
ingar um sýningarrétt lægju á borð-
inu. „Við eigum eftir að ljúka ákveð-
inni vinnu hér innanhúss til þess
að þessir hlutir gangi fyrir sig eins
og þeir eiga að gera. Það er hins
vegar ekki langt í að þetta hefjist.“
Hlutafjáraukning skýrist
á næstu vikum
Úlfar segir að ekki liggi fyrir
endanleg niðurstaða í hlutafjár-
aukningu þeirri sem nú stendur yfir
hjá Stöð 3. Heimild er fyrir hluta-
fjáraukningu upp á 150 milljónir
króna en ekki Iiggur fyrir hvort
núverandi hluthafar _muni nýta sér j
forkaupsrétt sinn. „Ég reikna fast-
lega með því að þetta skýrist betur
á næstu tveimur vikum,“ segir Úlf-
ar.
Tekjur stöðvarinnar hafa verið í
lágmarki frá stofnun, enda engar
tekjur enn komið af áskrift. Úlfar
segir hins vegar að auglýsingatekjur
hafi farið vaxandi og reikna megi
með að tekjurnar muni aukast veru- 1
lega eftir að farið verði að inn- j
heimta fyrir áskrift. Því sé öllu j
bjartari horfur yfir rekstrinum en
verið hafi.
Hann segir að ýmislegt hafi þó
breyst í rekstrarumhverfi stöðvar-
innar frá því sem ráð hafi verið
fyrir gert í upphafi. Bæði hafi verið
farið út í lengri dagskrá og sömu-
leiðis dýrari en upphaflega hafi ver-
ið ráðgert. Hann segir hins vegar
að á næstu mánuðum muni það
skýrast mikið hversu stóran hóp I
áskrifenda stöðin þurfi til að geta j
staðið undir rekstri.
Bogi Þór Siguroddsson, markaðs-
stjóri Stöðvar 3, bætir því við að
sú kynning sem stöðin hafi fengið
með því að hafa dagskrána opna í
allan vetur hafi verið mun meiri en
upphaflega hafi verið reiknað með.
„Þetta er því mjög sterk markaðsað-
gerð í sjálfu sér að svo margir hafi |
getað séð dagskrá okkar og við finn- j
um það í þeim könnunum sem við
höfum látið gera að fólk kann að I
meta dagskrána."