Morgunblaðið - 22.06.1996, Síða 11

MORGUNBLAÐIÐ
LAUGARDAGUR 22. JÚNÍ 1996 11
Að lokum
Guðrún Pétursdóttir hefur hætt við framboð til embættis forseta
/ s
Islands. Kosningabaráttu okkar er því lokið. A sama hátt og við
fögnuðum þeirri ákvörðun hennar að bjóða sig fram og veittum
henni stuðning okkar til framboðs, skiljum við og virðum ákvörðun
hennar nú um að draga sig í hlé.
Þótt hljómgrunnur fyrir framboði hennar hafi ekki reynst nægur er
það sannfæring okkar að Guðrún Pétursdóttir hafi allt það til að
bera er prýða þarf forseta íslands. Gáfur hennar og mannvit,
hjartahlýja og kjarkur eru eiginleikar sem við vildum sjá í næsta
forseta lýðveldisins.
Nú á þessari stundu þökkum við þeim fjölmörgu sem lögðu á sig
fórnfúst og ötult starf. Við þökkum keppinautunum drengilega
kosningabaráttu og að lokum þökkum við Guðrúnu Pétursdóttur og
/
Olafi Hannibalssyni skemmtilegt og mannbætandi samstarf.
Stuðningsmenn
Guðrúnar Pétursdóttur