Morgunblaðið - 22.06.1996, Blaðsíða 14

Morgunblaðið - 22.06.1996, Blaðsíða 14
14 LAUGARDAGUR 22. JÚNÍ 1996 MORGUNBLAÐIÐ LAIMDIÐ Framhaldsskóla Vestfjarða slitið ísafirði - Framhaldsskóla Vest- fjarða var slitið laugardaginn 25. maí sl. Brautskráðir voru fimmtán stúdentar. Tveir nemendur luku iðnprófi í vélsmíði. Af 1. stigi skip- stjórnarbrautar, eftir eins vetrar nám, voru brautskráðir sex nem- endur. Þá luku fjórir verslunar- prófi og einn sjúkraliðaprófi. Baldur Smári Einarsson frá Bolungarvík, af hagfræðibraut, fékk hæsta meðaleinkunn á stúd- entsprófi, ágætiseinkunn 9,06, og hafa áður aðeins þrír nemendur hlotið ágætiseinkunn á stúdents- prófi á ísafirði. Næsthæstu ein- kunn á stúdentsprófi nú fékk Hulda Pétursdóttir, 8,38, sem einnig brautskráðist af hagfræði- braut. Hæstu meðaleinkunn af náttúrufræðibraut fékk Hlynur Guðmundsson, 8,00, en hæstu ein- kunn af mála- og samfélagsbraut fékk Arna Lára Jónsdóttir, 7,99. Af skipstjórnarbraut fékk hæsta einkunn Egill Jónsson, 7,75. Anna K. Kristjánsdóttir fékk hæstu einkunn þeirra sem braut- skráðust með verslunarpróf, 7,75. Á iðnprófi var hæstur Sigurður Viðarsson með 7,61. Allir þessir nemendur og fleiri til hlutu verð- laun. Til máls tóku Halldór Þorgeirs- son, sem var fulltrúi tuttugu ára stúdenta, og Unnur Árnadóttir, fulltrúi tíu ára stúdenta, og færðu þau skólanum gjafir, sem eru margmiðlunarefni og forrit til notkunar á bókasafni. í skólanum voru á haustönn 243 nemendur í dagskóla, 15 utan skóla og 55 í öldungadeild, þar af 23 í öldungadeild á Reykhólum, en hún var starfrækt í eina náms- ðnn aðeins. Á vorönn voru nem- endur nokkru færri. Nemendur við skólann voru talsvert fleiri í vetur en árið á undan. Við Framhalds- skóla Vestfjarða eru 18 kennarar í fullu starfi, að stjórnendum með- töldum. Skólameistari, Björn Teitsson, ávarpaði sérstaklega þá nemendur sem brautskráðust, og sagði þá m.a.: „Byggð á Vestfjörðum á nú Morgunblaðið/Halldór Sveinbjörnsson STÚDENTARNIR sem brautskráðir voru frá Framhaldsskóla Vestfjarða. í vök að verjast fremur en byggð í nokkrum öðrum landshluta. Þeg- ar svo er komið reyna þeir helst að flytjast burt sem auðveldast eiga með það. Ungt fólks eins og þið á yfirleitt ekki fasteignir og ekki maka eða börn, og því er það oft hreyfanlegast. Séu brottflutn- ingar miklir verður hætta á að þeim sem eftir sitja komi æ verr saman. Ég leyfi mér að ráðleggja ykkur að reyna að komast hjá því að glata uppruna ykkar. Hættur leynast miklu víðar um heim en hér, bæði á sjó og landi, og yrði of langt upp að telja. Því er alls kostar óráðlegt að afskrifa Vest- firði sem byggilegt svæði. Það er mjög óvíst að grasið sé grænna annars staðar." 50 árvið kirkju- orgelið Stokkseyri - Á þjóðhátíðardaginn var haldið upp á það við messu að 50 ár eru Hðin frá því að Pálm- ar Eyjólfsson tók við starfi organ- ista við Stokkseyrarkirkju. Að lok- inni messu bauð sóknarnefndin upp á kaffi í íþróttahúsinu honum til heiðurs þar sem honum voru þökkuð góð störf og færðar gjafir. Á þessum 50 árum hefur Pálm- ar Eyjólfsson starfað með fjórum prestum og voru þrír þeirra við- staddir þessa hátíðarstund; þeir eru sr. Magnús Guðjónsson, sr. Valgeir Ástráðsson og starfandi prestur sr. Úlfar Guðmundsson. Fjórði presturinn, sr. Árelíus Ní- elsson, er látinn. I ræðum manna kom fram að Pálmar hefur í gegnum tíðina verið iðinn við að safna að sér nótum sem margar hefðu ella glat- ast auk þess sem hann hefur sam- ið mörg lög sjálfur og komu sum þeirra út á geisladisknum Sólnæt- ur fyrir fáum árum. Þess má að lokum geta að Pálmar starfar ennþá sem organisti við Stokks- eyrarkirkju. Aldarminning sr. Frið- riks A. Friðrikssonar Húsavík-17. júní voru liðin 100 ár frá fæðingu sr. Friðriks A. Frið- rikssonar, prófasts á Húsavík og var þess minnst á virðulegan hátt í Húsavíkurkirkju á afmælisdaginn. Sóknarpresturinn séra Sighvatur Karlsson minntist forvera síns með ítarlegri ræðu, en séra Friðrik þjón- aði Húsavíkursöfnuði í um 30 ár en lét þá af störfum að eigin ósk og tók við umfangsminna presta- kalli, Hálsi í Fnjóskadal, og þjónaði því í átta ár. Hafði hann þá dyggi- lega og eftirminnilega þjónað kirkj- unni vestan hafs og austan í rúma hálfa öld. Auk prestþjónustunnar hlóðust á sr. Friðrik tímafrek félagsstörf, einkum er lutu að tónlist og skóla- málum. Hann stjórnaði Karlakórn- um Þrym í 18 ár og Kirkjukór Húsavíkur í 20 ár og bjó báðum kórunum í hendur gögn með upp- skriftum og fjölritunum, sem nútíð- ar söngstjórar þekka ekki, þar sem allt er ljósritað. Hann fékkst einnig við lagasmíð og í handriti átti hann um 30 lög fyrir karlakóra og blandaða kóra og mörg þeirra við hans eigin texta. Morgunblaðið/Silli SR. SIGHVATUR Karlsson minntist sr. Friðriks A. Frið- rikssonar. Með söngstjórastarfi sínu kom séra Friðrik á framfæri fjölda sönglaga er eigi höfðu verið sunginn hér á landi áður en hafa síðan verið sung- in af hinum ýmsu kórum. Textaþýð- ingar hans vöktu athygli enda stóð hann vel að vígi að fella saman Ijóð og,lag. I sínu mikla prests- og tónlistar- starfí naut hann dyggilegs stuðn- ings eiginkonu sinar, frú Gertrud, sem var organisti við Húsavíkur- kirkju í 25 ár og einnig var hún undirleikari við hin ýmsu tækifæri. Verður ekki ofmetið hið mikla fram- lag þeirra hjóna til söng- og tónlist- armála í Þingeyjarsýslu. Handbragð hans á nótnaskrift var viðbrugðið og teiknaði hann meðal annars til prentunar Passíu- sálmalögin, sem Sigurður Þórðar- son, söngstjóri, hafði safnað og gefin voru út í viðhafnarútgáfu. Binnig var gefin út afmælisdagabók með málsháttum og skrautritaði hann þá útgáfu. í sambandi við 50 ára afmæli Húsavíkurkirkju 1957 samdi séra Friðrik hátíðarkantötu, dýrðarljóð og lag, sem hann nefndi Ákall, heit bæn og innileg. Við minningar- athöfnina flutti kirkjukórinn þessa kantötu undir stjórn Natalíu Chow. í tilefni aldarafmæli sr. Friðriks færði Húsavíkursöfnuður Friðriks- sjóði 100 þúsund króna gjöf en sjóð- urinn var stofnaður til minningar um sr. Friðrik A. Friðriksson og hefur þann tilgang að efla sönglíf og tónmennt í Húsavíkursókn með styrkjum til hljóðfærakaupa, radd- kennslu og nótnaútgáfu. Ný sundlaug vígð við Skjöldólfs- staðaskóla. Vaðbrekku, Jökuldal - íbúar Jök- uldalshrepps fögnuðu vígslu nýrrar sundlaugar víð Skjöldólfsstaða- skóla á þjóðhátíðardaginn sautj- ánda júní síðastliðinn. Sundlaugin hefur verið í bygg- ingu síðastliðið ár, en Ingifinna Jónsdóttir bóndi á Hvanná tók fyrstu skóflustungu að henni 12. júní fyrir rúmu ári. Samhliða sund- laugarvígslunni var haldið upp á fimmtíu ára afrnæli Skjöldólfs- staðaskóla, og hélt Jökuldalshrepp- ur íbúum og brott fluttum og fleiri gestum kaffisamsæti í tilefni dags- ins. Fluttur var fróðleikur um bygg- ingar- og starfssögu skólans af oddvita hreppsins Arnóri Bene- diktssyni, Hákon Aðalsteinsson og Aðalsteinn Jónsson sögðu sögur af veru sinni í skólanum. Morgunblaðið/Sigurður Aðalsteinsson FJÖLDI fólks, allt að 250 manns, voru við vígslu nýju sundlaugar- innar við Skjöldólfsstaðaskóla. Að kaffisamsætinu loknu var haldið til laugar þar sem Séra Brynhildur Óladóttir frá Merki sóknarprestur á Skeggjastödum flutti bæn og vígði laugina. Því næst drifu allir sem vettlingi gátu valdið sig í sundföt og tóku sér sundsprett, og þeir er ekki höfðu sundföt meðferðis fengu jafnvel líka sumir hverjir ókeypis bað. Sundlaugin verður opin almenn- ingi yfír sumartímann auk þess sem þar verður kennt sund, og er sund- laugin því kærkomin viðbót við þá ferðaþjónustu í sveitinni sem fyrir er en í Skjöldólfsstaðaskóla er rek- in greiðasalan Dalakaffí. í Möðru- dal er Fjallakaffi og í Klausturseli er rekið handiðnarvinnustofa og vísir að dýragarði með hreindýrum, gæsum og tófum, og nú geta þeir er nýta sér ferðaþjónustu í sveitinni farið í sund til að farga ferðaþreyt- unni. Morgunblaðið/Gísli Gislason FJÓLA Ægisdóttir afhenti Pálmari og eiginkonu hans, Guðrúnu Loftsdóttur, gjafir. Miklar framkvæmdir í Stykkishólmsbæ Stykkishólmi - Hjá starfsmönnum Stykkishólmsbæjar er nóg að gera og verða miklar framkvæmdir á vegum bæjarins í sumar. Nú er ver- ið að lagfæra Skólastíginn sem er ein elsta gata bæjarins og ein af örfáum götum í bænum sem ekki hefur verið lagt á bundið slitlag. Verið er að færa gótuna aðeins vest- ar til að fá hana lengra frá húsun- um. Skipt verður um jarðveg og allar götulagnir og í framhaldinu verður stígurinn malbikaður eða hellulagður eins og skipulag gerir ráð fyrir. Þá hefur í vor verið gengið frá einni nýrri götu í bænum, Tjarnar- ási. Þar hafa verið boðnar út bygg- ingarlóðir og eru nú þegar hafnar framkvæmdir við tvö íbúðarhús. Þá eru starfsmenn bæjarins farn- ir að vinna við endurbætur á íþrótta- vellinum. Hér hefur verið malarvöll- ur en nú á að útbúa hann sem gra- svöll og á framkvæmdum að ljúka í sumar. Á fjárhagsáætlun bæjarins eru áætlaðar 10 milljónir til verksins þannig að hér er um miklar fram- kvæmdir að ræða. Þá stendur til að byggja þjónustuíbúðir fyrir aldr- aða og verður fljótlega leitað tilboða í verkið sem á að hefjast í sumar. JMjH', -r'.,V< mM-' Morgunblaðið/Árni Helgason UNNIÐ við breikkun á Skólastígnum í Stykkishólmi.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.