Morgunblaðið - 22.06.1996, Side 46
6 LAUGARDAGUR 22. JÚNÍ 1996
MORGUNBLAÐIÐ
BRÉF • FORSETAKJÖR
Kjósum manneskju,
ekki prósentutölu
Frá Friðriki Á. Guðnwndssyni:
NÚ ERUM við íslendingar að velja
okkur forseta í fyrsta skipti í sex-
tán ár. Líklegt er að við fáum ekki
annað slíkt tækifæri í bráð. Við
erum að taka afar mikilvæga
ákvörðun. Forseti íslands er sam-
einingartákn á heimaslóðum, erind-
reki okkar allra á erlendum vett-
vangi. Þess vegna er eðlilegt að
hver og einn okkar velji þann fram-
bjóðanda sem helst hrífur hjarta
hans, þann einstakling sem hann
telur að öll þjóðin gæti sætt sig við.
Mér þykir þess vegna leiðinlegt
að heyra allt þetta tal um kosninga-
taktík - það virðist eins og margir
hafi meiri áhuga á því að halda
fjandvinum sínum frá Bessastöðum
heldur en að koma sínum frambjóð-
anda að. Þannig heyrir maður suma
segja að þeir ætli að kjósa Pétur
af því að þeir vilji ekki Ólaf, eða
Ólaf af því að þeir vilji ekki Pétur.
Sumir, skilst mér, eru jafnvel að
kjósa fyrrverandi fjármálaráðherra
einungis til þess að stríða núver-
andi forsætisráðherra.
Er þetta virkilega nægileg
ástæða til þess að setja kross við
nafn þann 29. júní? Við erum ekki
bara að kjósa forseta fyrir sumarið.
Við erum að kjósa forseta til næstu
aldar.
Ég ætla að kjósa þann frambjóð-
anda sem ég tel að verði þjóðinni
til sóma, þann frambjóðanda sem
ég tel geta sameinað okkur öll í
blíðu og stríðu, þann frambjóðanda
sem ég tel að okkur geti öllum
þótt vænt um.
Fyrir mér er sá frambjóðandi
Guðrún Agnarsdóttir. Ég ætla ekki
að gerast svo framhleypinn að biðja
aðra landsmenn um að krossa við
sama nafn. En ég vil biðja þá að
kjósa þann sem þeir vilja, ekki gegn
þeim sem þeir vilja ekki. Látum
sannfæringuna ráða, ekki tölfræð-
ina.
FRIÐRIK Á. GUÐMUNDSSON,
Grenimel 16, Reykjavík.
Leikari á heims-
mælikvarða
Frá Aagot Emilsdóttur:
ÉG UNDRAST fylgi Ólafs Ragn-
ars Grímssonar í þessum forseta-
kosningum.
Mætur maður sagði mér að hann
ætlaði að kjósa Ólaf Ragnar, ein-
göngu til að losna við hann úr pólitík-
inni því hann þyldi hann ekki. Mér
finnst þetta nokkuð rökrétt hugsun,
kannski hugsa margir það sama og
þessi góði maður.
Ég var í sundi einn daginn, þar
hittast nokkrar vinkonur og slappa
af í grunnu lauginni, ég gat ekki
annað en brosað er ég heyrði að þær
voru að tala um forsetakosningar.
Jú, þær höfðu allar komist að niður-
stöðu. Guðrún Katrín, kona Ólafs
Ragnars, væri glæsilegust, þær ætl-
uðu allar að gefa Ólafi Ragnari sitt
atkvæði.
Það er með eindæmum hvað Ólaf-
ur Ragnar á auðvelt með að skipta
um ham léttilega þegar við á, hann
er kjaftfor og ófyrirleitinn, gortar sig
í tíma og ótíma, hvað hann er með
mikla reynslu af stjórnmálum og
hvað þá af sinni frábæru kennslu við
Háskólann, sem stjórnmálafræðing-
ur. Við eigum marga góða stjóm-
málafræðinga til sem eru heiðar-
legri, en það er nokkuð sem Ólafur
Ragnar þekkir ekki, heiðarleikinn.
Það er ekkert þar á milli, annaðhvort
kjaftar Ólafur Ragnar allt í kaf, eða
reynir að vera góðlegur og brosa,
brosið hans fer honum ekki vel.
Ég tek undir orð Tómasar Gísla-
sonar vígslubiskups.
Ég er ákveðin í því að greiða
Pétri Kr. Hafstein atkvæði mitt. Ég
hef trú á Pétri Hafstein, hann kem-
ur til dyranna eins og hann er klædd-
ur. Pétur Hafstein er góðum gáfum
gæddur, lítillátur, drenglyndur og
ákveðinn. Ég treysti engum öðrum
frambjóðanda í þessu forsetakjöri
en Pétri Kr. Hafstein. Ég vil sjá
Pétur Kr. Hafstein sem forseta á
Bessastöðum, enginn er til þess bet-
ur fallinn.
Að lokum óska ég Pétri Hafstein
og glæsilegri eiginkonu hans, Ingu
Ástu, alls hins besta í komandi kosn-
ingum.
Styðjum Pétur Kr. Hafstein.
AAGOT EMILSDÓTTIR,
Faxatúni 16, Garðabæ.
Vanstilling í sjónvarpi
Frá Þórði Guðjohnsen.
ÉG HORFÐI á umræðuþátt
Hannesar og Marðar á Stöð 2
föstudaginn 14. júní. Gestur þeirra
í þættinum var Jón Steinar Gunn-
laugsson hæstaréttarlögmaður,
sem á dögunum vék sæti í yfirkjör-
stjórn Reykjavíkur vegna opin-
berra afskipta sinna af embættis-
athöfnum Ólafs Ragnars Gríms-
sonar forsetaframbjóðanda í fortíð-
• inni. Ég varð alveg rasandi yfir
framkomu Marðar Árnasonar í
þessum sjónvarpsþætti. Maðurinn
virtist gjörsamlega hafa misst
stjórn á sér. Var einna helst að
sjá, að þessi gestgjafi þáttarins
vildi með málæði sínu og dónaskap
koma í veg fyrir að gesturinn fengi
að tjá sig. Man ég ekki eftir að
hafa á síðari tímum séð aðra eins
vanstillingu í umræðuþætti í sjón-
varpinu. Augljóst var að Mörður
var þarna í ákafri vörn fyrir Ólaf
Ragnar Grímsson, þó að hún hafi
’■ 'tekist illa, því að menn þjóna aldr-
ei málsstað sínum vel með því að
missa stjórn á sér. Var aðdáunar-
vert hversu vel Jóni Steinari tókst
að halda rósemi sinni og svara
spurningum málefnalega, að því
marki sem það var hægt fyrir
látunum í Merði.
Ég fór að velta því fyrir mér,
hvers vegna maðurinn hefði látið
svona. Þá rifjaðist upp fyrir mér
að Mörður var einn af hluthöfunum
í fyrirtækinu Svart á hvítu, sem
Ólafur Ragnar bjargaði frá því að
þurfa að skila söluskatti upp á
meira en 20 milljónir þegar hann
var fjármálaráðherra með því að
taka af fyrirtækinu skuldabréf með
ónýtu veði fyrir skuldinni. í hlut-
hafahópnum voru að auki ýmsir
aðrir þekktir stuðningsmenn Ólafs
í Alþýðubandalaginu. Þetta var ein-
mitt eitt af málunum sem Jón Stein-
ar nefndi þegar hann vék sæti. Og
ekki nóg með það, heldur gerði
Ólafur Mörð á sama tíma að pólit-
ískum aðstoðarmanni sínum í fjár-
málaráðuneytinu. Bendir allt til
þess að Mörður hafi einmitt átt
beinan þátt í að fá Ólaf fjármálaráð-
herra til að gefa þeim félögum upp
söluskattsskuldina, sem m.a. kom
þeim undan refsiábyrgð fyrir að
skila ekki söluskatti. Þetta skýrði
málið fyrir mér. Mörður Árnason
er sjálfur á kafí í málinu, sem fyrr-
verandi hluthafi í Svörtu á hvítu
og aðstoðarmaður Ólafs Ragnars á
sama tíma. Honum rennur vísast
núna blóðið til skyldunnar við Ólaf
Ragnars Grímsson. Það er ugglaust
skýringin á furðulegri framkomu
hans í sjónvarpsþættinum?
ÞÓRÐUR GUÐJOHNSEN
verslunarmaður.
ÍDAG
Með morgunkaffinu
Ást er...
... að reyna að skilja
hugarástand ástvinar
þíns.
TM Reg. U.S. Pat. Off. — all rights roserved
(c) 1996 Los Angeles Times Syndicate
ÞAÐ eru greinilega
engin takmörk fyrir af-
sökunum þínum þegar
þú átt að þvo upp.
Farsi
erah Stgjcoþer þcÁ, gae-skarx, - þab er
mannlcyn, þamasuppL."
HÖGNIHREKKVÍSI
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Netfang: lauga@mbl.is
Tapað/fundið
Barnapeysa
tapaðist
DÖKKGRÆN heima-
prjónuð barnapeysa (á 5
ára) með mynsturbekk
yfir bijóst tapaðist við
Kambsveg eða nágrenni
fyrir nokkru. Finnandi
vinsamlega hringi í síma
553-0002 eða 557-4175.
Lyklakippa
fannst
LYKLAKIPPA fannst á
reiðstíg í Víðidal 19. júní
sl. Upplýsingar í síma
557-4076.
Leðurpokifannst
SVARTUR lófastór
leðurpoki með sígarett-
um, kveikjara og mat-
armiðum frá fyrirtækis-
mötuneyti fannst á torg-
inu við Þjóðleikhúsið fyr-
ir rúmum tveimur vikum.
Upplýsingar í síma
581-1289. Brynhildur.
Hanskar
töpuðust
SVARTIR loðfóðraðir
leðurhanskar töpuðust á
gangstígnum á milli Suð-
urlandsbrautar og
Laugardals sl. fimmtu-
dag. Sá sem fann hansk-
ana er beðinn að hringja
í síma 553-6396.
Penni tapaðist
GULLHÚÐAÐUR blek-
penni merktur stöfunum
GG tapaðist líklega í ís-
landsbanka í Lækjargötu
fyrir u.þ.b. mánuði.
Finnandi vinsamlega
hringi í síma 550-6657.
Eyrnalokkur
fannst
GULLEYRNALOKKUR
með steini fannst á mót-
um Snorrabrautar og
Laugavegs 17. júní. Upp-
lýsingar í síma
553-4307.
Gæludýr
Kettlingur á
flækingi
MJÖG fallegur svartur
og hvítur fresskettlingur
blíður og gáfaður fannst
á Skarphéðinsgötu sl.
fimmtudagsmorgun.
Hann er varla nema
þriggja mánaða. Ef eng-
inn eigandi gefur sig
fram fæst kettlingurinn
gefins á gott heimili.
Kettlingnum getur fylgt
klórustykki og leikföng.
Upplýsingar í síma
552-4770.
Kettlingar
TÍU vikna kassavanan
kettling vantar gott
heimili. Upplýsingar í
síma 551-7252.
ÞESSAR duglegu stúlkur héldu nýlega hlutaveltu
og færðu hjálparsjóði Rauða kross Islands ágóð-
ann sem varð 1.256 krónur. Þær heita Fríða
Dendy Helgadóttir, Laufey Haraldsdóttir og Þór-
dís LiljaSigurðardóttir.
Víkveiji skrifar...
SUMARIÐ er sá tími þegar mest
_ álag er í millilandaflugi til og
frá íslandi. Víkveiji lagði land undir
fót á dögunum og þegar hann mætti
í Leifsstöð síðdegis var mikið að
gera í fiugstöðinni. Innritun gekk
einstaklega greiðlega fyrir sig en
þegar kom að vegabréfaskoðun kom
annað á daginn. Þrátt fyrir að fjöldi
farþega væri á leið úr landi var ein-
ungis eitt hlið opið og hafði myndast
biðröð er teygði sig um nær allan
innritunarsalinn endilangan.
Svipað var oft uppi á teningnum
síðastliðið sumar ef Víkveiji man
rétt. Þetta er hvimleitt fyrir farþega,
ekki síst þar sem aðstaða til biðraða-
myndunar í flugstöðinni er ekki upp
á marga físka.
Vegabréfaskoðun á íslandi er líka
kapítuli út af fyrir sig. Það tíðkast
vart lengur í ferðalögum milli Vest-
ur-Evrópuríkja að vegabréf séu
stimpluð, þegar um farþega frá EES-
ríkjunum er að ræða. A Islandi er
enn stimplað í gríð og erg og virðast
sumir tollverðir leggja sérstaka
áherslu á að stimpla vegabréf íslend-
inga. Á Víkveiji satt best að segja
erfitt með að skilja tilgang þess.
XXX
FIRLEITT hefur Víkveiji lítið
út á veitingar í vélum Flugleiða
að setja. Flugvélakostur er sjaldan
veislumatur en samanborið við veit-
ingar annarra evrópskra flugfélaga
er Fiugleiðamaturinn yfirleitt í skárri
kantinum.
Á því var hins vegar undantekning
í þessu flugi. í aðalrétt voru einhvers
konar fiskipinnar, fiskstautar í raspi,
sem Víkveiji neyddist til að leifa,
enda fiskurinn ekki lystugur. Von-
andi var Víkveiji hreinlega óheppinn
með bakka því að þetta var ekki fisk-
ur af því tagi sem æskilegt er að
kynna sem íslenskt hráefni.
XXX
VRÓPUKEPPNIN í fótbolta set-
ur mikinn svip á London þessa
dagana en einnig gífurlegar öryggis-
ráðstafanir vegna hermdarverka
írska lýðveldishersins. Víkverji var
ekki fyrr kominn inn í komusal Term-
inal 3 á Heathrow en að allar viðvör-
unarbjöllur þar fóru að hringja með
miklum látum og farþegar beðnir um
að yfirgefa salinn tafarlaust. í mið-
borg Lundúna er eftirlit ef eitthvað
er strangara en verið hefur undanfar-
in ár og setja appelsínugular keilur
lögreglunnar mikinn svip á miðborg-
ina, en með þeim eru merkt stæði,
þar sem bannað er að stöðva bifreið-
ar. Ruslafötum á almannafæri hefur
hins vegar ekki verið lokað líkt og
gert var í stærstu borgum Frakklands
í fyrra í kjölfar sprengjutilræða alsír-
skra heittrúarmanna. í neðanjarðar-
lestakerfinu er viðbúnaður einnig
töiuverður og greinilegt að menn eru
við öllu búnir. Þegar neðanjarðarlest,
er Víkveiji var farþegi í, stöðvaði á
Charing Cross-stöðinni var tiíkynnt í
hátalarakerfinu að rýma yrði stöðina
og að allir farþegar yrðu að yfirgefa
hana þegar í stað. Lestarfarþegar
voru ekki alveg vissir um hvort þeir
ættu að sitja kyrrir eða ganga út
þangað til að lestarstjórinn tilkynnti:
„Ef þið eigið ekki erindi hér skuluð
þið sitja sem fastast. Þið áttið ykkur
auðvitað á því að fljótastá leiðin út
úr stöðinni er með lestinni."