Morgunblaðið - 25.06.1996, Blaðsíða 50

50 ÞRIÐJUDAGUR 25. JÚNÍ 1996
MORGUNBLAÐIÐ
BRÉF • FORSETAKJÖR
ÍDAG
Um siðleysi og
dóma á efsta degi
Svar til Guðbjörns Jónssonar
Frá Jóni Steinari Gunnlaugssyni:
GUÐBJÖRN Jónsson, Hjarðarhaga
26, Reykjavík, sendir mér opið bréf
í Morgunblaðinu 20. júní sl. Mér
bæði ljúft og skylt að svara honum
nokkrum orðum.
Þú telur, Guðbjöm minn, að í
dæmum þeim sem ég tiltók um ófor-
svaranlega embættisfærslu Ólafs
Ragnars Grímssonar, þegar ég rök-
studdi ákvörðun mína um að víkja
sæti úr yfirkjörstjóm Reykjavíkur,
hafi hann verið að veija gerðir und-
irsáta sinna í fjármálaráðuneytinu.
Þetta er hreinn og klár misskilning-
ur. í öllum tilvikum var um að
ræða orð og athafnir hans sjálfs.
Maðurinn veittist sjálfur úr valda-
stóli með stóryrðum og rangsleitni
að mönnum sem áttu undir högg
að sækja. Þetta gerði hann að því
er virtist af þeirri einu ástæðu að
hann taldí það á þeim tíma henta
sér pólitískt. Allir menn, sem fyrir
sökum era hafðir, eiga að njóta
þeirra sjálfsögðu réttinda að vera
íausir undan geðþóttadómum
manna í opinberam valdastöðum.
Ég hef alltaf talið slíkar dómsupp-
kvaðningar valdsmanna siðlausar
og skiptir þá engu máli hver í hlut
á. Þú ættir að setja sjálfan þig í
spor þeirra manna sem slíkt hafa
þurft að þola, t.d. fyrirsvarsmanna
Hafskips, þegar Ólafur Ragnar fór
hamföram á Alþingi og sakaði þá
ranglega um að hafa svikið fé út
úr Utvegsbankanum f þágu sjálfra
sín. Ef þú gerðir það myndirðu
skilja betur hvað ég á við. Mér
kemur ekki í hug nokkur annar
maður, sem trúað hefur verið fyrir
opinberu valdi á íslandi á síðari
árum, sem kemst nálægt Ólafi í
sh'ku framferði. Og nú vill hann
verða forseti íslands, þjóðhöfðingi
okkar og sameiningartákn. í því
skyni hefur hann skipt um persónu-
leika, rétt eins og þú, Guðbjöm,
skiptir um fót, áður en þú ferð í
kirkju. Og hann vill að við strikum
yfír fortíð hans og metum hann
eingöngu út frá silkimjúku kosn-
ingahjalinu nú. Upprifjun á óum-
deildum staðreyndum í fortíðinni
heitir nú „skítkast"! Þér er fijálst
að láta þetta eftir honum ef þú vilt.
Ólafur getur samt aldrei orðið að
sameiningartákni fyrir þjóðina. Allt
of stór hluti hennar hefur svo
megna skömm á gjörðum hans í
fortíðinni, að þar mun varla nokk-
urn tíma gróa um heilt. Það fólk,
sem fyllir þann stóra flokk, mun
seint geta litið á hann sem forseta
sinn, jafnvel þó að nægilega margir
verði til að kjósa hann í embættið.
Ég hef engan áhuga á trúarskoð-
unum Ólafs Ragnars Grímssonar
og ég ber fulla virðingu fyrir þeim
vafa sem margir menn bera í bijósti
um tilvist guðs. En ég ber hins
vegar enga virðingu fyrir manni,
sem allt í einu lýsir yfir því, eftir
að hann fer í forsetaframboð, að
hann ekki bara trúi á guð, heldur
hafi haft sterka trúarsannfæringu
allt frá bamæsku, vígða í eldi erfiðr-
ar lífsreynslu, þegar sá sami maður
hefur allt fram að því að hann hugði
að framboði lýst því opinberlega að
hann trúi „eiginlega“ ekki á tilvist
guðs. Og Guðbjörn minn, þér fínnst
Ölafur Ragnar var greindur. Það
fínnst mér ekki. Ég gef a.m.k. ekki
mikið fyrir þá „greind“, sem leyfir
þá framkomu, sem Ólafur hefur
sýnt meðbræðram sínum á liðnum
áram og þann tvískinnung, sem
hann sýnir nú.
Góði Guðbjörn! Við eigum að taka
siðferðilega afstöðu til framkomu
annarra manna, ekki síst þeirra sem
fengið hefur verið opinbert vald í
okkar umboði. Við verðum auðvitað
að gæta okkar á því að vera sann-
gjörn og halla hvergi réttu máli.
En afstöðuna eigum við að taka.
Okkur ber raunar bein skylda til
þess, þegar sá sem í hlut á vill láta
velja sig sem sameiningartákn okk-
ar allra í embætti sjálfs þjóðhöfð-
ingjans. Ef við tökum ekki slíka
afstöðu, en Iokum í þess stað augum
og eyram, verðum við með ákveðn-
um hætti samábyrg fyrir siðleysi
mannsins. Lausnin getur aldrei fal-
ist í því, eins og mér sýnist þú telja,
að forðast slíka afstöðu af ótta við
dóm á efsta degi. Ég efast um að
afstöðuieysið, sem þú talar fyrir,
verði það framlag í málflutning þinn
fyrir þeim dómstóli, sem þú virðist
telja.
Með kveðju,
JÓN STEINAR GUNNLAUGSSON hri.
Að slá tvær flugnr
í einu höggi
Frá Helga Rúnari Hilmarssyni:
EFTIR fáeina daga mun íslenska
þjóðin kjósa sér nýjan forseta. Eins
og við mátti búast era skiptar skoð-
anir um ágæti þeirra flögurra ein-
staklinga sem í framboði eru.
Venjulega fara slíkar kosningar
þannig fram að fólk velur sér þann
frambjóðanda sem það sættir sig
best við og telur að muni valda
starfínu best og kýs í samræmi við
það. Þetta heitir að kjósa sam-
kvæmt sannfæringu.
Nú er það svo að margir ætla
að fara öðravísi að í þessum forseta-
kosningum. Það virðist sem margir
landsmenn geti ekki hugsað sér að
Ólafur Ragnar Grímsson sigri í
komandi kosningum. Þetta fólk seg-
ist ætla að greiða þeim frambjóð-
anda atkvæði sitt sem verður næst-
ur Ólafí að fylgi í síðustu skoðana-
könnun. Þegar þetta er skrifað er
Pétur Hafstein í öðru sætinu, en
fast á hæla hans fylgir Guðrún
Agnarsdóttir, sem virðist stöðugt
vinna á. Annar hópur fólks segist
ætla að kjósa Ólaf Ragnar til að
koma í veg fyrir að Pétur Hafstein
eigi möguleika á að ná kjöri.
Það vill svo til að flestir viðmæl-
endur mínir sem ætla að nota at-
kvæði sitt til að kjósa gegn Ólafi
eða Pétri segja mér að þeim finnist
í raun Guðrún Agnarsdóttir vera
ákjósanlegasti frambjóðandinn.
Þetta fólk telur sig hins vegar vera
knúið til að ráðstafa atkvæði sínu
eftir þeim vísbendingum sem skoð-
anakannanir gefa, til að hindra
framgang „óvinarins“. Það hafði
hvarflað að mér að nota atkvæði
mitt á þennan hátt, en ég hef ný-
lega ákveðið að gera það ekki. Eg
hef komist að þeirri niðurstöðu að
þáð er hægt að slá tvær flugur í
einu höggi með því að kjósa Guð-
rúnu Agnarsdóttur. Stuðningur við
framboð hennar fer hraðvaxandi,
enda virðist hún vera eini raunhæfi
kosturinn fyrir þá sem ekki vilja
gera forsetakosningarnar flokks-
pólitískar. Með því að kjósa Guð-
rúnu get ég stutt þann sem er að
mínu mati frambærilegasta forseta-
efnið og þar með sinnt lýðræðis-
legri skyldu minni. Á sama tíma
vel ég frambjóðanda sem líklegur
er til að ógna forskoti þess sem nú
hefur mest fylgi, en ég vil síður að
hann verði forseti íslands.
HELGIRÚNAR HILMARSSON,
námsmaður,
Sigluvogi 16, Reykjavík.
Með morgunkaffinu
FYRIRGEFÐU hvað ég
kem seint, ég þurfti að
setja linsurnar í mig
Farsi
'fianjy getur ekki komio / si/nan/i.f/cinn
ai bóa. sig unc/ir strritulexunamá/»ske/é/i.
COSPER
ÉG ER búinn að fá vinnu! Þú átt að byrja í
fyrramálið, klukkan 5.30, stundvíslega.
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Netfang: lauga@mbl.is
Tapað/fundið
Svefnpokar
töpuðust
ÞRÍR svefnpokar sem
voru í svörtum ruslapoka
töpuðust á. leiðinni frá
Straumsvík að Grafar-
vogi sl. fímmtudag. Hafl
einhver fundið pokana er
hann beðinn að hringja í
Pétur í síma 896-6060.
Fundarlaun.
„Álfar“ töpuðust
FIMM keramikálfar voru
teknir úr garðinum við
Tunguveg 68 í Reykjavík
í kringum 30. maí. í fyrra
var tekin keramikgor-
kúla úr sama garði. Alf-
arnir eru eigandanum
mjög kærir því þeir eru
handunnir af dóttur
hennar. Viti einhver hvað
hefur orðið um þessa álfa
er hann vinsamlega beð-
inn að láta vita í síma
553-3197.
Úr tapaðist
KASIO-kafaraúr tapað-
ist á tónleikum David
Bowie í Höllinni sl.
fímmtudagskvöld.
Finnandi er vinsamlega
beðinn að hringja í síma
552-6803 eða 553-1635.
Fundarlaun.
Gæludýr
Týndur köttur
SVÖRT læða með marg-
litt fléttað hálsband tap-
aðist frá Skarphéðins-
götu 6 þar sem hún var
í heimsókn. Hún á hins
vegar heima á Tómasar-
haga. Hafi einhver orðið
hennar var er hann beð-
inn að hringja í síma
562-9151 eða vinnusíma
569-6112. Jóna Finndís.
Týnd læða
SVÖRT og hvít fremur
smávaxin læða með
græna ól um hálsinn
hvarf frá Suðurgötu 4 í
Reykjavík sl. fimmtudag.
Ef einhver hefur séð
hana er hann beðinn að
hafa samband í síma
562-4810 eða 562-2762.
Kettlingar
TVEIR sjö vikna kassa-
vanir kettlingar þurfa að
eignast góð heimili. Ann-
ar er svartur, hin gulur.
Upplýsingar á daginn í
síma 560-9670 og á
kvöldin í síma 557-6465.
SKÁK
Umsjón Margeir
Pétursson
SVARTUR leikur
og vinnur
STAÐAN kom upp á al-
þjóðlega Sigeman &
Wernbro mótinu í Malmö í
Svíþjóð sem nú er að ljúka,
í viðureign tveggja sæn-
skra stórmeistara. Jonny
Hector (2.520) var með
hvítt, en Pia Cramling
(2.520), hafði svart og átti
leik. Hvítur lék síðast
29. Bd4-f6.
29. - Re4! 30. Bxd8
- Bc5+ 31. Khl -
Rf2+ 32. Hxf2 -
Bxf2 33. Bf6! (Hótar
34. Dh6 og mátar,
en Pia fínnur rétta
svarið) 33. - Dxe2!
34. Hal (Eða 34.
Hg2 - h5! Með vinn-
ingsstöðu) 34. -
Dd2! 35. g3 - Dc2
og Jonny Hector
gafst upp. Þau tvö
sem hér áttust við mega
áreiðanlega teljast brögð-
óttustu skákmenn Svíþjóð-
ar, enda var hér ýmislegt
reynt, með misjöfnum ár-
angri.
Víkverii skrifar...
VÍKVERJI brá sér norður yfir
heiðar um daginn. Nú er bund-
ið slitlag alla leið til Húsavíkur þann-
ig að það er ekki nema þægilegur
rúntur að skreppa tii Akureyrar.
Á nokkrum stöðum var unnið við
að bæta slitlagið og Víkveiji furð-
aði sig á því hve óþolinmóðir marg-
ir ökumenn voru á þessum köflum,
sem þó voru rækilega merktir og
hámarkshraðinn gefinn upp. Sumir
hvetjir óku eins og vitlausir væru
og sendu Víkveija og fjölskyldu
hans tóninn því hann tafði umferð-
ina að þeirra mati. Það eru öku-
menn sjálfir sem borga fyrir þessar
viðgerðir og flestum ætti að vera
ljós nauðsyn þess að fara rólega
yfir nýlagða klæðningu til að þjöpp-
unin takist vel, og ekki síður til að
forðast óþarfa steinakast yfir sjálfa
sig og aðra.
xxx
ÍKVERJI minnist þess að hafa
viðhaft einhver ljót orð um
veðurfarið á okkar ágæta landi þeg-
ar hann var að beija klakann af bílr-
úðunum í vetur. En á fögrum sumar-
nóttum liggur minningin um vetrar-
byljina í dvala og brjóstið fyllist stolti
og væntumþykju á okkar fagra
landi. Hvarvetna var að líta reisulega
bæi og grösug tún og varla nokkurs
staðar að sjá rusl við þjóðveginn.
Ekki veit Víkveiji hvort bændur
hafa sett rollur sínar á námskeið hjá
Umferðarfræðslunni, en hitt var víst
að búfénaðurinn hélt sig að mestu
utan vegar.
Athygli Víkveija var vakin á því
er hann ók framhjá Blöndu hversu
tær áin er orðin og er það vegna
þess að gruggið í henni sest til í
uppistöðulóninu sem var gert vegna
Blönduvirkjunar. Þetta er gríðarlega
stórt lón og það sést af Kjalvegi
norðan Hveravalla og í það eru nú
seld silungsveiðileyfi. Fróðir menn
segja líka að laxveiði hafi aukist í
Blöndu vegna þess hversu tær hún
er orðin.
XXX
VÍKVERJI er fréttaþyrstur en
ekki að sama skapi áhugasam-
ur um íþróttir. Þess vegna verður
hann alltaf jafnfúll þegar íþrótta-
kappleikir eru látnir valta yfir aug-
lýsta dagskrá og fasta dagskrárliði
I sjónvarpinu. Fréttunum er frestað
og barnatíminn er meira að segja
rifinn af börnunum, sem eru þó ekk-
ert of sæl af sínum hlut í sjónvarp-
inu. Víkveija eru með öllu óskiljan-
leg þau forréttindi sem íþróttaá-
hugafólk nýtur á öllum ljósvakamiðl-
um.
Skoðanakannanir sýna að það eru
ótrúlega margir sem hafa gaman
af að horfa á hálffullorðna karlmenn
bítast um leðurtuðra, svo efnið á
vissulega heima í sjónvarpinu. En
að láta alla fasta dagskrárliði víkja
fyrir þessu efni er gjörsamlega ólíð-
andi. Svona sérhæft efni á að senda
út á sérstakri rás þannig að það
trufli ekki þá sem engan áhuga hafa.
Þegar Víkveiji viðraði þessa skoð-
un í kunningjahópi hafði einhver orð
á því að þá þyrftu að vera til fleira
en eitt sjónvarpstæki á heimilinu því
vel gæti verið að einhver hluti fjöl-
skyldunnar vildi frekar horfa á eitt-
hvað annað en fótbolta. Það gæti
því valdið ósætti á heimilinu ef ekki
væri öðru tæki til að dreifa.
Það styrkti að sjálfsögðu þá skoð-
un Víkveija að ekki væru allir hrifn-
ir af boltaleikjum, en er það sjón-
varpsins að koma í veg fyrir heimil-
iseijur með því að leggja rás allra
landsmanna undir kappleiki?