Morgunblaðið - 27.06.1996, Blaðsíða 8
VIÐSKIFTIAIVINNULÍF
FIMMTUDAGUR 27. JÚNÍ 1996
ÁGÚST Thorstensen frá Heil-
brigðiseftirliti Reykjavíkur af-
henti Einari Kristinssyni fram-
kvæmdastjóra og Guðmari Mar-
elsyni, sölustjóra hjá Daníel Ól-
afssyni ehf., viðurkenninguna.
Viðurkenn-
ingHeil-
brigðis-
eftirlitsins
DANÍEL Ólafsson ehf. er fyrsta
heildverslunin í matvörudreifingu
sem fær viðurkenningu Heilbrigðis-
eftirlits Reykjavíkur fyrir innra
gæðaeftirlit matvælafyrirtækis án
matvælavinnslu.
í frétt frá fyrirtækinu kemur fram
að viðurkenningin sé veitt fyrir að
uppfylla kröfur reglugerðar sem ný-
lega tók gildi um matvælaeftirlit og
hollustuhætti. Reglugerðin lýtur að
meðferð matvöru, hreinlæti á vinnu-
stað, góða vinnuaðstöðu starfsfólks
og að varan sé geymd og meðhöndl-
uð við bestu aðstæður.
Að sögn Októs Einarssonar, sölu-
stjóra hjá Daníel Ólafssyni, er vöru-
hús heildverslunarinnar, að Skútu-
vogi 3 búið samkvæmt þeim kröfum
sem gerðar eru til heildverslana í
matvörudreifíngu á íslandi.
íslensk fyrirtæki í
alþjóðasamskiptum
Það verður sífellt algengara að ísland verði
fyrir valinu sem ráðstefnustaður. Guðrún
Hálfdánardóttir ræddi við Guðbjörgu
Pétursdóttur, verkefnastjóra í nýsköpunar-
o g framleiðsludeild Iðntæknistofnunar,
sem skipuleggur tvær ráðstefnur sem
verða haldnar hér á landi.
INTERPRISE
ICELAND 1996
TVÆR alþjóðlegar ráð-
stefnur styrktar af Evr-
ópusambandinu verða
haldnar í Reykjavík á
komandi hausti.
Guðbjörg segir að
hvorug falli undir venju-
legan skilning orðsins
ráðstefna, heldur séu
þær vettvangur til að
koma á samstarfi milli
innlendra og erlendra
fyrirtækja.
Matvæli
framtíðarinnar
Fyrri ráðstefnan
nefnist „Food Techno-
logy Iceland" og er ætlað að koma á
samstarfí milli íslands og annarra
Evrópuríkja á sviði rannsókna og þró-
unar í matvælaiðnaði. Hún verður
haldin dagana 20.-21. ágúst á Hótel
Loftleiðum og er í beinu framhaldi
af Norrænu matvælaráðstefnunni
vNord Food“ sem er í ár haldin á
Islandi.
Að sögn Guðbjargar er Food Tec-
hnology verkefnamiðlun
sem er ætlað að aðstoða
fýrirtæki og stofnanir
við að kynnast öðrum
aðilum sem hafa áhuga
á svipuðum verkefnum
er varða matvælaþróun
framtíðarinnar. Jafn-
framt hafa þeir aðilar
sem koma á samstarfi
í rannsóknum og þróun
í matvælaiðnaðinum
möguleika á að sækja
um styrki í sjóði Evr-
ópusambandsins.
20. ágúst verður
sameiginlegur kvöld-
verður með fundargest-
um Norrænu matvælaráðstefnunnar.
Hann verður með sérstöku sniði því
nemendur í Hótel- og veitingaskóla
íslands tóku þátt í hugmyndasam-
keppni þar sem þeim var falið að sjá
fyrir sér ráðstefnukvöldverð árið
2020. Að sögn Guðbjargar verður
kvöldverðurinn mjög frumlegur með
íslenskt vatn og náttúru í öndvegi.
Þeir sem standa að Food Technol-
ogy eru Eureka, Evrópusambandið
og Nordisk Industrifond, iðnaðarráðu-
neytið, Rannís, Samtök fiskvinnslu-
stöðva og Samtök iðnaðarins.
Samskiptamiðlun í
sjávarútvegi
Síðari ráðstefnan, Interprice Ice-
land 1996, verður haldin á Grand
Hótel 20.-21. september næstkom-
andi. Interprice Iceland er samskipt-
amiðlun sem kemur á fundum milli
innlendra og erlendra aðila sem starfa
í sjávarútvegi hvort heldur er vélbún-
aðarþjónustu eða vinnslu sjávaraf-
urða.
Interprice Iceland er ætlað að að-
stoða lítil og meðalstór fyrirtæki við
að koma á alþjóðlegum tengslum. Að
minnsta kosti 45 fýrirtæki frá Bret-
landi, Danmörku og Þýskalandi taka
þátt í Interprice Iceland, en fastlega
er búist við að þau verði mun fleiri
og víös vegar að úr Evrópu.
Fljótlega kemur út bæklingur með
helstu upplýsingum um íslensku fýrir-
tækin sem taka þátt í miðluninni.
Eftir upplýsingabæklingnum geta
þátttakendur ákveðið fundi með þeim
fyrirtækjum sem þeir hafa áhuga á
að ræða við þá tvo daga sem hún
stendur yfír.
„Interprice er einföld leið fyrir ís-
lensk fyrirtæki í sjávarútvegi til að
komast í samstarf við erlend fyrir-
tæki. Það er því mikilvægt að þau
gefí greinargóða lýsingu á starfsemi
sinni í bæklingnum," segir Guðbjörg.
Interprice Iceland er haldin á sama
tíma og Sjávarútvegssýningin og er
fyrsta samskiptamiðlunin af þessu
tagi sem haldin er hér á landi.
I tengslum við miðlunina verður
haldin málstofa sem er öllum opin.
Að sögn Guðnýjar Káradóttur hjá
Útflutningsráði verða möguleikar er-
lendra íjárfesta á Islandi, og þá sér-
staklega í matvælavinnslu, umræðu-
efni málstofunnar.
Interprice Iceland er styrkt af Evr-
ópusambandinu ásamt stuðningi frá
iðnaðarráðuneytinu, Iðntæknistofn-
un, Samtökum fiskvinnslustöðva,
Samtökum iðnaðarins, Samstarfs-
vettvangi sjávarútvegs og iðnaðar og
Útflutningsráði.
Guðbjörg
Pétursdóttir.
Vöruflulnlngar
y TVG-Zimsen býður upp á sterkt flutninganet um allan
heim ásamt öflugum samstarfs-
aðilum hvort heldur er á landi,
sjó eða með flugi.
^ Hjá TVG-Zimsen færðu hagkvæmar og öruggar
heildarlausnir varðandi vömflutninga, við vömgeymslu
og vörudreifingu.
NÝTT SlMANÚMER
5 600700
TVG-ZIMSEN
Héðinsgötu 1-3, sími 5 600 700
Torgið
Hvað er f ramundan á
hlutabréfamarkaði?
EKKERT lát hefur orðið á hækkun-
um hlutabréfa að undanförnu og
síðast á þriðjudag hækkaði þings-
vísitalan um 0,5% þannig að
hækkun hennar frá áramótum er
orðin 38%. Hlutabréf hafa hækkað
nær stöðugt undanfarin tvö ár,
eftir rúmlega tveggja ára lægð frá
árinu 1991.
Á greiningarfundi Verðbréfa-
markaðs íslandsbanka á þriðjudag
fyrir stofnanafjárfesta kom fram
að hluthafar í stóru almennings-
hlutafélögunum á hlutabréfamark-
aðnum hefðu fengið mjög góða
ávöxtun óháð því hvenær þeir
gerðu sín kaup á markaðnum á
undanförnum árum. Frá upphafi
árs 1987 þegar hlutabréfaviðskipt-
um tók að vaxa fiskur um hrygg
hefur hækkun hlutabréfavísitölu
VÍB samsvarað 22% nafnávöxtun
á hverju ári í níu og hálft ár. Sam-
svarandi ávöxtun frá miðju ári
1991 þegar markaðurinn var í
lægð hefur numið 15% á ári.
Samanburður á V/H-hlutföllum
Þær spurningar eru hins vegar
orðnar æ áleitnari hvort ekki fari
að sjá fyrir endann á hinum öru
hækkunum á árinu og verð hluta-
bréfa fari jafnvel að lækka á nýjan
leik í einstökum félögum. Þá er
spurt hvaða líkur séu á því að af-
koma fyrirtækjanna standi undir
núgildandi verði bréfanna. Sér-
fræðingar VÍB hafa borið saman
V/H-hlutföll hér á landi við slík hlut-
föll í nokkrum löndum, en þetta
hlutfall er orðið helsti mælikvarði
á verð hlutabréfa. Fullyrða þeir að
þrátt fyrir 36% hækkun sem orðið
hafi frá áramótum standi íslensk
hlutabréf vel í þeim samanburði,
enda hafi orðið miklar hækkanir í
mörgum öðrum löndum. (slensk
fyrirtæki hafi ennfremur sýnt batn-
andi afkomu og af þessu sé ekki
hægt að ráða að hlutabréfaverð
sé orðið of hátt. Vísað er til þess
að á þessu ári sé spáð 5-6% aukn-
ingu á útflutningi og að hagvöxtur
verði um 4,5%. Bjart sé framundan
í efnahagslífinu og engin óveðurs-
ský á himni. Lækkun á gengi bréfa
sé því alls ekki í farvatninu heldur
megi miklu fremur vænta stöðug-
leika eða jafnvel frekari hækkunar.
Tölur VÍB yfir V/H hlutfall í ýms-
um löndum sýnir að hlutfallið er
nú 18,3 miðað við afkomuna á síð-
asta ári, en 18,8 í Bandaríkjunum,
12,1 í Hollandi, 17,4 í Sviss og
13,9 í Hong Kong, svo dæmi séu
tekin.
í þessu sambandi má hins vegar
spyrja hvort eðlilegt sé að bera
saman V/H-hlutföll með þessum
hætti. Eru slík hlutföll fyrir lítil ís-
lensk fyrirtæki í tiltölulega einhæf-
um rekstri samanburðarhæf við
V/H-hlutföll stórfyrirtækja í Banda-
ríkjunum og fleiri löndum?
Ekkert einhlítt svar er til við
þessu, en á endanum hlýtur mark-
aðurinn sjálfur að meta það hvort
verð sé of hátt eða lágt. Fjárfestar
á þessum markaði virðast hafa
óbilandi trú á að afkoma fyrirtækj-
anna muni fara batnandi í næstu
framtíð. Sérstaklega ríkir mikil trú
á sjávarútvegsfyrirtækjum og
áframhaldandi góðæri í þeirri
grein. Jafnframt virðist lítillar til-
hneigingar gæta meðal hluthafa
fyrirtækjanna á að selja til að inn-
leysa þann mikla pappírshagnað
sem hefur myndast.
Líklegt er að einhver hreyfing
komist á markaðinn þegar stórfyr-
irtækin birta hálfsársuppgjör sín í
ágústmánuði. Þá mun reyna á það
hvort hækkanir undanfarinna vikna
fá staðist.
KB