Morgunblaðið - 02.07.1996, Blaðsíða 7
6 B ÞRIÐJUDAGUR 2. JÚLÍ 1996
KNATTSPYRNA
MORGUNBLAÐIÐ
MORGUNBLAÐIÐ
ÞRIÐJUDAGUR 2. JÚLÍ 1996 B 7
+
KNATTSPYRNA
Grindvíkingarfögnuðu sigri heima
Unnu upp
tveggja
marka
forskot
Evjamanna
GRINDVÍKINGAR lögðu Eyja-
menn í Grindavík á sunnudag-
inn, 3:2 í leik úr 5. umferð ís-
landsmótsins sem hafði verið
frestað. Leikurinn var fjörlega
leikinn, sérstaklega ífyrri hálf-
leik. Það hefði fáum dottið i
hug að Grindvíkingar færu með
sigur af hólmi í leiknum því
Vestmannaeyingar voru komn-
ir tveimur mörkum yfir eftir
átta mínútna leik og var vörn
heimamanna illa á verði íbæði
skiptin. Fyrra markið á 6. mín-
útu virtist slá Grindvíkinga út
af laginu og seinna markið var
eins og salt í sárin aðeins
tveimur mínútum seinna.
Þá var skipt um leikskipulag og
Guðmundur Torfason þjálfari
sem byrjaði á miðjunni fór í öftustu
vörn en Ólafur Öm
Bjarnason fór á miðj-
una. Um leið var sem
Eyjamenn gæfu eftir
í leiknum og hleyptu
heimamönnum inn í hann. Grindvík-
ingar unnu vel saman á miðjunni og
sóttu að vörn gestanna sem virkaði
oft á tíðum óörugg í leiknum. Grétar
Einarsson sem er kominn á ný í
framlínuna hjá Grindvíkingum
minnkaði muninn á 17. mínútu og
skömmu seinna átti Ólafur Ingólfs-
son upplagt færi í vítateig Eyja-
manna en var of seinn að skjóta.
Heimamenn náðu síðan að jafna rétt
fyrir hlé þannig að haft var á orði
að liðin væru á byijunarreit í hálfleik.
Friman Ólafs-
son skrifar
frá Grindavík
1m ^%LIlynur Stefánsson
■ ^#fékk sendingu inn-
fyrir vörn Grindavíkur rétt innan
vítateigs hægra megin á 6. mín-
útu og þrumaði boltanum í
gagnstætt horn.
2B^\Tryggvi Guðmunds-
«^#son komst upp að
endimörkum vinstra megin og
sendi boltann fyrir mark Grinda-
víkurliðsins á 8. mínútu. Þar var
Leifur Geir Hafsteinsson einn
og óvaldaður við markteig og
átti ekki í erfiðleikum með að
skalla framhjá Alberti í mark-
inu.
Zoran Ljubicic og
Ólafur Örn Bjarna-
son léku í gegnum vörn Eyja-
manna á 17. mínútu. Zoran
renndi boltanum til Grétars
Einarssonar sem renndi boltan-
um í netið áður en Friðrik náði
til hans.
2«o>
m£rn\
Zoran Ljubicic
iþrumaði boltanum
yfir Friðrik í markinu eftir send-
ingu frá Grétari Einarssyni.
Mjög fallegt mark og vel að því
staðið.
3a ^jGuðmundur Torfa-
mÆmson tók aukaspyrnu
á 79. mínútu og eftir fát á vörn
Eyjamanna náði Gunnar Már
Gunnarsson að skjóta í stöng-
ina. Ólafur Ingólfsson var vel
á verði og negldi boltann í netið
þegar hann barst til hans.
Hvað svo sem þjálfararnir hafa
messað yfir sínum mönnum þá virt-
ist sem Eyjamenn næðu sér ekki á
strik og það voru heimamenn sem
áttu hættuleg færi í seinni hálfleik.
Guðmundur Torfason átti skot yfir
Eyjamarkið úr aukaspyrnu á 47.
mínútu og Kekie Siusa átti skot yfir
á 52. mínútu. Gestimir náðu varla
að ógna marki heimamanna að ráði
og góður markmaður Grindavíkurl-
iðsins, Albert Sævarsson, greip vel
inn í þegar við átti. Það var síðan á
79. mínútu sem sigurmarkið kom og
það eftir mikið fát á vörn gestanna
sem mistókst að koma boltanum frá
eftir aukaspyrnu. Sigurinn var
heimamanna og verður að teljast
sanngjam. „Eins og ég sé þetta byrj-
uðu þeir með tveggja marka forskot.
Við voram með ákveðið skipulag í
huga til að bregðast við því. í dag
vorum við án Milan Jankovic í vörn-
inni og með aðra menn meidda á
bekknum. Við eram með Guðlaug
[Jónsson] sem er að leika sinn annan
leik í fyrstu deildinni. Að vera 2:0
undir gegn Eyjamönnum og vinna
það upp segir að það er mikill karakt-
er í liðinu og ég kvíði ekki framhald-
inu,“ sagði Guðmundur Torfason
þjálfari og leikmaður Grindvíkinga í
leikslok.
Grindavíkurliðið átti allt ágætan
dag og öfugt við það sem gerðist í
leiknum gegn KR þar sem liðið brotn-
aði niður við það að vera undir gáf-
ust leikmennimir ekki upp og uppsk-
áru sigur. Albert átti mjög góðan
leik í markinu og Guðlaugur Jónsson
sem er nú farinn að leika með liðinu
eftir tveggja ára hlé var virkilega
sterkur í vöminni þar sem hann hélt
Tryggva Guðmundssyni niðri og skil-
aði boltanum vel í leikinn eftir að
hafa unnið hann.
Hjá Eyjaliðinu var fátt um flna
drætti eftir mörkin tvö og þrátt fyr-
ir ný „fögn“ fannst ekki sú leikgleði
sem einkenndi iiðið oft í fyrra. „Við
gáfum eftir í leiknum eftir að hafa
komist yfír og leyfðum þeim að jafna
án þess að beijast. Það er búið að
vera mikið að gerast innan félagsins
í vikunni en við verðum að vinna
okkur út úr því. Vömin var óörugg,
hlutirnir heppnast ekki og hún varð
óöragg þegar hún fékk á sig fyrsta
markið. Það verður að líta á það að
í henni eru strákar, allir undir 22
ára aldri og allt liðið er ungt og við
erum að vinna með þá,“ sagði Atli
Eðvaldsson þjálfari Vestmannaey-
inga eftir leikinn.
Fyrsta
„gull-
markið“
SEINNA mark Oliver Bierhoffs, sem tryggði
Þjóðveijum Evrópumeistaratitilinn í leiknum
gegn Tékkum á Wembley á sunnudag, var fyrsta
„gullmarkið“ svokallaða í sögu knattspyrnunn-
ar, en eins og flestir vita var tekið upp nýtt
fyrirkomulag í Evrópukeppninni þess efnis að
ef leik lýkur með jafntefli eftir 90 mínútur er
framlengt í þrjátíu mínútur eða leikið þar til
annað liðið skorar og leiknum þá hætt. Ekki
hefur þó tekist með öllu að útrýma vítaspyrnu-
keppni í knattspyrnunni eins og margir vilja,
því ef hvorugu liði tekst að skora á þrjátiu
mínútum í framlengingunni er gripið til víta-
spyrnukeppninnar. Margir hafa gagnrýnt til-
komu „gulhnarksins“ en enn fleiri Imfa þó gagn-
rýnt vítaspyrnukeppni, þannig að erfitt virðist
vera að hafa það fyrirkomulag á leikslokum
að öllum liki. Hér á myndunum til hliðar er
Bierhoff búinn að skora jöfnunarmarkið, rétt
eftir að hann kom inná sem varamaðurt og á
hinni myndinni fagnar hann „gullmarkinu."
Reuter
Bierhoff bjarg-
væftur Þjóðvera
ÞJÓÐVERJAR urðu á sunnudag
Evrópumeistarar í knattspyrnu
í þriðja sinn er þeir lögðu
Tékka2:1 eftir framlengingu á
Wembley-leikvanginum í Lond-
on. Oliver Bierhoff, sem kom
inn á sem varamaður í lið Þjóð-
verja um miðjan síðari hálfleik,
var hetja Evrópumeistaranna
og skoraði bæði mörk þeirra
en áður hafði Patrik Berger
komið Tékkum yfir úr víta-
spyrnu.
Leikurinn fór af stað eins og
flestir höfðu átt von á, Þjóð-
veijar héldu knettinum innan sinna
raða og sóttu meira en Tékkar
drógu sig til baka og freistuðu þess
að beita skyndisóknum.
Þeir tékknesku komust þó sífellt
meira inn í leikinn og í fyrri hálf-
leik fengu bæði lið mjög góð tæki-
færi til þess að taka forystuna.
Þjóðveijinn Stefan Kuntz komst
tvisvar einn inn fyrir vörn Tékka
en í bæði skiptin varði Petr Kouba
markvörður glæsilega og hinum
megin þurfti kollegi hans í þýska
markinu, Andreas Köpke, að taka
á honum stóra sínum til þess að
bjarga skoti Pavel Kukas eftir að
hann hafði náð knettinum af Dieter
Eilts á vallarhelmingi Þjóðvetja og
komist í dauðafæri.
Tékkar komu svo sterkir til leiks
í síðari hálfleik og það voru þeir,
sem tóku forystuna á 59. mínútu
með marki frá Patrik Berger úr
vítaspyrnu eftir að Matthias Sam-
mer hafði brotið á Karel Poborsky,
að því er virtist utan vítateigs, en
dómari leiksins, Pierluigi Pairetto
frá Ítalíu, var í engum vafa og benti
umsvifalaust á vítapunktinn.
Við markið vöknuðu þeir þýsku
upp við vondan draum, hófu að
sækja stíft og freista þess að jafna
metin en tékkneska vörnin var sterk
og virtist ætla að halda. En þá var
komið að þætti Oliver Bierhoffs,
sem kom inn á sem varamaður í lið
Þjóðverja fyrir Mehmet Scholl á 69.
mínútu og aðeins fjórum mínútum
síðar skallaði hann knöttinn í mark
Tékkanna eftir aukaspyrnu frá
Christian Ziege og jafnaði þar með
metin.
Hvorugu liði tókst svo að bæta
við áður en dómarinn Pairetto flaut-
aði til loka venjulegs leiktíma og
var því blásið til framlengingar
skömmu síðar þar sem leik yrði
hætt ef öðru hvoru liði tækist að
skora innan þijátíu mínútna. Og
ekki höfðu liðið nema fimm mínútur
af framlengingunni þegar Oliver
Bierhoff skoraði fyrsta „gullmark-
ið“ svokallaða í knattspyrnusögunni
og tryggði þar með Þjóðveijum
þriðja Evrópumeistaratitil sinn en
rak um leið endahnútinn á fræki-
lega framgöngu tékkneska liðsins
í keppninni, en fæstir höfðu spáð
að þeir myndu komast jafn langt
sem raun bar vitni.
Fögnuður Þjóðveija var taumlaus
í leikslok og fyrirliði þeirra Jiirgen
Klinsmann, sem var meiddur lengi
vel en harkaði af sér og lék við
hlið félaga sinna í leiknum, réð
ekki við tárin, sem runnu í stríðum
straumum niður kinnar hans að leik
loknum. Tékkar felldu einnig tár,
þó ekki af sömu ástæðu og Klins-
mann, en þeir eiga hrós skilið fyrir
hetjulega baráttu í leiknum og
keppninni allri og geta haldið stolt-
ir og glaðir heim til Prag þrátt fyr-
ir ósigurinn á sunnudag.
Markalaust í Keflavík
Keflvíkingar mættu á laugardag
slóvenska liðinu Maribor
Branik í Intertoto-keppninni í
knattspyrnu og
sýndu oft á tíðum
stórskemmtileg til-
þrif en úrslit leiksins
urðu markalaust
jafntefli. Keflvíkingar, sem sitja um
þessar mundir í næstneðsta sæti
1. deildar, komu mjög á óvart í
leiknum og greinilegt var að leik-
menn komu með allt öðru hugar-
Sigurgeir
Guötaugsson
skrifar
fari til leiks en í öðrum Ieikjum liðs-
ins það sem af er sumri. Mikil bar-
átta var í Keflvíkingum og voru
þeir óheppnir að næla sér ekki í öll
stigin, sem í boði voru en þrátt fyr-
ir að þeir hafi fengið mjög góð
marktækifæri tókst þeim ekki að
skora.
Ef Keflvíkingar halda áfram á
sömu braut og í leiknum á Iaugar-
dag er nokkuð víst að þeir verða
ekki lengi í fallsæti 1. deildar en
Kjartan Másson þjálfari var ánægð-
ur með sína menn að leik loknum.
„Við töluðum saman fyrir leikinn
og ætluðum svo sannarlega að sýna
okkar rétta andlit. Við komum allt
öðruvísi stemmdir til leiks en gegn
Örebro í Svíþjóð, en ég held að
þessi löngu ferðalög hafi mjög lýj-
andi áhrif á strákana. Eg er mjög
ánægður með leikinn og er bjart-
sýnn bæði gegn FH-ingum í bikarn-
um á miðvikudag og gegn Austria
Vín á laugardag, en Maribor vann
Vínarliðið 3:0 þannig að ég tel að
við eigum góða möguleika. Ef við
náum upp svipuðum leik og á laug-
ardaginn getum við unnið hvaða lið
sem er, ég missti aldrei trúna á
strákunum og vissi að þetta myndi
allt smella saman, það var aldrei
spurning hvort heldur hvenær."
Keflvíkingar mæta FH-ingum_ í
16 liða úrslitum bikarkeppni KSI í
Keflavík á morgun og halda svo
utan til Austurríkis á föstudag þar
sem þeir mæta Austria Vín á laug-
ardag.
Reuter
Reuter
JURGEN Klinsmann, fyrirliðl Þjóðverja, hampar Evrópublkarnum, sem
Elísabet II, Englandsdrottning, færði honum.
Mistök dómara
elta Þjóðverja
LITLU munaði á Wembley á sunnudag að Þjóðveijar yrðu aft-
ur að verða af titli á stórmóti í knattspyrnu vegna mistaka
dómara, en eins og mörgum er í fersku minni skoraði Geoff
Hurst mark fyrir Englendinga gegn Þjóðveijum í úrslitaleik
heimsmeistarakeppninnar á Wembley árið 1966 þrátt fyrir að
knötturinn færi aldrei yfir marklínuna.
Nú þrjátíu árum síðar fengu Tékkar dæmda vítaspymu þeg-
ar Matthias Sammer felldi Karel Poborsky utan vítateigs en
dómarinn, Pierluigi Pairetto frá ítaliu, færði brotið inn í teig-
inn og dæmdi vítaspyrnu. Þjóðveijar gáfust þó ekki upp og
náðu að jafna metin með marki Oliver Bierhoffs og Bierhoff
tryggði svo Þjóðverjum Evrópubikarinn með öðru marki á
fimmtu minútu framlengingar.
Knötturinn hafði varla farið yfir marklinuna í síðara marki
Bierhoffs þegar Þjóðveijamir byijuðu að fagna Evrópumeistar-
atitlinum en annar aðstoðardómarinn hafði hins vegar veifað
flaggi sínu þannig að Tékkar gáfu ekki upp alla von. Pairetto
dómarí hljóp þá að hliðarlínunni en eftir stutt samtal við aðstoð-
ardómarann benti liann á miðjupunktinn og þá fyrst gátu þeir
þýsku gefíð gleðiuni lausan tauminn.
Dansað í Berlín, dauðaþögn í Prag
GRÍÐARLEGUR fögnuður braust út í Þýskalandi á sunnudag þeg-
ar Ijóst varð að Þjóðverjar höfðu lagt Tékka að velli á Wembley
og þar með tryggt sér þriðja Evrópumeistaratitil sinn í knatt-
spyrnu. Dansað var og sungið langt fram á morgun í flestum borg-
um Þýskalands og að sögn lögreglu í Berlín voru um 4.000 manns
samankomin á stærstu götu borgarinnar til þess að fagna titlinum.
í Prag, höfuðborg Tékklands, ríkti hins vegar lítil gleði á sunnu-
dag og að sögn viðstaddra þar í borg mátti heyra saumnál detta
á Old Town-torginu þegar Oliver Bierhoff skoraði á fimmtu mín-
útu framlengingar og tryggði Þjóðveijum Evrópumeistaratitilinn.
Tékkar geta þó vel við unað, því fæstir spáðu því að þetta baráttu-
glaða og litríka lið næði alla leið í úrslitaleikinn.
Shearer
markakóngur
ALAN Shearer, leikmaður
Blackburn Rovers og enska
landsliðsins, varð markahæsti
leikmaður Evrópukeppninnar
á Englandi, en Shearer skor-
aði fimm mörk. Markahæstu
leikmenn urðu annars þessir:
5 mörk: Alan Shearer (Eng-
landi). 3 mörk: Hrísto Stoic-
hkov (Búlgaríu), Jíirgen
Klinsmann (Þýskalandi),
Brian Laudrup (Danmörku),
Davor Suker (Króatíu). 2
mörk: Pierluigi Casiraghi (ít-
alíu), Teddy Sheríngliam
(Englandi), Oliver Bierhoff
(Þýskalandi), Matthias Sam-
mer (Þýskalandi).
■ STUART Pearce, leikmaður
Nottingham Forest og enska
landsliðsins, tilkynnti á sunnudag
að ferill hans sem landsliðsmanns
væri á enda. Pearce hefur leikið
í níu ár fyrir enska landsliðið en
finnst nú nóg komið og hyggst
hætta að ljá liðinu krafta sína.
Hann mun þó áfram leika með
Nottingham Forest í ensku úr-
valsdeildinni.
■ DAVID Seaman, markvörður
Englendinga, hefur gagnrýnt
nokkuð að hafa tímamörk í fram-
lengingu þegar leikir eru útkljáðir
á þann hátt að það lið, sem fyrr
er til að skora fer með sigur af
hólmi. Seaman telur að þetta dragi
úr sóknarþunga liða og hvetji menn
til að bíða vítaspyrnukeppninnar
og vona hið besta. Hann leggur
hins vegar til að vítaspyrnukeppnin
verði lögð niður og í staðinn verði
leikið til þrautar þar til annað lið
skorar og leiknum þá hætt.
■ FYRRUM framhetji ensku
knattspyrnuliðanna Fulham og
Queen’s Park Rangers, Bobby
Keetch, er látinn 54 ára að aldri.
Keetch lést eftir hjartaáfall á laug-
ardag en hann var einn besti vinur
landsliðsþjálfarans fyrrverandi,
Terry Venables, og átti litríkan
feril að baki í ensku knattspyrn-
unni.
■ ENSKA knattspymusamband-
ið aflétti á sunnudag banni yfir
fyrrum þjálfara Arsenal, George
Graham, en hann hefur ekki mátt
koma nálægt knattspyrnu síðan í
fyrra eftir að uppgötvuðust „óeðli-
legar“ greiðslur í sambandi við
kaup og sölu á leikmönnum.
■ GRAHAM segist tilbúinn í
slaginn á ný en hann muni þó ekki
fara til hvaða liðs sem er heldur
einungis sætta sig við þjálfara-
stöðu hjá einhveiju af stóru félög-
unum, hvort sem það er á Eng-
landi eða annars staðar.
■ LÖGREGLA á Englandi þurfti
lítil afskipti að hafa af knatt-
spyrnubullum eftir úrslitaleik
Þjóðverja og Tékka á Wembley
á sunnudag. Einungis 35 voru
handteknir og sagði lögregla að
rólegt hefði verið fram eftir nóttu
í höfuðborginni.
■ TÉKKNESKUR knattspyrnu-
unnandi þoldi ekki álagið, sem
fylgdi úrslitaleiknum á sunnudag
og þegar Þjóðveijar höfðu jafnað
metin fékk hann hjartaáfall og lést
fyrir framan sjónvarpstækið í stof-
unni hejma hjá sér.
■ FRÉTTIR bárust einnig af öðr-
um eldheitum aðdáanda tékkneska
liðsins, sem sömuleiðis fékk hjarta-
áfall meðan á leiknum stóð en sá
hafði þó heppnina með sér og ligg-
ur nú og jafnar sig eftir áfallið á
sjúkrahúsi í Prag.
■ NÆR öruggt þykir nú að mark-
vörður tékkneska landsliðsins,
Petr Kouba, muni leika með
spánska félaginu Deportivo Cor-
una á næsta keppnistímabili. Sam-
kvæmt umboðsmanni Koubas er
búið að gera drög að samningi og
mun Kouba halda til Spánar í
læknisskoðun á fimmtudag. Ef
markvörðurinn stenst skoðunina
verður að öllum líkindum skrifað
undir samninginn um helgina.