Morgunblaðið - 04.07.1996, Blaðsíða 5
MORGUNBLAÐIÐ
FIMMTUDAGUR 4. JÚLÍ 1996 B 5
VIÐSKIPTI
T
|IL þess að aðstoða íslensk
fyrirtæki við að koma
vöru á erlenda markaði
hefur Útflutningsráð
ásamt Stjórnunarfélagi íslands,
Iðnlánasjóði og íslandsbanka staðið
að þróunarverkefninu „Útflutnings-
aukning og hagvöxtur" undanfarin
6 ár. Tilgangur verkefnisins er að
aðstoða lítil og meðalstór fyrirtæki
sem hafa áhuga á að hefja útflutn-
ing eða festa í sessi útflutning sem
þegar er hafinn. Fyrirtækin fá að-
stoð við gerð markaðsáætlunar,
bæði er varðar markaðssvæði og
fyrirtækið sjálft. Þegar markaðs-
áætlunum lýkur er mótuð stefna
fyrirtækisins í markaðsmálum og
gerð rekstaráætlun til þriggja ára
og metið hvort markaðsáætlunin
borgi sig.
Fyrirtæki af ólíkutn sviðum
Haukur Björnssonj forstöðumað-
ur fræðslusviðs hjá Útflutningsráði
íslands, segir „meðal þess sem þátt-
takendur í verkefninu þurfa að gera
er að fara í kynnisferð á þá mark-
aði sem þeir ætla að fara á með
sínar vörur. Þetta er gert til þess
að þeir kynnist af eigin raun við-
horfi og stöðu á markaðnum en þar
er iðulega margt ólíkt íslenskum
viðskiptaheimi."
Undanfarna tíu mánuði hafa sex
íslensk fyrirtæki, af ólíkum sviðum
íslensks atvinnulífs, tekið þátt í
verkefninu og skilað markaðs-
skýrslu með framtíðarstefnu fyrir-
tækjanna í markaðsmálum erlendis.
Þau stefna á markaði víða um heim,
allt frá Færeyjum til Japans. Þann
24. júní sl. fengu fyrirtækin viður-
kenningu fyrir þátttöku í verkefn-
inu og var markaðsskýrsla Límtrés
hf. valin besta skýrslan.
Auk Límtrés hf. tóku eftirfarandi
fyrirtæki þátt í verkefninu: Kjöt-
vinnslufyrirtækið Kjarnafæði sem
flytur út unnar kjötvörur til Fær-
eyja. RKS skynjaratækni er að
kynna framleiðslu sína á skynjurum
sem nema gastegundir. Skynjararn-
ir, sem nema leka á t.d. ammon-
íaki, eru settir upp þar sem kæli-
búnaður er í notkun. Úppmark selur
afsláttarkort bæði hér á landi og
til söluaðila íslandsferða erlendis.
VKS er verkfræði og hugbúnaðar-
fyrirtæki sem hefur þróað búnað
vegna gjaldtöku á símkerfum. Vír-
net sem framleiðir húsastál og
nagla er byrjað að markaðssetja
vöru sína í Færeyjum.
„Þróunarverkefnið er ekki ís-
lensk uppfinning heldur kemur það
frá írlandi og samskonar verkefni
eru í gangi hjá 15 aðilum í 9 lönd-
um. Það hefur skilað --------------
mjög góðum árangri og
er með því betra sem við
höfum gert á þessu sviði.
Árangur fyrirtækjanna, ____________
sem hafa áður verið með,
er besti vitnisburðurinn en meðal
þeirra eru Össur, Miðlun og Bakka-
vör,“ segir Haukur.
Frá Flúðum til Japans
Límtré hf. var stofnað árið 1983
af aðilum í uppsveitum Árnessýslu.
í dag eru hluthafar 230 og starfs-
menn fyrirtækisins eru 30 talsins.
Eigið fé í árslok 1995 var 96 millj-
ónir en veltan nam 215 milljónum
króna árið 1995. Fyrirtækið fram-
leiðir límtré í margskonar mann-
virki. Á síðasta ári tók fyrirtækið
við rekstri Yleininga. Hjá Yleining-
um eru framleiddar léttar samloku-
einingar í hús af öllum stærðum
Límtré á Jap-
ansmarkað
Islenskum fyrírtækjum gengur oft illa að fóta sig í hörðum við-
skiptaheimi erlendis. Skiptir þar miklu hversu smá flest fyrírtækin
eru á erlendan mælikvarða. Guðrún Háifdánardóttir ræddi við
Hauk Bjömsson hjá Útflutningsráði og Gest Bárðarson hjá Límtré
hf. um markaðssetningu erlendis.
Burðarrammar úr límtré í verslunarhúsnæði Ingvars Helgasonar..
Verkefnið hef-
ur skilað góð-
um árangri
og gerðum auk einangrunarhurða
fyrir frystiklefa og gáma.
Gestur Bá-ðarson, ráðgjafi í út-
flutnings- og sérverkefnum hjá
Límtré hf., segir það tilviljun að
Límtré tók þátt í verkefninu. „Við
lásum grein í sænsku
blaði um hversu vel
sænskum aðilum gekk í
límtréssölu tii Japans.
Um svipað leyti fengum
við senda kynningu á út-
flutningsverkefninu sem Haukur
Björnsson fylgdi síðan eftir. Allt
spilaði þetta saman og við ákváðum
að slá til. Tilviljunin borgaði sig,
því þrátt fyrir að mikil vinna fylgi
þátttökunni þá var hún þess virði
og lærdómsrík. Við krufum fyrir-
tækið inn að beini, lögðum mat á
sterkar og veikar hliðar þess og
greindum skipulega tækifæri og
hættur í umhverfinu.“
Lokaáfangi verkefnisins er að
gera markaðsáætlun fyrir fyrirtæk-
ið og kynna dómnefnd á vegum
þeirra sem standa að framtakinu
„Útflutningsaukning og hagvöxt-
eru
Haukur Björnsson Gestur Bárðarson
Þekking til Portúgals
Áhugi á erlendum mörkuðum er
ekki nýr af nálinni hjá forsvars-
mönnum Límtrés og höfðu mark-
aðskannanir staðið yfir í tvö ár
áður en verkefnið kom tii.
Gestur segir að „vagga límtrés-
iðnaðarins í Evrópu sé í norðurhluta
álfunnar, á Norðurlöndum og í
Þýskalandi. Þar
flest stóru fyrirtækin
og samkeppnin eftir
því.“
Markaðurinn hefur
smá saman verið að
færast suð- ---------
ur á bógin
en Portúgal
er að mestu
ónumið ______________
svæði og því
beindu límtrésmenn
sjónum að Portúgal,
en þar er nægt fram-
boð af hráefni úr furu-
skógum sem þar vaxa.
Að sögn Gest „und-
irbýr fyrirtækið nú
jarðveginn fyrir límtrésverksmiðju í
Portúgal í samvinnu við heimamenn,
þar sem þekking í hönnun og fram-
leiðslu límtrés væri flutt héðan en
varan framleidd í Portúgal.“
Jarðskjálftar í Kobe
áhrifavaldar
í upphafi verkefnisins voru þijú
lönd í Asíu greind og naut Límtré
Fyrirtækið
krufið til
mergjar
aðstoðar tveggja viðskiptafræði-
nema við gagnakönnun. Gestur seg-
ir að sú könnun hafi leitt í ljós að
Japan væri sá markaður sem hent-
aði fýrirtækinu best.
í markaðsskýrslu Límtrés kemur
m.a. fram að „hús í Japan hafi í
gegnum tíðina þótt af fremur léleg-
um gæðum, enda oft og tíðum ekki
mikið lagt í byggingu þeirra. Hefur
þar mikil áhrif gott veðurfar, þjóð-
félagsskipan þar sem almenningur
hefur ekki haft greiðan aðgang að
landi né auðlindum sem þarf til að
byggja gott húsnæði. Eins hefur
sá hugsunarháttur lengi ríkt í Japan
að húsnæði væri lítið annað en þak
yfir höfuðið.
Viðhorf japönsku þjóðarinnar í
húsnæðismálum er að breytast í
kjölfar batnandi efnahagsstöðu al-
mennings og áhrifa frá vestrænum
siðum. Um helmingur allra íbúðar-
húsa í Japan eru úr timbri. Svoköll-
uð „post and beam“ (súlur og bit-
ar) byggingaraðferð hefur verið
allsráðandi en hún byggist í grund-
vallaratriðum á aldagamalli hefð.
Hún felst í megindráttum í því að
reisa alla burðarviði hússins og setja
þakið á áður en hafist er handa við
að ganga frá gólfi, millilofti og
veggjum. Þegar jarðskjálftarnir í
Kobe árið 1994 riðu yfir komu í
ljós veikleikar í burðarvirkjum „post.
and beam“-húsa úr heiltimbri.“
Gestur segir „hús þar sem límtré
er notað hafi þolað jarðskjálftana
betur enda sé límtré helmingi sterk-
ara en venjulegt timbur. Eftir þetta
hefur aukist eftirsókn eftir húsum
sem eru byggð úr límtré samkvæmt
„post and beam“ byggingaraðferð-
inni enda hentar það byggingarað-
ferðinni mjög vel.“
Þrátt fyrir að langar vegalengdir
skilji að löndin tvö, ísland og Jap-
an, er flutningskostnaður á milli
landanna ekki jafn mikill og búast
mætti við. Þar skiptir miklu að var-
an er á leið til Japans en ekki öfugt
því að útflutningur Japana er mun
meiri en innflutningur og því er
gámarúmmetrinn ódýrari á þeirri
leið.
„Milliliðakostnaður getur verið
hár í Japan og því verða innflytjend-
ur að leggja áherslu á að hafa sem
fæsta milliliði og komast sem næst
lokakaupanda í dreifikeðjunni,"
segir ennfremur í skýrslunni.
íslensk vara samkeppnishæf
„í maí sl. fór ég til Japans og
fékk miklar og góðar upplýsingar
um límtrésmarkaðinn. Þar kom í
ljós að í verksmiðjunni okkar á Flúð-
um er meiri framleiðni á hvern
starfsmann og hún er stærri og
betur búin tæknilega en
flestar þær japönsku.
Markaðsverð á límtré í
Japan er vel við unandi
________og við getum keppt bæði
við aðra innflytjendur og
Japani sjálfa varðandi gæði,“ segir
Gestur.
Forráðamenn Límtrés hf. telja
margt benda til að útflutningurinn
til Japans geti hafist strax á þessu
ári. Hann mun að öllum líkindum
fara hægt af stað en árið 2000 er
markmiðið að hann nemi um 20%
af afkastagetu verksmiðjunnar, að
verðmæti 65 milljóna króna.
„Á þessum 13 starfsárum Límtrés
hf. hefur fyrirtækið byggt upp mikla
þekkingu á hönnun og framleiðslu
mannvirkja úr límtré. Því er staða
þess mjög góð tæknilega séð og
þessi þekking er eign fyrirtækisins
í dag,“ segir Gestur að lokum.
Esso með eigin
kreditkort
OLÍUFÉLAGIÐ Esso býður nú viðskipta-
vinum sínum rafrænt greiðslukort, Einka-
kort, sem hægt er að nota við allar úttekt-
ir hjá félaginu.
Að sögn Jóhanns P. Jónssonar, korta-
stjóra Olíufélagsins, eru íslandsbanki og
Póstgíróstofan einu bankastofnanirnar
sem hafa gert skriflegan samning við
fyrirtækið og því einungis viðskiptavinir
þeirra sem geta fengið Einkakort. „En
viðræður eru í gangi við Landsbankann
um samstarf varðandi Einkakortið.“
Korthafar Einkakortsins þurfa ekki að
greiða stofn- eða kortagjald líkt og tíðk-
ast þjá greiðslukortafyrirtækjunum.
„Tilkoma Einkakortsins þýðir sam-
keppni við kortafyrirtækin og ég hef fulla
trú á að fleiri einkafyrirtæki fylgi á eftir
því þjónustugjöld kortafyrirtækjanna eru
töluverð," segir Jóhann.
Pappírslaus viðskipti
í frétt frá Olíufélaginu segir að korthaf-
ar geti valið um hvort viðskiptin séu gjald-
færð vikulega eða mánaðarlega. Ef úttekt
er gjaldfærð vikulega þá nýtur korthafinn
sama afsláttar í formi safnkortspunkta
og þeir viðskiptavinir sem staðgreiða fyr-
ir vöru eða þjónustu.
Greiðslurnar eru færðar beint af banka-
reikningi viðskiptavinarins og inn á
bankareikning Olíufélagsins með EDI-
staðli, sem felur í sér að upplýsingar eru
sendar á milli án nokkurrar pappirsnotk-
unar. Er það nýlunda í bankaviðskiptum
hér á landi.