Morgunblaðið - 10.07.1996, Blaðsíða 20

20 MIÐVIKUDAGUR 10. JÚLÍ 1996
ERLENT
MORGUNBLAÐIÐ
Reuter
BERTA lagði tré að velli og olli miklu tjóni á mannvirkjum er fellibylurinn fór yfir Puerto Rico.
Kuldapollur yfir vesturhluta Evrópu
Sex fj allgöngumenn
urðu úti í Olpunum
Vind-
styrkur
Bertu
eykst
Stefnir á Bahama-
eyjar og Flórída
San Juan, Puerto Rico. Reuter.
FELLIBYLURINN Berta fór
hratt yfir í gær og stefndi á Ba-
hamaeyjar þar sem búist var við
að veðrið myndi valda usla. Þá
var líklegt talið í gær að veður-
kerfíð myndi sveigja af leið og
fara upp með Flórída á morgun,
fimmtudag.
Miðja fellibylsins var um 300
km austsuðaustur af Turks og
Caicos eyjum í gærmorgun.
Færðist hún til vesturs með 30
kílómetra hraða. Veðrið olli tals-
verðu mannvirkjatjóni á banda-
rísku Jómfrúreyjum á mánudag
og margs kyns truflunum á Pu-
erto Rico.
Varað var við fellibylnum á
norðurhluta Bahama, og m.a. var
höfuðborgin Nassau lýst hættu-
svæði. Sömuleiðis bjuggu yfirvöld
í Dóminíkanska lýðveldinu og
Haiti sig undir hið versta.
Berta hefur sótt í sig veðrið á
ferð sinni á hafinu síðustu daga
og var búist við að fellibylurinn
yrði orðinn af þriðju styrkleika-
gráðu þegar hann skylli á Ba-
hama, eða fárviðri. Óveður af því
tagi getur valdið mikilli eyðilegg-
ingu enda veðurhæðin yfir 188
km/klst.
Lítil áhrif i
Bandarí kj unum
Aðeins um 30% líkur voru tald-
ar á því í gær að Berta skylli á
Flórídaströndum á morgun,
fimmtudag. Síðdegis tók veðrið
að sveigja til norðurs og dró þá
úr líkum að það hefði mikil áhrif
á Flórída, Georgíu og Suður-
Karólínu. Var talið að það færi
ekki inn á land en gengi heldur
upp með Flórída á hafi úti.
París. Reuter.
KALT hefur verið í veðri í Vestur-
Evrópu að undanförnu og á mánu-
dag gerði sannkallað vetrarveður í
Olpunum, blindhríð og hávaðarok.
Hafa að minnsta kosti sex manns
látið lífið vegna veðursins og stytta
varð níunda áfanga hjólreiðakeppn-
innar Tour de France verulega eða
úr 189,5 km í 46 km.
Björgunarmenn sögðu í gær að
þrír fjallgöngumenn hefðu fundist
látnir í frönsku Ölpunum, auk þess
sem tveir hefðu farist og tékk-
neskrar konu væri saknað í sviss-
nesku Ölpunum. Fjallgöngumenn-
irnir í Frakklandi fundust í 3.100
metra hæð en þeir höfðu grafið sig
í fönn vegna veðurhamsins og orðið
úti. Mennirnir sem fórust í Sviss
fundust í 3.700 metra hæð og urðu
úti eftir að þeir misstu sjónar á hvor
öðrum.
Kalt sumar það sem af er
Eyjólfur Þorbjömsson, veðurfræð-
ingur á Veðurstofu Islands, segir að
ekki sé um óvenjuleg veðrabrigði að
ræða. Köld lægð hafi hangið yfir
vesturhluta Evrópu og valdið úrkomu
og kulda. Henni tengist einnig hita-
bylgja sem verið hefur í austurhluta
Evrópu. Hitastigið fer nú hægt upp
á við í Vestur-Evrópu, sagði Eyjólfur
að hitinn í Frakklandi hefði verið á
bilinu 17-23 gráður í gær, en í Ölpun-
um hafi verið eitthvað kaldara.
Það sem af er sumars hefur verið
kalt í Evrópu vestanverðri og á Norð-
urlöndum en í Danmörku og Svíþjóð
hafa menn kvartað yfir því að sumar-
ið sé ekki enn komið. Þar hefur hit-
inn verið um 15-17 gráður en er
vanalega um 20-25 gráður um þetta
leyti. Hlýrra hefur verið eftir því sem
austar dregur í álfunni. Frá því um
10. júní hefur kuldapollur verið yfir
Vestur-Evrópu og úrkoma yfír með-
allagi. Segir Eyjólfur að svo geti vel
farið að sumrið teljist með þeim kald-
ari með þessu áframhaldi.
Skrúfað fyrir vatnið
Hitabylgjan í austurhluta Evrópu,
hefur m.a. haft þær afleiðingar að
íbúar Aþenu voru hvattir til að halda
sig innandyra og drekka nóg af vatni.
Vatnsveitan þar í borg sýnir skuldu-
nautum sínum hins vegar enga mis-
kunn og skrúfaði í gær fyrir vatnið
til þeirra sem ekki höfðu greitt vatns-
reikninginn. Var örtröð hjá gjaldker-
um vatnsveitunnar, þar sem fólk sá
sig tilneytt að greiða gjaldfallna
reikninga, en vegna hitans munu
fæstir hafa haft nokkurt þrek til að
æsa sig yfir lokuninni.
Pólsk
svör á
2.300
síðum
• PÓLSK stjórnvöld afhentu
framkvæmdasljórn Evrópusam-
bandsins I gær svör við u.þ.b.
3.000 spurningum, sem ESB
hefur lagt fyrir Pólland vegna
umsóknar landsins um aðild að
sambandinu. Svörin eru alls
2.300 síður. Jacek Saryusz-
Wolski, Evrópumálaráðherra
Póllands, segir að í svörunum
séu allar upplýsingar, sem ESB
geti mögulega haft áhuga á
vegna aðildarumsóknarinnar.
Upplýsingar eru gefnar um allt
frá almennum markmiðum efna-
hagsstefnu og niður í nákvæman
fjölda landbúnaðarvéla í til-
teknum búgreinum.
• EVRÓPUSAMBANDIÐ
hyggst styrkja viðskiptaleg og
pólitísk tengsl sin við Hong
Kong áður en Bretar láta ný-
lenduna af hendi við Kínverja á
næsta ári. Chris Patten, land-
stjóri Hong Kong, og Jacques
Santer, forseti framkvæmda-
sljórnar ESB áttu með sér fund
í Brussel í gær. Að sögn embætt-
ismanna í Brussel verður ekki
um formlegan samning að ræða.
• JACQUES Chirac, forseti
Frakklands, hefur tjáð forsætis-
ráðherra Tyrklands, Necmettin
Erbakan, að Frakkar muni
styðja viðleitni Tyrklands til að
tengjast Evrópusambandinu
nánari böndum. Chirac hefur
ritað Erbakan bréf, þar sem
hann fagnar áframhaldandi
áherzlu ríkisstjórnar hans á
samstarf við ESB.
• CHRIS Patten, landsljóri
Hong Kong og fyrrverandi for-
maður brezka íhaldsflokksins,
hefur bætzt í hóp þeirra áhrifa-
manna í flokknum, sem gagn-
rýna hægri arm hans fyrir and-
stöðu við aðild Bretlands að
ESB. „Ég er mjög eindregið
þeirrar skoðunar að Bretland
eigi að vera í hjarta Evrópusam-
bandsins. Það er óhugsandi að
Bretland verði ekki í samband-
inu í framtíðinni." Landstjórinn
bætti við að ef einhver hætta
væri á að Bretland segði sig úr
sambandinu myndi hann „knýja
dyra og vinna með allri þeirri
ástríðu sem ég á til“ að því að
hindra slíkt.
Sveitarstjórnarkosningar í ESB-ríkjum
Framkvæmda-
stjórnin hótar sjö
ríkjum dómsmáli
Brussel. Reuter.
FRAMKVÆMDASTJÓRN Evrópu-
sambandsins hótaði í gær að draga
sjö aðildarríki sambandsins fyrir
Evrópudómstólinn fyrir að hafa enn
ekki lögleitt reglur um að ESB-borg-
arar skuli eiga kosningarétt í sveit-
arstjórnarkosningum í því landi, þar
sem þeir eru búsettir.
Litið hefur verið á hinn gagn-
kvæma kosningarétt sem mikilvægt
skref í að stuðla að frjálsum flutn-
ingum fólks á milli aðildarríkja ESB
og sem staðfestingu á vaxandi sam-
kennd íbúa aðildarríkjanna. Fram-
kvæmdastjórnin hyggst því taka
hart á seinagangi við að leiða þessi
réttindi í lög í aðildarríkjunum.
Fá 40 daga frest
Send hafa verið harðorð bréf til
Belgíu, Þýzkalands, Grikklands,
Spánar, Frakklands, Hollands og
Portúgals, þar sem gefinn er 40
daga frestur til að ganga frá því að
EVRÓPA^
reglurnar verði leiddar í landslög,
en slíkt hefði átt að gerast í byijun
ársins.
Framkvæmdastjórnin, sem leggst
að miklu leyti í dvala í ágúst vegna
sumarleyfa, dælir nú út bréfum þar
sem aðildarríkjum er ýmist tilkynnt
að þau fái lokafrest til að ganga frá
löggjöf, sem dregizt hefur að sam-
þykkja, eða þá að þolinmæði stjóm-
valdsins sé á þrotum og þau verði
dregin fyrir Evrópudómstólinn. Um
er að ræða mál, sem snerta opinber
útboð, borgaraleg réttindi, viður-
kenningu prófskírteina og fjármála-
þjónustu.
Karpov
skortir
hálfan
vinning
ANATOLÍ Karpov, heims-
meistari Alþjóðaskáksam-
bandsins, FIDE, og áskorand-
inn Gata Kamsky sömdu í gær
um jafntefli í 17. einvígisskák-
inni sem fór í bið á mánudag.
Hefur Karpov, sem er 45 ára
gamall, nú 10 vinninga gegn
sjö vinningum Kamskys og
skortir hinn fyrrnefnda aðeins
hálfan vinning til að halda titl-
inum. Kamsky er 22 ára og
frá Bandaríkjunum en rúss-
neskur að uppruna. 18. skákin
verður tefld í dag en einvígið
fer fram í borginni Elísta í
Rússlandi.
Áfangi í bar-
áttu við
brjóstkrabba
BRESKIR læknar við Marsd-
en-sjúkrahúsið og bresku
krabbameinsstofnunina
skýrðu frá því í gær að þeir
hefðu þróað nýja aðferð til að
meðhöndla bijóstkrabbamein.
Gæti hún aukið mjög lífslíkur
sjúklinga og í sumum tilvikum
valdið því að ekki þyrfti að
beita uppskurði. í yfirlýsingu
læknanna segir ennfremur að
þeir hafi sýnt fram á það í
fyrsta skipti að lyfjameðferð
gegn sjúkdómnum valdi því
að krabbafrumurnar eyði sjálf-
um sér. Miklu skipti hins veg-
ar að rétt lyf séu notuð.
Neita að
hlýða herfor-
ingjum
AUNG San Suu Kyi, leiðtogi
lýðræðissinna í Burma, segir
að hún og nokkrir aðrir leið-
togar Þjóðlegu lýðræðisfylk-
ingarinnar ætli að hlíta
ákvörðunum samtakanna um
að semja drög að nýrri stjórn-
arskrá, þrátt fýrir ný lög her-
foringjanna er leggja blátt
bann við slíkum aðgerðum.
„Almenningur hefur engan
áhuga á þinginu sem nú situr
eða stjórnarskránni sem það
er að semja,“ sagði Suu Kyi í
símaviðtali við Reuters.
Vilja ræða við
Kosovo-
leiðtoga
FORSÆTISRÁÐHERRA
Júgóslavíu, þ.e. sambandsríkis
Serbíu og Svartfjallalands,
Radoje Kontic, hvatti í gær til
þess að fulltrúar Albana í
Kosovo-héraði hæfu viðræður
við Júgóslavíustjórn. Róstu-
samt hefur verið í héraðinu
sem heyrir til Serbíu en meiri-
hluti íbúanna er Albanar. Una
þeir illa yfirráðum Serba sem
telja Kosovo vera heilaga,
serbneska jörð. Kontic gaf í
skyn að Sali Berisha Albaníu-
forseti, sem hefur varað við
því að upp úr kunni að sjóða
í Kosovo, ætti ekki að hafa
afskipti af málinu sem væri
innanríkismál Serbíu.