Morgunblaðið - 10.07.1996, Blaðsíða 31

MORGUNBLAÐIÖ
MIÐVIKUDAGUR 10. JÚLÍ1996 31
AÐSENDAR GREIIMAR
Eru íslendingar
aflögufærir?
RAUÐI kross íslands kynnti ný-
lega skýrslu Alþjóðasambands lands-
félaga Rauða krossins og Rauða
hálfmánans um hamfarir í heiminum
árið 1995.
Af því tilefni var boðið til fundar-
ins fulltrúum íslenskra félagasam-
taka og stofnana er veita þróunar-
aðstoð og erlenda neyðarhjálp auk
blaða- og fréttamanna. Þannig var
ekki um að ræða hefðbundinn blaða-
mannafund heldur miklu fremur
umræðufund um nýútkomna skýrslu
og þýðingu hennar fyrir ísland.
Á fundinum var farið yfir helstu
niðurstöður skýrslunnar:
★ Fórnarlömb náttúruhamfara ár
hvert eru yfir 130 milljónir, þar af
látast yfir 140 þúsund en nær 5
milljónir missa heimili sín.
★ Styijaldir hafa áhrif á afdrif æ
fleiri. Tala flóttamanna hefur aukist
úr 22 milljónum árið 1985 í 37 millj-
ónir 1995. Fjöldinn heldur áfram að
aukast.
★ Æ erfiðara er að veita hjáip vegna
ótryggs ástands þar sem fómarlömb
vopnaðra átaka eru á vergangi í eig-
in landi og æ erfiðara er að útvega
flóttamönnum hæli á öruggum stað.
★ Samtímis því að neyðin eykst
dregur úr framlögum ríkisstjórna.
Umræður urðu almennar m.a. með
þátttöku fulltrúa þeirra íslensku að-
ila er veita þróunar- og neyðarað-
stoð. Að sjálfsögðu bar hátt í þeim
umræðum hvað opinber framlög Is-
lendinga til þessara mála eru lág
samanborið við önnur Norðurlönd og
OECD-ríki.
Þannig leggur íslenska ríkið og
þar með íslenska þjóðin af sköttum
sínum aðeins 1/10 hluta þess sem
að Danir gera. Jafnframt var bent á
þá staðreynd að þegar Danir fóru í
gegnum sína efnahagskreppu um
miðjan sjöunda áratuginn undir
stjórn Paul Schliiters forsætisráð-
herra, þá jukust framlög til þrónun-
araðstoðar sem hlutfall af þjóðartekj-
um. Pólitískt var þetta sterkt til að
undirstrika að enda þótt danskur
almenningur yrði að herða ólina þá
væri það engin sultaról samanborið
Guðjón Magnússon
við þorra jarðarbúa. Þar
væri þörfin brýnni.
Bent var á önnur
dæmi. Ef að opinber
aðstoð við þróunarríki
væri sú sama og hjá
Spánveijum þarf að
tvöfalda framlög okkar
og ef miðað er við Finna
sem ganga nú í gegnum
mikla efnahagskreppu
þyrfti að fjórfalda okk-
ar framlög.
Morgunblaðið hefur í
leiðara 23. júní gert
skýrslu Alþjóðasam-
bands landsfélaga
Rauða krossins og
Rauða hálfmánans
ágæt skil og vakið athygli á þeim
vanda sem við er að etja ef þeir sem
hafa mest af öllu eru ekki reiðubún-
ir að leggja neitt af mörkum til þeirra
Fórnarlömb náttúru-
hamfara árið 1995 voru
um 130 milljónir, segir
Guðjón Magnússon,
fimm milljónir misstu
heimili sitt - og 140
þúsundir líf sitt.
er ekkert hafa. Gleggstu menn í al-
þjóðastjórnmálum eru sammála um
að án meiri jöfnuðar vex ólga og óöld.
Sameinuðu þjóðirnar samþykktu á
sínum tíma að þróaðar þjóðir leggðu
fram samtals 1% af þjóðartekjum til
þróunaraðstoðar, þar af væru 0,7%
opinber framlög en afgangurinn
0,3% framlög fyrirtækja, einstakl-
inga og félagasamtaka og annarra.
Þessu marki hafa Islendingar aldrei
náð. Það sem verra er þeir hafa ekk-
ert sér til afsökunar!
Hér er því ekki eingöngu við rík-
isstjórnina að sakast heldur Alþingi
og aiþingismenn að minnsta kosti
aftur til 1985. Þá var
samþykkt á Alþingi
þingsályktunartillaga
frá utanríkisnefnd er
hijóðar svo:
Alþingi ályktar að á
næstu sjö árum skuli
með reglubundinni
aukningu framlaga náð
því marki að opinber
framlög íslands til upp-
byggingar í þróunar-
ríkjum verði 0,7% aí
þjóðarframleiðslu.
í greinargerð með til-
lögunni segir m.a.:
Utanríkisnefnd er
eindregið þeirrar skoð-
unar að ísland sem vel-
megunarríki eigi að taka vaxandi
þátt í stuðningi við þróunarríki en
framlög íslands hafa lítið aukist sein-
ustu ár. (Tilvitnun lýkur.)
Lítið var um efndir og hafa opin-
ber framlög íslands verið hæst 0,13%
eða fimmti hluti þessa markmiðs
árið 1991 en lægst 0,05% árin 1987
og 1988. Ekki virðist hafa skipt
miklu máli hvort vel eða illa hefur
árað á Islandi. Eftir Umhverfisráð-
stefnu Sameinuðu þjóðanna í Ríó de
Janero hlustaði ég á þáverandi um-
hverfisráðherra Eið Guðnason halda
erindi. Hann sagði að sendinefnd
íslands, sem hafði mikilvægra hags-
muna að gæta á ráðstefnunni til
verndar lífríki sjávar, hefði nánast
orðið fýrir aðkasti frá fulltrúum sem
kröfðust skýringa á af hveiju ísland
legði ekki meira af mörkum til þró-
unarmála en raun ber vitni.
Við erum fullvalda velferðarríki
sem gerum réttmæta kröfu til þess
á alþjóðavettvangi að á okkar mál-
stað og okkar rök sé hlustað. Þá
verðum við einnig að axla okkar
ábyrgð í heimi þjóðanna.
Getum við ætlast til að aðrar þjóð-
ir trúi því að ísland sem er meðal
tuttugu tekjuhæstu þjóða heims sé
ekki aflögufært?
Höfundur er formaður Rauða
kross Islands.
SUMARTILBOÐ!
afsláttartilboð á úrvals frönskum
stálpottum frá Aubecq.
%
Bjóðum nú þessa þekktu og glæsilegu
stálpotta á einstöku verði.
Pottasett er glæsileg brúðkaupsgjöf.
Sumartilboðið gildir út júlí
///'
Einar
Farestveit&Cohf
Borgartuni 28 S 562 2901
1«
Opm Landsbrtfamótið tgolfi
fer fram í Grafarholti 13.-14. júlí
Leiknar verða 36 holur í karlaflokki án forgjafar (fgj. 8 og lægra) á laugardag og sunnudag.
Á laugardag verður ræst út frá kl. 9.00. Skráningu lýkur miðvikudaginn 10. júlí kl. 20.00.
í opnum flokki verða leiknar 18 holur, punktakeppni, stableford 7/8 forgjöf. Ræst verður út frá kl. 8.00.
Skráningu lýkur laugardaginn 13. júlí kl. 16.00.
Vegleg verðlaun eru í boði:
Opinn flokkur:
1. verðlaun að verðmæti 20.000 kr.
2. verðlaun að verðmæti 15.000 kr.
3. verðlaun að verðmæti 10.000 kr.
Karlaflokkur:
1. verðlaun að verðmæti 25.000 kr.
2. verðlaun að verðmæti 20.000 kr.
3. verðlaun að verðmæti 15.000 kr.
Nándarverðlaun á 2., 6. og 17. braut.
Allir keppendur fd glœsilega gjafapakka.
Skráning fer fram í Golfverslun Sigurðar Péturssonar í síma 587 2215.
LANDSBREF HF.
hv —
Löggilt verðbréfafyrirtæki. Aðili að Verðbréfaþingi íslands.
SUDURLANDSBRAUT
108 REYKJAVIK, S I M I 588 9200, BREFASIMI 588 8598