Morgunblaðið - 10.07.1996, Blaðsíða 39
MORGUNBLAÐIÐ
MIÐVIKUDAGUR 10. JÚLÍ 1996 39
FRÉTTIR
Þjófar fóru inn í skúr við Rafveituveg
Skemmt
þegar
engu var
að stela
ÞAÐ virðist litlu máli skipta fyr-
ir suma innbrotsþjófa hvort ein-
hverra verðmæta er von þar sem
þeir fara inn. Þannig var brotist
inn í lítinn skúr við skíðalyftuna
við Rafstöðvarveg í gær. I skúrn-
um er afdrep fyrir umsjónar-
mann og þar hafa eldri borgar-
ar, sem stunda púttvöll í ná-
grenninu, fengið að fara inn til
að hita sér kaffi. Innbrotsþjóf-
arnir stálu hins vegar kaffikönn-
unni, en þegar þeir fundu ekkert
annað sem þeir töldu nýtilegt
ákváðu þeir að rusla rækilega
Morgunblaðið/Jón Svavarsson
til, tæma skúffur og strá kaffi-
dufti á gólfið. Sigurðar Haf-
steinssonar, umsjónarmanns,
beið því töluverð hreingerning.
Heilunarhelgi með
Þórhalli miðli
MANNRÆKTARMIÐSTÖÐ Snæ-
fellsáss samfélagsins að Brekkubæ,
Hellnum, stendur fyrir heilunar-
helgi 19.-21. júlí og er Þórhallur
Guðmundsson miðill aðalgestur
helgarinnar.
Þórhallur leiðir hugleiðslur, held-
ur fyrirlestra um árulitina og heilun
með litum, auk þess sem hann veit-
ir þjálfun í heilun með litum og
með tónlist og kynnir aðrar heilun-
araðferðir, sem hann hefur notað
við vinnu sína.
Á laugardagskvöldinu kl. 20.30
verður Þórhallur með skyggnilýs-
ingu eins og honum er einum lagið.
Skyggnilýsingin er öllum opin og
greiða aðrir en helgargestir fyrir
aðgang að henni.
Auk Þórhalls verða Inga Magn-
úsdóttir, Sigríður Guðbergsdóttir,
Guðrún G. Bergmann og Guðríður
Hannesdóttir með fyrirlestra um
heilun og heilunaraðferðir. Dagskrá
helgarinnar er skipulögð og hefst
hún kl. 21 á
föstudagskvöld-
inu og kl. 10 að
morgni laugar-
dags og sunnu-
dags. Tímasetn-
ing er þó ekki
bindandi þar
sem fylgt verður
fiæði augna-
bliksins.
Hægt verður
að fá einkatíma
í heilun og spilnalestri, sem bókað
er á staðnum. Aðgöngumiði á heil-
unarhelgina kostar 3900 kr. og er
allt innifalið nema einkatímar sem
greiða þarf sérstaklega.
Reiknað er með að þátttakendur
búi í tjöldum en þeir sem vilja geta
pantað svefnpokapláss sem þarf að
greiða sérstaklega. Ákveðið er að
taka aðeins á móti takmörkuðum
fjölda fólks svo ráðlegt er að bóka
þátttöku.
Námsstyrkir Námsmannaþjón-
ustu Sparisjóðsins í Keflavik
Norrænt vinabæjamót í Ólafsfirði
ÁRLEGUM námsstyrkjum í Náms-
mannaþjónustu Sparisjóðsins í Kefla-
vík hefur verið úthlutað. Eftirtaldir
námsmenn fengu styrkinn í ár:
100.000 kr. styrk fengu Gestur
Pálsson, en hann er að ljúka B.S.
námi í tæknifræði frá Oklahoma State
University, Þórdís G. Þórðardóttir,
sem er að ljúka B.A. námi í sálfræði
frá Indiana University og Unnur B.
Þórhallsdóttir, sem lýkur B. Ed. námi
frá Kennaraháskóla íslands.
50.000 kr. styrk fá Hulda María
Stefánsdóttir og Karlotta Sigur-
björnsdóttur en þær voru báðar að
ljúka stúdentsprófi frá Fjölbrauta-
skóla Suðurnesja.
Dómnefndin sem sá um valið á
styrkþegum var skipuð eftirtöldum
aðilum: Ólafur Arnbjörnsson, skóla-
meistari Fjölbrautaskóla Suður-
nesja, formaður dómnefndar, Guðjón
Guðmundsson, framkvæmdastjóri
Sambands sveitarfélaga á Suður-
nesjum, Friðjón Einarsson, Mark-
aðs- og atvinnumálaskrifstofu
Reykjanesbæjar.
Námsmannaþjónusta Sparisjóðs-
ins er fjölþætt fjármálaþjónusta sem
opin er öllum námsmönnum og það
FRÁ vinstri: Páll Jónsson, sparisjóðsstjóri, Bjarney Hallmanns-
dóttir með son sinn Hallmann Óskar Gestsson, en hún tók við
styrknum f.h. eiginmanns síns Gests Péturssonar, Hulda María
Stefánsdóttir, Unnur B. Þórhallsdóttir, Þórður Björnsson, sem tók
við styrknum f.h. dóttur sinnar Þórdísar G. Þórðardóttur, og
Geirmundur Kristinsson, sparisjóðssljóri. Á myndina vantar einn
styrkþegann, Karlottu Sigurbjörnsdóttur.
kostar ekki neitt að vera í henni. námsfólki frá Suðurnesjum og er
Sparisjóðurinn í Keflavík hefur í þetta fimmta árið sem Námsmanna-
gegnum tíðina stutt við bakið á styrkirnir eru veittir.
Um 260 manns frá norræn-
um vinabæjum sækja mótið
NORRÆNT vinabæjamót verður
haldið í annað sinn i Ólafsfirði dag-
ana 11.-14. júlí nk. Um 260 manns
frá norrænu vinabæjunum sækja
mótið, en þeir eru frá Hillerod í Dan-
mörku, Horten/Borre í Noregi, Karls-
krona í Svíþjóð og Lovisa í Finnlandi.
Meðal þátttakenda er 70 manna
skólalúðrasveit frá Noregi og 25
manna kór frá Lovisa sem taka munu
þátt í dagskrá mótsins og væntanlega
setja mikinn svip á það. Lúðrasveitin
mun m.a. ganga í broddi fylkingar
sem fer um götur bæjarins er mótið
verður sett og Lovisa-kórinn heldur
sérstaka tónleika.
Þegar fyrsta vinabæjamótið var
haldið í Ólafsfirði fyrir 10 árum,
sóttu það um 100 gestir frá Norður-
löndunum, en mótin eru nú haldin
annað hvert ár og til skiptis í bæjun-
um fimm. Ólafsfirðingar hófu þátt-
töku í samstarfinu árið 1977 og
hafa fjölmennt á vinabæjamót í hin-
um bæjunum alla tíð síðan og skipta
þeir Ólafsfirðingar og reyndar aðrir
sem þar hafa komið við sögu nú
hundruðum. Þá hafa samskipti verið
nokkur á íþróttasviðinu og á sviði
unglingaskipta.
Að þessu sinni er lögð áhersla á
þátttöku alls almennings í dagskrár-
atriðum, eins og segir í fréttatilkynn-
ingu frá undirbúningsnefnd. Vonast
er til að bæjarbúar og gestir þeirra
kunni vel að meta það sem boðið
verður upp á. Ólafsfjarðarbær er nú
að taka á sig hátíðarsvip og virðist
tilefni sem þetta vera hvati til átaks
í fegrunar- og umhverfismálum.
Hátíðin verður sett kl. 10 á föstu-
dagsmorgun við Tjarnarborg en
hálftíma áður verður gengið fylktu
liði frá upplýsingamiðstöðinni við
gagnfræðaskólann og að Tjarnar-
borg. í framhaldinu verður boðið
upp á veglega dagskrá við allra
hæfí fram á sunnudag.
Fjórar norskar flugsveitir
senda F-16 flugvélar til Islands
Morgunblaðið/Baldur Sveinsson
NORSKAR herflugvélar yfir Keflavíkurflugvelli.
Borgarráð
Flutt án rök-
stuðnings
BORGARRÁÐ lýsir undrun sinni á
þeirri ákvörðun ríkisstjórnarinnar að
flytja Landmælingar til Akraness,
án sýnilegs rökstuðnings.
1 samþykkt borgarráðs segir að
flutningurinn hafí ekki aðeins í för
með sér röskun á högum tuga starfs-
manna og fjölskyldna heldur feli í
sér atlögu að atvinnulífi borgarinnar,
sem eigi undir högg að sækja. Hvet-
ur borgarráð ríkisstjóm til að standa
betur að undirbúningi slíkra mála.
♦ ♦ ♦----
Dorgveiði-
keppni frestað
DORGVEIÐIKEPPNI sem vera átti
á vegum Æskulýðs- og tómstunda-
ráðs Hafnarfjarðar í gær var frestað
til þriðjudagsins 16. júlí vegna veð-
urs.
-----♦ ♦ ♦----
LEIÐRÉTT
Þorsteinsætt í Staðarsveit
ÞAU leiðu mistök urðu í Mbl. í gær
að í fréttatilkynningu um nýútkomin
ættfræðirit um Þorsteinsætt í Stað-
arsveit kom orðið Tímarit fyrir í yfir-
skrift fréttarinnar í staðinn fyrir
Nýjar bækur. Ritið er langt frá því
að vera í tímaritsformi heldur er það
um 650 bls. í tveimur bindum. Beð-
ist er velvirðingar á mistökunum.
ÁTTA F-16 þotur úr norska flug-
hernum lentu um helgina á Keflavik-
urflugvelli. Þessar flugvélar tilheyra
fjórum flugsveitum norska flughers-
ins, 331., 332., 334. og 338. flug-
sveit.
Norskar herflugvélar eru ekki
með öllu ókunnar á íslandi. í síðari
heimstyijöldinni flugu norskir flug-
menn m.a. Northrop N-3PB könn-
unar og sprengjuflugvélum frá
Nauthólsvík, Akureyri og Reyðar-
firði. Þessar flugvélar önnuðust
skipa- og kafbátaeftirlit og meðlimir
330. flugsveitar sem flugu þessum
flugvélum voru hinir fyrstu af ftjáls-
um Norðmönnum til að taka þátt í
baráttunni við Þjóðveija eftir að
Noregur var hernuminn. Einni slíkri
vél var einmitt bjargað úr Þjórsá
sumarið 1979 með þátttöku íslenska
Flugsögufélagsins, Norska flughers-
ins, Northrop verksmiðjunnar og
hjálp frá fjölmörgum íslenskum aðil-
um m.a. Björgunarsveitinni Albert á
Seltjarnarnesi og vöskum íslenskum
köfurum. Þessi vél var síðan gerð
upp af eftirlaunastarfsmönnum
Northrop verksmiðjanna og lokið við
hana haustið 1980. Síðar var hún
sýnd í Reykjavík og er nú á safni
Norska flughersins í Bodö.
Norsku F-16 vélarnar eru ekki
heldur óþekktar á Keflavíkui'flug-
velli því oftsinnis hafa tvær til fjórar
slíkar vélar komið hingað og dvalist
einn til tvo daga við æfingar með
sveitum bandaríska flughersins á
Keflavíkurflugvelli. Þessi dvöl er frá-
brugðin því sem venjulegast er, því
reiknað er með að vélarnar og áhafn-
irnar dvelji hér í tvær vikur við æf-
ingar. Eining eru 18 flugmenn með
í för til að skiptast á að fljúga þess-
um átta vélum. Ekki er heldur venj-
an að vélarnar séu úr svo mörgum
flugsveitum sem nú.
Hvað hafa Norðmenn upp úr
því að koma hingað til æfinga?
Tækifærið til að fljúga gegn flug-
vélum af öðrum tegundum er mjög
mikilvægur þáttur í æfingu allra
orrustuflugmanna en hún miðar að
því að þjálfa þá í að beita flugvélum
sínum sem vopnum. í Noregi og jafn-
vel annarsstaðar á meginlandi Evr-
ópu gefast ekki mörg tækifæri til
þessa lengur, sérstaklega ekki gegn
öflugum og vel búnum vélum eins
og F-15 vélar Bandaríkjamanna eru.
Sama gildir um Bandaríkjamennina
sem hér eru. Þeir fá með þessu færi
á að æfa betur varnir landsins og
fljúga gegn léttum, öflugum og snör-
um F-16 vélunum.
Ekki er síður mikilvægt fyrir
norsku F-16 flugmennina að fátæki-
færi til að æfa eldsneytistöku í lofti
úr KC-135E vélinni sem ætíð er stað-
sett hér. Þetta færi gefst Norðmönn-
um ekki heima því norski flugherinn
á engar slíkar vélar. Einnig gefur
þetta KC-135 mönnum kjörið færi á
að æfa eldsneytisgjöf margra véla á
stuttum tíma.
Um helgina æfðu fjórar F-15 vélar
og fjórar F-16 einmitt það að veija
eldsneytisvél af gerðinni KC-135 fyr-
ir fjórum F-16 vélum sem áttu að
granda henni. Meðan á æfingunni
stendur fá allar sveitirnar færi á að
taka þátt í bæði sókn og vörn.
Alls eru hér rúmlega 50 Norð-
menn meðan á æfingunni stendur,
18 flugmenn, 30 flugvirkjar og
stjórnendur ásamt nokkrum mönn-
um sem æfa sig í að stjórna vélum
með hjálp ratsjárstöðvanna eins og
í Rockville á Sandgerðisheiði.
Æfing þessi er í besta anda sam-
vinnu NATO ríkjanna og eykur styrk
þess liðs sem til taks er á hverjum
tíma.