Morgunblaðið - 16.07.1996, Blaðsíða 12

12 ÞRIÐJUDAGUR 16. JÚLÍ 1996
AKUREYRI
MORGUNBLAÐIÐ
Gömlu hand-
tökin sýnd
Fjölmenni á
starfsdegi í
Laufási
FJÖLMARGIR gestir lögðu leið
sína í Laufás í Grýtubakka-
hreppi en þar var svokallaður
starfsdagur í og við gamla bæ-
inn sl. laugardag. Hópur fólks
tók þátt í dagskránni en sýnd
voru gömul vinnubrögð sem nú
heyra sögunni til. Sérstaka at-
hygli vakti danshópur frá Dal-
vík, sem sýndi þjóðdansa við
harmóníkuundirleik framan við
gamla bæinn. Dansararnir eru
úr Félagi aldraðra á Dalvík og
nágrenni og hafa lengi æft þjóð-
dansa undir stjórn þeirra
Margrétar Brynjólfsdóttur og
Gunnars Björgvinssonar.
Inni í bænum var kveikt upp
í hlóðum og bakað, í búri var
mjólkin skilin og strokkuð en
einnig var gert skyr sem gestir
fengu að bragða á. Einnig fengu
gestir að smakka á slátri, hangi- ‘
kjöti, nýstrokkuðu smjöriog
heimabökuðu rúgbrauði. I bað-
stofu sat fólk á rúmum við vinnu
úr ull og hrosshári.
Uti við var sýndur sláttur með
orfi og ljá, konur gengu i flekk,
snéru og rökuðu, heyið var
bundið og sett á klakka, því
þarna var hross með reiðing og
klyfbera.
Slíkur dagur hefur verið hald-
inn síðustu tvö ár en hátíðin er
undirbúin af starfsfólki gamla
bæjarins í Laufási og Minjasafn-
ins á Akureyri.
Morgunblaðið/Kristján
JÓNINA Björt Gunnarsdóttir, 6 ára Dalvíkurmær, tók þátt í dansi og söng af fullum krafti, ásamt
móður sinni og föður og félögum í Félagi aldraðra á Dalvík og nágrenni.
HANNA Lára Magnúsdóttir sat í full-
um skrúða við rokkinn á baðstofuloft-
inu og spann ull.
JÓN Helgi Pétursson, teymir hross með reiðing og klyf-
bera en heyið var bundið og sett upp á klakka.
Morgunblaðið/Kristján
Færðu Akureyrarkirkju
kaleik að gjöf
FERMINGARSYSTKIN frá árinu
1946 hafa fært Akureyrarkirkju
kaleik að gjöf til notkunar við
kirkjulegar athafnir. Gjöfin er til
minningar um séra Friðrik Rafnar
vígslubiskup og Ásdísi Rafnar
konu hans. Séra Friðrik undirbjó
fermingarbörnin fyrir ferming-
una og fermdi þau fyrir 50 árum,
vorið 1946. „Hann var umburðar-
Iyndur og góðviþ'aður lærifaðir
og okkur eftirminnilegur," segir
í gjafabréfi sem afhent var með
gjöfinni.
Á myndinni er Þórunn Sigur-
björnsdóttir, t.h. að afhenda Guð-
ríði Eiríksdóttur, formanni sókn-
arhefndar kaleikinn fyrir hönd
fermingarsystkina sinna. Fyrir
aftan þær sjást þeir sr. Svavar
Alfreð Jónsson og Rafn Hjaltalín.
HÚSEIGNIR A MIÐBÆJARSVÆÐINU
Húseignirnar Strandgata 7 og Strandgata 9 og
eignarlóðin Strandgata 9, sem eru í eigu Kaupfélags
Eyfirðinga og Verkalýðsfélagsins Einingar eru til sölu.
Upplýsingar gefur Sigurður Jóhannesson,
aðalfulltrúi, sími 463 0300.
Tilboð óskast send eigendum fyrir 31. júlí nk.
Áskilinn er réttur til að taka hvaða tilboði sem er
eða hafna öllum. Kaupfélag Eyfiröinga,
Verkalýðsfélagið Eining
Tröllaskagatvíþrautin í þriðja sinn
Daníel Jakobsson
settinýttmet
DANÍEL Jakobsson, Ólafsfirði
setti nýtt met í karlaflokki í Trölla-
skagatvíþraut sem haldin var um
helgina. Þrautin fólst í því að
hlaupa frá ráðhúsinu á Dalvík, inn
Böggvisstaðadalinn, yfir Reykja-
heiði og niður að Reykjum, sem
er sumarbústaðahverfi innst í Ól-
afsfirði við rætur Lágheiðar.
Tuttugu manns tóku þátt í
þrautinni í karla- og kvennaflokki
auk trimmara án tímatöku, en
einnig var hópur göngufólks sem
gekk frá mynni Böggvisstaðadals-
ins og að Reykjum.
Daníel fór þessa þraut á tíman-
um 1.47.41; en áður átti Kristján
Hauksson, Ólafsfirði besta tímann,
2.03. Árni Gunnar Gunnarsson
sem varð í öðru sæti er einungis
16 ára gamall og er með þriðja
besta tíma í þrautinni frá upp-
hafi. Árni Gunnar sem er frá Ól-
afsfirði fór þrautina á tímanum
2.09.17. í þriðja sæti varð Gísli
Einar Árnason, Isafirði á tímanum
2.11.03. í fimm efstu sætunum í
karlaflokki voru skíðagöngumenn,
Þóroddur Ingvarsson, Akureyri, í
fjórða sæti og Ólafur Björnsson,
Noregi, í því fimmta.
í kvennaflokki sigraði Hólmfríð-
ur Vala Svavarsdóttir, Ólafsfirði,
á tímanum 2.29.47 og Ágústa
Gísladóttir, Grindavík, varð í öðru
sæti átímanum 3.10.37. Hólmfríð-
ur hefur sigrað í öllum þrautunum,
en þetta er í þriðja sinn sem efnt
er til Tröllaskagatvíþrautar.
Skíðadeild Leifturs hefur umsjón
með þrautinni og hefur ætið notið
liðsinnis björgunarsveitanna á Ól-
afsfirði og Dalvík við gæslu á leið-
inni.
Um 40 ökumenn kærðir
fyrir umferðarlagabrot
LÖGREGLAN á. Akureyri kærði
tæplega 40 ökumenn síðustu þrjá
sóiarhringa vegna ýmissa umferð-
arlagabrota, en sérstakt umferðar-
átak stendur nú yfir í umdæmi
hennar.
Átta voru kærðir fyrir að aka
of hratt, bæði innan og utan bæjar-
ins. Einn var kærður fyrir að aka
móti rauðu ljósi, einn fyrir að aka
réttindalaus og þá ók einn ökumað-
ur um á bifreið án skráningarnúm-
era. Tveir ökumenn voru kærðir
vegna ölvunaraksturs um helgina
og þá hefur lögreglan lagt sérstaka
áherslu á að fylgjast með því hvort
ökumenn og farþegar hafi öryggis-
beltin spennt en tuttugu og einn
ökumaður fá að greiða sekt í ríkis-
sjóð þar sem þeir höfðu ekki sinnt
því að spenna beltin.
Jóhannes Sigfússon varðstjóri
lögreglunnar sagði að aukin áhersla
væri nú lögð á umferðarmálin og
gætu ökumenn búist við að lögregl-
an stöðvaði för þeirra til að kanna
ástand bifreiða og ökumanna.
Heilsu-
hlaup á
Dalvík
HEILSUHLAUP Krabba-
meinsfélagsins verður haldið
á Dalvík á morgun, miðviku-
daginn 17. júlí.
Skráning hefst kl. 17.30 við
sundlaugina og þar verður
upphitun sem hefst kl. 17.50.
Hlaupið hefst kl. 18 við sund-
laugina.
Vegalengdir eru 2 og 4 kíló-
metrar og að venju er allur
ferðamáti leyfilegur, hlaup,
hjól, ganga, eða það sem
ímyndunaraflið býður fólki.
Umsjón með hlaupinu hafa
Lína Gunnarsdóttir og Anna
Hallgrímsdóttir. Þátttöku-
gjald er 250 krónur og er verð-
launapeningur og drykkur
innifalinn. Fyrri í sumar fóru
fram samskonar hlaup á
Grenivík, Grímsey, Akureyri
og Ólafsfirði.
Tóku bílana
úr gír og ýttu
niður brekku
TVEIR ungir og ölvaðir piltar
gerðu sér að leik að fara inn
í ólæstar bifreiðar, taka þær
úr gír og ýta þeim af stað
niður brekku sem þær stóðu í.
Til piltanna sást þar sem
þeir stunduðu þessa miður
skemmtilegu iðju sína aðfara-
nótt laugardags, en greinar-
góð lýsing leiddi til handtöku
þeirra.
Jóhannes Sigfússon varð-
stjóri lögreglunnar sagði að
mildi hefði verið að ekki hlaust
stórtjón af. Bílarnir enduðu á
kantsteini og staur, en
skemmdust ekki mikið. Vildi
varðstjóri beina því til bif-
reiðaeigenda að læsa bílum
sínum, einkum og sér í lagi
ætti það við að næturlagi um
helgar.
Dráttarvél í
ljósum logum
SLÖKKVILIÐ Akureyrar var
kallað að bænum Syðra-Dals-
gerði í Eyjafjarðarsveit upp
úr klukkan 8 í gærmorgun,
en þar hafði kviknað í dráttar-
vél. Menn úr Slökkviliði Eyja-
fjarðarsveitar höfðu að mestu
slökkt eldinn þegar Akur-
eyringar komu á staðinn.
Fyrir nokkru kviknaði í
dráttarvél við bæinn Ytra-
Dalsgerði og höfðu slökkvi-
liðsmenn á orði að ef til vill
væri ráð að senda þegar
slökkvitæki að bænum Stóra-
Dal, næsta bæ við, ef þetta
væri eitthvað sem væri að
ganga suður eftir dalnum.
Bílvelta í
••
Oxnadal
ÞRÍR voru fluttir á slysadeild
Fjórðungssjúkrahússins á Ak-
ureyri eftir að bíll sem þeir
voru í valt tvær til þrjár veltur
við bæinn Hóla í Öxnadal á
laugardag.
Allir sluppu án teljandi
meiðsla, en bifreiðin er mikið
skemmd.