Morgunblaðið - 17.07.1996, Blaðsíða 7
MORGUNBLAÐIÐ
MIÐVIKUDAGUR 17. JÚLÍ 1996 7
FRÉTTIR
SVR eign-
ast „dverg-
strætó“
Morgunblaðið/Árni Sæberg
HALLGRIMUR Gunnarsson framkvæmdastjóri Ræsis hf. afhenti
Lilju Olafsdóttur forstjóra SVR nýjan strætisvagn á mánudag.
STRÆTISVAGNAR Reykjavíkur
hafa fengið afhentan nýjan
strætisvagn af gerðinni Merce-
des Benz sem tekur fjórtán far-
þega í sæti og er hann fyrsti
vagninn af þessari stærð í þjón-
ustu fyrirtækisins.
Vagninum er aðallega ætlað
að auka þjónustu SVR við gömlu
hverfin í Reykjavík þar sem göt-
ur er þröngar og vandkvæði á
að beita strætisvögnum af hefð-
bundinni stærð.
Kostar 8,8 milljónir
SVR bauð í vor út smíði nýs
dvergvagns og reyndist tilboð
Ræsis hf., umboðsaðila Mercedes
Benz hérlendis, og Guðmundar
Tyrfingssonar ehf. vera lægst.
Verð vagnsins er 8.880.000 krón-
ur en Mercedes-Benz er stærsti
framleiðandi hópferðabíla og
strætisvagna í heiminum. I skil-
málum útboðsins var ákvæði um
að vagninn yrði afhentur 15. júlí.
Hönnuðir og yfirsmiðir nýja
strætisvagnsins eru Guðmundur
Tyrfingsson og Guðmundur
Laugdal. Farþegasæti eru 14
eins og áður sagði en heildar-
fjöldi farþega má vera 44 manns.
SVR mun á næstunni undirbúa
vagninn endanlega til notkunar
fyrir nýtt leiðakerfi, sem taka á
gildi í ágústmánuði næstkom-
andi.
Septembertilboð
til Benidorm
24. september
25 dagar
frá kr. 45.532
Takmarkað sætamagn — bókaðu strax
Nú bjóðum við glæsilegt tilboð til
Benidorm þann 24. sept. í 25 daga
á ótrúlegu til boðsverði þar sem þú
getur notið yndislegra daga í
yndislegu veðri og tryggrar þjón-
ustu fararstjóra Heimsferða á meðan
á dvöl þinni stendur. Beint flug til
Alicante þann 24. september og í
boði eru afbragðsgóðir gististaðir,
allir með íbúðum með einu svefn-
herbergi, stofu, eldhúsi, baði og
svölum. Móttaka, veitingastaðir
og verslun er einnig í hótelinu.
Bókaðu meðan enn er laust. ,
Islenskur hjúkrunarfræðingur
með í ferðinni.
45.532
Verð kr.
m.v. hjón með 2 börn,
2-11 ára, El Faro, 24. sept.
Verð kr.
59.960
M.v. 2 i íbúð, 24. sept., El Faro. Austurstræti 17, 2. hæð. Sími 562 4600.
Moreunblaðið/Helea
Mýrafell ofan sjávar
EKKI er að sjá á Mýrafelli ÍS
123 í höfninni í Bíldudal að það
hafi legið fyrir skömmu á hafs-
botni, og vart verið hugað frek-
ari dvalar á yfirborði sjávar. I
gær fóru menn frátryggingafé-
lagi bátsins og Fiskistofu þangað
til að kanna skemmdir. Meðal
þess sem má sjá með berum aug-
um, er að kýrauga hefur brotnað
af og hluti af mastri bátsins, en
meiri óvissa er um afdrif tækja-
búnaðar hans. Myndin var tekin
í gær þegar menn voru að yfir-
fara skemmdir og ljúka við að
losa vatn úr bátnum.
Heillaóskir til
nýkjörins forseta
ÓLAFI Ragnari Grímssyni, ný-
kjörnum forseta íslands, og konu
hans, Guðrúnu Katrínu Þorbergs-
dóttur, hefur borist fjöldi heilla-
skeyta, kveðja og bréfa frá hundr-
uðum landsmanna og frá fólki
víða um heim. Auk þess hafa þjóð-
höfðingjar og forsætisráðherrar
margra ríkja og stjórnendur al-
þjóðastofnana sent Ólafi Ragnari
Grímssyni árnaðaróskir, óskað
honum heilla í starfi og lýst von
um um gott samstarf við íslenska
þjóð.
Meðal þeirra sem hafa sent
honum slíkar kveðjur eru: Carl
Gustav, konungur Svíþjóðar,
Martti Ahtisaari, forseti Finn-
lands, Paul Nyrup, forsætisráð-
herra Danmerkur, Gro Harlem
Brundtland, forsætisráðherra
Noregs, Edmund Joensen, lög-
maður Færeyja, Lars Emil Jo-
hansen, formaður landsstjórnar
Grænlands, William J. Clinton,
forseti Bandaríkjanna, Roman
Herzog, forseti Þýskalands,
Jacques Chirac, forseti Frakk-
lands, Oscar Luigi Scalfaro, for-
seti Italíu, Jiang Zemin, forseti
Kína, Ryutaro Hashimoto, forsæt-
isráðherra Japans, Jose Maria
Aznar, forsætisráðherra Spánar,
Ezer Weizman, forseti ísraels,
Vaclav Havel, forseti Tékklands,
Arpad Goenez, forseti Ungverja-
lands, Lennart Meri, forseti Eist-
lands, Algirdas Brazauskas, for-
seti Litháen, Michal Kovac, for-
seti Slovakíu, Franjo Tudman,
forseti Króatíu, Milan Kucan, for-
seti Slóveníu, Kim Young Sam,
forseti Kóreu, Liamine Zeroul,
forseti Alsír, Zine E1 Abidine Ben
Ali, forseti Túnis, Antonio Masc-
arenhas Monteiro, forseti Græn-
höfðaeyja, Boutros Boutros-Ghali,
framkvæmdastjóri Sameinuðu
þjóðanna, Javier Solana, fram-
kvæmdastjóri NATO, Jaques Dio-
uf, framkvæmdastjóri FAO, Leni
Fischer, forseti þings Evrópuráðs-
ins, og Emma Bonino, sjávarút-
vegsstjóri Evrópsambandsins.