Morgunblaðið - 21.07.1996, Blaðsíða 2

2 SUNNUDAGUR 21. JÚLÍ 1996
FRETTIR
MORGUNBLAÐIÐ
j
Skrifiegt samþykki sjúklinga fyrir aðgerðum
Óþörf skriffinnska eöa
nauðsynleg samskiptabót?
SIÐARÁÐ Landlæknisembættis-
ins hefur að beiðni Landlæknis
tekið saman eyðublað sem ætlast
er til að læknar leggi fyrir sjúkl-
inga fyrir aðgerð. Þar skrifar sjúkl-
ingar undir að hann hafi fengið
upplýsingar um aðgerðina og hætt-
ur sem fylgi henni. Siðaráðið og
Landlæknir telja að þetta muni
auka samskipti lækna og sjúklinga
og tryggja rétt hinna síðamefndu.
Skurðlæknafélag íslands telur
eyðublaðið óþarfa skriffinnsku.
Magnús Kolbeinsson, stjórnarmað-
ur í félaginu, segir að skurðlæknar
leggi sig stöðugt meira fram um
að skýra skurðaðgerðir fyrir sjúkl-
ingum. Þeir séu ekki á móti eyðu-
blaðinu sem slíku en telji enga
sérstaka þörf á því.
Ólafur Ólafsson landlæknir telur
að oft hafi verið hnökrar á sam-
skiptum lækna og sjúklinga, til
dæmis hafi ekki verið nægilega
sagt frá fylgikvillum aðgerða. Þó
segir hann að yngri læknar séu
meðvitaðari um nauðsyn fræðslu.
Hann telur að eyðublaðið tryggi
að læknar komi fram við sjúklinga
af meiri virðingu. Hvorki land-
læknir né Skurðlæknafélagið telja
að skriflegt samþykki muni hafa
verulegt lagalegt gildi. Sjúklingar
afsala sér ekki neinum rétti til
bóta, til dæmis vegna mistaka
lækna, með undirskriftinni.
Sjúklingum er gefinn kostur á
að hafna einstökum liðum á eyðu-
blaðinu, til dæmis viðbótaraðgerð-
um og því að námsmenn í heil-
brigðisgreinum megi fylgjast með
aðgerðum
Nú liggur fyrir frumvarp til laga
um réttindi sjúklinga þar sem lögð
er áhersla á- mikilvægi þess að
sjúklingar fái nægilegar upplýs-
ingar fyrir skurðaðgerðir og að
helst skuli þær vera skriflegar.
Sjúkrahúsið í Stykkishólmi
Ráðherra vill bæta
6-7 milljóna halla
INGIBJORG Pálmadóttir, heilbrigðis-
ráðherra, hefur lýst vilja til þess að
bæta úr fjárhagsvanda sjúkrahússins
í Stykkishólmi, þar sem fjárfrekar
en nauðsynlegar framkvæmdir hafi
sett reksturinn úr skorðum. Þórir
Haraldsson, aðstoðarmaður heil-
brigðisráðherra, segir að ekki hafí
verið tekin ákvörðun um með hvaða
hætti leyst verði úr vandanum.
Þórir sagði að í Stykkishólmi hefði
þurft að lagfæra húsnæði sjúkrahúss-
ins og á meðan á þeim lagfæringum
hefði staðið hefði reksturinn verið
mjög óhagkvæmur, til dæmis hefði
þurft að fjölga starfsfólki um tíma.
„Hjá sjúkrahúsinu hefur hins vegar
verið tekið mjög hraustlega á útgjöld-
um, meðal annars launum og greiðsl-
um til þeirra starfsmanna sem best
eru settir. Þar sem sýnt hefur verið
fram á verulegar aðgerðir til sparnað-
ar er líklegt að sjúkrahúsinu verði
gert kleift að losa sig við þær skuld-
ir, sem það þurfti að setja sig í vegna
þessara óhjákvæmilegu lagfæringa."
Þórir sagði að vandi sjúkrahússins
væri 6-7 milljónir króna og að heil-
brigðisráðherra hefði lýst vilja til að
það fengi fjármagn til viðbótar. Enn
væri ekki ljóst hvort það rúmaðist
innan fjárveitinga næsta árs, eða
hvort leitað yrði heimilda í fjárauka-
lögum.
Háskóla SÞ sent tilboð vegna reksturs
Sjávarútvegsskóla á Islandi
*
Arlegnr kostnaður
íslendinga 30 millj.
RÍKISSTJÓRNIN hefur ákveðið að
senda Háskóla Sameinuðu þjóðanna
tilboð um stofnun Sjávarútvegsskóla
Háskóla Sameinuðu þjóðanna á ís-
landi og er gert ráð fyrir að hann
taki formlega til starfa í ársbyijun
1998, að sögn Halldórs Ásgrímssonar
utanríkisráðherra.
Árlegur kostnaður við rekstur skól-
ans er um 30 milljónir og segir utan-
ríkisráðherra að rekstur hans verði á
ábyrgð Hafrannsóknastofnunar, sem
muni hafa umsjón með starfinu í
samvinnu við Rannsóknastofnun fisk-
iðnaðarins, Háskólann á Akureyri og
Háskóla íslands. Halldór segir jafn-
framt gert ráð fyrir að starfsemin
fari fram í húsakynnum fyrrgreindra
stofnana.
„Rekstrarkostnaður verður rúmar
30 milljónir á ári og er gert ráð fyrir
að íslendingar muni standa straum
af honum að mestu leyti. Sá kostnað-
ur mun síðan leggjast við framlag
okkar til þróunarmála, sem hefur ver-
ið heldur bágborið,“ segir Halldór.
Morgunblaöið/Ami bæberg
ÚLFAR Steindórsson, framkvæmdastjóri Stöðvar 3, og Bogi
Þór Sigvaldason, markaðsstjóri Stöðvar 3, við myndlyklana sem
nú eru komnir til landsins. Myndlyklarnir eru mjög fyrirferðar-
litlir og þá þarf aldrei að stilla.
Stöð 3
Fyrstu sendingar
myndlykla komnar
FYRSTU sendingar myndlykla
Stöðvar 3 eru nú komnir til
landsins og verður þeim dreift
á næstu vikum, en dagskrárrás-
um íslenska sjónvarpsins, sem
rekur Stöð 3, verður læst í fram-
haldi af því. Stöð 3 er fyrsta
sjónvarpsstöðin í heiminum sem
tekur myndlykla af þessari gerð
í notkun, en þeir eru af nýrri
gerð og hafa aðeins staðbundn-
ar sjónvarpsstöðvar í Bandaríkj-
unum notað áþekka afruglara
við tilraunaútsendingar.
Samkvæmt upplýsingum
Stöðvar 3 eru það einkum tveir
eiginleikar myndlyklanna sem
greina þá frá öðrum á markaðn-
um. í fyrsta lagi opnar myndlyk-
illinn allar rásir Stöðvar 3 í einu,
en það þýðir að hægt er að horfa
á fleiri en eina rás I einu séu
fleiri en eitt sjónvarpstæki á
heimilinu. I öðru lagi geta mynd-
lyklarnir opnað sjálfstætt
ákveðnar rásir óháð öðrum rás-
um sem sendar eru út að jafn-
aði. Þar með hefur Stöð 3 fyrst
íslenskra sjónvarpsstöðva yfir
að ráða tækni sem erlendis
gengur undir heitinu „Pay per
view“. Býður þetta upp á mögu-
leika á sölu nýrra sjónvarpsefn-
is eða efnis sem býðst alls ekki
á hefðbundnum sjónvarpsstöðv-
um.
Heilsuspillandi hávaði
►Hávaðamengun getur valdið
margs konartjóni, líkamlegu og
fjárhagslegu. /10
Tölvubóndinn vill
stjórna tækninni
►innst inni í Vatnsdal býr Hjálm-
ar Ólafsson í Káradalstungu með
tölvur og nokkrar ær. Eftir krefj-
andi og tímafrekt sjálfsnám skrifar
hann forrit og setur upp tölvur um
allt héraðið. /14
Timbuktu - Reykjavík
- Kuala Lumpur
►Parker W. Borg sendiherra
Bandaríkjanna á Islandi er nú á
leið til Malasíu þar sem eiginkona
hans mun starfa sem sendiráðsrit-
ari. Sendiherrann fyrrverandi
verður heimavinnandi. /16
Með mörg járn
íeldinum
►í Viðskiptum og atvinnulífi á
sunnudegi er rætt við Ágúst Ein-
arsson í Stálsmiðjunni hf. /20
B
► 1-28
Paradísareyjan
er þarna enn
►í Suður-Kyrrahafi er lokið heim-
ildarmynd, gerðri af kvikmynda-
fyrirtæki Helga Felixsonar í Sví-
þjóð. Hún segir frá íbúum eyjarinn-
ar Raroia og því sem gerst hefur
í námunda við kjarnorkutilraunir
Frakka. /1 og 14-15
Innrásin mikla
►Óvinageimskip umkringja
heimsbyggðina og hefja útrýmingu
mannkyns í sumarsmellinum „In-
dependence Day“, sem gæti orðið
ein af best sóttu myndum allra
tíma./2
Heimavinnandi
húsmóðir
►Læknavísindin höfðu varla leng-
ur nein ráð þegar Sigurður Ólafs-
son greindist með ólæknandi sjúk-
dóm. Hér segir m.a. frá því hvern-
ig yfirvofandi ósigri var snúið í
sigur. /8
FERÐALÖG
► 1-4
Vatnajökull
►Á sérútbúnum jeppum og skíð-
um með ferðaskrifstofunni Addís
sem hefur í tíu ár boðið ferðamönn-
um ugp á ævintýraferðir um há-
lendi íslands. /2
Upplifun í Papey
►Ferðamenn skyldu ekki láta
skoðunarferð um þessa þekktustu
eyju úti fyrir Austfjörðum framhjá
sér fara. /4
ÍP BÍLAR_________________
► 1-4
Musso breytt
fyrir 38 tommur
► Stendur vel undir væntingum.
Reynsluakstur
►Nýr Land Cruiser með mörgun
oggóðum kostum. /4
FASTIR ÞÆTTIR
Fréttir 1/2/4/8/bak
Leiðari 22
Helgispjall 22
Reykjavíkurbréf 22
Minningar 24
Myndasögur 30
Bréf ti! blaðsins 30
Brids 30
Stjörnuspá 30
Skák 30
ídag
Fólk í fréttura
Bíó/dans
íþróttir
Utvarp/sjónvarp
Dagbók/veður
Gárur
Mannlífsstr.
Kvikmyndir
Dægurtónlist
INNLENDAR FRÉTTIR:
2-4-8-BAK
ERLENDAR FRÉTTIR:
1&6
32
34
36
40
41
43
6b
6b
lOb
12b