Morgunblaðið - 21.07.1996, Blaðsíða 40
40 SUNNUDAGUR 21. JÚLÍ 1996
MORGUNBLAÐIÐ
LANDSMÓTIÐ í GOLFI
Þorsteinn Hallgrímsson lýsir hvernig best er að leika völlinn í Eyjum
Mikilvægt að
vera á braut
LANDSMÓTIÐ i'golfi hefst íVestmannaeyjum ídag. Þar munu
265 kylfingar reyna með sér í sjö flokkum, fjórum flokkum karla
og þremur flokkum kvenna. Meistaraflokkarnir hefja leik á mið-
vikudaginn og reka síðan endahnútinn á mótið á laugardaginn.
Þetta er í annað sinn sem mótið fer fram í Eyjum en heimamenn
hafa löngum haldið þvi fram að golfvölturinn þar sé með þeim
skemmtilegri hér á landi. Morgunblaðið fékk Þorstein Hallgríms
son, fyrrum íslandsmeistara, sem hélt uppá titilinn fyrir þremur
árum ásamt 17.000 Þjóðhátíðargestum í Eyjum, til að segja
meðspilurum sínum hvernig best erað leika völlinn. Þorsteinn
er frá Eyjum og þekkir því völlinn eins og lófann á sér og leið-
sögn hans um völlinn mun því eflaust gagnast einhverjum.
Leiðbeinandinn
ÞORSTEINN Hallgrímsson leiðbeinir hér ungum kylfingi. Hann mun
ekki leiðbeina mönnum mikið hvað varðar sveifluna á landsmótinu,
en hér segir hann keppendum hvernig best er að leika völlinn í Eyjum.
orsteinn segir að Vestmanna-
eyjavöllurinn sé bæði krefj-
andi og skemmtilegur og veðrið
geti sett stirk í reikninginn. „Völlur-
inn er þannig að menn geta verið
að leika á þremur til fjórum undir
pari á góðum degi en farið síðan
sex til átta högg yfir par ef illa
viðrar," segir Þorsteinn. Hann
bendir einnig á að mjög víða sé
mikilvægt að vera á braut í upp-
hafshöggunum því annars geti
menn lent í vandræðum. „Það þýð-
ir ekkert að rífa upp „dræverinn"
í tíma og ótíma á teig. Ætli menn
sér að skora vel verða menn að leika
með höfðinu og taka þá frekar járn
og slá aðeins styttra. Völlurinn er
fljótur að refsa mönnum lendi þeir
utan brautar í upphafshöggunum,"
segir meistarinn fyrrverandi.
Leikmenn meistaraflokks leika
af hvítum teigum, svokölluðum
„tigerteigum“, og miðast allar
vegalengdir við það hér á eftir. Af
þessum teigum eru fyrri níu holum-
ar 2.855 metra langar og parið er
35 en síðari níu eru 2.690 metrar
og par 35. Völlurinn er því 5.545
metra langur af meistarateigunum
og parið er 70.
1. braut, Blátindur, 397 m
Blátindur er erfíð hola til að byija
á, hún er löng par fjórir og það er
rnjög gott að fá par á henni. Það
er auðvitað mikilvægt að byija vel
því það gefur manni gott spark í
rassinn og ýtir manni áfram. Það
er þvi skynsamlegt að leika fyrstu
holuna af varfærni. Ef einhver vind-
ur er, sem við Eyjamenn vitum
reyndar varla hvað er, getur þessi
braut reynst mönnum mjög erfið.
2. braut, Fell, 133 m
Önnur holan er par þrír og þó
hún sé stutt, er frekar erfítt að
komast að flötinni. Glompurnar fyr-
ir framan flötina geta tekið marga
bolta og slái menn yfir hana, er
röffið erfitt hinum megin við flöt-
ina. Annað par er í góðu lagi.
3. braut, Hásteinn, 315 m
Þriðja holan er par fjórir. Frekar
lítið lendingarsvæði er fyrir boltann
úr upphafshögginu, en takist það
vel, eru góðir möguleikar á að fá
fugl, sem er hið besta mál. Upphafs-
höggið er mikilvægast, mistakist það
eru menn alls ekki í góðum málum.
4. braut, Langa, 530 m
Fjórða holan er par 5 og þetta
er skemmtilegasta par fímm holan
á landinu, og við erum þá að tala
um fastalandið líka. Hér verður
maður að ná góðu upphafshöggi á
brautina og annað höggið verður
líka að vera gott og þá geta menn
fengið fugl. Bregði eitthvað útaf í
öðru hvoru þessara högga geta
menn þakkað fyrir parið.
5. braut, Moldi, 324 m
Fimmta holan er erfið par fjórir.
Vinstra megin er hóll með grjóti í
og þar er vont að lenda. Hægra
megin er búið að setja glompu og
þar er ekki heldur gott að vera
þannig að best er að vera á braut
þama á miili. Flötin er hallandi og
erfið. Verði mótvindur megum við
þakka fyrir að ná inná braut í upp-
hafshögginu.
6. braut, Herjólfsbær, 308 m
Sjötta holan er par 4 og mjög
erfið. Teighöggið þarf að vera rétt
staðsett til að menn geti átt tiltölu-
lega auðvelt innáhögg. Fari teig-
höggið of langt til hægri eru menn
komnir útaf vellinum og klettar eru
vinstra megin þannig að hér er líka
gott að vera á brautinni. Ég veit
ekki hvernig röffið verður slegið,
en það hefur verið mikið í sumar
og þá er völlurinn miklu meira krefj-
andi en ella. Verði hins vegar búið
að slá allt röffíð, er völlurinn ekki
eins skemmtilegur.
7. braut, Kaplagjóta, 182 m
Sjöunda holan er góð par þijú
hola. Flötin er lítil og menn hafa
lítið svæði til að vinna með og því
hefur það talist gott að fá par hér.
Menn ættu að gæta sín á að vera
alls ekki vinstra megin við flötina
og alls ekki hægra megin og ekki
heldur að slá yfir flötina. Best er
auðvitað að vera á flötinni en ef
maður hittir hana ekki er skást að
vera aðeins of stuttur. Það er eini
möguleikinn til að ná pari.
8. braut, Fjósaklettur, 251 m
Fjósakletturinn er hola til að fá
fugl á. Hún er par fjórir og með
góðu teighöggi eru menn í mjög
góðu skotfæri fyrir fugl. Við eigum
möguleika á að komast inná flöt í
upphafshögginu og það er sjálfsagt
gott, en getur reynst hættulegt.
Best er að leggja uppað flöt í upp-
hafshögginu og vippa síðan í eða
nærri holunni. Þetta er auðveldasta
holan á vellinum samkvæmt forgjöf-
inni.
9. braut, Ormskot, 358 m
Níunda holan er par fjórir. Hætt-
urnar eru glompur hægra megin á
brautinni en að örðu leyti er þetta
þægileg hola þar sem menn eiga
að vera öruggir um par. Að vísu
eru glompur við flötina en þær eiga
ekki að þvælast fyrir mönnum.
10. braut, Hellar, 300 m
Eftir kaffið er gott að fá fugl á
tíundu braut sem er par fjórir.
Auðvitað eiga menn ekki að fara
inní skála eftir níundu holu, heldur
halda beint áfram. Við styttum
okkur leið yfir röffið vinstra megin
og ættum þá að eiga um 40 metra
eftir inná flöt. Menn mega alls ekki
vera hægra megin því þar geta
menn lent útaf, en að öðru leyti er
þetta þægileg hola til að fá fugl á.
11. braut, Olnbogi, 391 m
Olnboginn er bæði löng og erfið
par 4 hola. Ef boltinn fer í hjá
manni eftir fjórða höggið þakkar
maður innilega fyrir það. Hún er
þröng og ef maður nær góðu upp-
hafshöggi, eigum við um 150 til
160 metra eftir inná flöt. Ein
glompa er hægra megin við flötina
og þar vilja menn ekki vera og alls
ekki lengra til hægri, því þá lendir
maður í brekku sem ekki er gott
að slá úr.
12. braut, Hæna, 154 m
Hænan er par þrír. Hér skyldu
menn alls ekki vera vinstra megin
því þá geta menn lent útaf. Að öðru
leyti er þetta þægileg par þijú hola
sem á ekki að vefjast fyrir neinum.
13. braut, Borgir, 360 m
Þrettánda hola er ein erfiðasta
par fjórir braut á Islandi og erfið-
asta hola vallarins samkvæmt for-
gjöfinni. Skynsamlegast er að leika
með eitt til þijú járni af teignum
og eiga þá járn númer 3, 4 eða 5
til að ná inná flöt. Möguleiki er að
taka „dræverinn" á teignum en þá
er lendingarsvæðið mjög lítið og ef
maður hittir ekki á brautina þar
eru menn í vondum málum. Verði
maður of langt til vinstri er boltinn
útaf og á miðri braut er klettur sem
ekki er gott að lenda undir. Það eru
líka klettar hægra megin við flötina
og fyrir aftan hana þannig að það
er betra að vera of stuttur en of
langur.
14. braut, Ægisdyr, 122 m
Fjórtánda holan er mjög þægileg
par þijú, sem oft gefur fugl. Það
eina sem þarf að varast er að slá
ekki yfir flötina, því þá er voðinn
vís. Þetta er næstléttasta hola vall-
arins og ágætt að fá fugl á hana
eftir erfiða holu á undan.
15. braut, Hamar, 264 m
Þægindin eru ekki langvarandi
því fimmtánda holan er frekar stutt
par fjórir en hún er samt erfíð,
spilast alla vega oft þannig, og tal-
in næsterfiðasta hola vallarins. Atl-
antshafið er á vinstri hönd og
hægra megin eru menn útaf. Hægt
er að taka áhættuna og „dræfa“
af teignum en það er ekki skynsam-
legt. Best er að nota járn og vera
styttri og ná þá innað holu í öðru
og pútta einu sinni. Þar með er
kominn fugl.
16. braut, Höfn, 471 m
Sextánda holan er flott par fimm
hola. Sumir freistast og taka áhætt-
una og nota „dræverinn" á teignum.
Þá er ætlunin að komast inná flöt
í tveimur höggum. Til að slíkt tak-
ist þarf 250 metra upphafshögg á
flugi. Fari boltinn of langt til vinstri
er hann útaf og sama gildir slái
menn of langt hægra megin við flöt-
ina, auk þess sem það er tjörn fram-
an við flötina. Ætli menn inná flöt
í tveimur höggum þarf teighöggið
að vera mjög gott og hitta nákvæm-
lega á réttan stað á brautinni.
17. br., Mormónapollur, 138 m
Sautjánda holan er ekta hola til
að fá titring í hnén, sérstaklega séu
menn í baráttu um sigur. Hér er
lítil sem engin braut, klappir fyrir
fram flötina, vatn fyrir aftan og
glompur vinstra megin. Það kemur
því ekkert annað til greina en að
hitta flötina.
18. braut, Örn, 442 m
Síðasta holan er hola til að fá
fugl á. Möguleiki er að ná inná flöt
í tveimur höggum og fá þá fugl
með því að pútta eins og maður.
Brautarglompur eru á milli 9. og
18. brautarinnar og menn geta lent
í þeim, en hægramegin eru hólar
sem vont er að vera í. Af tvennu
illu er skárra að vera í glompunum.
Uppáhaldsholurnar
Svo mörg voru þau orð. Þorsteinn
var spurður hvort hann ætti sér
ekki einhveija uppáhaldsholu.
„Ætli ég verði ekki að fá að nefna
ijórar brautir, það er að segja 13.,
15., 16. og 17. Völlurinn er par 70,
en það veltur ótrúlega mikið á veðr-
inu hvernig menn skora á honum,"
sagði meistarinn fyrrverandi eftir
nokkra umhugsun.
Leikröð flokkanna á landsmótinu
ÞAÐ verða 265 kylfingar sem taka þátt í landsmótinu í golfí sem hefst
í dag í Vestmannaeyjum. Keppt er í fjórum flokkum karia og þremur
hjá konunum. 45 keppendur eru i meistaraflokki karla, 67 í 1. flokki
karla, 60 í 2. flokki karla og 67 í 3. flokki. í meistaraflokki kvenna
eru fímm keppendur, sjö í 1. flokki kvenna og 14 í 2. fiokki. Stúlkurn-
ar verða sem sagt aðeins 26 talsins.
I dag hefur 3. flokkur karla leik kl. 8 árdegis og það verður Mar-
teinn Guðjónsson, eldri kylfingur úr Eyjum, sem slær fyrsta höggið.
Þegar búið verður að ræsa alla keppendur í 3. flokki karla út verður
tekið til við að ræsa 2. flokk kvenna út.
A mánudaginn leika 2. og 3. flokkur karla, á þriðjudaginn 2. flokk-
ur kvenna, 1. flokkur kvenna, 1. flokkur karla og 2. flokkur karla,
alls 148 kylfingar. Miðvikudagurinn er erfiðasti dagurinn því þá keppa
205 kylfingar. Byijað verður á 3. flokki karla og síðan kemur meist-
araflokkur karla, þá meistaraflokkur kvenna, 1. flokkur kvenna, 2.
flokkur kvenna og loks 1. flokkur karla.
Fyrstu flokkar Ijúka keppni á fimmtudaginn, 3. flokkur karla og
2. flokkur kvenna. En byrjað verður að ræsa 2. flokk karla út og
síðan kemur meistaraflokkur karla, meistaraflokkur kvenna, 2. flokk-
ur kvenna og loks 3. flokkur karla.
1. flokkur karla hefur leik á föstudeginum og síðan kemur meistara-
flokkur karla, meistaraflokkur kvenna, 1. flokkur kvenna og 2. flokkur
karla. Síðasta daginn, á laugardaginn, byijar 1. flokkur karla, þá 1.
flokkur kvenna, meistaraflokkur kvenna og loks meistaraflokkur karla.
Margir koma til greina
M ARGIR hafa verið nefndir sem hugsanlegir íslandsmeistarar í
golfi, sérstaklega í karlaflokki. Flestir virðast sammála um að
keppnin verði mun jafnari í ár en oftast áður enda hafa bestu
kylfingar landsins verið að leika nýðg jafnt í sumar. Þegar Morg-
unblaðið bað Þorstein að nefna einhver nöfn komu nokkrar vöfl-
ur á kappan en síðan sagði hann. „Ég held að keppnin verði rosa-
lega jöfn, mun jafnari en mörg undanfarin ár. Það eru einir tólf
til fimmtán kylfingar sem ég gæti nefnt en ég held ég sleppi
því. Það hefur engan tilgang að tejja upp helminginn af þeim sem
leika í meistaraflokki.“
Kvennaflokkurinn verður eflaust líka jafn og skemmtilegur þó
svo keppendur séu aðeins fimm. Undanfarin ár hafa menn búist
við að Olöfu Mariu Jónsdóttur tækist að velgja Karenu Sævars-
dóttur aðeins undir uggum, en til þess hefur ekki komið. Ef
marka má spilamennsku stúlknanna í sumar er ekki óhugsandi
að nú sé komið að því að Karen verði að sjá af titlinum.