Morgunblaðið - 23.07.1996, Blaðsíða 8

8 B ÞRIÐJUDAGUR 23. JÚLÍ 1996
MORGUNBLAÐIÐ
QS® ATLAIMTA ’96
Sievinen
gaf eftir
ÓHÆTT er að segja að bar-
áttan um áttunda sætið í
A-úrslitum í 200 m skrið-
sundi karla á laugardaginn
hafi verið hnífjöfn. Að lok-
inni riðiakeppninni voru
Jani Sievinen frá Finniandi
og Bretinn Paul Palmer jafn-
ir - báðir höfðu synt vega-
lengdinaá 1.49,05 mínútum.
Til þess að fá úr því skorið
hvor kæmist áfram í úrslita-
sundið syntu þeir á ný. Finn-
inn byrjaði betur en Palmer
gaf hvergi eftir og þegar í
mark var komið sýndi klukk-
an að þeir hefði orðið jafnir
á ný, tírninn 1.48,89 mínútur.
Þetta þýddi það eitt að þeir
urðu að reyna með sér á ný
til að fá úr skorið hvor færi
í úrslit. En áður en til þess
kom ákvað Sievinen að
draga sig til baka og gefa
Palmer eftir sætið. Finninn
hefur í mörg horn að líta í
sundkeppninni og á eftir að
keppa í 200 og 400 m
fjórsudi og 200 m baksundi
síðar og vildi ekki eyða
kröftunum um of.

• • o.

-jkí-4
ift
m
Reuter
ÍRSKA sundkonan Michelle Smith sigraði í 400 metra fjórsundi í Atlanta á laugardag og varð
þar með fyrsta írska konan sem vinnur ólympíugull.
Smith skaut Eger-
szegi ref fyrir rass
I ichelle Smith frá írlandi sigr-
aði í 400 metra fjórsundi
kvenna í Atlanta á laugardag og
varð þar með fyrst írskra kvenna
til að vinna guil á Ólympíuleikum.
Smith hafnaði í einu af síðustu
sætunum í sama sundi á Ólympíu-
leikunum í Barcelona 1992 en sigr-
aði núna eina af sterkustu sund-
konum heims, Krisztinu Egerszegi
frá Ungveijalandi og setti nýtt
írskt met á fjórum mínútum og
39,18 sekúndum. Egerszegi hafn-
aði í þriðja sæti en bandaríska
stúlkan Allison Wagner fékk silfur.
Fyrir fjórum árum náði Smith
aðeins 26. besta tímanum í 400
metra fjórsundi og komst hvergi
nærri úrslitum í tveimur öðrum
greinum sem hún keppti í. Þrátt
M FJORSUND
fyrir það kom
hún heim frá
Barcelona með
mikinn feng -
núverandi eigin-
mann sinn,
kringlukastarann
Erik De Bruin.
Hann er nú í
banni vegna
ólöglegrar lyfja-
notkunar, en
hann hefur að sögn Michelle breytt
þjálfun hennar umtalsvert. Það er
óvenjulegt að sundmaður nái sínum
besta árangri á miðjum þrítugs-
aldri, en Smith er 26 ára gömul.
Hún var fljót að hrósa eiginmanni
sínum fyrir að hafa breytt þjálfun-
araðferðum sínum. „Honum hefur
Hrósaði eiginmanni
sínum fyrir að hafa
breytt þjálfunarað-
ferðum sínum
tekist að bæta
hlutum úr frjáls-
íþróttum inn _ í
þjálfun mína. Ég
lyfti meira núna
og ég er miklu
sterkari og létt-
ari á mér.“
De Bruin, sem
lenti í öðru sæti
á heimsmeistara-
mótinu í Tókýó
1991, var dæmdur í íjögurra ára
bann fyrir að vera með of mikið
magn testósteróns í líkamanum í
ágúst 1993. Hann hefur nú snúið
sér að því að auka hróður eiginkonu
sinnar á heimsvísu. Undir hand-
leiðslu hans æfir Michelle mun
meira á þurru landi. De Bruin var
á áhorfendapöllunum með foreldr-
um Smith við sundlaugina á laugar-
daginn. „Árið 1992 vissi Erik ekk-
ert um sund' en hann kunni ýmis-
legt um þjálfun. Grundvallaratriðin
eru alltaf þau sömu,“ sagði Mich-
elle Smith.
Michelle var í sundbol með
skálmum í sundkeppninni á laugar-
dag. „Þetta veldur minni mótstöðu
heldur en húðin,“ sagði Smith, „Ég
tel að þetta geri gæfumuninn fyrir
mig.“
Smith mun vera í baráttunni um
fleiri ólympíugull næstu daga því
hún mun keppa í 400 metra skrið-
sundi, 200 metra fjórsundi og 200
metra flugsundi. „Eg tel að ég eigi
mesta möguleika í 400 metra skrið-
sundinu," sagði Michelle Smith.
Irar í
sjöunda
himni
MARY Robinson, forseti
írlands, bar niikið lof á
Michelle eftir sigur henn-
ar í 400 metra fjórsundi.
„Hún er kjörin fyrir-
mynd fyrir allt ungt
íþróttafólk og sérstak-
lega fyrir írskar konur,“
sagði Robinson, en hún
braut sjálf ísinn í jafn-
réttisbaráttu írskra
kvenna er hún var kjörin
fyrsti kvenforseti ír-
lands. Fjölskylda Mich-
elle horfði á sundið á krá
í útjaðri Dyflinnar. Systir
Michelle, Sarah, opnaði
kampavinsflösku og
bróðir hennar, Brian,
grét af gleðijiegar Mich-
elle tryggði Irum fyrstu
gullverðlaun sín í sundi
á Ólympíuleikum.
Leiðtogi stjórnarand-
stöðunnar á Irlandi,
Bertie Ahern, átti varla
orð til að lýsa frammi-
stöðu írsku sundkonunn-
ar. „Ég er skýjum ofar,“
sagði hann. „Þetta er
stórkostlegt afrek.“
Félagar fengu gull og silfur
Reuter
TOM Dolan sigraði í 400 metra fjórsundi eftlr gífurlega mikla
baráttu við Eric Namesnik en þeir eru í Michiganháskóla.
Heimsmeistarinn Tom Dolan
sigraði í 400 metra fjórsundi
í fyrrinótt eftir gífurlega mikla
baráttu við Eric Namesnik en þeir
eru í Michiganháskóla, æfa saman
og hinir bestu vinir utan laugarinn-
ar. En enginn er annars bróðir í
leik og báðir ætluðu sér gullið.
Þeir voru nær samhliða allan tím-
ann en Dolan komst fram úr á síð-
ustu 50 metrunum. Kanadamaður-
inn Curtis Myden var fyrstur í flug-
sundinu en varð í þriðja sæti.
Dolan fór á 4.14,90 mín. en
heimsmet hans er 4.12,30. Name-
snik, sem var í öðru sæti á eftir
Ungveijanum Tamas Darnyi á HM
1991 og Ó1 1992, synti á 4.15,25
en Myden fékk tímann 4.16,28.
Namesnik, sem er 25 ára, féll sam-
an eftir sundið. Þetta var síðasta
keppni hans og enn einu sinni varð
hann að sætta sig við annað sæt-
ið. „Þú átt að vera hreykinn af því
sem þú hefur afrekað,“ sagði Jon
Urbanchek, þjálfari hans. Name-
snik var á eftir Dolan í Bandaríska
úrtökumótinu og á HM 1994. „í
þtjú ár hafa þeir verið samsíða á
stórmótum en á æfingum hefur
röðin venjulega verið á hinn veg-
inn,“ sagði þjálfarinn. Dolan sagði
að stundum syði upp úr hjá þeim
en Urbanchek neitaði sögum um
illindi þeirra á milli. „Mikil virðing
fyrir hvor öðrum hefur fylgt sam-
keppninni en ekki hefur verið um
neina pústra að ræða. Þegar þeir
fara upp úr lauginni eru þeir mjög
góðir vinir.“ „Það eru vonbrigði
að vera í öðru sæti,“ sagði Name-
snik. „Fólk segir mér að ég leiki
ávallt aðra fiðlu og ég kom hingað
til að vinna gull en ég var aðeins
á eftir.“
Sem barn átti Dolan sér þann
draum að verða Ólympíumeistari
og síðustu 50 metrana var ekki
að sjá að hann ætti við astma að
stríða en vegna sjúkdómsins varð
hann að sleppa æfingum fyrir
keppnina auk þess sem rakinn í
Atlanta hefur ekki gert honum
gott. „Öndunin var langt því frá
að vera góð og ég fann til í fót-
leggjunum síðustu 50 metrana.
Ég fékk ekkert súrefni. Hins veg-
ar er ég ánægður með að Eric var
þarna til að halda mér við efnið
en ég finn til með honum. En
þungu fargi er af mér létt og nú
verður ánægjan í fyrirrúmi," sagði
Dolan sem keppir einnig í 400 m
skriðsundi og 200 m fjórsundi.
„Samskipti okkar verða ánægju-
legri hér eftir því nú segi ég hon-
um hvað á að gera,“ sagði Name-
snik, sem tekur við þjálfarastöðu
hjá Michiganháskóla.