Morgunblaðið - 23.07.1996, Blaðsíða 20
ÍÞROmR
TORFÆRA
Sekúndubrot
réðu úrslitum
SEKÚNDUBROT réðu úrslitum í
fjórðu umferð íslandsmótsins á
Akranesi á laugardaginn. Einar
Gunnlaugsson frá Akureyri vann
í lokaþrautinni með því að ná
besta tíma í tímabraut og sigra
með tíu stigum, en sekúndubrot
skildu fremstu menn að í flokki
sérútbúinna jeppa. Tilþrifaverð-
laun hlaut Sigurður Axelsson.
sr
Urslitin kynda upp ísiandsmótið
fyrir síðustu umferðina sem
verður á Hellu í september. í báðum
flokkum eiga margir möguleika á
sigri. Gísli G. Jóns-
Gunnlaugur son ?r ®^ur að
Rögnvaldsson um 1 flokki serutbu-
skrifar inna jeppa með 65
stig, Haraldur Pét-
urssori 63 og Einar Gunnlaugsson
61. Sigurður Axelsson er síðan með
53. Allir eiga þeir góða möguleika á
titlinum. Haraldur hafði forystu að
stigum fyrir mótið á Akranesi, en
lenti aðeins í sjötta sæti. Fyrstu þrjár
þrautinar í mótinu voru eins og mal-
bikaður vegur er fyrir fólksbíl og
gerðu ekkert til að ögra ökumönnum.
Þetta þýddi að þijár síðustu þrautirn-
ar réðu úrslitum, sem gerði Iokaslag-
inn spennandi. Hinsvegar voru tilþrif
lítil, en kvöldið fyrir keppni rigndi
og gerði það að verkum að fyrstu
brautirnar urðu greiðfærari en ella.
„Fyrstu þrautirnar voru alltof léttar
og þá eru jepparnir að fara meira á
ausudekkjunum, en skófludekkjum.
Persónulega fínnst mér að það eigi
að banna ausudekk. Jeppamir stýra
illa og gripið er svo mikið að erfitt
er að búa til þrautir," sagði Gísli G.
Jónsson. „Ég hélt ég myndi ná betri
tíma í tímabrautinni, en siagurinn var
GOLF
harður um sigurinn. Það er sárt að
tapa með 10 stiga mun og maður
hugsar um það hvar maður hefði
getað farið sekúndu hraðar í tíma-
brautinni. Ég hefði kannski líka átt
að láta allt flakka í flórðu þraut, sem
var þó lúmsk í lokin. Ég er þó í for-
ystu til meistara og lokamótið verður
hrikalegur slagur,“ sagði Gísli. Hann
var í fyrsta sæti fyrir tímabrautina
með 1.410 stig. Skammt undan voru
Einar Gunnlaugsson og Ragnar
Skúlason með 1.390 stig. En sex
ökumenn hefðu hæglega getað unnið
í lokaþrautinni, jafnvel fleiri með mik-
illi heppni.
Ásgeir Jamil Allansson ók tíma-
brautina á 47,05 sekúndum, Einar
fór á 47,36, Gunnar 47,95, Gísli
48,09, Haraldur 48,63. Stigagjöfin
fyrir þrautina olli því að Einar skreið
10 stigum framúr Gísla. „Ég hugs-
aði mikið í tímabrautinni sem ég
hafði skoðað vel og vandlega. Ætl-
aði að ná góðum tíma. Eftir hveija
beygju hugsaði ég um að ég hefði
nú getað farið aðeins hraðar. Röflaði
heil ósköp við sjáifan mig, en mér
tókst að ná góðum aksturstíma, þeim
næstbesta. Það rétt nægði til sigurs,
engu mátti muna. Sekúndubrot réðu
sigrinum," sagði Einar. „Ég ákvað
að hafa skófludekk að framan og
ausudekk að aftan í þessari keppni
og réð betur við jeppann en áður.
Það var skemmtilegra að keyra en á
ausudekkjum allan hringinn. Sigur-
inn heldur mér volgum í slagnum
um að ná titlinum, sem Haraldur
náði af mér í fyrra. Ég virðist alltaf
sterkástur á lokasprettinum, vann
lokamótið í fyrra og verð að gera
það núna ef ég ætla að verða meist-
ari," sagði Einar.
Morgunblaðið/Gunnlaugur Rögnvaldsson
Tilþrifaverðlaun að venju
SIGURÐUR Axelsson hlaut verðlaun fyrlr bestu tilþrifin eins
og oft áður, og ekki að furða.
HALANDALEIKAR
Marteinn
sló uþp-
hafshöggið
LANDSMÓTIÐ í golfi hófst
í Vestmannaeyjum á sunnu-
daginn með því að Marteinn
Guðjónsson, Eyjapeyji á átt-
ræðisaldri, sló fyrsta högg-
ið. Á morgun hefja meistara-
flokkarnir keppni en mótinu
lýkur á laugardaginn. Kepp-
endur eru 265 talsins og víst
er um að mikið verður slegið
í Eyjum í vikunni. Búast má
við því að höggin nálgist 90
þúsund, en það eru 84,9
högg að meðaltali á hring á
keppenda. Búist er við jafnri
og spennandi keppni í meist-
araflokkunum og sjaldan
eða aldrei hafa eins margir
verið nefndir sem möguleig-
ir sigurvegarar. Björgvin
Sigurbergsson úr Keiii og
Karen Sævarsdóttir úr GS
eru núverandi meistarar. Á
myndinni má sjá Martein
Guðjónsson slá fyrsta höggið
á landsmótinu, kl. átta ár-
degis á sunnudaginn.
Morgunblaðið/Sigfús
Auðunn vann
KRAFTLYFTINGAKAPPINN
Auðunn Jónsson vann fyrsta
mótið af sex í hálandaleikum á
laugardaginn. Fjögur mót af sex
gilda til lokastiga og fara þau
fram víða um land. Fyrsta mót-
ið var á Akranesi og kepptu sex
valdir íþróttamenn þar í skota-
pilsum ífimm keppnisgreinum.
Keppendur voru úr ólíkum
íþróttagreinum, aflraunum,
vaxtarrækt, sleggjukasti, spjótkast
og lyftingum og þótti keppendum
ekkert verra að keppa í fijálslegum
skotapilsum. Hjalti Ursus vann tvær
greinar í mótinu, staurakast og lóðk-
ast, Unnar Garðarsson vann eina.
Auðunn lagði alla að velli í sleggjuk-
asti með sérhannaðri sleggju að
hætti skoskra og í því að kasta lóði
yfir rá. Hlaut Auðunn samtals 24,
Unnar 21 stig, Hjalti 19.
„Hálandleikarnir eru mjög ólíkir
minni aðalíþrótt, kraftlyftingunum,
en eru mjög góð æfíng fyrir mig.
Það er mjög gott fyrir íþróttamenn
að stunda annars konar æfingar
og íþróttir, skapar snerpu og lip-
urð. Varnar stöðnun í æfíngum. Svo
var ekki verra að vinna,“ sagði
Auðunn í samtali við Morgunblaðið
eftir keppnina á Akranesi. „Ég tek
þessu alvarlega og langar að ná
Islandsmeistaratitilinum í þessari
nýju keppnisgrein. Ég náði ekki að
endastinga staur í staurakasti, að-
eins Hjalti náði því í mótinu, en
mér tókst það hinsvegar á æfingu.
Það tekst vonandi á næsta móti sem
verður í Hafnarfirði um næstu
helgi. Ég held að mótin verði mjög
jöfn, það voru þrír mismunandi sig-
urvegarar í einstökum greinum og
allir geta unnið á góðum degi.“
„Það er óvenjulegt að keppa í
pilsi, en stemmningin er líflegri en
í kraftamótunum. Þetta er fin til-
breyting og góð æfing fyrir heims-
meistaramótið í kraftlyftingum í
haust. Þar stefni ég á að ná verð-
launasæti í réttstöðulyftu, hné-
beygju og bekkpressu. Ég hef þeg-
ar náð meiri þyngd en mótið vannst
á í Finnlandi í fyrra, þannig að ég
er hæfilega bjartsýnn á góðan
árangur," sagði Auðunn. Hann hef-
ur lyft 965 kg í samanlögðu, 235
kg í bekkpressu, 370 kg í hné-
beygju og 360,5 í réttstöðulyftu.
íþrmr
FOLK
■ GUNNAR Pálmi Pétursson vann
í flokki sérútbúinna götujeppa. Hann
er á eina jeppanum sem er skráður
á númerum, löglegur á götuna. Gunn-
ar er rheð 70 stig til meistara, Rafn
A. Guðjónsson og Sigurður Þ. Jóns-
son 63. Gunnar telur stuðning eigin-
konunnar Sigurborgar Svavars-
dóttur skipta miklu máli. Böm þeirra
Jón Vilberg og Pálmi Freyr mættu
á mótið með þeim hjónum.
■ HARALDUR Pétursson flytur
jeppa sinn og alla varahluti í gömlum
strætisvagni, hægri hringleið vagni
SVR sem hann hefur endursmíðað.
Rútan fór ekki í gang á heimleið og
svo virtist að eyðslan væri 300 lítrar
á hveija 100 km, eins og geimflaug,
sagði Haraidur.
■ UM síðir vaknaði vagninn gamli
og í ljós kom að eyðslan er líklega
„bara“ 100 lítrar af díselolíu á hveija
100 km. Þá hefur rútan verið haldin
strætisvagnaveiki. í fyrstu stoppaði
hún reglulega af eigin hvötum og
hrökk svo í gang. Greinilega vön
reglulegum biðstöðvum fyrrum hús-
bónda hjá SVR.
■ GUNNARI Egilssyni var vel
fagnað sem nýjum afa og þeim
yngsta í torfærunni á verðlaunaaf-
hendingu á Langasandi eftir keppni.
Hann er þriðji afinn til að keppa í
torfæru. Páll Þormar ók eina keppni
í fyrra og þá hefur Pétur Sigur-
björnsson einnig afi ekið í torfæru.
Hinsvegar verður Sæunn Lúðvíks-
dóttir kona Gunnars fyrsta amman
í íslenskri torfæru. Ung líka, aðeins
34 ára.
■ EINAR Gunnlaugsson ætlaði að
kaupa nýja spariskó til að keppa á
að venju. Ætlaði að fá íslenska skó
frá Skagaströnd sem hann þekkti
til en gat bara fengið lögguskó. Ein-
ar þáði það, en skórnir voru ekki
afgreiddir í tæka tíð. Hann notaði
því reynda spariskó úr vinnunni á
dekkjaverkstæði sínu, en hann er
jafnan í spariskóm. Jafnvel þegar
hann fer í veiði.
■ SIGURÐUR Axelsson hefur
staðið sig vel á árinu og er fjórði að
stigum. Hann ekur Fríðu Grace sem
skírð er eftir dóttur systur hans Sig-
rúnu Bragadóttur. Yfirbygging
jeppans er smíðuð úr plasti af
tengdaföður hans Markúsi
Markovic sem er bátasmiður. Jepp-
inn er nú einn sá dýrasti í torfær-
unni, en Sigurður hefur lagt mikla
fjármuni og vinnu í hann.
■ EINAR Gunnlaugsson heldur
sér í æfingu á ýmsan máta, viljandi
eða óviljandi. Fyrir ekki löngu skrapp
hann í bíltúr á Range Rover árgerð
1979 í sveitaferð upp á Mýrar fyrir
norðan. Eitthvað fór hann geyst á
gripnum sem hrundi hreinlega undan
torfærutöktum hans. Ferðafélagar
höfðu eggjað hann eitthvað. Einar
var ekkert að draga hann í bæinn,
seldi gripinn á staðnum fyrsta kaup-
anda sem veifaði seðlum símleiðis.
■ VIÐAR G. Sigþórsson á að baki
harmsögu vegna vélar sem hann
keypti í nýjan keppnisjeppa að utan
í vor. Hún hrundi í fyrstu keppni,
fúskaði svo í tveimur næstu. Á Akra-
nesi hrundi hún öðru sinni og var
föst fyrir lokaþrautina. Viðar ætlar
að endursenda vélina vestur um haf
og heimta nýja.
Staðan í torfærunni:
Árangur fjögurra móta telja. Einu
móti er ólokið, það verður á Hellu
7. september.
Sérútbúnir götujeppar
Gunnar P. Péturss.
Sigurður Þ. Jónss..
Rafn A. Guðjónss..
Gunnar Guðmund
Sérútbúnir. - jeppar
Gísli G. Jónsson..lí
HaraldurPcturss...2(
Einar Gunnlaugss..17 15
Sigurður Axelsson. ...15 10
Gunnar Egilsson...10 17
.13 20 17 20 70
.20 17 15 n 63
.17 11 20 15 63
.15 15 13 13 56
.13 20 15 15 65
.20 13 20 9 63
.17 15 9 20 61
.15 10 17 ii 53
.10 17 5 15 47