Morgunblaðið - 24.07.1996, Blaðsíða 4
4 D MIÐVIKUDAGUR 24. JÚLÍ 1996
MORGUNBLAÐIÐ
099 ATLAIMTA ’96
Eini Afganinn
varð of seinn
AFGANSKI hnefaleikarinn, Mohammed
Jawid Aman, hefur æft síðastliðin ár við
mjög frumstæð skilyrði í heimaborg sinni
Kabul, með það sem takmark að verða
fulltrúi þjóðar sinnar á Ólympíuleikunum
í Atlanta. Takmarkið var innan seilingar
og ljóst að hann yrði eini keppandi Afgan-
istans á leikunum. En draumur Amans
fékk mjög sviplegan endi sökum þess að
hann mætti of seint til leiks í Atlanta og
verður að bita í það súra epli að hafa ferð-
ast um langan veg með lítið fé á milli
handa og vera á meðal áhorfenda.
Umsjónarmaður hnefaleikakeppninnar
sagði á laugardaginn að Aman hefði seink-
að á ferð sinni til Atlanta og þess vegna
ekki mætt til vigtunar og þegar keppend-
ur drógu sér andstæðing I fyrstu umferð.
„Hann hefur farið fram á að fá undan-
þágu til keppni vegna seinkunar sem hann
varð fyrir í New York en reglunar eru
skýrar og hann verður ekki með,“ sagði
Karl-Heinz Wehrt framkvæmdastjóri Al-
þjóðasambands áhugamanna í hvefaleik-
um. „Úr því hann er svo auralítill að hann
gat ekki komið til Atlanta með góðum
fyrirvara gat hann í það minnsta látið
okkur vita um að honum seinkaði. Hann
gerði það ekki og verður að taka afleiðing-
unum af því,“ bætti Wehrt við.
Sigri fagnað
ÍRSKA stúlkan Michelle Smith, sem var óþekkt utan heimalands síns fyrir ÓL í Atlanta, fagnar hér sínum öðr-
um gullverðlaunum, með því að veifa til áhorfenda.
Michelle Smith
endurtók leikinn
Dularfullt
hvarf Mon-
gólanna
SVO virðist sem nokkrir íþrótta-
menn frá Mongólíu laumist út
fyrir ólympíuþorpið að næturlagi
til að blanda geði við bandaríska
nátthrafna. Pat Young, fylgdar-
maður Mongólanna í Atlanta,
sagði að íþróttamennirnir færu
út að næturlagi á golfbílum, en
þeir eru notaðir til samgangna
innan hins gríðarstóra ólympíu-
þorps, sem er staðsett á skólalóð
Tækniskóla Georgíuríkis. „Ég
veit ekki hvernig þeir fara að
þessu. Þeir fara út að skemmta
sér á golfbílunum og síðan koma
þeir aftur inn í þorpið án þess
að verðirnir taki eftir þeim.
Hvernig er hægt að keyra út úr
ólympíuþorpinu án þess að
sjást?"
Fámenn-
asta þjóðin
NAURU, sem er eyja í Suður-
Kyrrahafi, er fámennasta þátt-
tökuþjóðin á Ólympiuleikunum í
Atlanta. Þó svo að íbúar Nauru
séu aðeins átta þúsund gera þeir
sér vonir um verðlaun á Ieikun-
um. Keppendur á leikunum í
Atlanta eru 10 þúsund og því
fleiri en íbúar Nauru. Sex kepp-
endur eru frá þessu litla ríki, eða
0,075% íbúa. Til samanburðar
má geta þess að ef Kínverjar
sendu sömu prósentutölu íbúa
yrðu keppendur þaðan 800 þús-
und. Frægasti keppandi Nauru
er lyftingamaðurinn Marcus
Stephen, sem vann þrenn gull-
verðlaun á Friðarleikunum í
Victoriu í Kanada fyrir tveimur
árum. Stephen þekkir nær alla
íbúa Nauru. „Hann á alla vega
mjög raunhæfa möguleika á að
vinna til bronsverðlauna," sagði
Kennedy, sem er ástralskur en
fluttist til Nauru fyrir fimm
árum. Þessi fámenna þjóð gerðist
aðili að Alþjóða Ólympíunefnd-
inni fyrir tveimur árum og er
því með á Ólympíuleikum í fyrsta
sinn.
ÍRSKA stúlkan Michelle Smith
bætti ööru gulli í safnið þegar
hún sigraði í 400 metra skrið-
sundi í fyrrinótt en áður hafði
hún komið fyrst í mark í 400
metra fjórsundi. Þetta eru
fyrstu gull írlands í sundi á
Olympíuleikum en ekki gekk
átakalaust fyrir dömuna að fá
að vera með í seinni grein-
inni. Smith var ekki skráð í
sundið á réttum tíma - var
skráð í 200 m skriðsund en
þeirri skráningu var breytt
eftir sigur hennar í 400 m fjór-
sundi - en henni var hleypt
inn þó það stríddi gegn regl-
um Alþjóða sundsambands-
ins. Sundsambönd með
Bandaríkin og Þýskaland í
broddi fylkingar mótmæltu en
Smith, sem er 26 ára, kom,
sá og sigraði.
Eg reyndi að láta þetta ekki
“hafa áhrif á mig,“ sagði
Smith. „Ég hugsaði með sjálfri
mér að gæti ég synt gerði ég
mitt besta.“ Hún synti á 4.7,25
mínútum en Dagmar Hase frá
Þýskalandi, sem átti titil að veija
og fékk brons í 200 m skrið-
sundi, var í öðru sæti á 4.08,30.
Hollenska stúlkan Kirsten Vlieg-
huis synti á 4.08,70 og fékk brons-
verðlaunin. Janet Evans, sem á
fjóra ólympíutitla að baki en
komst ekki inn í úrslitasundið, á
heimsmetið frá Ó1 í Seoul 1988,
4.03,85.
Smith var óþekkt utan írlands
fyrir leikana og þátttaka hennar
í 400 m skriðsundinu vakti gremju
keppinautanna. „Ég fer eftir regl-
unum og hef komist að því að
réttlæti fylgir ekki lífinu," sagði
Evans um málið. „Þetta staðfesti
það.“ Smith sagði að málið væri
sér óviðkomandi en um væri að
ræða mistök hjá starfsmönnum.
„Aðalatriðið er að vera á Ólympíu-
leikum þar sem háttvísi á að ráða
ríkjum og mikilvægt er að allir fái
tækifæri. Ef reynt er að koma í
veg fyrir þátttöku einhvers vegna
atriða sem eru
ekki viðkomandi
að kenna er hátt-
vísi ekki höfð í
huga. Hvemig
getur einhver
sagst hafa átt
skilið að vinna til
verðlauna án
þess að hafa
keppt við alla í
heiminum?"
spurði hún og sagði að sú staða
hefði komið upp hefði henni verið
meinuð þátttaka. Hase varði
Smith. „Michelle synti mjög vel
og átti skilið að fá gullverðlaunin.“
„Ég varð að auka hraðann eftir
300 metra og stinga hinar af,“
sagði Smith um útfærslu sína.
„Þetta er ótrúlegt. Þegar ég sigr-
aði í fyrstu greininni vissi ég að
þó mér mistækist eftir það kæmi
ég engu að síður heim sem meist-
ari.“
Smith kynntist hollenska
kringlukastaranum Erik De Bruin
á Ólympíuleikunum í Barcelona
og er eiginmaðurinn frá því í júní
sem leið jafn-
framt þjálfari
hennar en hann
er í fjögurra ára
keppnisbanni
vegna lyfjami-
snotkunar. Hún
hefur eflst mikið
undir hand-
leiðslu hans og
neitaði að svara
spurningum um
lyfjamisnotkun eiginmannsins en
áréttaði að hún hefði aldrei neytt
ólöglegra lyfja. „Ég hef lagt mjög
mikið á mig og gefið mig alla í
þetta í þrjú og hálft ár. Það eina
sem ég geri er að borða, sofa og
æfa og þetta er árangurinn. Það
væri mjög heimskulegt fyrir
mann á lista.yfir 20 bestu að
neyta ólöglegra lyfja því lyfjapróf
eru tekin án fyrirvara, jafnvel
klukkan níu á sunnudagsmorgni
þegar viðkomandi er enn í náttföt-
unum.“
Evans
komst ekki
í úrslit
JANET Evans, fjórfaldur
ólympíumeistari frá Banda-
ríkjunum, komst ekki í A-
úrslit í 400 metra skriðsundi
á Ólympíuleikunum í gær.
Hún náði aðeins níunda sæti
í undanrásum og var þvi einu
sæti frá því að ná inn. Evans
vann guUverðlaun i 400 metra
skriðsundi í Seoul 1988 og
silfur á leikunum í Barcelona
fyrir fjórum árum. Hún sagð-
ist vonsvikin yfir því að ná
ekki að komast í úrslit og nú
yrði hún að einbeita sér að
þvi að verja ólympíutitiiinn í
800 metra skriðsundi.
Heimsmethafinn He Chong
frá Kína náði ekki að tryggja
sér sæti í úrslitum í 100 metra
baksundi. Hún varð heims-
meistari bæði í 100 og 200
metra baksundi á HM í Róm
fyrir tveimur árum þar sem
kínverskar stúlkur nældu í 12
af 16 gullverðlaunum sem
voru í boði. í undanrásum í
gær synti hún á 1.05,87 mín.
og hafnaði í 26. sæti af 36
keppendum, heimsmet henn-
ar er 1.00,16 mín. og var það
sett á HM1994.
„Hraðskreiðari" búningur
Liðin er sú tíð þegar einu gilti
um útbúnað keppenda í
sundi. Eitt sinn var talið nóg að
skella sér í sundfötin, stinga sér
í laugina og gera sitt besta með
það fyrir augum að sá hraðskreið-
asti sigraði. Nú hefur ný tegund
sundfatnaðar rutt sér til rúms,
en það er svokallaður Aquablade
sundbúningur. Hann hylur allan
búkinn og skálmar hans teygja
sig niður á hné. Hálsmálið líkist
þeim hálsmálum sem eru á venju-
legum stuttermabolum - ólíkt
þeim sundbolum sem tíðkast nú
til dags.
íþróttavöruframleiðandinn Spe-
edo varði milljónum dollara í að
þróa nýjan sundfatnað fyrir
Ólympíuleikana í Atlanta til að
hjálpa sundfólkinu við að raka
örfáa hundraðshluta af tíma sín-
um. Niðurstaða þróunarinnar var
Aquablade-sundbúningurinn sem
sjónvarpsáhorfendur hafa eflaust
orðið varir við.
Leyndardómurinn á bakvið
meinta velgengni búningsins ligg-
ur í áferð hans og röndum sem
greiptar eru ofan í búninginn. Þær
eru bæði grófar og fínar. Rendurn-
ar valda því að vatnið fer á mis-
munandi hraða um búninginn og
skapast um leið lóðrétt hringiða,
en hún veldur því að viðloðun við
vatnið verður minni.
Sundhettur hafa verið notaðar
í áratugi til þess að minnka viðloð-
un líkamans við vatnið. A miðjum
níunda áratugnum byijuðu sund-
menn að raka af sér líkamshárin
fyrir keppni til að draga úr mynd-
un loftbóla.
írska sundkonan Michelle
Smith, sem unnið hefur tvenn
gullverðlaun á Ólympíuleikunum í
Atlanta, sagði að Aquablade bún-
ingurinn skapaði minni mótstöðu
við vatnið heldur en húðin. Því
stærri hluta líkamans sem hann
hylur, því betra.
M SKRIÐSUND
Mótmæltu þátttöku
Smith, sem var
ekki skráð til leiks
á réttum tíma