Morgunblaðið - 27.07.1996, Blaðsíða 14

14 LAUGARDAGUR 27. JÚLÍ 1996
VIÐSKIPTI
MORGUNBLAÐIÐ
Ríkissjóður hefur endurfjármagnað 71% af 17,3 milljarða
króna innlausn spariskírteina frá árinu 1986
Stefnt að því að afla
5 milljarða innanlands
Endurgreiðsiur af innlendum
markaðslánum ríkissjóðs 1997 - 2015
Milljarðar króna ^ Lán frá 1986 sem var endurfjármagnað

m / Endurgreiðslur vegna endurfjármögnunar
m m ■ m
i m n ■ 11
1997 1998 1999 2000 2001 2002 2003 2004 2005 2006 2010 2015
LÁNASÝSLA ríkisins hefur nú
selt ríkisverðbréf fyrir um 12,3
milljarða króna í kjölfar innlausnar
á spariskírteinum frá 1986 að fjár-
hæð 17,3 milljarðar í byijun júlí.
Það sem upp á vantaði eða 5 millj-
arðar var greitt með erlendum
skammtímalánum, en stefnt er að
því að íjármagna innlausnina sem
mest á innlendum markaði til þess
að koma í veg fyrir þenslu innan-
lands af hennar völdum. Verður
það gert með hefðbundnum mán-
aðarlegum útboðum það sem eftir
er ársins, að því er fram kemur í
tilkynningu frá fjármálaráðuneyt-
inu.
Ríkissjóður sagði upp þremur
flokkum spariskírteina sem voru
gefin út árið 1986 og báru 8-9%
raunávöxtun. Þau áttu að endur-
greiðast árið 2000, en féllu til
greiðslu 1. og 10. júlí sl. vegna
uppsagnarinnar. Hafa eigendur
þeirra að langmestu leyti innleyst
þau, enda bera þau. ekki vexti eða
verðbætur eftir gjalddaga.
Eigendum innleystra spariskír-
teina var boðið að skipta á þeim
og nýjum ríkisverðbréfum, fyrst í
sérstöku skiptiútboði á verðtryggð-
um spariskírteinum og óverð-
tryggðum ríkisbréfum sem fram
fór 26. júní, en síðan með gildandi
markaðsvöxtum átímabilinu 1.-19.
júlí. Seldust spariskírteini fyrir um
6 milljarða, óverðti-yggð ríkisbréf
fyrir tæplega 2,8 milljarða og ríkis-
víxlar fyrir um 3,5 milljarða. Sam-
tals seldust því bréf fyrir um 12,3
milljarða, sem fyrr segir.
Sigurgeir Jónsson, forstjóri
Lánasýslu ríkisins, segir að sala á
ríkisverðbréfum til að mæta inn-
lausninni hafí gengið vel, en það
sé sérstaklega athyglisvert hversu
stór hluti sé endurfjármagnaður
með óverðtryggðum ríkisbréfum til
fimm ára.
Aðspurður hvað hefði orðið af
þeim 5 milljörðum sem upp á vant-
aði benti Sigurgeir á að mikið af
peningum væri ávaxtað í ríkisvíxl-
um í eigu innlánsstofnana. Þannig
væri ríkisvíxlaforði Seðlabankans
nú nánast uppurinn. Ríkisvíxlaeign
innlánsstofnana hefði vaxið um 6
milljarða fram til 19. júlí. Skilyrðin
til að afla lánsfjár á seinni hluta
ársins virtust vera góð, bæði vegna
þess að sumir lántakar hefðu flýtt
skuldabréfaútboðum, minni láns-
íjáreftirspurnar sveitarfélaga og
vaxtar á ráðstöfunarfé lífeyrissjóð-
anna. Þá benti hann á að áformuð
lántaka að fjárhæð 5 milljarðar á
síðari hluta ársins væri svipuð og
á sama tíma í fyrra.
Jafnari endurgreiðsla
innlendra lána
Sparnaður ríkissjóðs vegna
lægri vaxtaútgjalda en ella er
áætlaður rúmlega 2 milljarðar
króna sem dreifist á 3 ár. Við
uppgjör þessa árs á greiðslugrunni
munu hins vegar allir uppsafnaðir
vextir þessara spariskírteina koma
fram sem útgjöld, samtals tæpir
10 milljarðar króna. Rekstrarupp-
gjör ársins mun hins vegar sýna
lækkun vegna lægri vaxta ríkis-
sjóðs.
Fjármálaráðuneytið bendir
einnig á að með innlausn spariskír-
teinanna náist fram miklu jafnari
endurgreiðsla innlendra lána ríkis-
sjóðs, eins og sést á meðfylgjandi
súluriti. Að óbreyttu hefði stór
hluti af lánum ríkissjóðs fallið til
greiðslu árið 2000.
Næsta útboð á spariskírteinum
verður nk. miðvikudag, þann 31.
júlí.
Samið við Ármannsfell hf. um að annast breytingarnar í Borgarkringlunni
Kostnaður um
235milljónir
GENGIÐ hefur verið frá samning-
um við verktakafyrirtækið Ár-
mannsfell hf. um að það sjái um
framkvæmdir vegna fyrirhugaðra
breytinga í Borgarkringlunni auk
byggingar göngubrúar á milli
Húss verslunarinnar óg Kringl-
unnar. Verksamningurinn hljóðar
upp á 235 milljónir króna, að því
er fram kemur í frétt frá verkefn-
isstjórn Borgarkringlu.
Hönnun þessara breytinga er
nú á lokastigi en til stendur að
gjörbreyta aðgangi og ásýnd
Borgarkringlunnar frá því sem nú
er. 1. og 2. hæð hússins verður
breytt, verslunarrými stækkuð og
aukin áhersla lögð á afþreyingu.
Þá er fyrirhugað að byggja
þriggja sala kvikmyndahús við
húsið vestanmegin. Einnig verður
útliti Borgarkringlunnar breytt.
Þá verður smíðaður tengigang-
ur á milli Borgarkringlunnar og
Kringlunnar, bílastæði beggja
húsa verða samtengd og nýr inn-
gangur á norðurhlið Borgar-
kringlunnar tengdur bílastæðum
Kringlunnar. Auk fyrrnefndrar
göngubrúar, sem byggð verður í
samstarfi við Reykjavíkurborg,
verður smíðuð ný aðkeyrsla að 2.
hæð bílapalls Kringlunnar.
í fréttinni kemur fram að kapp-
kostað verði að framkvæmdir
þessar taki sem stystan tíma.
Breytingum á verslunarhæðum,
bílakjöllurum og utandyra á að
vera lokið í síðari hluta október,
en kvikmyndahúsið verður tekið í
notkun um áramótin.
■ m 1% * % ‘ 7
W ■ v. llllllll
Morgunblaðið/Ásdís
FRÁ undirskrift. í aftari röð (f.v.) Helgi S. Gunnarsson, Verk-
fræðistofu Stefáns Ólafssonar, Guðmundur Gunnarsson, Ólafur
Hauksson, og Sverrir Gunnarsson, Ármannsfelli. Við borðið
sitja Ármann Örn Ármannsson, framkvæmdastjóri Ármanns-
fells, og Einar I. Halldórsson, framkvæmdastjóri verkefnis-
stjórnar Borgarkringlu.
Sameinað blað Dags og Tímans verður bæði prentað á Akureyri og í Reykjavík
Allt efni sent
um símalínur
ÁKVEÐIÐ hefur verið að prenta
hið sameinaða blað Dags og
Tímans samtímis í Dagsprenti á
Akureyri og ísafoldarprentsmiðju
í Reykjavík. Verður það gert tii
að auðvelda dreifingu blaðsins og
tryggja að það berist í hendur
kaupenda snemma morguns.
Ritstjórnarskrifstofur blaðsins
verða á Akureyri og í Reykjavík
en aðalritstjórnin verður fyrir norð-
an. Að sögn Jóhannesar Reykdal,
tæknistjóra Frjálsrar fjölmiðlunar,
verður efni frá skrifstofunni í
Reykjavík sent með símalínu til
Akureyrar þar sem það verður
brotið um. Myndir og auglýsingar
frá Reykjavík verða sendar norður
um samnet Pósts og síma. Umbrot
og frágangur blaðsins verður í
heilsíðuumbroti og fer að öllu leyti
fram á Akureyri. Um leið og lokið
hefur verið við umbrot hverrar síðu
verður hún send til útkeyrslu og
plötutöku þar. Um leið verður hún
send á samnetinu suður í ísafoldar-
prentsmiðju, þar sem hún verður
keyrð út á sama hátt. Síðumar
koma þannig samtímis á prent-
plötu í Dagsprenti á Akureyri og
Isafoldarprentsmiðju í Reykjavík.
Einhver aukakostnaður
Jóhannes á ekki von á öðru en
vinnsla blaðsins gangi vel fyrir sig
þótt það verði unnið með þessum
hætti. „Það má segja að DV sé
nú þegar unnið með þessari að-
ferð. Blaðið er skrifað og brotið
um í Þverholti 11 en plötuunnið í
ísafoldarprentsmiðju í Þverholti 9.
Efnið er sent milli þessara tveggja
húsa með ljósleiðara og efnið í
nýja blaðinu verður sent frá Akur-
eyri til Reykjavíkur á svipaðan
hátt eða með samnetinu. Eini mun-
urinn er sá að fjarlægðirnar eru
mismunandi. Það fylgir því einhver
aukakostnaður að senda síðurnar
með þessum hætti og að prenta
út aukaeintök af filmum og plöt-
um. Við erum að reikna út hve
mikill sá kostnaður verður en ég
held að hann verði ekki teljandi,“
segir Jóhannes.
Lántökur
heimilanna
Bankalán
jukust um
5 millj-
arða
SKULDIR heimilanna við banka,
sparisjóði og innlánsdeildir kaupfé-
laga jukust um tæplega 4,9 millj-
arða á fyrri helmingi ársins eða um
8,1%. Námu skuldirnar alls um 65
milljörðum í lok júní, en þar af voru
tæpir 15 milljarðar íbúðalán en 50
milljarðar annað.
Þetta kemur fram í nýjum pen-
ingamálatöflum Seðlabankans yfir
þróun mála í bankakerfinu. Eiríkur
Guðnason, seðlabankastjóri, segir
að heimilin séu greinilega viljug til
að auka sín lán. Seðlabankinn hafi
áður vakið athygli á því hvað heimil-
in séu orðin skuldsett og það komi
á óvart að þau vilji enn auka sínar
lántökur. Það hljóti að mótast af
bjartsýni um efnahagsástandið.
Fyrirtæki hafa sömuleiðis aukið
við lán sín á árinu. Lán þeirra í
bankakerfinu námu alls tæpum 131
milljarði í lok júní og höfðu aukist
um 6,3 milljarða eða 5,1%.
Lán, endurlán og útgáfa mark-
aðsverðbréfa innlánsstofnana
hækkuðu samtals um tæp 6% á
fyrri helmingi ársins.
Það einkennir ennfremur stöðu
peningamála um þessar mundir að
erlendar eignir Seðlabanka hafa
aukist umtalsvert og kröfur á ríkis-
sjóð lækkað, að sögn Eiríks. Þetta
er að hluta til vegna erlendrar lán-
töku á árinu, en má einnig rekja
það til batnandi stöðu ríkissjóðs.
-----------» ♦ ♦-----
Risarsemja
um stafrænt
sjónvarp
Bonn. Reuter.
ÞÝZKI útgáfurisinn Bertelsmann og
fjölmiðlajöfurinn Leo Kirch hafa
leyst ágreining sinn um stafrænt
sjónvarp og náð samkomulagi um
samræmdan afruglara.
Kirch sagði í yfirlýsingu að hann
og Bertelsmann væru sannfærðir
um að „það sé í þágu viðskiptavina
okkar og þróunar markaðar fyrir
stafrænt áskriftarsjónvarp að bjóða
upp á samræmdan afruglara og eins
tæknikerfi." Bertelsmann gaf út
svipaða yfírlýsingu.
Kirch og Bertelsmann hafa ólíka
afruglara og stefnt hefur í árekstra,
sem samkomulagið mun afstýra.
Einnig var tilkynnt að stafrænt
sjónvarpsfyrirtæki Bertelsmanns,
Club RTL, mundi nú bjóða efni um
DFl kerfi Kirchs. „Þannig mun sam-
keppnin á vettvangi stafræns sjón-
varps færast frá tæknisviðinu yfír á
svið dagskrárgerðar," sagði Kireh.
Murdoch með í spilinu
Vangaveltur um að einn liður í
samkomulagi Bertelsmanns og
Kirchs verði í því fólginn að fjöl-
miðlajöfurinn Rupert Murdoch
eignist hlut í eina áskriftarsjónvarpi
Þýzkalands, Premiere, hafa reynzt
réttar. Kirch sagði að í ráði væri
að Bertelsmann, Canal Plus og
BSkyB í Bretlandi, sem fyrirtæki
Murdochs á 40% í, mundu eiga 25%
hver í Premiere.
Canal Plus kvaðst hins vegar
ekki hafa samið um að selja BSkyB
12,5% af 37,5 hlut sínum í Premi-
ere. Viðræður stæðu enn yfir. Sem
stendur á Bertelsmann 37,5% og
Kirch 25%. Bertelsmann og Kirch
sögðu að Premiere mundi einnig
hefja stafrænar sjónvarpssending-
ar, sumpart með eigin kerfi og sum-
part með DFl kerfi.