Morgunblaðið - 27.07.1996, Blaðsíða 18

18 LAUGARDAGUR 27. JÚLÍ 1996
MORGUNBLAÐIÐ
ERLENT
Málshöfðun
vegna bókar
um launmorð
JAMES E. Periy keypti sér bók
um það hvernig ætti að gerast
launmorðingi árið 1992 og gerð-
ist sekur um þijú morð árið
1993. Nú liggur fyrir dómara í
Maryland í Bandaríkjunum að
skera úr um hvort sækja eigi
útgefanda bókarinnar, „Laun-
morðingi: Tæknilegur leiðarvísir
fyrir sjálfstæða verktaka", til
saka fyrir að ýta undir þennan
glæp.
Yrði prófmál um
tjáningarfrelsi
Fari svo að dómarinn dómtaki
málið yrði um að ræða prófmál,
sem varðar þá viðbót bandarísku
stjórnarskrárinnar, sem fjallar
um tjáningarfrelsi. Málið hefur
verið höfðað á hendur forlaginu
Paladin Press. Forseti þess, Pet-
er C. Lund, segir að bókina eigi
ekki að taka alvarlega.
Perry, sem dæmdur hefur
verið til dauða og bíður þess að
dómnum verði fullnægt, er sagð-
ur hafa farið eftir 27 ráðlegging-
um í bókinni þegar hann myrti
móður, fatlaðan son hennar og
hjúkrunarkonu sonarins. Hann
skaut konurnar milli augnanna
og tók öndunarvél drengsins úr
sambandi.
Fyrrverandi eiginmaður kon-
unnar og faðir drengsins réð
hann til verksins. Vonaði faðir-
inn að hann mundi erfa 113
milljónir króna, sem sonur hans
hafði unnið í skaðabótamáli
vegna læknamistaka. Faðirinn
var dæmdur í lífstíðarfangelsi.
Fjölskyldur fórnarlambanna
hafa höfðað mál og farið fram
á skaðabætur á þeirri forsendu
að það hafi verið ætlun höfundar
að kenna að fremja morð. Bókin
er skrifuð undir dulnafninu Rex
Feral, sem merkir konungur
villidýranna, og er ekki vitað
hver er höfundur hennar.
Bókin er 130 síður og kostar
um 700 krónur. Hún hefur selst
í 13 þúsund eintökum frá því
hún var gefin út árið 1983.
Paladin er lítið forlag í Boulder
í Colorado og selur aðallega
bækur í póstkröfu.
Meðal annarra bóka sama for-
lags eru: „21 leið til að myrða
hljóðlaust", „Vertu þinn eiginn
útfararstjóri: Hvernig á að losna
við lík“ og „Hin forna kyrking-
arlist“.
Ýmsir verja
forlagið
Ýmsir hafa orðið til að veija
forlagið, þar á meðal Samtök
bandarískra dagblaða, Samtök
bandarískra ljósvakamiðla og
Samtök bandarískra útgefenda,
sem farið hafa fram á að málinu
verði vísað frá.
Lögfróðir menn segja að
ásetningur skipti sköpum í þessu
máli.
„Þeir auglýsa þessa bók sem
leiðarvísi um það hvernig á að
fremja glæp,“ sagði Michael
Fenner, sérfræðingur í stjórnar-
skránni og lagaprófessor við
Creighton-háskóla í Omaha í
Nebraska, í samtali við frétta-
stofuna Associated Press.
Tim Gleason, aðstoðardeildar-
forseti blaðamannaskóla Oreg-
on-háskóla, sagði að málsóknir
af þessu tagi rynnu allajafna út
í sapdinn.
„ímyndið ykkur hvað það
myndi hafa hrikaleg áhrif ef
hver einasti höfundur yrði gerð-
ur ábyrgur fyrir verknuðum,
sem eru framdir eftir lestur orða
þeirra," sagði Gleason.
Reuter
Grönn „gyðja“ á sýningu í London
DEE Halligan, sýningargestur
á Gabriel Orozco-sýningunni á
ICA-safninu í London, rýnir inn
um glugga klassískrar Citroen-
bifreiðar, sem Orozco hannaði.
Bifreiðin var skorin í þrennt
eftir endilöngu og miðhlutinn
fjarlægður. Að því loknu voru
hlutarnir, sem eftir stóðu, settir
saman. Bifreið þessi hefur oft
verið kölluð „gyðjan“. Hún heit-
ir Citroen DS og eru stafirnir
bornir fram „déesse“, sem er
hljóðlíking franska orðsins fyrir
gyðju.
Yítisengill skot-
inn í fangelsi
Kaupmannahöfn. Reuter.
NIELSEN hefur farið fyrir
dönskum Vítisenglum þrátt
fyrir að hann sitji í fangelsi.
ÆÐSTI maður mótorhjólagengis-
ins Vítisenglanna í Danmörku
liggur nú á sjúkrahúsi, eftir að
hópur vopnaðra manna réðist inn
í fangelsi þar sem hann afplánar
dóm, og skaut á hann. Stríðs-
ástand hefur geisað á milli mótor-
hjólagengja í Skandinavíu, fyrst
og fremst Vítisenglanna og Bandi-
dos, sem hafa verið að hasla sér
völl á Norðurlöndum.
Jorn Jonke Nielsen afplánar
dóm fyrir morð í fangelsinu í Jyd-
erup, um 70 km frá Kaupmanna-
höfn, en það er svokallað opið
fangelsi. Fjórir árásarmenn rudd-
ust yfir girðingu umhverfis fang-
elsið um kl. 2 aðfararnótt fimmu-
dagsins, komust inn í bygginguna
um glugga og skutu sér leið inn
í klefa Jonke Nielsens, sem var í
fastasvefni. Hann var skotinn í
tvívegis í kvið og í handlegg, áður
en mennirnir vörpuðu hand-
sprengju fram á ganginn og flýðu
á braut.
o
©
Ertu ckS fara í
lerðakig?
fyrir aftanívagninn
aJL
í_______________
á meban þú bíburí
Fjoórin i fararbroddi i -tO ar
Skeifunni 2 sími: 588-2550
Kröfur um
öryggisfangelsi
Umfangsmikil leit stendur nú
yfir að árásarmönnunum. Þá hefur
árásin orðið til þess að ítreka kröf-
ur um að félögum í mótorhjóla-
gengjum, sem afplána dóma, sé
haldið í öryggisfangelsum. Engin
gæsla er við hlið fangelsisins í
Jyderup um nætur.
Jonke Nielsen afplánar nú sext-
án ára dóm fyrir morðið á leiðtoga
Bullshit-mótorhjólagengisins árið
1984. Hann kemur oft fram í fjöl-
miðlum sem talsmaður Vítisengla
og berst ennfremur ákaft fyrir því
að aðstaða fanga verði bætt.
Mamma
má ég lifa?
hringdu í síma 897 4608
Messías Fríkírkja
Viltu styrkja auglýsinguna?
0303-03-218941