Morgunblaðið - 28.07.1996, Blaðsíða 1
88 SÍÐUR B/C/D
170. TBL. 84. ÁRG. SUNNUDAGUR 28. JÚLÍ 1996 PRENTSMIÐJA MORGUNBLAÐSINS
Tveir biðu bana og 110 særðust í sprengingu í Ólympíugarðinum í Atlanta í fyrrinótt
Viðbrögð einkennast af
mikilli vantrú og reiði
- Ekki vitað hverjir stóðu að sprengingu
- Engir Islendingar slösuðust í tilræðinu
Atlanta. Reuter.
ALÞJÓÐAÓLYMPÍUNEFNDIN tilkynnti í gær að Ólympíuleikunum yrði
haldið áfram, þrátt fyrir sprengjutilræði í Ólympíugarðinum í miðborg Atl-
anta í fyrrinótt, sem kostaði tvo lífið og særði 110 manns. Var fórnarlam-
banna minnst með einnar mínútu þögn á öllum íþróttaleikvöngum þar sem
keppni fór fram í gær og fánar allra þátttökulanda voru dregnir í hálfa
stöng. Bandaríska alríkislögreglan telur að um hryðjuverk hafi verið að
ræða og hefur kallað til sérfræðingana sem rannsökuðu sprengingarnar í
World Trade Center og stjórnsýslubyggingunni í Oklahoma til að rannsaka
málið. Þá staðfesti hún að tvær sprengjur til viðbótar hefðu fundist í garðin-
um. Engar vísbendingar hafa komið fram um hver hafi komið sprengjunni
fyrir. Sprengingin er geysilegt áfall fyrir Bandaríkjamenn, sem hafa lagt
mikla áherslu á öryggisgæslu á leikunum og hefur hún nú enn verið hert.
Mikillar vantrúar og reiði gætir í
Atlanta vegna sprengjutilræðisins
sem ónejtaniega hefur varpað
skugga á Ólympíuleikana. Létu bæði
íþróttamenn og gestir á leikunum í
ljós ótta um öryggi sitt í kjölfar
hennar og sögðust nokkrir íþrótta-
mannanna myndu minnast leikanna
með sorg í hjarta.
Einföld rörasprengja
Talið er fullvíst að um svokallaða
rörasprengju hafi verið að ræða en
henni hafði verið komið fyrir í
Ólympíugarðinum, almenningsgarði
í miðborg Atlanta. Sprengjan er sögð
einföld að gerð og á allra færi að
gera hana. Rokktónleikar stóðu yfir
þegar sprengjan sprakk, kl. 1.25 að
staðartíma, og var mikill mannfjöldi
í garðinum.
Lögreglumaður, sem kallaður hafi
verið á vettvang vegna óláta á með-
al áhorfenda, tók eftir grunsamleg-
um pakka við hljóð- og ljósaturn í
garðinum. Hafði hann samband við
sprengjusérfræðinga, sem voru með
tiltækt lið í garðinum, og var þegar
hafist handa við að rýma svæðið.
Sprengjan sprakk hins vegar áður
en það hafði tekist. Ekki er vitað
hver eða hverjir stóðu að sprenging-
unni en lögregla hefur m.a. fengið
í hendur filmur frá sjónvarpsstöðv-
um og fólki sem var á staðnum, og
framkallar þær í von um að finna
einhvetjar vísbendingar.
Þá var hringt í neyðarlínu'na 911
nokkrum mínútum áður en sprengj-
an sprakk og tilkynnt um hana.
Fjöldi slíkra hringinga hefur borist
undanfarna daga og hafa þær allar
verið teknar alvariega.
Einn maður beið samstundis bana
í sprengingunni og annar lést á
sjúkrahúsi af völdum hjartaáfalls.
Tugir manna lágu slasaðir í garðin-
um, nokkrir alvarlega, en sprengju-
brot þeyttust í allar áttir. Algert
öngþveiti ríkti fyrstu mínúturnar,
að sögn sjónarvotta, er menn reyndu
að koma hinum slösuðu til aðstoðar
á sama tíma og mannfjöldinn rudd-
ist skelfingu lostinn úr garðinum.
Sögðu Atlanta öruggasta
stað á jarðríki
Miklar öryggisráðstafanir hafa
verið í kringum Ólympíuleikana í
Atlanta og hafa um 30.000 manns
sinnt öryggisgæslu á þeim. Lög-
regluaðgerðin er sú umfangs-
mesta í sögu Bandaríkjanna á friðar-
tímum og stærðu yfirvöld í Atlanta
sig af því að þessir Ólympíuleikar
yrðu þeir öruggustu í sögu leikanna
og Atlanta-borg öruggasti staður á
jarðríki.
Ólympíugarðinum má hins vegar
líkja við martröð öryggisvarða, þar
sem útilokað er að leita á öllum sem
þangað koma og starfa. Talið var
að um 50.000 manns hefðu verið í
garðinum á kvöldin en hann er eini
opni vettvangur Ólympíuleikanna. Á
öllum öðrum stöðum sem leikunum
tengjast hefur venð leitað gaum-
gæfilega á fólki. Ólympíugarðurinn
og næsta nágrenni hans voru girt
af en ætlunin var að opna garðinn
að nýju er lögregla hefði leitað af
sér allan grun þar.
Reuter
MIKIL skelfing greip um sig
í Ólympíugarðinum er spreng-
ingin varð og öngþveiti skap-
aðist er fólk ruddist út. á sama
tíma og sjúkraflutningamenn
komu slösuðum til hjálpar.
Samúel Örn Erlingsson nærri sprengjustað
„Þakka mínum sæla“
Atlanta. Morgunblaðið.
ENGINN Islendingur slasaðist
þegar sprengjan sprakk í Ólymp-
íugarðinum aðfaranótt laugar-
dagsins en Samúel Örn Erlings-
son, íþróttafréttamaður ríkissjón-
varpsins, var staddur aðeins fáeina
metra frá.
Samúel hafði nýlokið vinnu í
fréttamannamiðstöðinni og var á
leið heim á hótel. „Ég gekk inn í
garðinn þar sem rokktónleikar
stóðu yfir og segja má að það sé
algjör tilviljun að ég var ekki á
staðnum þar sem sprengjan
sprakk þegar það gerðist," sagði
Samúel Örn í samtali við Morgun-
blaðið skömmu eftir atvikið. „Tón-
listin var svo falleg að ég var að
hugsa um að stoppa þarna um
stund, en í staðinn fyrir vinstri
beygju í átt að sviðinu fór ég til
hægri og var kominn 40 til 50
metra í burtu þegar sprengingin
varð. Ég þakka mínum sæla fyrir
að Jónas Tryggvason (sem einnig
er á vegum RUV í Atlanta) hafði
gleymt einhveiju á hóteiherbergi
mínu og ætlaði að hitta mig til
að ná í það. Ég var nýbúinn að
tala við Jónas og kunni ekki við
að láta hann bíða. Ákvað því að
fara heim strax frekar en stöðva
þarna um stund.“
Samúel sagði fólki hafa brugðið
mjög við sprenginguna. „Hávaðinn
var mikill en ég varð ekki var við
neinn þrýsting. En fólk var greini-
lega mjög óttaslegið.“
Alltaf með
annan fót-
inn í fram-
tíðinni
16
BJÖRNINN STRANDIRNAR
ÍBÚKAREST í RLÖÐINU