Morgunblaðið - 01.08.1996, Blaðsíða 7
MORGUNBLAÐIÐ
___________________________________FIMMTUDAGUR 1. ÁGÚST 1996 7
FRÉTTIR
Fræðslumiðstöð Reykjavíkur tekur til starfa
Starfssviðið
tekurtil 2.200
starfsmanna
í DAG tekur Fræðslumiðstöð
Reykjavíkur til starfa í kjölfarið á
flutningum grunnskóla frá ríki til
sveitarfélaga. Starfssvið Fræðslu-
miðstöðvarinnar tekur til 2.200
starfsmanna og fjörutíu fræðslu-
stofnana. Árleg velta er um fimm
milljarðar króna, eða um þriðjung-
ur af fjárhagsáætlun Reykjavíkur-
borgar. Þijátíu grunnskólar eru í
Reykjavík með um fjórtán þúsund
nemendur.
Gerður G. Óskarsdóttir,
fræðslustjóri Reykjavíkur, segir
að hjá borginni hafi verið unnin
mikil undirbúningsvinna og að
nokkru leyti verða lagðar nýjar
áherslur. „Við vinnum að áætlun
um einsetningu allra grunnskóla í
Reykjavík fyrir árið 2003, leng-
ingu skóladagsins og auknu sam-
starfi við ýmsa þá sem sinna list-
og tómstundastarfi ungs fólks.
Einnig verður lögð áhersla á sam-
starf við foreldra enda er það mik-
ilvægur hluti nýrra grunnskóla-
iaga.“
Fræðslumiðstöðin mun sinna
starfi sem áður var unnið af
Skólaskrifstofu Reykjavíkur,
Fræðsluskrifstofu Reykjvíkur,
menntamálaráðuneytinu og fjár-
málaráðuneytinu. Starfsemin
skiptist í þrjú svið: Þróun, þjón-
ustu og rekstur.
Sigrún Magnúsdóttir, borgar-
fulltrúi og formaður skólamála-
ráðs Reykjavíkur, segist vonast til
að hagkvæmni aukist við það að
málefni grunnskóla komast á einn
stað. „Það er óneitanlegra einfald-
ara þegar húsnæðis- og starfs-
mannamál skólanna eru á sama
stað, en áður skiptust þau mál
milli ríkis og sveitarfélaga.“ Sig-
rún segir að rólega verði farið í
allar breytingar á skipulagi skóla-
mála og fyrsta árið verði kannað
hvernig nýja fyrirkomulagið reyn-
ist. „Þróunarsvið Fræðslumið-
stöðvarinnar mun vinna starf sem
hingað til hefur vantað, en það
er að vinna úr upplýsingum um
skólamál og vinna að áætlana-
gerð. Nú verður því meira um
langtímaáætlanir í skólamálunum
en var áður.“
Starfsmönnum Fræðsluskrif-
stofu og Skólaskrifstofu var öllum
boðin vinna hjá nýju stofnuninni
og meirihluti þeirra þáði. Heildar-
frjöldi starfsmanna verður nánast
sá sami og sá sem áður vann að
þessum störfum en yfirmönnum
Íkuei
8 SSSI
MIÐBÆJARSKÓLINN verður að mestu færður í sama horf og var 1947 en þá voru nokkuð um-
fangsmiklar breytingar gerðar. Aðgengi fatlaðra verður nú bætt og eldvarnaskilrúm sett upp.
Morgunblaðið/Þorkell
SIGRÚN Magnúsdóttir, borgarfulltrúi og formaður Skólamála-
ráðs Reykjavíkur, og Gerður G. Óskarsdóttir fræðslustjóri kanna
framkvæmdir í Miðbæjarskólanum og ræða við iðnaðarmenn.
fækkar dálítið, að sögn Gerðar
G. Óskarsdóttur.
Fræðslumiðstöðin verður til
húsa í gamla Miðbæjarskólanum
við Fríkirkjuveg og deilir þar hús-
næði með Námsflokkunum. Nú er
verið að gera skólann upp og er
gert ráð fyrir að framkvæmdum
ljúki árið 1998. Vegna deilna sem
orðið hafa um framkvæmdir við
húsið tekur Gerður fram að farið
sé með mikilli gát. „Enginn vegg-
ur í húsinu verður rifínn, meira
að segja hurðarhúnarnir verða í
upgrunalegri mynd.“
Á Árbæjarsafni verður í dag
opnuð sýning á gömlum munum
og myndum úr Miðbæjarskólan-
um. Ætlunin er að gamlar ljós-
myndir úr skólanum verði síðar í
móttökuherbergi Fræðslumið-
stöðvarinnar.
DRESS
MANN
FIMMTUDAG FRA 09 - 20. FOSTUDAG FRA 09 - 20. LAUGARDAG FRA 10-14. LAUGAVEGI 18 B - REYKJAVIK