Morgunblaðið - 01.08.1996, Blaðsíða 13

MORGUNBLAÐIÐ
AKUREYRI
í’TMMTUDAGUR 1. ÁGÚST 1996 13
Morgunblaðið/Kristján
INGVI Þór Björnsson rafvirki
tekur niður merki Vöruhússins.
Merki
Yöruhússins
tekið niður
MERKI Vöruhúss KEA hefur
verið tekið niður en eins og fram
hefur komið er KEA að hætta
rekstri verslunar í Vöruhúsinu.
Tölvutæki Bókval hefur tekið
húsnæði Vöruhússins á leigu til
10 ára og auk þess keypt hljóm-
deild KEA. Fyrirtækið tekur við
rekstri hljómdeildar í dag 1. ág-
úst.
Kaupfélag Eyfirðinga hefur
rekið verslanir í húsnæði sínu í
Hafnarstræti frá því að flutt var
þar inn árið 1930.1 ársbyrjun
1973 var gerð sú breyting að öll
verslun í húsnæði félagsins að
Hafnarstræti 91-95 skyldi fram-
vegis rekin sameiginlega sem
eitt deildaskipt Vöruhús. Undan-
skilin voru þó matvöruverslun
og lyfjabúð. Undir Vöruhúsinu
voru því á þessum tíma járn- og
glervörudeild, vefnaðarvöru-
deild, skódeild, herradeild,
teppadeild, rit- og leikfangadeild
og hljómdeild.
-----♦ ♦ ♦---
Tuborgdjass
Hilmar og Jim
Black leika
nýjan djass
HILMAR Jensson gítarleikari og
Jim Black trommuleikari leika nýj-
an djass á Tuborgdjassi Listasum-
ars og Café Karolínu í Deiglunni í
kvöld, fimmtudagskvöldið 1. ágúst
og hefjast þeir kl. 21.30.
Þeir félagar léku þar síðasta
sumar ásamt saxófónleikaranum
Chris Speed við góðar undirtektir.
Þetta er í fimmta sinn sem Jim
Black sækir Íslendinga heim, en
hann er búsettur í New York. Hann
hefur komið fram á öllum helstu
djasshátíðum Bandaríkjanna og
Evrópu. Hilmar sendi frá sér geisla-
disk síðastliðið haust og er nú á
leið til New york til tónleikahalds
og upptöku á nýjum diski.
Sumartónleikar
á Norðurlandi
Danskur
fiðluleikari
á ferðinni
í FJÓRÐU tónleikaröð Sumartón-
leika á Norðurlandi kemur góður
gestur frá Danmörku, fiðluleikarinn
Elisabeth Zeuthen Schneider. Hún
heldur tónleika í Reykjahlíðarkirkju
við Mývatn laugardaginn 3. ágúst
kl. 21 og Akureyrarkirkju næst-
komandi sunnudag, 4. ágúst kl. 17.
Á efnisskránni eru verk eftir
Sergeij Prokofíew, Áskel Másson,
Andres Nordentoft og J.S. Bach.
Elisabeth Zeuthen Schneider
nam við Det. Kgl. Danske Musik-
konservatorium í Kaupmannahöfn
og var við framhaldsnám í Banda-
ríkjunum. Hún hefur verið einleik-
ari með helstu hljómsveitum Dan-
merkur frá árinu 1981 og hlotið
fjölda viðurkenninga og verðlauna
fyrir leik sinn.
Hún leikur á fiðlu sem smíðuð
er árið 1701, af Giovanni Grancino
í Milanó.
Sumartónleikar á Norðurlandi
eru nú haldnir tíunda sumarið í röð
og verða tónleikarnir í Reykjahlíð-
arkirkju hinir fertugustu í tónleika-
röðinni í Mývatnssveit.
-----♦■■■♦—♦--
Hafnarframkvæmd-
ir í Ólafsfirði
Heimamaður
átti lægsta
tilboð
FIMM tilboð bárust í hafnarfram-
kvæmdir í Ólafsfirði, sem boðnar
voru út á vegum Hafnasamlags
Eyjafjarðar nýlega. Tilboðin voru
opnuð í vikunni og það lægsta átti
heimamaðurinn Árni Helgason.
Framkvæmdin sem hér um ræðir
nefnist; „Brimvörn - sjóvörn -
flóðavörn“ og í verkinu felst m.a.
að endurraða tæplega 6.000 m3 af
gijóti og framleiða og raða um
10.670 m3 til viðbótar. Bæði er um
viðgerð og nýframkvæmd að ræða.
Kostnaðaráætlun hljóðaði upp á
rúmar 23,5 milljónir króna en tilboð
Árna var upp á rúmar 15,7 milljón-
ir króna eða um 67% af kostnaðar-
áætlun. Rögnvaldur Árnason á
Sauðárkróki bauðst til að vinna
verkið fyrir tæpar 15,8 milljónir
króna og Jarðverk hf. á Dalvík
bauð rúmar 18,2 milljónir króna.
Tvö tilboðanna voru yfir kostnaðar-
áætlun.
Samkvæmt útboði skal verkinu
lokið eigi síðar en 15. nóvember nk.
Tólf mánaða fangelsi
fyrir kynferðisbrot
ÞRÍTUGUR karlmaður hefur í Hér-
aðsdómi eystra verið dæmdur í 12
mánaða fangelsi fyrir kynferðis-
brot.
Maðurinn var ákæður fyrir að
hafa frá miðju ári 1987 og fram á
siðari hluta árs 1990 á þáverandi
heimili sínu margsinnis farið hönd-
um um kynfæri dóttur sambýlis-
konu sinnar, sem fædd er árið 1983.
Jafnframt að hafa látið hana fara
höndum um getnaðarlim sinn, aðal-
lega á heimili þeirra en einnig í
eitt skipti við útihús í eigu afa og
ömmu stúlkunnar.
Einnig var maðurinn ákærður
fyrir að hafa farið frám á við félaga
sinn að hann bæri ranglega fyrir
lögreglu og dómi að hann hefði
ekið bíl á leiðinni frá Dalvík áleiðis
til Akureyrar. Lögregla hafði af-
skipti af ákærða í bifreið sinni í
tiltekið skipti.
Skýlaus játning ákærða fyrir
dómi, sem var í samræmi við önnur
gögn málsins, eins og vitnafram-
burð, taldi dómurinn sannað að
ákærði hafi gerst sekur um þá hátt-
semi sem honum var gefin að sök.
Brot mannsins eru alvarlegs eðlis,
segir í dómi og þegar til þess er
litið að hann m.a. misnotaði aðstöðu
sína og trúnaðartraust ungs sam-
búðarbarns þótti refsing hans hæfi-
lega ákveðin 12 mánaða fangelsi.
Þá var ákærða gert að greiða allan
sakarkostnað, saksóknaralaun í rík-
issjóð, 100 þúsund krónur og máls-
varnarlaun til veijanda síns, 100
þúsund.
uu|ui114 ipunpfs