Morgunblaðið - 01.08.1996, Blaðsíða 48

48 FIMMTUDAGUR 1. ÁGÚST 1996
MORGUNBLAÐIÐ
Tommi og Jenni
Ljóska
Ferdinand
Smáfólk
TE5, MAAM..I5THIS A I BE6
5P0RT5 MEPICINE PLACE? YOUR
ELBOW HURT5 FR0M PARU0N?
PITCHIN6 8A5EBALL.. '—r
ffsl
5HE WANT5 TO KNOIa) A80UT
'fOUR'HMO'...ANP DO YOU
HAVE A REFERRAL FROM VOUR
PRIMARV CARE PHY5ICIAN?
Já, frú ... er þetta sjúkra- Hvað Hún vill vita hvort þú ert með M átt við mömmu mína?
skýli? Mér er illt í olnbogan- segirðu? tilvísun frá skólalækninum?
um eftir að kasta í homa-
bolta...
BREF
TIL BLAÐSINS
Kringlan 1103 Reykjavík • Simi 5691100 • Símbréf 569 1329
• Netfang: lauga@mbl.is
Um fáfræði og
fordóma íslenskra
kotkarla og kerlinga
Frá Svavari Knúti Kristinssyni:
KÆRU lesendur. Undanfarna mán-
uði hef ég fylgst með þeirri um-
ræðu sem staðið hefur yfir um stöðu
samkynhneigðra í sköpunarverki
almættisins. Svo virðist mér á öllu
að Guð hafi hreinlega ekki skapað
„hýra fólkið" heldur hafi Kölski
sjálfur sett þau á jörðina til að gera
okkur hinum; eðlilega, fallega,
góða, gagnkynhneigða, ljóshærða
og bláeyga fólkinu, lífið leitt. Virð-
ist mér sem Jesús Kristur sjálfur,
boðberi umburðarlyndis og ástar-
kærleiks vesturheims, horfi með
vanþóknunaraugum á þessi vil-
luráfandi afstyrmi og óski þeim
einskis heitar en eilífðardvöl í víti-
seldi. Þau eiga sér hvergi viðreisnar
von nema þau snúi aftur af þessum
hræðilegu þyrnum stráðu villigöt-
um. Samkynhneigðir eru hreinlega
skömm heimsins og þeim verður
að útrýma ef við hin hreinu, fal-
legu, ljóshærðu og bláeygu lömb
Guðs ætlum að eiga einhverja von
á himnavist. Ekkert pláss í Himna-
ríki fyrir mórauða sauði eða svarta.
Já, fagrar eru hugsjónir þessara
réttsýnu og sannkristnu manna,
sem bera, hvert sem þeir fara, kynd-
il umburðarlyndis og bræðrakær-
leiks. Já, þessi tískubylgja kynvill-
unnar verður að enda. Hommarnir
skulu frelsast eða farast ella. En
hver er sá Guð sem þetta boðar?
Þetta hlýtur að vera sami Guð og
sá sem fyrir u.þ.b. 200 árum hélt
því fram að svertingjar væru óæðri
kynstofn og þá skyldi þrælka og
réttlætti með sínu orði að brenna
fólk á báli fyrir hina fjölbreyttustu
fjölkynngi. Líklega líka sami Guð
og nú hvetur Serba til að tortíma
Múslímum í Bosníu í hinni nýju
krossferð. Þetta er guðinn okkar.
Guðinn sem lýsir eina tegund ástar
annarri æðri. En það er ekkert
nýtt, í fyrstu mósebók, sem stórir
hlutar vestrænnar siðmenningar
taka ennþá fram yfir þróunarkenn-
ingu Darwins, lýsir Guð einmitt
yfir andúð sinni og vanþóknun á
því að neyta og rækta grænmeti
og ávexti en velþóknun sinni á slátr-
un sauðkindar og annarra húsdýra.
Hann mismunar sonum sínum og
veldur þannig bróðurmorði Kains á
Abel. Þetta er svei mér góður Guð.
Ég fell hreinlega í stafi yfir gæsku
hans og réttlæti. Mér sýnist þó frek-
ar að misgóðir menn hafi lagt hon-
um Guði orð í munn. Haukur Már
Helgason skrifaði réttilega í grein
sinni þ. 12. maí sl. að siðferðisvit-
und okkar verði að standa á sterk-
ari grunni en mörg þúsund ára
gömlum sögubókum og Guðs lamb-
ið Árni Hilmarsson skrifar honum
réttilega til baka að vestræn sið-
menning standi einmitt á þessum
brauðfótum bókmenntanna. Þar
sannar Árni Hilmarsson einmitt til-
gátu Hauks. Því siðferði þjóðfélags-
ins í dag stafar minnst hætta af
ást á milli karl- og kvenmanna,
heldur vaxandi ofbeldi og stríðum
í nafni trúarinnar. Biblían elur ein-
mitt á því að við skulum tortíma
óvinum okkar, reyni þeir að halda
sinni trú. Nei, vestrænu samfélagi
stafar lítil hætta af „hýra fólkinu".
Því stafar hætta af Biblíunni sjálfri
og þeim fordómum sem hún eiur
á. Gefið mér frekar þjóðfélag byggt
upp á sammanlegum skilningi og
skynsemi. Þá getum við öll lifað
hamingjufyllra lífi.
Með kveðju, yðar einlægur.
SVAVAR KNÚTUR KRISTINSSON,
nemandi við Menntaskólann
í Hamrahlíð.
Landmælingar
Islands
Frá Guðjóni Þorkelssni:
FLESTIR stjórnmálaflokkar hafa
verið með það á stefnuskrá sinni
að flytja ríkisstofnanir út á land.
Fyrrverandi ríkisstjórn hafði flutn-
ing ríkisfyrirtækja út á land í stjórn-
arsáttmála sínum. Núverandi ríkis-
stjórn hefur lýst þeirri stefnu sinni
að dreifa ætti ríkisstofnunum um
landið. Það ætti því ekki að koma
á óvart að Guðmundur Bjarnason,
umhverfisráðherra, hafi ákveðið, í
samráði við ríkisstjórn íslands, að
flytja Landmælingar íslands, en
fyrir starfsmenn Landmælinga get-
ur þessi ákvörðun skiljanlega verið
erfið. Akranes var sá staður sem
varð fyrir valinu og tel ég gott stað-
arval þó svo ekki skipti öllu hvar á
landinu stofnunin sé staðsett því
allstaðar eru myndsendar, tölvur
og símar sem þarf til að dreifa
upplýsingum milli staða.
Flestir landsmenn búa á höfuð-
borgarsvæðinu. Engu að síður
verða borgarbúar að taka fullt tillit
til þess að landið allt þarf á fjöl-
breytni í atvinnustarfsemi að halda
og Reykjavík er ekki sjálfkosin til
að halda hjá sér störfum sem öll
þjóðin á hlutdeild í.
Það er von mín að full sátt verði
um þessa ákvörðun Guðmundar
Bjarnasonar umhverfismálaráðherra
og að hún verði rökrétt framhald
af vilja stjórnvalda til að sýna fullt
jafnræði með öllum þegnum þessa
lands.
GUÐJÓN ÞORKELSSON,
Þúfusel 1, Reykjavík.
AUt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.