Morgunblaðið - 02.08.1996, Blaðsíða 4

4 FÖSTUDAGUR 2. ÁGÚST 1996
MORGUNBLAÐIÐ
FRÉTTIR
Engin áfallahjálp á
vegum Stígamóta
Skipuleggj-
endur úti-
hátíða vilja
ekki borga
STÍGAMÓTAKÓNUR verða ekki
með áfallahjálp á útisamkomum um
verslunarmannahelgina eins og þær
hafa gert undanfarin ár.
Halldóra Halldórsdóttir, starfs-
kona Stígamóta, segir það hafa ver-
ið stefnu samtakanna að gera það
að hluta af útihátíðapakkanum að
Stígamótakonur séu þar til staðar
til þess að veita veita fórnarlömbum
nauðgana áfallahjálp, en það dæmi
hafí því miður ekki gengið upp.
Halldóra segir að Stígamótakonur
hafí farið fram á að þeir sem haldi
útihátíðir borgi lágmarks greiðslu
fyrir þessa aðstoð svipað og þeir
borga fyrir aðra gæslu á hátíðunum.
Að sögn Halldóru hefur þessi áróður
þeirra ekki skilað sér. Nú séu Stíga-
mót fyrst og fremst með fræðslu-
og forvarnastarf meðal unglinga á
leið á útihátíðir og dreifí ásamt sjálf-
boðaliðum úr Hinu húsinu vegg-
spjöldum og bæklingum með kjör-
orðinu „Nei þýðir nei“.
Morgunblaöið/Árni Sæberg
Gróður í mestum blóma
í GRASAGARÐINUM í Laugardal sinna
þær María Erla og Ólöf gróðrinum, sem
er í sem mestum blóma um þessar mund-
ir. Garðyrkjufræðingar segja gróðurinn
óvenju fljótan til í ár, jafnvel þremur vik-
um til mánuði fyrr en venjulega. Senni-
lega er það mildum vetri og góðu vori
að þakka, því ekkert var um síðbúin
skyndifrost.
Engin alvarleg vandamál í gær vegna uppsagna heilsugæslulækna
Gunnar Ingi
Gunnarsson
Aukið álag á hjúkrunar-
fræðinga heilsugæsiustöðva
Morgunblaðið/Ámi Sæberg
STJÓRN Félags heimilislækna og samninganefnd heilsugæslulækna fóru yfir stöðuna í
kjaraviðræðunum í gær.
EKKI er vitað til þess að nein alvar-
leg vandamál hafí komið upp í heil-
brigðisþjónustunni í gær þrátt fyrir
að um 120 heilsugæslulæknar hafi
látið af störfum. Þó er Ijóst að álag
á hjúkrunarfræðinga, sérstaklega á
heilsugæslustöðvum, hefur aukist
verulega en þeir þurfa m.a. að
meta bráðatilfelli sem upp kunna
að koma. Talsvert meira annríki var
á bráðamóttökum sjúkrahúsa á höf-
uðborgarsvæðinu í gær og fyrrinótt
en vant er.
Á fundi stjórnar Félags heilsu-
gæslulækna með samninganefnd
lækna í gær var m.a. rætt um þá
ákvörðun Félags heimilislækna að
hafna samvinnu við yfirvöld um
skipulag neyðarþjónustu. Að sögn
Gunnars Inga Gunnarssonar, for-
manns samninganefndar, líta lækn-
ar m.a. svo á að það hafí hingað
til verið mat landlæknis og stjóm-
valda að ekkert neyðarástand væri
í aðsigi vegna uppsagna heilsu-
gæslulækna. „Ég er viss um að
læknar myndu endurmeta þetta
mál, komi upp neyðarstaða," sagði
hann.
Röskun á læknisþjónustu ekki
komin fram af fullum þunga
Fulltrúar landlæknisembættisins
og héraðslæknisins í Reykjavík
heimsóttu í gær nokkrar heilsu-
gæslustöðvar og bráðamóttökur
sjúkrahúsanna í Reykjavík til að
kynna sér ástandið. Matthías Hall-
dórsson aðstoðarlandlæknir sagði
greinilegt að sú röskun sem upp-
sagnir læknanna veldur væri ekki
komin fram af fullum þunga. Engin
sérstök vandamál hefðu komið upp
en ýmsir skipulagslegir hnökrar,
sem nú væri verið er að lagfæra.
„Ég hef einnig verið í sambandi
við nokkra staði úti á landi og þar
kom fram að þetta hefði gengið
allvel. Hlutirnir ganga erfiðar fyrir
sig en venjulega en þó kannski bet-
ur en við höfðum átt von á.“
„Hjúkrunarfræðingar eru við
störf á öllum heilsugæslustöðvun-
um og þær sinna því sem í þeirra
valdi stendur. I flestum tilvikum er
um að ræða háskólamenntaða
hjúkrunarfræðinga með margra ára
reynslu. En álagið á þær hefur
aukist," sagði hann.
Unnt að afgreiða lyf fyrir
tilmæli hjúkrunarfræðinga
Meðal þeirra álitamála sem kom-
ið hafa upp vegna uppsagna lækn-
anna er útgáfa lyfseðla en lyíja-
fræðingum er heimilt að afhenda
lyf án framvísunar lyfseðla í neyð-
artilvikum fyrir tilmæli hjúkrunar-
fræðinga. „Við höfum litið svo á
að ef hjúkrunarfræðingur metur
það svo að sjúklingur geti ekki
fengið skrifað upp á lyfseðil hjá
lækni geti viðkomandi sjúklingur
farið í apótek með tilmæli frá hjúkr-
unarfræðingi, sem hafa leyfi til að
skoða skýrslu sjúklings til að sjá á
hvaða lyfjum hann er og geta veitt
svokallaða framhaldslyfjameðferð
ef um algera nauðsyn er að ræða.
Sjúklingurinn fær þá afhentar
minnstu pakkningarnar af viðkom-
andi lyfí en gallinn er sá að í slíkum
tilvikum þarf sjúklingurinn að
greiða lyfíð að fullu. Við erum að
reyna að fá því breytt, og verður
það væntanlega gert með reglu-
gerðarbreytingu, þannig að sjúk-
lingur fái lyfið á sömu kjörum og
eins og ef læknir hefði skrifað upp
á lyfseðilinn," sagði Matthías.
Takmarkað ungbarnaeftirlit
Ungbarnaeftirlit lækna á flestum
heilsugæslustöðvum fellur niður
næstu daga, þar sem litið er svo á
að ekki sé um nein bráðatilfelli að
ræða. Landlæknir sendi dreifibréf
til heilsugæslustöðvanna þar sem
fram kom að hjúkrunarfræðingar
gætu að verulegu leyti séð um ung-
bamaeftirlit eins og þeir hafa gert
í reynd í mörgum tilfellum.
Matthías kvaðst gera ráð fýrir
að læknar yrðu til staðar á öllum
útihátíðum um verslunarmanna-
helgina eins og verið hefur á undan-
fömum ámm og ef upp kæmu til-
felli sem læknar á mótssvæðunum
réðu ekki við, yrðu viðkomandi
sendir á nálæg sjúkrahús, þar sem
læknar eru að störfum.
Héraðslæknar af öllu landinu
hafa verið boðaðir á fund með land-
lækni og fulltrúum heilbrigðisráðu-
neytis í dag til að fara yfir stöðuna
og ræða viðbúnað yfír verslunar-
mannahelgina.
Læknar fengu ekki tækifæri
til að leggja fram gagntilboð
Á fundi stjórnar Félags heimilis-
lækna og samninganefndar félags-
ins í gær var farið yfir stöðuna í
viðræðunum við ríkið. „Ég benti
læknunum á að mér hefði þótt það
sérkennilegast af öllu að samninga-
nefnd ríkisins kaus að ræða í tvo
daga um formlegheit og sleit í raun
fundi á þessum forsendum án þess
að ganga úr skugga um hversu
mikið bil er á milli aðila í hinum
efnislegu viðræðum, því við fengum
ekki tækifæri til að leggja fram
gagntilboð okkar,“ sagði Gunnar
Ingi Gunnarsson.
Samninganefnd ríkisins hefur
boðið læknunum svipaðar hækkanir
og samið hefur verið um við aðra
hópa og telur að kröfugerð lækna
sé tugum prósenta hærri en ríkið
er tilbúið að fallast á. „Við höfum
ekki farið fram á neitt annað en
að leiðrétta okkar stöðu innan
BHM. Ef það bil hefur skapast á
milli okkar og þeirra sem mest hafa
borið úr býtum í samningum sínum
við þessa sömu samninganefnd sem
mælist upp á tugi prósenta, þá er
það fyrst og fremst lýsing á því
hversu alvarleg okkar staða er í
kjaramálunum. Bilið skapast ekki
vegna neins annars en þess að
samninganefnd ríkisins hefur gert
betri samninga við aðra en lækna.
Þetta vildum við leiðrétta í viðræð-
um okkar við þá, fyrst og fremst
með vísan til þess að okkar staða
var þannig á sínum tíma að við
vorum hæstir en nú höfum við hrap-
að,“ sagði Gunnar Ingi.
Stefna ráð-
herra en
ekki samn-
ingur
GUNNAR Ingi Gunnarsson, for-
maður samninganefndar heilsu- f
gæslulækna, segir um álit Sérfræð-
ingafélags lækna og formanna sér- :
greinafélaga, fyrr í vikunni, þar sem j
samkomulag heilbrigðisráðherra og
heilsugæslulækna er harðlega gagn-
rýnt, að það sé alger misskilningur
að sú stefna sem heilbrigðisráðherra
kynnti á sínum tíma, væri samning-
ur milli lækna og ráðuneytisins.
„Við eyddum nokkrum mánuðum
í viðræður við ráðuneytið, þar sem
við lýstum því hvers konar ástand
væri í heilsugæslunni á landsvísu,
og þó sérstaklega í Reykjavík og }
hugmyndir okkar um hvernig ætti i
fyrst og fremst að standa að því að
tryggja heilsugæsluna í nútíð og
framtíð. Á þeim grunni leggur ráðu-
neytið síðan fram stefnu til framtíð-
ar í heilbrigðisþjónustu utan spítala,
sem er tímamótaplagg. Heilsugæsl-
an er grunnþjónusta og öryggisnetið
í heilbrigðisþjónustunni utan spítala
og er okkar starfsvettvangur. Auð- .
vitað er þetta mál sem okkur varðar •
en það var ráðherrans að koma með )
stefnuna, og hana styðjum við,“ i
sagði hann.
■ Samráð þarf/21
♦ ♦ ♦
Friðrik Sophusson
Þarf að skýra
eignarrétt i
„Ég er sammála því að það þurfí
að setja reglurtil að að skýra eignar-
rétt að hálendinu eins og Hæstirétt-
ur hefur kallað eftir,“ sagði Friðrik
Sophusson, fjármálaráðherra, og
varaformaður Sj álfstæðisflokksins.
Hann sagðist hins vegar ekki
hlynntur því að á svæðum þar sem
ljóst væri að einstaklingar ættu eign-
arréttinn yrðu sett lög um að tak-
marka eignarrétt þeirra með því að
ríkið slái eign sinni á t.d. háhita-
svæði án þess að bætur komi fyrir.
\
i
>