Morgunblaðið - 07.08.1996, Blaðsíða 7

MORGUNBLAÐIÐ
Q9P ATLANTA ’96
MIÐVIKUDAGUR 7. ÁGÚST 1996 D 7
o v
Bev-
ilacqua á
yfir höfði
sér bann
HÁSTÖKKSKEPPNI
kvenna var merkileg fyrir
margra hluta sakir. For-
ráðamenn íþróttamála önd-
uðu eflaust léttar þegar
Ijóst varð að ítalska stúlkan
Antonella Bevilacqua næði
ekki á verðlaunapall.
Ástæðan er að svo gæti
farið að hún yrði sett í
bann vegna lyfjamisnotk-
unar. Á móti í mai greind-
ust ólögleg efni hjá henni,
en hún neitar staðfastlega
að hafa neytt ólöglegra
lyfja. Takist henni ekki að
sanna það á hún yfir höfði
sér þriggja mánaða bann.
Fari svo hefðu verðlaunin,
hefði hún unnið til þeirra,
verið tekin af henni. For-
ráðamenn fijálsíþrótta-
mála vörpuðu öndinni því
eflaust léttar er Ijóst varð
að hún náði ekki á verð-
launapall, en tæpara mátti
það ekki standa, aðeins
tveimur sentimetrum.
Ottey með
sjö verð-
launapeninga
MERLENE OTTEY var í
bronssveit Jamæku í 4x100
metra boðhlaupi kvenna og
vann þar með sín sjöundu
verðlaun á Ólympíuleikum
og jafnaði þar met tveggja
fótfrárra kvenna frá því
fyrr á öldinni, þeirra Shir-
ley Strickland de la Hunty
frá Ástralíu og Irenu Kirsz-
enstein Szewinska frá Pól-
landi.
Reuter
Ur banni, beint á pall!
OHIOMA Ajunwa frá Nígeríu kom öllum ð
óvart í langstökkinu, stökk 7,12 metra í
fyrstu tilraun og þaö dugöl til sigurs.
Nígeríustúlka kom beint úr banni og hlaut gull
Reuter
Stefka Kostadinova tvíbættl ólympíumetið. Gríska stúlkan
Niki Bakogianni (mynd til hliðar) setti upp hefðbundinn lárvið-
arsveig eftir að hún hafði tryggt sér silfrið, öllum á óvart.
Loksins
fékk
Kostad-
inova
gull
Stefku Kostadinovu frá Búlgaríu
tókst Joksins að hreppa gull-
verðlaun á Ólympíuleikum, hún sigr-
aði í hástökki kvenna og setti ólymp-
íumet þegar hún stökk 2,05 metra.
Önnur varð gríska stúlkan Niki
Bakogianni og bronsið hlaut Inha
Babakova, sem stökk 2,01 metra.
Hástökkskeppnin hefur sjaldan
eða aldrei verið eins spennandi og
jöfn. Fimm stúlkur komust yfir 1,99
og hafa aldrei verið eins margar.
Kostadinova fór alltaf yfir í fyrstu
tilraun þar til ráin var komin í 2,05
metra, þá þurfti hún tvær tilraunir.
Hún lét síðan hækka rána í 2,10
metra og gerði þrjár tilraunir til
að bæta eigið heimsmet um einn
sentimetra, en það tókst ekki að
þessu sinni.
Kostadinova, sem er 31 árs göm-
ul, tók nú þátt í
þriðju Ólympíu-
leikum sínum,
varð önnur í Seo-
ul og fjórða í
Barcelona. Sig-
urinn er henni ef
til vill enn kærari
þar sem ekki eru
nema tvö ár síð-
an hún eignaðist sitt fyrsta barn.
Keppnin var á
laugardaginn og
þá voru sjö ár
síðan hún setti
heimsmetið,
uppá dag, og því
hefði verið gam-
an fyrir hana að
bæta það, en það
tókst ekki.
Gríska stúlkan Niki Bakogianni
kom verulega á óvart í keppninni,
enda aldrei verið nærri því að vera
meðal þeirra bestu í stórmóti. Þegar
hún kom til Atlanta hafði hún
stokkið yfir 1,97 metra en sagðist
vera í góðu formi og lofaði löndum
sínum því að setja grískt met með
því að stökkva yfir 1,99 metra. Það
tókst og gott betur því hún fór yfir
2,01 og jafnaði síðan ólympíumetið,
sem Kostadinova setti nokkrum
mínútum áður, með því að fara
yfir 2,03 metra. En lengra komst
hún ekki, en var að sjálfsögðu
hæstánægð með árangurinn.
Úkraínska stúlkan Inha Ba-
bakova, sem varð í þriðja sæti, hlaut
brosnverðlaun á heimsmeistaramót-
inu í fyrra og endurtók leikinn að
þessu sinni. Silfurhafínn frá því
móti og síðustu Ólympíuleikum,
rúmenska stúlkan Alina Asrafei,
sem nú keppir fyrir Þýskaland, náði
sér ekki á strik og stökk „aðeins“
1,96 metra og varð í sjötta sæti.
HASTOKK KVENIMA
Keppni kvenna
sjaldan verið eins
jöfn og spennandi
CHIOMA Ajunwa, 25 ára gömul
stúlka frá Nígeríu, stal senunni
á frjálsíþróttavellinum á föstu-
dagskvöldið er hún sigraði í
langstökki, stökk 7,12 metra.
Ajunwa var nýkomin úr fjög-
urra ára banni vegna lyfjamis-
notkunar, keppti á tveimur
mótum áður en hún skellti sér
á Ólympíuleikana - og sigraði.
Ajunwa stökk 7,12 metra í fyrstu
tilraun og það dugði til sigurs.
„Ég hljóp eins hratt og ég gat í fyrstu
tilraun til að ná sem lengstu stökki
og setja þar með þrýsting á hinar,“
sagði Ajunwa. Heimsmeistarinn, Fi-
ona May, sem nú keppir fyrir Italíu,
varð að sætta sig við annað sætið,
Chioma Ajunwa
Nígeríu
Ólympíumeistari í langstökki kvenna.
Aldur: 25 ára.
Persónulegt met: 7,12 metrar 1996 (á ÓL).
Fyrri árangur: Afríkumeistari 1990 - Afríku-
meistari 1991 - Afríkumethafí í 100 metra hlaupi
1992.
■ Árið 1992 var Chioma Ajunwa dæmd í fjög-
urra ára keppnisbann fyrir ólöglega lyfjanotkun
og ekki er langt síðan hún hóf keppni á ný. Aj-
unwa átti sæti í landsliði Nígeríu í knattspyrnu,
sem þátt tók í heimsmeistaramótinu í Kína árið
1991. Fyrir Ólympíuleikana hafði hún aldrei náð
að stökkva yfir sjö metra í langstökkinu.
en hún stökk tíu sentimetrum styttra
en Ajunwa. Jackie Joyner-Kersee,
fyrrum ólympíumeistari, varð í þriðja
sæti, stökk sjö metra slétta og voru
þetta sjöttu verðlaunin sem hún vinn-
ur til á Ólympíuleikum. „Það var
erfiðast að krækja í þennan,“ sagði
Joyner-Kersee eftir keppnina og
bætti við að hún væri mjög ánægð
með að hafa fengið bronsið á sínum
síðustu Ólympíuleikum.
Fæstir bjuggust við því fyrirfram
að Ajunwa myndi standa á hæsta
palli við verðlaunaafhendinguna, því
það eru aðeins tæpir tveir mánuðir
síðan hún lauk við að taka út refs-
ingu sína vegna lyfjamisnotkunar.
Með sigrinum færði Ajunwa Nígeríu
sín fyrstu gullverðlaun í sögunni, og
mátti ekki tæpara standa því knatt-
spyrnumenn Nígeríu unnu gullverð-
laun skömmu síðar.
Ajunwa hafði sérstaklega gaman
LANGSTOKK KVEIMIMA
„Ég átti alls ekki
von á að sigra,“
sagði Ajunwa
af því að knatt-
spymuliðið skyldi
sigra því hún er
fyrrum landsliðs-
kona í knatt-
spyrnu. Hún æfði
lítið sem ekkert
fyrstu árin á með-
an hún var í banni
en hóf síðan að æfa spretthlaup, og átti um tíma Afríkumet
í 100 m hlaupi, en snéri sér fyrir skömmu að langstökki.
„Ég var dálítið langt niðri fyrst eftir að ég var sett í bann
og æfði ekkert en einbeitti mér síðan að 100 metra hlaupi,
en ákvað skömmu fyrir leikana að keppa í langstökki. Ég
átti alls ekki von á að sigra,“ sagði Ajunwa.
Margir telja að fjögurra ára keppnisbann sé „dauðadóm-
ur“ yfir íþróttamanni því mjög erfitt sé að komast í fremstu
röð eftir að hafa verið frá keppni í fjögur ár. Ajunwa
virðist ekki hafa vitað um þetta álit margra og varðandi
bannið sagðist hún ekki hafa vitað að verið væri að gefa
henni eitthvað ólöglegt. „Við vorum í æfingabúðum og
ég varð mjög veik og fékk lyf, ég vissi ekki að þau væru
ólögleg," sagði Ajunwa.