Morgunblaðið - 08.08.1996, Blaðsíða 40
40 FIMMTUDAGUR 8. ÁGÚST 1996
MORGUNBLAÐIÐ
Dýraglens
Tommi og Jenni
Ferdinand
Sæll, Sámur ... hvernlg Mér líður vel í dag ...
er lífið í skotgröfunum? kokkurinn gaf mér
nokkrar auka pönnukök-
ur...
BREF
TEL BLAÐSINS
Kringlan 1103 Reykjavík • Sími 569 1100 • Símbréf 5691329
• Netfang: lauga@mbl.is
Morgunblaðið/Sverrir Vilhelmsson
URTAN í Húsdýragarðinum hafnaði kópnum sínum. Honum var
ekki hugað líf um tíma, en er nú orðinn sprækur og hefur hlot-
ið nafnið Snerra.
Ekkí kópsvanda-
mál heldur
mannavandamál
Frá Magnúsi H. Skarphéðinssyni:
ENGUM heilvita manni virðist hafa
dottið það snjallræði í hug að kóps-
vandamálið í Húsdýragarðinum
stafi af fangelsun dýranna óravegu
frá eðlilegum heimkynnum þeirra.
Ekki nokkrum. Ekki einu sinni við-
fangsefnalausa dagskrárgerðar-
stóðinu í öllu landinu. Og er þá
mikið sagt. En lengi skal liðið reyna.
Auðvitað var og er ekkert að
vesalings selsmóðurinni né kópnum
hennar nýfædda í Húsdýragarðin-
um. Því auðvitað eru það aðstæð-
urnar og ekkert nema aðstæðurnar
sem gerðu móðurina afhuga af-
kvæmi sínu. Eða hvers vegna halda
menn til dæmis að háhyrningar lifi
aðeins 8 til 16 ár að meðaltali í
dýragörðum á sama tíma og þeir
verða 60 til 80 ára gamlir úti í
náttúrunni? Og í þeim dýragörðum
eru þó margfalt betri aðstæður fyr-
ir þá en íslenski Húsdýragarðurinn
hefur og mun nokkurn tímann geta
boðið upp á fyrir sína óhamingju-
sömu fanga? Spyr sá sem ekki veit.
Sama sagan
Það er sama sagan alls staðar í
veröldinni þar sem dýr eru höfð í
fangelsum. Alls staðar sýna þau
af sér afbrigðilega hegðun í ýmsu
formi. Annaðhvort að þau vanræki
afkvæmi sín, eða hreinlega verði
þeim algerlega afhuga strax við
fæðingu. Og ófá eru dæmin um dýr
sem þurfti að aflífa eftir að þau
voru orðin svo illa geðveik eftir
ýmist langa eða stutta fangelsun
af þessum toga að ekki þótti annað
ráðlegt. Stundum voru þau reyndar
orðin svo mikið geðveik að hættu-
legt var að vera nærri þeim. Þekkt
eru líka dæmin úr dýragörðum er-
lendis þar sem „greindari“ dýr en
önnur eru fangelsuð og höfð til
sýnis fyrir mannfólkið á sunnudög-
um, að þau svelti sig til ólífis. Ófá
slík dæmi eru til af hvölum í vatns-
búrum. Skiptir þá engu máli þótt
allt sé nánast á floti af mat í kring-
um þá til að reyna að bjarga þeim.
Allt kemur fyrir ekki þegar þeir
virðast hafa ákveðið að farga sér
burt úr þessum heimi. Þeir vilja í
slíkum tilvikum ekki fyrir nokkurn
mun gista þennan óvelkomna stað
lengur.
Heimsmet
Það lætur nærri að uppundir
helmingur allra veiddra háhyrninga
hér við land, sem seldir hafa verið
þrælasali af fræðslustjóranum í
Hafnarfirði Helga Jónssyni undan-
farna áratugi, hafi svelt sig til bana
á unglings- eða táningsárum sínum
í hinum aðskiljanlegustu sædýra-
görðum erlendis. Þess ber að geta
í þessu sambandi að góðmennið á
fræðsluskrifstofunni hefur verið
forsvarsmaður þrælasölufyrirtæk-
isins Fauna sem hefur þann ein-
staka heiður að hafa komið flestum
háhymingum í veröldinni í manna-
fangelsi til að sýnast á hátíðis- og
tyllidögum okkar mannanna. Því
þessi iðnaður gaf og gefur vel í
aðra hönd. í þessu eigum við íslend-
ingar heimsmet eins og öðru. Og
ekki bara heimsmet miðað við
hausatölu, heldur Heimsmetið með
stórum staf og greinir.
Skepnuskapur
Og auðvitað nær það engri átt
að hugsandi fólk láti svona skepnu-
skap óátalinn. Eða hvað fyndist þér
lesandi góður um það að verða nú
„veiddur" með klækjabrögðum af
einhverri annarri dýrategundinni,
þér algerlegea að óvörum, og farið
með þig til apaheima eða tii ein-
hvers annars enn verri staðar, og
hafður þar til sýnis í búri það sem
eftir væri stuttrar en ömurlegrar
ævi þinnar þar eftir það? Ég er
ansi hræddur um að allir nema
fræðslustjórinn í Hafnarfirði og for-
stöðumaður Húsdýragarðsins í
Reykjavík myndu svara því að það
vildu þeir ekki. En ég geri samt
fastlega ráð fyrir því að þeir tví-
menningarnir væru að skrökva til
þess eins að halda andlitinu svo að
krumpað siðferði þeirra hrynji ekki
alveg til grunna í allra augsýn.
MAGNÚS H. SKARPHÉÐINSSON,
félagi í Hvalavinafélagi íslands.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.