Morgunblaðið - 08.08.1996, Side 3
MORGUNBLAÐIÐ
VIÐSKIPTI
FIMMTUDAGUR 8. ÁGÚST 1996 B 3
Ólafur Jóhann fjárfestir í bandarískum fyrirtækjum
Munu starfa á sviði gagn-
virkrar margmiðlunar
ÓLAFUR Jóhann Ólafsson, fyrr-
verandi forstjóri hjá Sony í
Bandarikjunum hefur fjárfest í
fjórum fyrirtækjum þar vestra.
Ólafur Jóhann sagðist í sam-
tali við Morgunblaðið i gær hafa
fengið tilboð um stjórnunarstöð-
ur hjá stórfyrirtækjum í Banda-
ríkjunum eftir að hann hætti hjá
Sony í janúar síðastliðnum. Hann
hefði þó hafnað öllum slíkum til-
boðum en kosið að hefja við-
skipti upp á eigin spýtur. „Und-
anfarna mánuði hef ég ásamt
nokkrum samstarfsaðilum keypt
meirihluta í fjórum álitlegum
fyrirtækjum í Bandaríkjunum.
Ekkert þeirra hefur verið á
hlutabréfamarkaði en öll eru þau
í örum vexti. Ég
fjárfesti í þess-
um fyrirtækj-
um til þess að
hafa áhrif í
þeim og mun ég
veita einhverj-
um þeirra
sljórnarfor-
mennsku. Fyr-
irtækin hafa
ekki tengst fyrr
en nú en leitast
verður við að sameina krafta
þeirra með einum eða öðrum
hætti.“
Ólafur Jóhann vill að svo
stöddu ekki gefa upp nöfn fyrir-
tækjanna en segir að þau hafi
Ólafur Jóhann
Ólafsson
starfað á ólíkum sviðum fram til
þessa. Hið stærsta starfi á sviði
fjármálaumsýslu, annað á sviði
alnetsins og sérhæfi sig í að setja
upp net innan fyrirtækja (innra-
net), hið þriðja annist nýstárlega
dreifingu á skemmti- og fræðslu-
efni fyrir almenning en hið fjórða
sé i framleiðslu á hugbúnaði fyr-
ir tölvur. „Með kaupunum er
ætlunin að spyrða saman fram-
leiðslu, dreifingu og sölu á gagn-
virkri margmiðlun. Búið er að
ganga frá kaupunum en enn er
eftir að ganga endanlega frá
samningagerðinni og fyrr get ég
ekki upplýst hvaða fyrirtæki eða
samstarfsaðila um er að ræða,
sagði Ólafur Jóhann."
Hlutafjárútboð
í Snæfellingi
HLUTAFJÁRÚTBOÐ að nafnvirði
75 milljónir króna í sjávarútvegsfyr-
irtækinu Snæfellingi hf. hófst i gær.
Hluthafar hafa forkaupsrétt að bréf-
unum eða geta framselt forkaups-
réttinn fram til 28. ágúst, en frá
30. ágúst til 31. desember verða
óseld bréf boðin á almennum mark-
aði. Gengi bréfanna verður 1,40 á
forkaupsréttartímabilinu, en getur
breyst eftir að almenn sala hefst,
verði breytingar á markaðsaðstæð-
um. Söluandvirði útboðsins er því
a.m.k 105 milljónir.
Snæfellingur starfrækir eitt
frystihús í Ólafsvík og auk þess
gerir fyrirtækið út tvo togara. Meg-
instarfsemi fyrirtækisins er rækju-
vinnsla og markmiðið með hlutabréf-
aútgáfunni er að styrkja veltuíjár-
stöðu félagsins og byggja upp rækju-
vinnslu þess, segir í útboðslýsingu.
Á árinu 1995 nam tap af rekstri
félagsins 6,7 milljónum króna og
eigið fé nam 272 milljónum í árslok
1995.
Hlutafé Snæfellings fyrir útboðið
nam rúmum 236 milljónum króna
að nafnvirði og skiptist það niður á
38 hluthafa. Átta stærstu hluthaf-
amir eiga rúmlega 95% hlutafjárins
en þeir eru; Bæjarsjóður Snæfells-
bæjar með 37% hlut, KEA með 31%
hlut, Steinunn hf. með 5,85%,
Burðarás hf. 5,36%, Útgerðarfélag
Dalvíkinga með 4,6%, Olíufélagið
með 3,98%, VÍS með 3,83% og Ut-
gerðarfélag samvinnumanna með
3,83% hlut.
Landsbréf hafa umsjón með út-
boði en hlutabréf Snæfellings eru
skráð á Opna tilboðsmarkaðnum.
Hækkun á rekstrar-
gjöldum Eimskips
Aukinn
kostnaður
vegna
breytinga
17% HÆKKUN rekstrargjalda Eim-
skips fyrstu sex mánuði ársins skýr-
ist aðallega af auknu flutningsmagni
og viðbótarkostnaði vegna breytinga
á siglingakerfi félagsins. Reiknað
er með að rekstrargjöld sem hlutfall
af heildartekjum lækki aftur að
breytingum loknum að sögn Þórðar
Magnússonar, framkvæmdastjóra
fjármálasviðs Eimskips.
Rekstrartekjur Eimskips jukust
um 12% fyrstu sex mánuði þessa
árs miðað við sama tímabil í fyrra,
fóru úr 4.827 milljónum króna í
5.419 milljónir. Rekstrargjöld jukust
hins vegar um 17%, hækkuðu úr
4.423 milljónum króna í 5.175 millj-
ónir. Eiginleg rekstrarafkoma nam
404 milljónum króna tímabilið jan-
úar-júní í fyrra en 244 milljónum
nú og munar þar 160 milljónum.
„Á þessu ári hafa staðið yfir viða-
miklar breytingar á siglingakerfi
Eimskips. Meðal annars hefur þjón-
usta verið aukin, ný skip hafa bæst
í flotann og öðrum skipt út og það
hefur viðbótarkostnað í för með sér,“
segir Þórður.
Hann segir að umræddum kerfis-
breytingum sé nú að ljúka og hafi
þær í alla staði gengið vel fyrir sig.
„Þegar ráðist er í svo viðamiklar
breytingar þarf eðlilega að kosta
nokkru til svo þær gangi vel. M.a.
þarf að þjálfa starfsfólk, upplýsa við-
skiptavini og veita ýmsa aðra viðbót-
arþjónustu meðan á breytingum
stendur. Nú er þessum breytingum
að mestu lokið,“ segir Þórður.
-----» ♦ »—--
Fleiri án
atvinnu
vestra
Washington. Reuter.
ATVINNULEYSI í Bandaríkjunum
jókst lítið eitt í júlí samkvæmt opin-
berum tölum, í 5,4% úr 5,3% í júní.
Tölurnar drógu úr ugg um vaxta-
hækkun og þenslu. Hlutabréf
hækkuðu í verði í Wall Street og
verð bandarískra skuldabréfa hefur
ekki verið hærra í ij'óra mánuði.
Nýtly þér
fjöibreyttari möguleika
, viö skráningu í
Islensk fyrirtæki!
C27.|
Útgáfan íslensk fyrirtæki hefur tekið stakkaskiptum. í stað einnar
bókar verða bækurnar tvær: Fyrirtækjaskrá og Vöru- og þjón-
ustuskrá. Fyrirtæki verða einnig sýnileg á alnetinu auk þess sem
skrárnar fást á handhægu forriti.
Upplýsingar verða ítarlegri, framsetning þeirra skýrari, bækurnar
auðveldari í notkun og heildarsvipurinn betri. Allt þetta mun
skerpa þá sérstöðu sem íslensk fyrirtæki hafa haft sem upplýs-
ingamiðill á fyrirtækjamarkaðnum í 27 ár.
Fyrirtækjaskrá: ítarlegri upplýsingar, öll fyrirtæki
Fjöldi fyrirtækja stóreykst og mun skráin innihalda liðlega 18.000
fyrirtæki. Grunnupplýsingar verða ítarlegri þannig að auk nafns,
heimilsfangs, póstnúmers, kennitölu og simanúmers, bætast við
upplýsingar um faxnúmer, starfsmannafjölda og stofnár.
Vöru- og þjónustuskrá: Meiri sýnileikí
Þessi bók er hönnuð með þá í huga sem eru að leita að vöru
eða þjónustu. Fyrirtækjum gefst kostur á fjölbreyttum sýnileika
og er skráin því kjörinn vettvangur til að vekja athygli á því sem
þau eru að bjóða.
Alnet og forrit: Aukinn sýnileiki upplýsinga
Allar upplýsingar verður hægt að nálgast á alnetinu og auk þess
býðst forrit fyrir Windows umhverfi sem inniheldur allar upplýs-
ingar og sem fyrirtæki geta notað t.d. við leit að markhópum.
ítarlegt efnisyfirlit: Þrjú tungumál
Allir flokkar í Vöru- og þjónustuskrá verða á þremur tungumálum
auk íslensku og þjónar það vel þeim sem stunda útflutning.
Vertu með í íslenskum fyrirtækjum!
Nánari upplýsingar fást hjá Fróöa,
útgefanda bókanna, í síma 515 5631
milll kl. 9:00 og 17:00.
tslænsk:
TpWEdKlÆKI
á
FRÓDI