Morgunblaðið - 09.08.1996, Blaðsíða 40
40 FÖSTUDAGUR 9. ÁGÚST 1996
MORGUNBLAÐIÐ
7 u&e/Mee>
i HL4UP/NU
l D4G?
LlSTEM to
jms, SPIKE.y
"TROOPSMIP 'LEVIATMAN'
DOCKS AT BRE5T...
10,000 ABOARD..
4,000 HAVE THE FLU"
S-----------"
''é5,000 SOLDIERS AT
CAMPPONTANEAEN
HAVE THE FLU"
„Hlustaðu á þetta „Herskipið Leviathan ligg- „65.000 hermenn í her- „Nefið á mér er heitt.“
Sámur.“ ur við bryggju í Brest. búðunum í Pontaneaen
10.000 eru um borð, 4.000 eru með flensuna."
eru með flensu.“
BREF
TEL BLAÐSEMS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
HLJÓMSKÁLINN var byggður 1921-1922
og verður því 75 ára á næsta ári.
Minnismerkið
Frá Guðmundi Norðdahl:
MINNISMERKI eru margskonar
og gegna ýmsum hlutverkum.
Minna okkur á liðna tíð og jafnvel
hvetja menn til dáða. Oft eru reist
minnismerki um einstaka menn, svo
sem Jón Sigurðsson, Jónas Hall-
grímsson eða „landnema" eins og
Ingólf Arnarson, Hjörleif o.fl. Sér-
kennilegir staðir, jafnvel fjöll og
lundir verða að minnismerkjum, svo
sem Bólu-Hjálmarslundur. Fjöll
eins og Helgafell vestra eða Esjan
blessuð og fleiri slíkir staðir eru
orðin að helgum stöðum í huga
fjöldans.
Viss hús geta orðið að dýrustu
minnismerkjum. Þá skiptir oft
mestu máli það sem fram fer eða
hefur farið fram í þessum húsum -
vegur þyngst, gefur húsunum mest
gildi - frekar en útlit eða bygging-
arstíll. I Menntaskólanum í Reykja-
vík sagði Jón Sigurðsson: „Vér
mótmælum allir.“ Ferðafrömuðir
gætu sagt við „túristana": „Þetta
hús er elsta kvikmyndasýningarhús
í heimi!“ - ef það hefði ekki verið
rifið af skammsýnum mönnum.
Það leynir sér ekki að stein-
hrúgu, sem komið hefur verið upp
við Hveradali, er ætlað að vera
bæði minnismerki um hörmulegt
slys og áminning um að aka var-
lega. Þetta er áhrifamikið minnis-
merki.
Reistur á öskuhaugum
Ég ætla með greinarstúf þessum
að minna á eitt eftirtektarverðasta
minnismerki Reykjavíkur. Fólk er
orðið svo vant að ganga fram hjá
því eða horfa á það úr fjarska þar
sem það blasir við niðri við Reykja-
víkurtjöm, að flestir mundu
hrökkva við og stara ef „það“ hyrfi
skyndilega. Þetta er dýra minnis-
merkið Hljómskálinn, sem Hljóm-
skálagarðurinn er kenndur við.
Hljómskálinn var reistur á ösku-
haugum Reykjavíkur árin 1921-
1922. Hann var byggður af framsýn-
um og fórnfúsum „músíköntum!“,
bæjarkassanum að kostnaðarlausu.
Húsið er þinglesin eign Lúðrasveitar
Reykjavíkur, en lóðarlaus!!
Alla tíð hefur Hljómskálinn þjón-
að listagyðjunni, t.d. var Lúðrasveit
Reykjavíkur stofnuð þar með sam-
runa tveggja eldri hljómsveita. Tón-
listarskólinn í Reykjavík var stofn-
aður þar árið 1930 og var þar til
húsa fram yfir seinna stríð. Hljóm-
sveit Reykjavíkur = Sinfóníuhljóm-
sveit íslands var stofnuð þar. Skóla-
hljómsveit Reykjavíkur, Samband
ísl. lúðrasveita o.fl. o.fl. Söng-
kennsla, allskonar minni hópar,
bæði blásturs-, strengja- og dans-
hljómsveitir, hafa fengið inni í þessu
húsi að ótöldum einstaklingum, sem
æft hafa þar af kappi.
Vissulega er þetta heilagt hús.
Minnismerki um þróun tónlistar 20.
aldarinnar. Skálinn hefur alla sína
tíð verið í notkun, það er 74 ár.
Næsta ár er 75 ára afmæli Hljóm-
skálans og Lúðrasveitar Reykjavík-
ur.
Tónlist á 21. öld
Þegar Hljómskálinn var byggður
voru Reykvíkingar 17.224 (sautján
þúsund tvö hundruð tuttugu og fjór-
ir) samkvæmt manntali. En þorpið
hefur stækkað í borg! íslendingar
byggja stórhýsi, sem seinna eiga
að fyllast af starfsemi. En það að
byggja yfir starfsemi, sem er fyrir
hendi, er meira virði.
Lengi hefur verið þörf en nú
er nauðsyn. Ekki er hægt að ætl-
ast til, að áhugafólkið, sem fórnar
oft atvinnu og ómældum tíma,
standi undir slíkum framkvæmd-
um. Tímarnir hafa breyst. Hinir
sameiginlegu sjóðir ríkis og bæja
verða að koma til móts við áhuga-
hópana. Ég er að tala um grund-
völlinn. Húsnæði, sem þjónar
þeirri starfsemi, sem er til staðar
í borginni: stórum kórum, þrem
lúðrasveitum og kennslu ýmiss
konar. Sem sagt nútímalega að-
stöðu fyrir eðlilega þróun tónlist-
ariðkunar á 21. öld.
Nýr stór hljómskáli, rúmgóður
fyrir stærri kóra og hljómsveitir,
er nauðsyn. Starfsemin er fyrir
hendi en húsnæði vantar.
GUÐMUNDUR NORÐDAHL,
Asparfelli 4, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
tii birtingar teljast samþykkja þetta, ef ekki fylgir fyrirvari hér að lútandi.