Morgunblaðið - 15.08.1996, Page 1

1996 M FIMMTUDAGUR 15. ÁGÚST BLAÐ ftS

Reuter
Met í fyrstu
tilraun
RÚSSNESKA stúlkan Svetlana Ma-
sterkova setti heimsmet í míluhlaupi
á móti í Zúrich í gærkvöldi. Ma-
sterkova komst í sviðsljósið á Ólymp-
íuleikunum í Atlanta á dögunum er
hún sigraði bæði í 800 og 1.500
metra hlaupi, og methlaup hennar í
gærkvöldi er enn merkilegra en eila
vegna þess að þetta var í fyrsta skipti
sem hún keppir í míluhlaupi!
Einnig bar til tíðinda á þessu frá-
bæra móti í Zúrich að Ólympíumeist-
arinn í 110 m grindahlaupi, Allen
Johnson, varð að játa sig sigraðan
og einvígi heimsmethafans í 5.000
metra hlaupi, Haile Gebreselassies
og Kenýabúans unga, Daniel Komen,
var frábært. Komen sigraði á öðrum
-besta tíma sögunnar.
Á myndinni að ofan er Frank Fred-
ericks (t.h.) sem sigraði í 200 m
hlaupi og Jeff Williams, sem varð
annar.
■ Mótið / B8
Jón Arnar með
íTalence
JÓN Arnar Magnússon hefur ákveðið að taka
boði um að keppa á árlegu tugþrautarmóti í
Talence í Frakklandi um miðjan september. Um
er að ræða mót sem yfirleitt er það sterkasta á
ári hverju og öllum bestu tugþrautarmönnum
heims boðið að vera með.
Á sama tíma og mótið fer fram í Talence
verður I fyrsta skipti haldið sterkt tugþrautar-
mót i Kaliforaíu í Bandaríkjunum, sem heima-
menn ætla greinilega að setja til höfuð mótinu
í Frakklandi því það er sett á sömu helgi. Jóni
Arnari hefur einnig borist bréf, þar sem honum
er boðin þátttaka þar, en þar er reyndar tekið
fram að einungis verði þrír til fimm erlendir
keppendurmeð.
Höfðaborg sæk-
ir um Ólympíu-
leikana 2004
HÖFÐABORG í Suður-Afríku hefur sótt um að
halda Ólyrnpíuleikana árið 2004, en leikarnir
hafa aldrei verið haldnir í Afríku og te(ja menn
að það muni vera sterk rök skipuleggjenda f
Höfðaborg.
Eftir að Höfðaborg sótti formlega um í gær
eru borgimar orðnar tíu sem sækjast eftir að
halda leikana árið 2004. Auk borgarinnar í Suð-
ur-Afríku eru það Buenos Aires í Argentínu,
Istanbul í Tyrklandi, Rio de Janeiro í Brasilíu,
Róm á Ítalíu, San Juan, Sevilla á Spáni, Stokk-
hólmur í Sviþjóð og Pétursborg í Rússlandi.
Nefnd á vegum Alþjóða ólympíunefndarinnar
mun ve(ja fjórar eða fimm borgir sem hugsanleg-
an mótsstað í mars eða apríi á næsta ári og síð-
an verður tilkynnt í september hvar leikarnir
verða haldnir árið 2004.
Baker og
Vallejo til IR
KÖRFUKNATTLEIKSDEILD ÍR hefur fengið
til liðs við sig fyrir komandi keppnistimabil
bandaríska framherjann Tito Baker og kana-
díska þjálfarann Antonio James Vallejo.
Baker, sem er 23 ára gamall og 194 cm á
hæð, Iék áður með Faulkner-háskólanum í
Bandaríkjtinum og þykir hann mjög öflugur leik-
maður. „Þessi strákur er mjög sterkur undir
körfunni og tekur jafnan mikið af fráköstum.
Hann fiskar einnig mikið af vítum og nýtir þau
vel og ætti hann því að verða okkur mikill styrk-
ur í vetur,“ sagði Jóhannes Sveinsson, forsvars-
maður meistaraflokks ÍR, í samtali við Morgun-
blaðið.
Vallejo hefur á undanföraum árum þjálfað
háskólalið í Toronto auk þess sem hann hefur
verið leiðbeinandi í sumaræfíngabúðum NBA-liðs-
ins Toronto Raptors, en hann mun sjá um þjálfun
meistaraflokks ÍR í vetur og einnig hafa yfirum-
sjón með allri þjálfun yngri flokka félagsins.
„Nýjar víddir með þeim yngri“
„ÉG var óánægður með fyrri part
leiksins því við ætluðum að hefja
hann af miklum krafti og menn
voru ákafir í pressa og misstu við
það sjónar af boltanum og því
þurfti lítið til að þeir kæmust í
gegnum okkur," sagði Logi Ólafs-
son landsþjálfari eftir 2:1 sigur á
Möltu í vináttulandsleik á Laugar-
dalsvelli í gærkvöldi.
„Síðan náðum við að setja undir
lekann og ná betri tökum á leiknum
um tíma en þegar líða tók á fyrri
hálfleikinn misstum við tökin á ný
og með það er ég óánægður. Eftir
að við vorum búnir að skora slökuð-
um við á og það gengur ekki í al-
þjóðlegri knattspyrnu. Síðari hálf-
leikur tókst betur. Hann var
skemmtilegur með íjölda mark-
tækifæra."
Logi sagði að þegar hann lítur á
leikinn í heild þá sé hann nokkuð
ánægður með hann en ljóst sé að
ekki verði hægt að leika svona
sveifiukendan leika á alþjóðvettvangi
leik eins liði sýndi að þessu sinni.
En hvað fannst honum um
frammistöðu yngri mannana sem
komu inn á í síðari hálfleik?
„Það komu svolítið aðra víddir í
leikinn með þeim. Þeir léku bolt-
anum betur en hinir og þá varð
leikurinn skemmtilegri. En það má
ekki gleyma því heldur að við vor-
um búnir að ná góðum tökum á
leiknum þegar þeir komu inná. Oft
er það líka þannig þegar annað lið-
ið er fyrirfram betra en hitt að þá
er ekki fyrr en líða tekur á sem
hlutirnir fara að gerast fyrir al-
vöru.“
Sýnir þessi frammistaða drengj-
anna að kynsióðaskipti séu á næstu
grösum?
„Ja, nýliðinn í leiknum Heimir
Guðjónsson er nú orðinn það gam-
all að hann getur ekki talist af
yngri kynlsóðinni. Það er fullt af
yngri strákum að koma upp í liðið
og þeir geta tekið við af þeim yngri
en við verðum að passa okkur á
því að skipta ekki of ört og halda
þessari hæfilegu blöndu sem við
erum að leita að.“
Fannst þér liðið ná þeim mark-
miðum sem þú settir því fyrir leik-
inn?
„Ég held að sú leikaðferð sem
við vorum að beita hafi tekist lengst
af. Um tíma voru menn kannski
full ákafir aftast en við náðum að
laga það. En við verðum líka að líta
til þess að við erum með Hlyn í
fyrsta skipti í langan tíma, Her-
mann er einnig nýliði, Lárus Orri
er að leika í fyrsta skipti í miðju
varnarinnar. I sókninni ætluðum við
að virkja bakverðina í sóknina og
við erum með Heimri og Sigurð
aftast á miðjunni sem eru ekki mik-
ið að fara fram og Rúnar og Hlyn-
ur skiluðu sínu. Þá vantaði menn
eins og Guðna Bergsson, Þórð Guð-
jónsson, Eiða Smára og Arnar
Gunnlaugsson þannig að ljóst er að
við eigum fullt af góðum leikmönn-
um fyrir utan þá sem léku í kvöld.“
■ Leikurinn / B4
KNATTSPYRNA: DEILDARKEPPNIN AÐ HEFJAST í ENGLANDIOG ÞÝSKALANDI / B2