Morgunblaðið - 17.08.1996, Page 6

6 LAUGARDAGUR IV. ÁGÚST 1996
FRETTIR
MORGUNBLAÐIÐ
Almannagjá lokað um tíma í vikunni vegna töku auglýsingamyndar
Ótækt eða
eðlilegt?
Er eðlilegt að nota Almannagjá til auglýs-
ingagerðar? Um þetta eru skiptar skoðanir
eins og Helgi Þorsteinsson komst að í gær
er hann ræddi lokun gjárinnar við leiðsögu-
mann, alþingismenn, framkvæmdastjóra
auglýsingastofu, kvikmyndaframleiðanda og
framkvæmdastjóra N áttúruvemdarráðs.
Morgunblaðið/Halldór
HORFT niður Almannagjá í átt að kvikmyndagerðarmönnum.
í VIKUNNI var Almannagjá lokað
í 1 'A dag vegna töku auglýsinga-
kvikmyndar og segir Þórarna Jón-
asdóttir, formaður Félags leiðsögu-
manna, það ótækt að Almannagjá
hafi verið lokað á miklum ferða-
mannatíma.
„Flestar hópferðir eru skipulagð-
ar með margra mánaða fyrirvara
og tíminn í ferðunum naumt
skammtaður, þannig að jafnvel þó
að við séum látin vita af lokunum
einhverjum dögum áður getur þetta
valdið leiðsögumönnum vandræð-
um. Það er sagt að þetta verkefni
skilji eftir miklar gjaldeyristekjur,
en ég minni á að gjaldeyristekjur
af ferðamönnum eru þær næst-
hæstu á eftir fiskútflutningnum.
Við getum ekki átt á hættu að
ferðamenn fái ekki það sem þeir
eru búnir að kaupa.“
Þórarna telur einnig að varasamt
sé að nota Þingvelli til auglýsinga-
gerðar. „Að vísu er sagt að Þingvell-
ir þekkist ekki í þessari auglýsinga-
mynd, en þetta skapar fordæmi sem
við ættum að vera hugsandi yfir.
Auðvitað er í lagi að nota Þingvelli
í landkynningarskyni og þá er lögð
áhersla á sögu staðarins og sér-
staka jarðfræði en það er annað
mál þegar verið er að auglýsa ein-
hveijar vörur.“
Engar takmarkanir erlendis
Olafur Ingi Olafsson er annar
framkvæmdastjóri íslensku auglýs-
ingastofunnar, fyrrverandi formað-
ur samtaka norrænna auglýsinga-
stofa 0g var stjórnarmaður í Evr-
ópusamtökum auglýsingastofa.
Hann segist ekki kannast við að
neinar takmarkanir séu á notkun
ákveðinna staða í auglýsingaskyni
erlendis.
„Eg hef bæði persónulega og
faglega skoðun á málinu. Annars
vegar finnst mér Þingvellir vera
helg vé og vafasamt að nota staðinn
í þessum tilgangi. Sama er að segja
til dæmis um Bessastaði. Hins veg-
ar finnst mér mikilvægt að við fáum
svona auglýsingaverkefni á alþjóð-
legum markaði. Forsvarsmenn
Saga fílm segja að það hafi verið
lykilatriði í því að þeir fengju verk-
efnið að taka mætti á Þingvöllum
og því trúi ég vel. Mér fínnst samt
að hugsanlega hefði mátt finna
annan stað þar sem aðstæður eru
svipaðar, sérstaklega úr því Þing-
vellir eiga hvort eð er ekki að þekkj-
ast í myndinni."
Bláar og gular úlpur á
tökustað
Snorri Þórisson, formaður Sam-
bands íslenskra kvikmyndafram-
leiðenda, segir ekkert athugavert
við gerð auglýsinga á Þingvöllum.
„Ef vel er gengið um finnst mér
að það eigi að vera hægt að mynda
nokkuð fijálst. Mér finnst engu
máli skipta hvort Þingvellir þekkist
í mynd eða ekki. Þeir eru ófáir stað-
irnir í heiminum sem notaðir hafa
verið í bílaauglýsingum og ég veit
ekki betur en að það hafi verið at-
hugasemdalaust.“
Eins og fram kom í blaðinu í gær
greiddu kvikmyndagerðamenn í
Almannagjá 350 þúsund til gerðar
örnefnakorts af Þingvöllum. Snorri
segir slíkar greiðslur óeðlilegar.
„Þetta tíðkast sums staðar, til dæm-
is í Bandaríkjunum, en þá er það
vegna notkunar á landi í einkaeigu
og mér finnst engin þörf á að við
tökum alla ósiði upp eftir útlending-
um. Ferðamenn þurfa ekki að
greiða neitt fyrir að fara um landið
og því ætti að borga fyrir að það
sé notað í mynd? Það ætti að duga
að leggja inn tryggingu ef hætta
er á einhveijum náttúruskemmdum
vegna kvikmyndatöku.
Ég hef það sjálfur fýrir reglu að
tala alltaf við landeigendur fyrir
kvikmyndatöku og eins ræði ég við
Náttúruverndarráð, hvort sem svæð-
ið heyrir sérstaklega undir þá eða
ekki. Lokunin á Almannagjá fínnst
mér ekkert stórmál. Það er alltaf
verið að loka einhveijum stöðum
vegna framkvæmda eða viðgerða.
Ef 150 ferðamenn í gulum og bláum
úlpum eru að flækjast um tökustað
er lítil von um vinnufrið."
Reglur vantar
Geir Haarde alþingismaður bendir
á að oft hafi verið kvikmyndað á
Þingvöllum áður. „Þar hafa verið
reistir húsgaflar og fleiri mannvirki
vegna kvikmyndatöku. Ég hef ekk-
ert við þetta að athuga meðan vel
er gengið um, og mér sýnist Þing-
vallanefnd hafa staðið vel að öllu
nú. Sennilega er þó þörf á að móta
einhveijar almennar reglur og um-
gjörð um þetta.
Margrét Frímannsdóttir, þing-
maður og foiTnaður Alþýðubanda-
lagsins, tekur undir með Geir
Haarde að móta þurfí reglur um
kvikmyndatökur. „Mér fínnst óeðli-
legt að fjársterk fyrirtæki geti notað
Þingvelli á þennan hátt, þó það
styrki kvikmyndaiðnað á Islandi og
færi gjaldeyristekjur. Mér finnst að
um Þingvelli ættu að gilda aðrar
reglur en aðra staði. Einu tilfellin
þar sem mér finnst rétt að nota
Þingvelli í kvikmynd finnst mér vera
þegar sérstaklega er verið að fjalla
utn sögu staðarins og helgi hans.
Hvernig viljum við selja landið
Aðalheiður Jóhannsdóttir, fram-
kvæmdastjóri Náttúruverndarráðs,
segir að kvikmyndagerðarfólk gangi
nær undantekningarlaust vel um
þjóðgarða og friðlýst svæði og sæki
yfirleitt um leyfí fyrir tökum til
Náttúruverndarráðs. „Við leyfisveit-
ingar tökum við tillit til þess hver
áhrif á umhverfið verði og einnig
það hvort ferðamenn verði fyrir
truflunum. Það er sjaldgæft að við
neitum um leyfi, en við beinum kvik-
myndatökunum stundum á ákveðnar
leiðir eða tíma sem betur henta.“
Aðalheiður segir að Náttúru-
verndarráð taki aldrei greiðslur fyrir
myndatökur á svæðum í þess umsjá.
„Þegar sérstaklega þarf að kalla út
eftirlitsmann látum við kvikmynda-
fólkið borga, en ef landvörður getur
sinnt því kostar eftirlitið ekkert.
Þegar sérstök hætta er á umhverfís-
spjöllum látum við borga tryggingu
sem dugar fyrir kostnaði á hugsan-
legum lagfæringum."
„Það er önnur hlið á þessu máli,
sem að við tökum ekki afstöðu tii,
en sem mér finnst að ætti að ræða.
Það er hvernig við viljum selja land-
ið okkar og hveiju við viljum tengja
það. Viljum við til dæmis hafa Öxar-
árfoss í bakgrunni áfengisauglýsing-
ar?“
Borgarbókasafn Reykjavíkur
Fæst útlán
í desember
Sjúkrahús og Heilsugæsla Patreksfjarðar
Þjónusta skerðist ekki
ÚTLÁN úr Borgarbókasafni
Reykjavíkur árið 1995 voru fæst í
desembermánuði, rúmlega 58 þús-
und. Næstfæst útlán voru í júlí, um
65 þúsund, en flest voru útlánin í
mars, rúmlega 89 þúsund.
Alls voru útlán úr Borgarbóka-
safninu 880.082 árið 1995, að því
er fram kemur I ársskýrslu safns-
ins, og er það rúmlega 4% aukning
frá árinu áður. Útgefin bókasafns-
skírteini á árinu voru 18.373, sem
er svipaður fjöldi og árið 1994. Flest
voru útlánin úr Aðalsafninu, um
236 þúsund, en fæst úr Seljasafni,
tæplega 20 þúsund.
Bókaeign Borgarbókasafnsins
var í lok árs 1995 426.234 eintök.
BÆJARSTJÓRN Vesturbyggðar og
hreppsnefnd Tálknafjarðarhrepps
áttu fund með Ingibjörgu Pálmadótt-
ur, heilbrigðisráðherra, vegna fjár-
hagsvanda Sjúkrahúss og Heilsu-
gæslustöðvar Patreksfjarðar, í gær.
Gísli Ólafsson, bæjarstjóri Vestur-
byggðar, segir að sameiginleg niður-
staða fundarins hafi verið að þjón-
usta stofnananna yrði ekki skert en
taka þyrfti á almennum rekstrar-
vanda.
Davíð A. Gunnarsson, ráðuneytis-
stjóri í heilbrigðisráðuneytinu sagði
að haldið yrði áfram í samvinnu við
bæjarstjórnina í Vesturbyggð að
leita lausna á vanda sjúkrahússins,
í samræmi við þær tillögur sem
hefðu verið skoða
Gísli Ólafsson sagði að sér hefði
fundist fundurinn nauðsynlegur og
gagnlegur. „Viljayfírlýsing ráðherra
er í sjálfu sér ágætis niðurstaða
enda er gert ráð fyrir verulegri þjón-
ustuskerðingu í tillögum Sigfúsar
Jónssonar," sagði hann og vísaði
með því til tillagna Sigfúsar Jónsson-
ar, rekstrarráðgjafa, um breytingar
á rekstri stofnananna tveggja. Til-
lögumar voru unnar fyrir heilbrigð-
isráðuneytið og stjórn Sjúkrahúss
Patreksfjarðar og miðuðu að því að
lækka kostnað stofnananna um 12
til 13 milljónir á ári.
Stjórn sjúkrahússins hafnaði til-
lögunum og lagði nýjar tillögur fyrir
ráðuneytið. Gísli sagði að tillögurnar
gerðu ráð fyrir að ekki væri gengið
lengra í sparnaði en hægt væri mið-
að við óbreytta þjónustu. „Þeim leist
ekki illa á hugmyndirnar og fannst
þær svona í samræmi við sumt af
því sem kom fram í skýrslu Sigfús-
ar,“ sagði Gísli.
Stjórn og ráðuneyti taka við
Hann sagði að hópurinn hefði lát-
ið í ljós að ekki væri hægt að ná
fram meiri sparnaði en kæmi fram
í tillögum stjórnarinnar og um 5
milljóna króna aukafjárveiting væri
nauðsynleg. Ráðherra hefði ekki tek-
ið afstöðu til fyrirspurnarinnar.
Gísli sagði að nú tækju við viðræð-
ur milli stjórnar sjúkrahússins og
ráðuneytisins um hvernig hægt væri
að ná endum saman.
Uppselt í
stúku á
tónleika
Blur
MIÐASALA á tónleika
bresku hljómsveitarinnar
Blur sem haldnir verða í
Laugardalshöll 8. september
hefur gengið vel, að sögn
Birgis Sigfússonar í Skífunni.
Uppselt er í stúku og miða-
sölu í stæði miðar vel áfram.
Birgir segir að búast megi
við því að uppselt verði á tón-
leikana um miðja næstu viku
og að um helgina muni miða-
salan að öllum líkindum taka
kipp.
„Hinir eldri vilja tryggja
sér stúkusæti, en hinir yngri
vera í stæði,“ segir hann. „Eg
myndi halda að stærsti
hópurinn sem sæki tónleik-
ana verði á bilinu 13 til 16
ára. Þegar Damon Albarn
áritaði í Kringlunni var það
sá aldur sem sótti þangað.“
Sjóprófum
vegna Æsu
frestað
SJÓPRÓF hófust í Héraðs-
dómi Vestfjarða á fimmtudag
vegna _ kúfiskveiðiskipsins
Æsu ÍS-87, sem sökk í
Arnarfirði í lok síðasta mán-
aðar.
Að sögn Sonju Hreiðars-
dóttur, setts héraðsdómara,
komu þijú vitni fyrir réttinn
á íimmtudag. Enn er eftir að
leiða tvö vitni fyrir dómara,
eitt á ísafirði og eitt í Reykja-
vík, og var sjóprófum því
frestað. Sonja segir að málið
verði sent til framhaldsmeð-
ferðar hjá Ríkissaksóknara,
Rannsóknarnefnd sjóslysa og
Siglingamálastofnun ríkisins
þegar sjóprófum er lokið.
Tveggjabíla
árekstur í
Kömbum
ÁREKSTUR tveggja bíla
varð í Kömbunum á Suður-
landsvegi skömmu eftir há-
degi í gær. Ekki urðu slys á
fólki.
Áreksturinn varð með þeim
hætti að báðum bílunum var
ekið í sömu átt og var annar
að taka fram úr hinum. Sá
sem hægar fór lenti úti í
lausamöl og missti ökumað-
urinn stjórn á honum með
þeim afleiðingum að hann
snerist og lenti á hinum bíln-
um.
Hjálmur
bjargaði
barni
SJÖ ára gamalt barn slasað-
ist lítillega á höfði þegar það
hjólaði í veg fyrir bíl á Sel-
fossi í gær.
Óhappið varð á gatnamót-
um Engjavegar og Sigtúns
um hálftvöleytið. Lögregla
telur að hjálmur, sem barnið
var með, hafi bjargað því að
ekki fór verr.